ئه‌ڤرۆ نيوز: ئه‌ڤرۆ وه‌زيرێ به‌ره‌ڤانيا توركيا و وه‌زيرێ پێشمه‌رگه‌ى سه‌را بنگه‌هێن مه‌شق و راهێنانێ يێن هێزێن پێشمه‌رگه‌ى ل قه‌زا سوران دا.
نووترين نووچه
- نڤیسینا رەشنڤیسێ كارێ حوكمەتا نوو د قووناغێن دووماهیێ دایە
- پرسا هنارتنا پەترۆلا هەرێمێ ئێك ژ بابەتێن هەرە گرنگ یێن گوهۆڕینێن دەڤەرێیە
- شاندێن حوكمەتا هەرێمێ و ئیراقێ ل گەل كۆمپانیێن بەرهەمئینانا پەترۆلێ كۆمبوون
- پڕۆژەیێ پارێزگەهبوونا شنگالێ دێ هنێرینە جڤاتا نوونەرێن ئیراقێ
- سەرۆك بارزانی و جێگرێ وەزیرێ دەرڤەیێ توركیایێ پرۆسەیا چارەسەریێ و ئاشتیێ گەنگەشە كر
- سەرۆك بارزانی پێشوازی ل هەژمارەكا نڤیسەر و ئەدیب و رەوشەنبیرێن عەرەب كر
- سەرۆك بارزانی پێشوازی ل سەرۆكێ هەڤپەیمانییا عەزم كر
- نێچیرڤان بارزانی پشتەڤانییا هەرێمێ بۆ پرۆسەیا ئاشتیێ دوپاتكر
- پێدڤییە هەموو كێشەیێن ل پێشبەری هنارتنا پەترۆلا هەرێمێ نەمینن
- د قووناغا بەلاڤكرنا پۆستانداینە
سه‌ره‌كى نووترين نووچه
سه‌رۆك كومارێ عیراقێ بۆ ئه‌ڤرۆ نیوز د ئاخڤیت
ئه‌ڤرۆ نیوز، بارزان مزوورى
ئه‌ڤرو پشتى نیڤرو 5/3 سه‌روك كومارێ عێراقێ دگه‌ل پارێزگه‌رێ دهوك فه‌رهاد ئه‌تروشى سه‌ره‌دانا په‌رستگه‌ها لالش دا و ژلایێ بابه شێخ كه‌سایه‌تیێ ئێكێ یێ ئاینى یێ ئیزدیا و قایمقامێ قه‌زا شێخان ئیسماعیل مسته‌فا ره‌شید پێشوازى لێ هاته كرن.
سه‌روك كومارێ عێراقێ بۆ مالپه‌رێ ئه‌ڤرو نیوز گۆت: ئه‌ز سوزدێ دده‌م كو بله‌ز ئه‌و باژێرێن كه‌فتینه لبن كونترولا داعش رزگار كه‌ین و ئه‌و ئاواره‌یێن د ناڤ كه‌مپا دژین بزوترین وه‌خت بزڤرنه جهێن ژێ هاتین.
د.فوئاد مه‌عسوم زێده‌تر گۆت: ل هه‌ر جهه‌كێ بزانین ژن ، زارو، زه‌لام د ده‌ستێن داعش دانه ب هه‌مى شیاناڤه دێ هه‌ولده‌ین رزگار كه‌ین، ئه‌گه‌ر ب پاره بیت یان قانون بیت ب له‌شكه‌رى بیت، ب چ ره‌نگێ بیت ناهێلن لبن ده‌ستێن وان بن، چونكو هه‌ر وه‌كى ئه‌و ژن نه ب تنێ شه‌ره‌فا ئیزدیانه، ئه‌و شه‌ره‌فا هه‌مى ملله‌تانه هاتیه كرن.
ناڤبرى دیار كر كو مجلسا روحانیا ئیزدیا پێتڤیه روله‌كێ گرنگ هه‌بیت بو وان ئه‌وێن ژ رویێ نه‌فسى ڤه بشێن چاره‌سه‌ریا وان بكه نمه پێتڤى ب شه‌هره‌زایێن ده‌رڤه هه‌یه داكو چاره‌سه‌ریا وان بكه‌ن ئه‌وێن توشى كێشه‌یا نه‌فسى بوین بو وان ئه‌وێن ل ده‌ستێن داعش رزگار بوین.
