ئه‌ڤرۆ نیوز:
لایه‌نگرێن پارتا كرێكارێن كوردستانێ، ل چه‌ندین جهێن جودا جودا ئه‌ڤرۆ رێپیڤان ب هه‌لكه‌فتا ده‌ربازبوونا 16 سالان ل سه‌ر گرتنا عه‌بدولا ئوجه‌لان ئه‌نجامدان و داخوازا ئازادكرنا وى كرن.
ل 15 شوباتا سالا 1999 ئوجه‌لان سه‌رۆك و دامه‌زرێنه‌رێ په‌كه‌كێ ل نایروبى پایته‌ختێ كینیا هاته ره‌ڤاندن و بۆ توركیا هاته ڤه‌گوهاستن و زيندانيكرن، نوكه ژى ئوجه‌لان يێ رێبه‌رێ په‌كه‌كێ، پشتى 16 سالێن زیندانیكرنێ ل گزیرته‌یه‌كا توركى، سه‌رپه‌رشتیا چاره‌كرنا پرسا كوردى دكه‌ت.
ئه‌ڤرۆ نيوز:
جه‌بار ياوه‌ر ئه‌ميندارێ گشتى يێ وه‌زاره‌تا پێشمه‌رگه‌ى رادگه‌هينيت كو وان چ پێزانين ل سه‌ر ئازادكرنا وان پێشمه‌رگێن ده‌سته‌سه‌ركرى نينن كو چه‌ند ده‌زگه‌هێن راگه‌هاندنێ به‌حسێ ئازادكرنا وان كرى.
جه‌بار ياوه‌ر دياركريه: ب فه‌رمى چ پێشمه‌رگه‌كێ ده‌سته‌سه‌ركرى ل بن ده‌ستێ داعش نه‌هاتيه ئازادكرن، ئه‌وا به‌لاڤبووى ب تنێ پرۆپاكنده‌نه.
چه‌ند ده‌زگه‌هێن راگه‌هاندنێ به‌لاڤ كربوون كو چه‌ند پێشمه‌رگێن ده‌سته‌سه‌ركرى د ده‌ستێ داعش دا، به‌رامبه‌ر ئازادكرنا چه‌ند داعشێن ده‌ستێ پێشمه‌رگه‌ى دا، هاتينه ئازادكرن.
ئه‌ڤرۆ نیوز:
حوكمه‌تا هه‌رێما كوردستانێ راگه‌هاندنه‌ك ل دۆر كومبوونا ئه‌ڤرۆ یا نێچیرڤان بارزانى سه‌روكێ حوكمه‌تا هه‌رێما كوردستانێ و حه‌یده‌ر عه‌بادى سه‌رۆك وه‌زیرێن عیراقێ به‌لاڤكر.
د پشكه‌كا راگه‌هاندنێ دا هاتیه” هه‌ردو ئالیان پابه‌ندیا خوه ب رێككه‌فتنا د ناڤبه‌را وان دا هاتیه ئیمزاكرن دووپات كر، به‌لێ كێشا نووكه ل هه‌مبه‌ر رێككه‌فتنێ دروست بووى، ئه‌و قه‌یرانا دارایى یه كو هه‌موو عیراق ڤه‌گرتى، د ڤێ ره‌وشێ دا حوكمه‌تا عیراقێ نه‌شێت وه‌ك پێدڤى بودجا هه‌ردو هه‌یڤێن ئێك و دو یێن سالا 2015 بهنێریت.
نێچیرڤان بارزانى دیاركر به‌غدا رازى بوویه كو هه‌ر سێ هه‌یڤان جاره‌كێ، تێكرایا هنارتنا نه‌فتا هه‌رێمێ كو 250 هزار به‌رمیلن بهێته هژمارتن.
ئه‌ڤرۆ نیوز:
ژێده‌ره‌كێ ژ وه‌زاره‌تا دارایى یا حوكمه‌تا هه‌رێما كوردستانێ ئاماژه ب وێ یه‌كێ كر كو سبه دێ به‌رده‌وامى ب به‌لاڤكرنا مووچێ هه‌یڤا 12 یێ سالا 2014 هێته دان.
ژێده‌ره‌كێ ژ وه‌زاره‌تا دارایى دیاركریه كو رۆژا دوشه‌مبى دێ فه‌رمانبه‌رێن وه‌زاره‌تا كاروبارێن جڤاكى و تورا چاڤدێریا خێزانى و كێم ئه‌ندام مووچه‌ى وه‌رگرن.
ژێده‌ر: باس
ئه‌ڤرۆنیوز ، بارزان مزوورى
ژێده‌ره‌ك ژ چه‌كدارێن رێكخراوا ئازاد ل ناڤ باژێرێ مووسل بو ئه‌ڤرو نیوز دیار كر كو چه‌كدارێن تیرورستێن داعش ژبه‌ر لاوازیا بارێ ئابورى دناڤ باژێرێ مووسل دت، خه‌لكێ ناڤ باژێرێ مووسل ئاگه‌هدار كرینه كو هه‌ر كه‌سێ بڤێت ناڤ باژێرى ده‌ركه‌ڤیت بو هه‌رێما كوردستانێ بچیت، دێ وى ده‌رباز كه‌ین حه‌تا سنورێن د ناڤبه‌را هێزێن پێشمه‌رگه‌ى و وان.
