ئه‌ڤرۆ نيوز:
د.يوسف محه‌مه‌د سه‌رۆكىێ په‌رله‌مانێ كوردستانێ راگه‌هاند : نوكه ئه‌م ل په‌رله‌مانى مژوولى راستڤه‌كرنا په‌يره‌وێ ناڤخو يێ په‌رله‌مانى نه و مه دڤێت په‌يره‌وه‌كێ نوو دابين بكه‌ين كو ل گه‌ل كارێ په‌رله‌مانى د ڤێ قوناغێ دا بگونجيت، بۆ ڤێ مه‌ره‌مێ ژى لژنه‌كا تايبه‌تمه‌ند ژ په‌رله‌مانێ كوردستانێ د وى بياڤى دا نوكه يێ كار ل سه‌ر دكه‌ن، مه پێدڤى ب ئه‌زموونا ده‌وله‌مه‌ند يا په‌رله‌مانێن وه‌لاتێن پێشكه‌فتى هه‌يه.
ئه‌ڤرۆ نیوز،بارزان مزوورى
ژێده‌رك ژ رێكخراوا چه‌كدارێن ئازاد ل ناڤ باژێرێ مووسل بو ئه‌ڤرۆ نیوز دیار كر ئه‌ڤرۆ ئیڤارى 24/2 ناكوكى دكه‌ڤیته د ناڤ چه‌كدارێن تیرورستێن داعش تاخێن حى العربى و باب التوب د به‌رامبه‌رێ ئێك د راوه‌ستن ل ده‌ست پێكێ شه‌ره ده‌ف دناڤ وان په‌یدا دبیت پاشان ب شه‌ر دكه‌ڤن گه‌له‌ك ژ ئێك دوو بریندار دكه‌ن حه‌تا نوكه به‌رامبه‌رى ئێك دوو راوه‌ستیاینه .
ناڤبرى دیار كر گروپه‌ك ژ وان داعشا ب به‌رزه‌یى ڤه ، ب ژڤان بوون خوه راده‌ستێ هێزێن پێشمه‌رگه‌ى بكه‌ن، به‌لێ گروپێ دى یێ وان پێ دحه‌سیێن و شه‌ر د ناڤ وان په‌یدا دبیت.
ژێده‌رى دیار كر كۆ ئه‌و چه‌كدارێن نها گه‌هشتینه دناڤ رێزێن وان ژیێ وان گه‌له‌ك یێ بچیكه و ب زورى مه‌شق ب وان دهێته كرن داكو شه‌رى دژى پێشمه‌رگه‌ى بكه‌ن.
ژێده‌رى ئاشكرا كر كو وان كریارێن هێرش كرنێ ب چه‌كى نه‌مایه، شه‌رێ وان ب رێكا خوكوژا دهێته كرن .
ئەڤرۆ نیوز،زنار توڤی:
بریارە کو حکومەتا نیوزلندا سەربازێن خو رەوانەی عێراقێ بکەت،ب مەرەما مەشق و راهێنانا سوپایێ عێراقێ.
سەروک وەزیرێن نیوزلەندا جون کی دیارکر:کو ژمارا وان سەربازێن رەوانەی عێراقێ دکەن 140 سەربازن و بریارە ل هەیڤا ئەیارا داهاتی ل سەربازگەها تاجی دەست ب مەشق و راهێنانێ ب سوپایێ عێراقێ بکەن.
سەروک وەزیرێن نیوزلەندا ئەوژی گوت: شەرێ دژی رێکخراوا تیرورستی یا داعشێ وەلاتێ وی ژی ئەڤ بەرپرسیاریە کەفتیە سەرملان، لێ وەلاتیێن خو دلنیا دکەت،ک ئەرکێ وان سەربازان بتنێ دێ مەشق راهێنان بن و ناچنە بەروکێن سەری.
پارتا کەسک یا نیوزلەندی نەرازی بونا خو ژڤێ بریارێ دەربری و دیارکر:کو رەوانەکرنا سەربازان بو عێراقێ دێ بیتە ئەگەرێ وێ چەندێ کو نیوزلەندی ببنە ئارمانجێن رێکخراوا تیرورستی یا داعشێ.
ئه‌ڤرۆ نیوز:
بریكارێ وه‌زاره‌تا داراییا عیراقێ راگه‌هاند 250 ملیار دینارێن هه‌رێما كوردستانێ د به‌رهه‌ڤن و سوبه ب فرۆكێ دێ گه‌هنه هه‌رێمێ.
