ئەڤرۆ:
پشتی شاندێ ھەرێما کوردستانێ ل ١٥ شواتێ سەرەدانا بەغدا کری و بێ ئەنجام و دەست ڤالا ڤەگەڕیای، پشتی ھینگێ ب سێ رۆژان شاندەکێ ھەرێما کوردستانێ ب سەرۆکاتیا ننێچیرڤان بارزانی سەرۆکێ حوکمەتا ھەرێما کوردستانێ سەرەدانا وەلاتێ تورکیا کر و ژ ئالیێ سەرۆک کۆمارێ تورکیا و سەرۆک وەزیرێن وی وەلاتی ڤە پێشوازی لێ ھاتیە کرن، ترس یا ل دەڤ حەیدەر عەبادی سەرۆک وەزیرێن عیراقێ پەیدا بووی کو ئەنقەرە بۆ ھەولێرێ جھێ بەغدا بگریت.
حەیدەر عەبادی شەڤادی ل دۆر ڤی بابەتی ب رێیا تەلەفۆنێ بۆ سەرۆک وەزیرێن تورکیا دیار کریە کو پەترۆلا ھەرێما کوردستانێ مولکێ ھەموو خەلکێ عیراقێ یە و پێدڤیە ئەنقەرە بێی بەغدا نەھنێریتە دەرڤە.
ھەر د ڤی واری دا، عالیە نسەیف پەرلەمانتارا دەولەتا قانوونێ کو ب دژاتیا کوردان یا بەرنیاسە، راگەھاند نێچیرڤان بارزانی پێشنیازەکا نوو یا دایە تورکیا کو رۆژانە دێ ٦٠٠ ھزار بەرمیلێن پەترۆلێ دەتە تورکیا و د ھەمبەر ئەو ژی دێ پارێ فەرمانبەرێن ھەرێمێ دەت).
نووترين نووچه
- نڤیسینا رەشنڤیسێ كارێ حوكمەتا نوو د قووناغێن دووماهیێ دایە
- پرسا هنارتنا پەترۆلا هەرێمێ ئێك ژ بابەتێن هەرە گرنگ یێن گوهۆڕینێن دەڤەرێیە
- شاندێن حوكمەتا هەرێمێ و ئیراقێ ل گەل كۆمپانیێن بەرهەمئینانا پەترۆلێ كۆمبوون
- پڕۆژەیێ پارێزگەهبوونا شنگالێ دێ هنێرینە جڤاتا نوونەرێن ئیراقێ
- سەرۆك بارزانی و جێگرێ وەزیرێ دەرڤەیێ توركیایێ پرۆسەیا چارەسەریێ و ئاشتیێ گەنگەشە كر
- سەرۆك بارزانی پێشوازی ل هەژمارەكا نڤیسەر و ئەدیب و رەوشەنبیرێن عەرەب كر
- سەرۆك بارزانی پێشوازی ل سەرۆكێ هەڤپەیمانییا عەزم كر
- نێچیرڤان بارزانی پشتەڤانییا هەرێمێ بۆ پرۆسەیا ئاشتیێ دوپاتكر
- پێدڤییە هەموو كێشەیێن ل پێشبەری هنارتنا پەترۆلا هەرێمێ نەمینن
- د قووناغا بەلاڤكرنا پۆستانداینە
سه‌ره‌كى نووترين نووچه
وێنه و ڤیدیو: پاقژكرنا كوبانێ ژ ته‌رمێن داعش
په‌روه‌ردێ ل دۆر گێرانا سه‌یرانێن قوتابیان بریارا خوه دا
ئه‌ڤرۆنیوز، هه‌رهین محه‌مه‌د:
عه‌بد یوسف رێڤه‌به‌رێ گشتیێ په‌روه‌ردێ ل پارێزگه‌ها دهۆكێ بۆ ئه‌ڤرۆ نیوز دیاركر كو ژبه‌ر كاودانێن هه‌رێما كوردستانێ تێدا ده‌رباز دبن، ل دووڤ بریاره‌كا ئه‌نجوومه‌نێ وه‌زاره‌تا په‌روه‌ردێ یا حوكمه‌تا هه‌رێما كوردستانێ، ئه‌ڤ ساله سه‌یرانێن قوتابیان ناهێنه گێران.