راستیا بهێنڤه‌دانا ماموستایێن ژ ده‌رڤه‌ى سه‌نته‌رێ باژێران ده‌وامێ دكه‌ن
ئه‌ڤرۆ نیۆز، سالار دۆسكى:
پشتى به‌لاڤبوونا نووچه‌یێ كو حه‌فتیێ رۆژه‌ك بۆ مامۆستایێن ژ سه‌نته‌رێن باژێران قه‌ستا گوندان دكه‌ن دێ بیته بهێنڤه‌دان، ئه‌ڤرۆ نیوز بۆ راستیا بابه‌تى په‌یوه‌ندى ب ئێكه‌تیا ماموستیان كر.
عه‌بدوالواحد حاجى سه‌رۆكێ ئێكه‌تیا مامۆستایێن كوردستانێ بۆ ئه‌ڤرۆ نیۆز گۆت: چ راستى بۆ ڤێ چه‌ندێ نینه و بتنێ بریار ده‌ركه‌فتیه كو مامۆستایێ دڤێت ژ سه‌نته‌رى بچیته قه‌زایه‌كێ دو رۆژ بۆ بهێنڤه‌دانه و ئه‌و ژى لدووڤ چه‌ند مه‌رجێن په‌روه‌رده د دانیت.
500 مليونێ توركيا گه‌هشت و حه‌فتيا بهێت مووچه دێ هێنه به‌لاڤكرن
ئه‌ڤرۆ نيوز:
ئايدن مه‌عروف ئه‌مدامێ لژنا دارايى ل په‌رله‌مانێ كوردستانێ دياركر كو 500 مليون دولار ژ توركيا گه‌هشته هه‌رێما كوردستانێ و ل ڤان نێزيكان دێ ده‌ست ب به‌لاڤكرنا مووچێ هه‌يڤا 1 هێته كرن و نوكه ئه‌و پاره يێ ژ دولارى دكه‌نه دينار، داكو ل نێزيكترين ده‌م مووچێ هه‌يڤا 1 بهێته به‌لاڤكرن كو ره‌نگه حه‌فتيا بهێت ده‌ست ب به‌لاڤكرنێ بهێته كرن.
ئايدن دياركر كو د كومبوونا وان دا ل گه‌ل سه‌رۆكێ حوكمه‌تێ، گوتنه وان كو د سه‌ره‌دانا بۆ توركيا دا، هه‌رێمێ 500 مليون دولار ژ توركيا ده‌ين كرينه.
ئه‌حمه‌د عه‌بدولره‌حمان په‌يڤدارێ وه‌زاره‌تا دارايى راگه‌هاند كو ئه‌و يێ خوه به‌رهه‌ڤ دكه‌ن بۆ ده‌ستپێكرنا مووچێ هه‌يڤا 1.
سه‌رۆك كومارێ عيراقێ سه‌را لالش دده‌ت
ئه‌ڤرۆ نيوز: بارزان مزوورى:
به‌رى چه‌نده‌كێ د.فوئاد مه‌عسوم سه‌رۆك كومارێ عيراقێ سه‌را په‌رستگه‌ها لالش ل سنورێ قه‌زا شێخان دا و برياره ل گه‌ل كه‌سايه‌تيێن ئێزدى كومببيت و ئاگه‌هدارى ئاريشه و گازندێن وان ببيت.
د چوارچوڤێ سه‌ره‌دانا خوه‌دا بۆ پارێزگه‌ها دهۆكێ، ئه‌ڤرۆ سپێدى سه‌رۆك كومارێ عيراقێ ل گه‌ل هه‌موو به‌رپرس و رێڤه‌به‌رێن گشتى ل فه‌رمانگه‌هێن دهۆكێ كومبوو.