(فازڵ نەبی) بریكارێ وه‌زاره‌تا داراییا عیراقێ بۆ مالپه‌رێ فه‌رمیێ پارتى دیاركریه : 250 ملیار دینارێن هه‌رێمێ د به‌رهه‌ڤن، دوهى ژى ئه‌ز ل گه‌ل بانكا ناوه‌ندیا عیراقێ ئاخفتى مه و دێ هنێرنه كوردستانێ، و ل دووڤ پێزانینێن مه، سوبه دێ ب فروكێ هنێرنه هه‌رێما كوردستانێ.
ئه‌ڤرۆ نیۆز، قائید میرۆ
به‌رپرسه‌كێ ئێكه‌تیێ ئاشكراكر، سبه ئێكه‌تی ب فه‌رمی دێ داخوازێ ژ پارتی دیموكراتی كوردستان كه‌ت، پۆستێ قایمقامێ قه‌زا دهۆكێ بده‌نه ئێكه‌تیێ.
ئه‌حمه‌د قه‌ده‌فه‌ری، جێگرێ به‌رپرسێ مه‌لبه‌ندێ ئێكه‌تی نیشتیمانی كوردستان ل پارێزگه‌ها هه‌له‌بجه ب مالپه‌ڕێ ئه‌ڤرۆ نیۆز راگه‌هاند: ئێكه‌تی ب مه‌رجه‌كی یا رازیه ده‌ست ژ پۆستێ قایمقامێ پارێزگه‌ها هه‌له‌بجه به‌رده‌ت و بده‌ته پارتی، پارتی ژی پۆستێ قایمقامێ دهۆكێ بده‌نه ئێكه‌تیێ.
قه‌ده‌فه‌ری گۆتژی” من ئه‌ڤ پرسه دگه‌ل مه‌كته‌با سیاسی ئێكلاكریه و سبه دێ كۆمبوونا لایه‌نێن سیاسیێن هه‌له‌بجه هێته گرێدان و ئه‌گه‌ر پارتی به‌حسێ پۆستێ قایمقامێ هه‌له‌بجه بكه‌ت ئه‌ڤه ئه‌مژی دێ داخوازا پۆستێ قایمقامێ دهۆكێ كه‌ین، چونكو ئێكه‌تی ل دهۆكێ حزبا سێی یه و مافێ وه‌رگرتنا قایمقامی هه‌یه”.
ئه‌ڤرۆ نیوز:
مه‌لا به‌ختیار به‌رپرسێ ده‌سته‌یا كارگێرى یا مه‌كته‌با سیاسى یا ئێكه‌تیا نیشتمانیا كوردستانێ د راگه‌هاندنه‌كێ دا دیاركریه كو گیروبوونا كومبوونێن ئێكه‌تیێ، ئێكه‌تى یێ ئێخستیه د حاله‌ته‌كێ ئالوز دا، ب تایبه‌تى د ڤێ حه‌فتیێ دا، نه‌رازیبوون و دلگرانى یێن زێده یێ روى ب روى مه‌كته‌با سیاسى یا ئێكه‌تیێ دبن، له‌وما د ڤێ ره‌وشێ دا، مه‌ترسیه‌كا زور ل سه‌ر ره‌وسا ناڤ ئێكه‌تیێ و پێگه‌هێ ئێكه‌تیێ ل كوردستان و عیراقێ و ده‌ڤه‌رێ هه‌یه.
مه‌لا به‌ختیار بۆ چاره‌كرنا كێشێن ئێكه‌تیێ، داخوازا كومبوونا مه‌كته‌با سیاسى یان ئه‌نجومه‌نێ سه‌ركردایه‌تیا ئێكه‌تیێ كریه داكو چ ب پێدڤى هاته زانین، بۆ سیاسه‌تا ئێكه‌تیێ ژ ئه‌ڤرۆ پێڤه بریار و راسپارده بهێته دان.
ئه‌ڤرۆ نیوز:
جڤاتا وه‌زیرێن عیراقێ د كومبوونه‌كێ دا كوژمێ 60 ملیون دولار بۆ حه‌شدا شه‌عبى دابینكرن و به‌حسێ پێشمه‌رگه‌ى نه‌هاته كرن.
جڤاتا وه‌زیرێن عیراقێ د كومبوونا خوه یا ئه‌ڤرۆ دا، رازیبوونا خوه ل سه‌ر بجهئینانا پرۆژێ دروستكرنا هێزا حه‌شدا شه‌عبى ده‌ربرى و داخواز ژ وه‌زاره‌تا دارایى كرن كوژمێ 60 ملیون دولار بۆ بمه‌زێخن، به‌لێ ب چ ره‌نگه‌كێ به‌حسێ هێزا پێشمه‌رگێ كوردستانێ نه‌كر كو نوكه پێشمه‌رگه ل شوونا جیهانێ شه‌رى تیرورێ دكه‌ت.