ناڤبرى دیار كر كۆ چه‌كدارێن تیرورستێن داعش هه‌ر سه‌روك خێزانه‌كێ ئه‌وێن ناڤ باژێرێ مووسل ده‌ردكه‌ڤیت بو ناڤ ئاخا كوردستانێ بچیت 500 دولارا ژێ وه‌ردگریت و ئه‌و خێزانێن پاره ژى نه‌بیت ئاگه‌هداركرینه كو ڤان روژا بخو كاربكه‌ت حه‌تا پارێ وان بیته 5 وه‌ره‌قه و راده‌ستێ داعش بكه‌ن، دا وان ل ناڤ مووسل ده‌رباز كه‌ت،ل پێنج شه‌مبیا بورى 12/2 پێنج خێزانێن كورد ب رێكا قاچاغ ل ناڤ مووسل ده‌ركه‌فت بون بێ داعش ئاگه‌هدار بكه‌ن و قه‌ستا هه‌رێما كوردستانێ كربوون، لێ دكه‌ڤنه بوسه‌یا چه‌كدارێن تیرورستێن داعشدا ل گوندێ فازلیه سه‌ر ب ناحیا باشیكڤه هه‌ر پێنج خێزان دهێنه ده‌سته‌سه‌ركرن ب زاروك ڤه بو جهه‌كێ نه‌دیار ڤه‌دگوهێزن و هه‌تا نوكه چاره نڤیسێ وان به‌رزه‌یه .
ئه‌ڤرۆ نیوز:
كومبوونا د ناڤبه‌را شاندێ هه‌رێم و حوكمه‌تا عیراقێ ب دووماهى هات، و بریاره ئه‌ڤ شه‌ڤه جاره‌كادى كومببن، سه‌باره‌ت ناڤه‌رۆكا كومبوونا ئێكى، نێچیرڤان بارزانى گۆت: ئه‌م د پابه‌ندین ب رێككه‌فتنا خوه یا به‌رێ ل گه‌ل به‌غدا، به‌لێ نوكه حوكمه‌تا عیراقێ پاره نینه، و ژبه‌ر نه‌بوونا پاره‌ى، نه‌شێت پشكا بودجێ هه‌رێمێ و پاره‌ى بۆ هه‌رێمێ بهنێریت.
بارزانى دیاركر كو هه‌ر ئه‌ڤ شه‌ڤه دێ ل گه‌ل حه‌یده‌ر عه‌بادى و به‌رپرسێن حوكمه‌تا عیراقێ كومبن.
ئه‌ڤرۆ نيوز:
نڤیسینگه‌ها حه‌یده‌ر عه‌بادى، ئاماژه ب كومبوونا ئه‌ڤرۆ یا سه‌رۆكێ حوكمه‌تا هه‌رێما كوردستانێ و سه‌رۆك وه‌زیرێن عیراقێ دكه‌ت و د وێ باوه‌رێ دايه كو ئه‌نجامێن باش دێ هه‌بن.
رافید جبورى به‌پرسێ نڤیسینگه‌ها تایبه‌ت یا حه‌یده‌ر عه‌بادى، سه‌رۆك وه‌زیرێن عیراقێ دیاركر كو پشتى چه‌نده‌كا دى دێ به‌یاننامه‌كێ ل دۆر ئه‌نجامێن كومبوونێ ده‌رێخن كو ئه‌نجامێن باش دێ هه‌بن.
ئه‌ڤرۆ نیوز:
ل سه‌لاحه‌دین سه‌رۆك بارزانى پێشوازیا شانده‌كێ هه‌ڤپشكێ سه‌ربازى و سیاسى یێ ئه‌مریكا كر كو پێكهاتبوون ژ جه‌نه‌رال ژوزێف ڤوتیل فه‌رماندێ ئوپه‌راسیونێن تایبه‌ت یێن سوپایێ ئه‌مریكا و ستیوارت جونز بالیوزێ ئه‌مریكا ل عیراقێ و ژوزێڤ پێنینگون قونسلولێ ئه‌مریكا ل هه‌ولێر.
فه‌رماندێ ئوپه‌راسیونێن تایبه‌ت یێن سوپایێ ئه‌مریكا خوه‌شحالیا خوه ب سه‌ركه‌فتنێن پێشمه‌رگه‌ى راگه‌هاند و گۆت: باره‌كێ گرانێ د شه‌رێ دژى تیرورى دا ل سه‌ر ملێن پێشمه‌رگه‌یه، له‌وماژى یا دشیانێن سوپایێ ئه‌مریكا دا بیت دێ هاریكاریا پێشمه‌رگه‌ى كه‌ت.
ئه‌ڤرۆ نیوز:
ل ناڤ ئاخا كوردستانێ و ل سنورێ پارێزگه‌ها هه‌له‌بجه، پاسدارێن ئیرانێ، لیواییه‌كێ خانه‌شین یێ پارتى ب ناڤێ ” سه‌ید به‌هائه‌دین سه‌ید محه‌مه‌د” ل گه‌ل دو زێره‌ڤانێن وى ب ناڤێ ( عه‌بدولا محه‌مه‌د ) و ( كوسار عوسمان) كو كورێ شه‌هیده، هاتنه گرتن و بۆ باژێرێ پاوه ل رۆژهه‌لاتێ كوردستانێ دهێته ڤه‌گوهاستن.
نيشاندان