پاره دێ بۆ رزگاركريێن ده‌ستێ داعش هێنه مه‌زاختن
ئه‌ڤرۆ نيوز، نيوار محه‌مه‌د سه‌ليم:
ئه‌ندامه‌كێ په‌رله‌مانێ كوردستانێ راگه‌هاند كو په‌رله‌مانێ كوردستانێ 165 مليۆن دينار وه‌كو هاريكارى بۆ وان كه‌سێن ژ ده‌ستێ داعش رزگار بووين ته‌رخانكرينه و دێ بزاڤێ كه‌ن ب هه‌لكه‌فتا رۆژا ژنێ ل سه‌ر وان بهێنه به‌لاڤكرن.
شێخ شامۆ، ئه‌ندامێ په‌رله‌مانێ كوردستانێ ل سه‌ر فراكسيۆنا زه‌ر و نوونه‌رێن ئێكانه يێ ئێزديان د په‌رله‌مانێ كوردستانێ دا بۆ ئه‌ڤرۆ نيوز گۆت: “ل سه‌ر داخوازيا وى، په‌رله‌مانێ كوردستانێ كۆژمێ 165 مليۆن ديناران وه‌كو هاريكارى بۆ وان كه‌سێن ژ ده‌ستێ داعش رزگار بووين ته‌رخان كرينه”.
ل هه‌يڤا هه‌شت يا سالا بۆرى د هێرشه‌كا به‌رفه‌رهـ دا بۆ سه‌ر ده‌ڤه‌رێن كوردستانى يێن ده‌رڤه‌يى ئيدارا هه‌رێما كوردستانێ، چه‌كدارێن تيرۆرستن داعش روويه‌كێ به‌رفره‌هـ يێ وێ ده‌ڤه‌رێ گرت و هژماره‌كا گه‌له‌ك زێده يا خه‌لكى ره‌ڤاندن كو ب گۆره‌يى ئامارێن نه‌فه‌رمى زێده‌ترى سێ هزار كه‌سانه.
شێخ شامۆيى دا زانين ژى كو بۆ هه‌ر ژنه‌كا رزگار بوويى دێ كوژمێ 250 هزار دينار و هه‌ر زه‌لامه‌كى 200 هزار دينار و هه‌ر زارۆيه‌كى ژ كوڕ يان كچ دێ 100 هزار دينار هێنه مه‌زاختن.
ل دۆر ده‌م و ئاليه‌تێ به‌لاڤكرنێ ژى ئه‌ندامێ په‌رله‌مانێ كوردستانێ گۆت: “هه‌رێما كوردستانێ ل ژێر سه‌رپه‌رشتيا سه‌رۆكێ حوكمه‌تێ لژنه‌كا تايبه‌ت ب پێشوازيكرنا ئاواران هه‌يه و ئه‌و لژنه دێ ئاليه‌تێ به‌رهه‌ڤ كه‌ت و دێ بزاڤێ كه‌ين ل رۆژا جيهانى يا ژنێ كو دبيته 8\3\2015 به‌لاڤ كه‌ين”.
مه‌سعود بارزانى په‌يامه‌ك به‌لاڤكر
ئه‌ڤرۆ نيوز:
ب هه‌لكه‌فتا سالرۆژا سه‌رهلدانا بهارا 1991، مه‌سعود بارزانى سه‌رۆكێ هه‌رێما كوردستانێ په‌يامه‌ك به‌لاڤكر و ئه‌ڤه ژى ده‌قێ وێ يه:
بەناوی خودای بەخشندە و میهرەبان
جەماوەری خۆشەویستی كوردستان
بەبۆنەی ساڵیادی ڕاپەڕینە مەزنەكەی 1991 و ئازادبوونی شارەكانی كوردستان لەژێر دەستەڵاتی بەعسی شۆڤینیدا گەرمترین پیرۆزبایی خۆم ئاراستەی هەموو هاووڵاتیانی كوردستان و خانەوادەی سەربەرزی شەهیدان و پێشمەرگە قارەمانەكان و لایەنە سیاسی و گشت چینوتوێژەكانی كوردستان دەكەم. لەم یادە پیرۆزەدا سوپاسی خەڵكی خۆڕاگر و شەهیدپەروەری كوردستان دەكەم كە بە خوێنی خۆیان پشتگیریی پێشمەرگەیان كرد و داستانی ڕاپەڕینیان تۆمار كرد.