ئه‌ڤرۆ نيوز:
ئه‌ڤرۆ رۆژا سێشه‌مبى رێكه‌فتى 2015.2.24 جڤاتا نوونه‌رێن عيراقێ روونشتنا خوه يا 14ێ يا ئاسايى ب رێڤه‌چوو و كريارێن داعش ب كۆمه‌لكۆژى ل دژى گه‌لێ عيراقێ هژمارتن.
جڤاتا نوونه‌ران ده‌ست ب روونشتنا خوه كر پشتى رێژا قانوونى يا په‌رله‌مانتاران ئاماده بووى، بێى ئاماده‌بوونا هه‌ڤپه‌يمانيا هێزێن نشتيمانى و هه‌ڤپه‌يمانيا نشتيمانى ب سه‌رۆكاتيا جێگرێ سه‌رۆك كۆمارى ئه‌ياد عه‌لاوى.
ڤان هه‌ردو هه‌ڤپه‌يمانيان بڕيارا پشكدارينه‌كرنێ د روونشتنێن جڤاتا نوونه‌ران دا دايه پشتى كوشتنا سه‌رۆكێ عه‌شيره‌تا “الجنابات” قاسم سويدان و شه‌ش ژ زێره‌ڤانێن وى پشتى ره‌ڤاندين ل گه‌ل برازايێ وى يێ په‌رله‌مانتار ژ هه‌ڤپه‌يمانيا هێزێن نشتيمانى زياد جنابى ئه‌وێ پشتى برينداركرنێ ئازادكرى.
رێكخستيا داعش ل سالا بۆرى ب ره‌نگه‌كێ گه‌له‌ك هۆڤانه ده‌ستێ خوه دانايه سه‌ر روويه‌كێ گه‌له‌ك مه‌زن يێ ئه‌ردێ عيراقێ و سوريا و ل گه‌له‌ك جهان ژى كۆمه‌لكوژى يا كرى ب تايبه‌ت دژى ئێزديان كو هه‌تا نوكه هه‌شت گۆرستانێن ب كۆم هاتينه ديتن.
ئه‌ڤرۆ نيوز، نيوار محه‌مه‌د سه‌ليم:
ئه‌ندامه‌كێ لژنا پێشه‌سازى و وزێ ل په‌رله‌مانێ كوردستانێ راگه‌هاند كو ئه‌وان د كۆمبوونا خوه لژنێ دا، دوهى چه‌ند خاله‌ك نڤيسى نه و ره‌وانه‌يى سه‌رۆكاتيا په‌رله‌مانى كرينه دا كو ئه‌و ژ لايێ خوه ڤه ره‌وانه‌يى سه‌رۆكاتيا حوكمه‌تا هه‌رێمێ بكه‌ن.
به‌يار دوسكى ئه‌ندامێ لژنا پێشه‌سازى و وزێ ل په‌رله‌مانێ كوردستانێ بۆ ئه‌ڤرۆ نيوز گۆت: “دوهى 2015.2.23 مه د كۆمبوونا خوه يا لژنا پێشه‌سازى و وزێ چه‌ند داخوازيه‌ك نڤيسين و دانه سه‌رۆكاتيا په‌رله‌مانێ كوردستانێ دا ئه‌و ژى ژ لايێ خوه ڤه بۆ سه‌رۆكاتيا حوكمه‌تا هه‌رێما كوردستانێ بلند بكه‌ن”.
زێده‌تر گۆت: “مه د وان داخوازيان دا، خواستيه كو حوكمه‌تا هه‌رێما كوردستانێ ب دروستاهى خالێن رێكه‌فتنا د ناڤبه‌را هه‌رێم و به‌غدا دا بۆ مه بده‌ته دياركرن، هه‌تا نوكه ئه‌م چ ژ ناڤه‌رۆكا وێ رێكه‌فتنێ نزانين و ب تنێ ئه‌و پێزانينێن ل ده‌زگه‌هێن راگه‌هاندنێ به‌لاڤ بووين دزانينن، مه حوكمه‌ت نه‌ديتيه بێژيته مه كا ئه‌ڤ رێكه‌فتنه ب چو ره‌نگه”.
ئاماژه ب وێ چه‌ندێ ژى كره كو ئه‌وان ل به‌ره سه‌ره‌دانا به‌نده‌رێ جيهان يێ توركى ژى بكه‌ن دا كو ژ نێزيك هايدارى ره‌وشا په‌ترۆلا هه‌رێما كوردستانێ ببن و ديسا بۆ ڤێ مه‌ره‌مێ ل گه‌ل كۆمپانيا سۆمۆ ژى كۆم ببيت.
نيشاندان