عه‌بدى هێشتا ژى گۆت: وه‌كو هه‌رسال ژ به‌ركو مه گه‌له‌ك شه‌هید داینه و بابێن گه‌له‌ك قوتابیان شه‌هیدن، نابیت هنده‌ك قوتابى بچن و هنده‌ك ژى نه‌چن و هه‌موو په‌روه‌ردێن قه‌زا ل سه‌ر ڤێ بریارێ هاتینه ئاگه‌هداركرن و دیسان قوتابخانه ژى ب ڤێ چه‌ندێ د ئاگه‌هدارن.
رێڤه‌به‌رێ گشتیێ په‌روه‌ردێ ئه‌وچه‌نده ژى گۆت: سالانه د هه‌یڤا ئادارێ دا سه‌یرانێن قوتابیان ده‌ستپێ دكرن وهه‌تا پشتى جه‌ژنا نه‌ورۆزێ ژى سه‌یرانێن قوتابیان د به‌رده‌وام بوون بۆ ماوێ هه‌یڤه‌كێ ده‌رفه‌ت دهاته دان بۆ قوتابیان بچنه سه‌یرانان.
ژبه‌ر ڤی ئه‌گه‌ری ئوردن ئێدی جلكێن پرته‌قالی بۆ كرێكارێن خوه بكارنائینیت
ئه‌ڤرۆ نیوز: ڤه‌ده‌ر ره‌شاڤایی:
باژێرڤانیا باژێرێ عه‌مانێ پایته‌ختێ ئوردنێ لبه‌ره ئێدی ره‌نگێ پرته‌قالی بكارنه‌ئینیت و جلوبه‌رگێن پرته‌قالی كو ژئالێ كرێكارێن وی وه‌لاتی ڤه دهێنه لبه‌ر كرن بگۆهریت، ئه‌ڤه ژی پشتی سۆتنا فرۆكڤانێ ئوردن ژ ئالیێ داعش ڤه.
باژێرڤانیا عه‌مانێ دا خویاكرن كو ژبه‌ركو جلوبه‌رگێن وه‌كهه‌ڤ یێن پرته‌قالی بوویه سیمبۆله‌ك گرێدایی رێكخراوا داعش كو بۆ ده‌سته‌سه‌ركریێن خوه بكار دئینیت، وان لبه‌ره ڤی ره‌نگی بگوهرن د جلكێن 4,600 كرێكارێن خوه دا.
پشتی موعاز ئه‌لكه‌ساسبه فرۆكڤانێ ئوردنی د جلكێن پرته‌قالی دا هاتیه سوتن ژ ئالێ تیرۆرستێن داعش ڤه ، جلكێن كاری یێن ره‌نگ پرته‌قالی نه‌شرین بوویه لده‌ڤ پرانیا خه‌لكێ ئوردنێ .
تێ زانین داعش جلكێن پرته‌قالی لبه‌ر ده‌سته‌سه‌ركریێن خوه دكه‌ت به‌ری وان برێیێن هۆڤانه ل سێداره بده‌ت .
ئه‌مريكا: چ ژڤان بۆ ئازادكرنا مووسل نه‌هاتينه دانان
ئه‌ڤرۆ نيوز:
وه‌زيرێ به‌ره‌ڤانيا ئه‌مريكا ره‌ت كر كو چ ژڤانه‌ك بۆ ئازادكرنا مووسل هاتبيته دانان، ئاشتون كارته‌ر، وه‌زيرێ به‌ره‌ڤانيا ئه‌مريكا ئاشتون كارته‌ر سه‌باره‌ت وان ده‌نگوباسێن به‌حسێ ئازادكرنا مووسل دكه‌ن و ژڤانێ بۆ هاتيه دياركرن گۆت: ئه‌ز هه‌موو ده‌مان يێ ڤه‌كرى مه ل هه‌مبه‌ر فه‌رمانده‌ييێن سه‌رباڤى بۆ ڤه‌ديتنا باشترين رێ بۆ سه‌ركه‌فتنێ، ئه‌ڤه پرسياره‌كه دهێته به‌ر سينگێ مه، به‌لێ ئه‌وا گرنگ ئه‌وه مووسل كونترۆل بكه‌ين، ئه‌م د پابه‌ندين بۆ سه‌ركه‌فتنێ، به‌لێ نه د چارچوڤێ ژڤانه‌كێ دياركرى دا.
