ئەڤرۆ نیۆز، قائید میرۆ:
جێگرێ فەرماندێ میحوەرێ مەخموور تایبەت ب ئەڤرۆ نیۆز دیارکر، ب ئەگەرێ بورۆدمانا فڕۆکەیێن ھەڤپەیمانان دو ترۆمبێلێن تژی داعش ھاتنە کوشتن.

زریان شێخ وەسانی، جێگرێ فەرماندێ میحوەرێ مەخموور ب مالپەڕێ ئەڤرۆ نیۆز راگەھاند: “دەمەکی بەری نوکە فڕۆکەیێن ھەڤپەیمانان ب دژواری چەکدارێن داعش ل گوندەکێ گرێدایی میحوەرێ مەخموور بوردۆمانکرن و زیانێن زۆر گەھاندن تیرۆرستێن داعش”.
زریانی گۆتژی” د ئەنجامێ ئەڤێ بوردۆمانێ ژبلی شکاندنا حەفارەیەکا داعش، دو ترۆمبێلێن ژ جۆرێ تیوتا ھاتینە پەقاندن و تژی بووینە ژ چەکدارێن داعش و ھەموو چەکدار ھاتینە کوشتن، بەلێ ھژمارا وان ب دورستی نه‌هاتيە زانین”.

ئه‌ڤرۆ نيوز، ناجی به‌ده‌ل:

ئه‌ڤرۆ چه‌كدارێن داعش دوورپێچا باژێركێ تل ته‌مر دایه‌ ل رۆژئاڤایێ كوردستانێ و شه‌ره‌كێ گران د ناڤبه‌را شه‌رڤانان و داعش دایه‌ ل وێ ده‌ڤه‌رێ و ژ ئه‌گرێ بوردومانكرنه‌كا دژوار دو وه‌لاتی بریندار بووینه‌ و خه‌لكێ ئه‌وی باژێری ئاواره‌ی ده‌ڤه‌را سه‌ره‌كانیی و دربه‌ سپیێ بووینه‌.

ل گوری ژێده‌رێن ل ده‌ڤه‌رێ رادگه‌هینن ل رۆژئاڤایێ كوردستانێ و ل باژارۆكێ تل ته‌مر شه‌ره‌كێ گران د ناڤبه‌را شه‌رڤانێن كورد و چه‌كدارێن داعش ده‌ست پێكریه‌ و ئه‌و ده‌ڤه‌ر هاتینه‌ دوورپێچكرن ژ لایێ داعش ڤه‌.

ژێده‌رێن ده‌نگوياسان ژى دده‌نه‌ زانين كو هه‌كه‌ هاریكاری و پشته‌ڤانی ب له‌ز نه‌گه‌هنه‌ شه‌رڤانان دێ كه‌ڤته‌ د ده‌ستێ داعش دا و پاشی مه‌ترسى دێ ل سه‌ر سه‌ره‌كانیی و دربه‌ سپیێ ژى دروست بيت.