ڕاپەڕین درێژەپێدەری خەباتی بزووتنەوەی ڕزگاریخوازی كوردستان و، وەرچەرخانێكی مێژوویی لە ژیانی گەلی كوردستان بوو كە ئازادی و دەستكەوتی گرانبەهای لێ كەوتەوە. ڕاپەڕینی گەلی كوردستان و پێشمەرگە لەدژی زوڵم و داگیركارییدا نیشانەی بەهێزیی ئێرادەی گەلی كوردستان بوو لەدژی چەوساندنەوە و داگیركاریدا و، پەیامێكیش بوو بۆ هەموو جیهان كە گەلی كوردستان هیچ كاتێك ژێردەستی و ستەم قبووڵ ناكات.
ڕاپەڕینە مەزنەكەی گەلی كوردستان بۆیە سەركەوت چونكە هەموو هێز و لایەنە سیاسییەكان و خەڵكی كوردستان یەكڕیز بوون و لە یەك سەنگەردا بوون. ئەم سەركەوتنە مەزنە بەڵگەیە بۆ ئەوەی كە ئێمە هەر كات یەك بووبین دەستكەوتی مەزنیش بۆ گەلەكەمان بەدیهاتوو. ئەگەر هەندێجار سەرباری خەبات و قوربانیدانێكی زۆر، دەستكەوت بۆ گەلی كوردستان بەدینەهاتبێت ئەوە مانای بەهێزیی دوژمنان نەبووە بەڵكو نەبوونی یەكبوون و یەكڕیزی وای كردووە دەستكەوت بۆ گەلی كوردستان مسۆگەر نەبن.
ڕاپەڕین وانەی یەكڕیزی و بەگژهاتنەوەی زوڵم و داگیركاری و سەركەوتنی گەلەكەمانە و پێویستە ئەم وانەیە ببێتە سەرمەشق بۆ هەموو قۆناغەكانی خەباتی گەلەكەمان. ئێستایش كە گەلەكەمان قۆناغێكی هەستیار و دژوار بەسەردەبات و لەگەڵ تیرۆریستان لە شەڕدایە زیاتر لە هەموو كاتێك دەبێ دەست بە یەكڕیزییەوە بگرین و دەستكەوتەكان بپارێزین و سەركەوتن بۆ گەلەكەمان مسۆگەر بكەین.
بژی كورد و كوردستان
نەمری بۆ شەهیدانی ڕێگەی ئازادی
هێشتا ب تنێ كۆمه‌لێ به‌رسڤا پارتى يا دايى
ئه‌ڤرۆ نيوز:
هه‌تا نوكه ده‌مێ ئه‌نجامدانا كۆمبوونا هه‌ڤپشكا نوونه‌رێن فراكسيۆنێن كوردى و نوونه‌رێن حزبێن هه‌رێمێ ديار نه‌بوويه، ب مه‌ره‌ما چاوانيا پێكئينانا فراكسيۆنه‌كا هه‌ڤپشك، پارتى ژى نامه بۆ هه‌موو لايه‌نێن كوردى يێن ناڤ جڤاتا نوونه‌ران هنارتيه.
د دووماهى كۆمبوونا ناڤبه‌را نوونه‌رێن كورد ل به‌غدا و حوكمه‌تا هه‌رێما كوردستانێ ل رۆژا 22\3 بڕيار ل سه‌ر پێكئينانا فراكسيۆنا هه‌ڤپشكا ناڤبه‌را فراكسيۆنێن كوردى هاته دان، دهێته پێشبينيكرن ژى ل حه‌فتيا بهێت بۆ پێكئينانا ڤێ فراكسيۆنێ لايه‌نێن كوردستانى كۆم ببن.
ئه‌حمه‌د حاجى ره‌شيد، سه‌رۆكێ فراكسيۆنا كۆمه‌لا ئيسلامى ل جڤاتا نوونه‌ران گۆت: “هێشتا ژڤانێ كۆمبوونێ يێ ديار نينه و ب تنێ مه ب ره‌نگه‌كێ فه‌رمى به‌رسڤا ناما پارتى يا دايى”.