داخويانيا ئێكه‌تيا ماموستايان ل دۆر به‌لاڤكرنا مووچه‌ى
ئه‌ڤرۆ نيوز:
ئێكه‌تيا ماموستايان ده‌نگوباسێ به‌لاڤكرنا مووچێ ماموستايان د ڤێ حه‌فتيێ دا ره‌ت دكه‌ت، عه‌بدولواحد محه‌مه‌د، سه‌رۆكێ ئێكه‌تيا ماموستايێن كوردستانێ بؤ رووداو راگه‌هاند: ئه‌و ده‌نگوباسێن به‌حسێ به‌لاڤكرنا مووچێ ماموستايان دكه‌ن دڤێ حه‌فتيێ دا، چ بنه‌مايه‌ك بۆ نينه، ئه‌م وه‌كو ئێكه‌تيا ماموستايان، مه رۆژا چوارشه‌مبيى، 18 شوباتێ ل گه‌ل وه‌زيرێ دارايى ئاخفتى يه و چ ژڤانه‌ك بۆ به‌لاڤكرنا مووچێ ماموستايان نه‌هاتيه دانان.
ژ ئاليێ خوه‌ڤه، ئومێد ئه‌مين كارگێرێ لقێ سلێمانيێ يێ ئێكه‌تيا ماموستايان دياركريه كو وان په‌يوه‌ندى ب وه‌زيرى دارايى كريه و سوز دايه د ڤێ حه‌فتيێ دا مووچێ ماموستايان ب چوار قوناغان به‌لاڤ دكه‌ت و گۆت: ل رۆژێن دوشه‌مبى و سێ شه‌مبى، دێ ماموستاييێن قه‌زا و ناحيا و 4 شه‌مب و 5 شه‌مب، ماموستاييێن ناڤه‌ندا باژێرى وه‌رگرن.
په‌كه‌كه چه‌كى دانانيت
ئه‌ڤرۆ نيوز:
سه‌لاحه‌دين ده‌مرتاش هه‌ڤسه‌رۆكێ پارتا ديموكراتا گه‌لان د چوارچوڤێ پشكداريكرنێ د كونفرانسه‌كێ دا ئه‌و ده‌نگوباسه ره‌تكرن كو به‌حسێ هنده‌ك دكه‌ن كو په‌كه‌كه چه‌كى دانيت ب مه‌ره‌ما چاره‌كرنا پرسا كوردى ل توركيا.
سه‌لاحه‌دين ده‌مرتاش سه‌باره‌ت داخويانيا به‌رپرسێن توركيا كو په‌كه‌كه دێ چه‌كى دانيت و ل هه‌يڤا سێ ل چياى هێنه خوار، راگه‌هاند : ئه‌گه‌ر ل هه‌يڤا سێ په‌كه‌كه ژ چياى بهێته خور، ئه‌م نه دژى ڤێ يه‌كێ نه، به‌لێ ئه‌ڤه راست نينه، له‌ورا ژى ئه‌م نه‌شێن رێگر بين.
