ئەڤرۆ نیۆز، سالار دۆسکی:
د.بێوار خسنی، شیرەتکارێ وەزارەتا سامانێن سرۆشتی ل حوکمەتا ھەرێما کوردستانێ بۆ مالپەرێ ئەڤرۆ نیۆز ئاشکراکر کو لدووڤ پلانا وەزارەتا سامانێن سرۆشتی کو ھەتا ھەیڤەکا دی دێ بەرھەم ئینانا پەترۆلێ ل کوردستانێ رۆژانە گەھیتە ٥٠٠ بەرمیلان د رۆژەکێ دا، ھەکە کاودان بڤی رەنگی ل گەل کۆمپانیان برێڤەبچن، ھەتا دووماھیا ئەڤ سالە دێ بیتە ئێک ملیۆن بەرمیل پەترۆلێد رۆژەکێ دا.
خنسی ھێشتا ژی گۆت: لدووڤ رێکەفتنا ھەولێر و بەغدا ھاتە دیارکرن کو دڤێت عیراق رۆژانە ٣ ملیۆن و ٣٠٠ ھزار بەرمیلان رۆژێ بفرۆشیت دا بیتە بنەما بۆ میزانیا عیراقێ چونکە بھایێ بەرمیلا پەترۆلێ ب ٥٦ دۆلاران ھاتیە خەملاندن، ھەرێما کوردستانێ ٢٥٠ ھزاران ل گەل ٣٠٠ ھزار کەرکووک کو دبنە ٥٥٠ ھزار بەرمیل دێ را دەستی کۆمپانیا سومو کەت، لێ ئەڤا کەرکووک نوکە نێزیکی ١٥٠ ھزار بەرمیلان دھێن ل گەل کوردستانێ دبنە ٤٠٠ ھزار بەرمیلان، عیراق فیدرال ٢ ملیۆن و ٧٥٠ ھزار بەرمیلان بفرۆشیت، ھەتا نوکە بتنێ ٢ ملیۆن و ٦٠٠ دھێنە فرۆتن، حەفتێن بوری ژ بەر دەولەتێن کانداڤی گەھشت بوو ملیۆنەک و ٨٠٠ ھزاران، ئانکو ملیۆنەک و ٩٠٠ ھزاران کێمکریە.
خنسی گۆت: ئەڤ فاکتەرە دبیتە ھوکار کو ھەرێما کوردستانێ ل گەل بەغدا قوناغێن بھێن پتر ل گەل ئێک روونە خوار و بزاڤا بکەن بگەھنە ئەنجامەکێ باش ب وێ مەبەستێ میزانیا عیراقێ تێک نەچیت و دیسا گەشەکی بدەتە ھەرێما کوردستانێ، ھەکە فرۆتنا پەترۆلێ بڤی رەنگێ نوکە بیت و ئەو کورتھێنانا نوکە چەند سالێن بھێت دێ کورتھێنان پتر بیت ژ داھاتێ عیراقێ.
د.بێوار خنستی گۆت: بازارێ جیھانی رۆژانە پێدڤی ب ٩٠ ھزار بەرمیلێن پەترۆلێ یە و ئاستێ ئابووری بەر ب باشبوونێ ڤە دچیت و پێشبینی دکەین، دڤێ ھەیڤێ دا ھەتا نیسانێ بھایێ پەترۆلێ بەر ب زێدەبوونێ بچیت، دیسان ھەکە فاکتەرێن سیاسی گڤاشتنێ ل سەر فاکتەرێن ئابووری نەکەن وەک کێشا ئوکرانیا و روسیا و ئیرانێ وەلاتێن جیھانێ.
نيشاندان