داعش هاتنوچوون و ب هه‌موو ره‌نگان قه‌ده‌غه‌كر
ئەڤرۆ نیوز ، بارزان مزووری:
بەرپرسێ لقا 14 يێ مووسل ل میحوەرێ باشیک، عسمه‌ت رەجەب، بو ئەڤرۆ نیوز دیار کر کو نھا چەکدارێن تیرورستێن داعش ب تمامی ل ھەموو جھێن ناڤ باژێرێ مووسل بۆ ماوەیەکێ نەدیار ھاتنوچوون قەدەغەکر.
ناڤبری دیار کر کو دەنگویێ چوونا ھێزێن پێشمەرگەيی گەھشتیە چەکدارێن تیرورستێن داعش ژ بوو رزگارکرنا باژێرێ مووسل ژ ترسان ھاتنوچوون قەدەغەکریە.
دا زانين ژى كو ل ڤى ماوه‌يى گروپێن دژی داعش ل ناڤ باژێری زێدەبووینە و داعش وەکو بەری نھا نەشێت ھاتنوچوونێ ب حه‌زا خوه بکەت.
وه‌لاته‌ك د هه‌وارا پێشمه‌رگێن بريندار هات
ئه‌ڤرۆ نيوز
حوكمه‌تا ته‌هران وه‌كو وه‌لاتێ ئێكێ يێ هه‌ڤسۆيێ هه‌رێما كوردستانێ به‌رسڤا داخوازيا حوكمه‌تا هه‌رێما كوردستانێ دا، ده‌رباره‌يى هاريكاريكرنا هێزێن پێشمه‌رگێ كوردستانێ.
پشتى چه‌ند رۆژێن بۆرى وه‌زاره‌تا پێشمه‌رگه‌يى د په‌يامه‌كێ دا كو ئاراسته‌يى وه‌لاتێن ده‌ڤه‌رێن و كۆمه‌لگه‌ها نێڤده‌وله‌تا و رێكخراوێن خێرخوازى كرى كو هاريكاريا هه‌رێمێ بكه‌ن دا چاره‌سه‌ريا پێشمه‌رگه‌يێن بريندار بكه‌ت، ئيران وه‌كو وه‌لاتێ ئێكانه ل دووڤ داخوازيا وه‌زاره‌تا پێشمه‌رگه‌يى هات.
ب گۆره‌يى پێزانينێن ل به‌ر ده‌ست دوهى وه‌لاتێ ئيرانێ به‌رسڤا وه‌زاره‌تا پێشمه‌رگه‌يى دا و ئاماده‌يا خوه ده‌ربڕى كو نوشداران ب گۆره‌يى تايبه‌تمه‌نديێ ره‌وانه‌يى هه‌رێما كوردستانێ بكه‌ت دا كو چاره‌سه‌ريا پێشمه‌رگێن بريندا بكه‌ن.
بڕياره تيمه‌كێ نوشدارى يێ وه‌زاره‌تا پێشمه‌رگه‌يى سه‌ره‌دانا ئيرانێ ژى بكه‌ت و ل گه‌ل هنده‌ك نه‌خۆشخانان رێ بكه‌ڤن و بريندارێن هه‌رێمێ ل وان نه‌خۆشخانان بهێنه چاره‌كرن.
هه‌ر ب گۆره‌يى ئه‌و پێزانينێن ل به‌ر ده‌ستێ سعوديێ و ئوردن ژى سوز دايه كو چه‌ند بريندارێن پێشمه‌رگه‌يى چاره بكه‌ن، به‌لێ هێشتا چو نه‌خۆش نه‌برينه لايێ خوه ب مه‌ره‌ما چاره‌سه‌ريێ.
پێشتر وه‌زاره‌تا پێشمه‌رگه‌يى راگه‌هاند بوو كو نێزيكى پێنج هزار بريندارێن پێشمه‌رگه‌يى هه‌نه و پێدڤى ب چاره‌سه‌ريێ هه‌نه ل ناڤخۆ و ژ ده‌رڤه‌يى وه‌لاتى و داخواز ژ لايه‌نێن نێڤده‌وله‌تى و هه‌رمى و خێرخوازان كربوو كو هه‌ر ئێك ب گۆره‌يى شيانێن خوه هاريكاريا وان بكه‌ن بۆ چاره‌سه‌ركرنا وان برينداران.
نيشاندان
WP Facebook Auto Publish Powered By : XYZScripts.com