رێككه‌فتنا واشنتون و ئه‌نقه‌ره، دێ مه‌شقككرنا پێشمه‌رگه‌ى ژى ڤه‌گريت
ئه‌ڤرۆ نيوز:
رێككه‌فتنا واشنتون و ئه‌نقه‌ره بۆ راهێنان و ئاماده‌كرنا هێزێن ئوپوزسيونا سووريا، دێ پێشمه‌رگه‌ى ژى ڤه‌گريت، هه‌ر چه‌نده ناڤه‌رۆكا رێككه‌فتا رۆژا پێنجشه‌مبى يا د ناڤبه‌را ئه‌نقه‌ره و واشنتون نه‌هاتيه ئاشكراكرن، به‌لێ ل دووڤ وان پێزانينێن به‌لاڤ بووى، دێ ئه‌ڤ رێككه‌فتنه مه‌شقدانا هێزا پێشمه‌رگه‌ى ژى ڤه‌گريت.
برياره هێزێن تايبه‌تێن توركيا، ل ئاخا وه‌لاتێ خوه راهێنانان ب هزار پێشمه‌رگێن هه‌رێما كوردستانێ بكه‌ن و راگه‌هاندنێن توركيا ژى به‌لاڤكريه كو ل دووماهى سه‌ره‌دانا نێچيرڤان بارزانى بۆ ئه‌نقه‌ره و كومبوونا وى ل گه‌ل ئه‌حمه‌دا داود ئوغلو ئه‌ڤ پرسه هاتيه به‌حسكرن.
هه‌كه هه‌ڤپه‌یمان د هاریكار نه‌بن بۆ رزگاركرنا مووسل، ئه‌م چ پێنگاڤا ناهاڤێژین
شاخه‌وان عه‌بدولا بریارده‌رێ لیژنه‌یا به‌ره‌ڤانیێ ل جڤاتا نونه‌رێن عیراقێ بو ئه‌ڤرۆ نیوز دیاركر به‌شداریكرنا هێزا پێشمه‌رگه‌ی بو موسلێ پێدڤى ب ڤه‌كولینه‌كا باش هه‌یه و گۆت: گرتنا موسل بابه‌ته‌كێ سیاسی یه، نه بابه‌ته‌كێ ئه‌منی یه.
بریار ده‌رێ لیژنه‌یا به‌ره‌ڤانیێ ل جڤاتا نونه‌رێن عیراقێ دازانین دانانا وان سی بنگه‌هێن هاتینه ڤه‌كرن ل پارێزگه‌ها موسل بو مه‌شقپێدانا هیزێن پولیسێن عیراقێ، هه‌تا نها ئه‌وا پێدڤی بو ئه‌وان نه‌هاتیه‌كرن و ئه‌و هێز به‌شداریێ ل رزگاركرنا موسلی ناكه‌ن به‌لكو بو پشتی رزگاركرنێ دێ چنه موسلێ ئه‌ركێ رزگاركرنا وێ دێ وه‌زاره‌تا به‌ره‌ڤانیێ بیت.
شاخه‌وان عه‌بدولا گۆت ژى: ل سه‌ره‌دانێن مه بو وه‌زاره‌تا به‌ره‌ڤانیی دیاركربوو ئه‌گه‌ر هه‌ڤپه‌یمانیا نێڤ ده‌وله‌تی دژی تیرۆرێ ب كردار هاریكار نه‌بیت چ پێنگاڤان ناهاڤێژین بو رزگاركرنا موسلێ.
ناڤبری ئه‌و چه‌نده ژی دیاركر ئه‌ندامین سونه ل جڤاتا نونه‌ران ل حاله‌ته‌كێ شه‌رمانه و نونه‌راتیا سونه ناكه‌ن ژلایی سه‌ربازی ڤه و دڤێت ناڤ باژێران ئه‌و به‌رهه‌ڤیه تیدا هه‌بیت ده‌ما دچیت ل دژی داعشی راپه‌رن ئه‌ڤه چه‌نده ناهێته دیتن و ب رایا من هه‌تا هێزه‌ك ب سنویان بخو نه‌هێته درۆستكرن و مه‌شقپێدان و رێكخستن گرتنا موسلێ گرانه.
ئه‌ندامێ په‌رله‌مانێ عیراقێ دازانین ره‌وشا عیراقێ به‌ره‌ف خرابتر دچیت و هێزا عیراقێ ئه‌و هێز نینه بشیت سه‌رپه‌رشتیا هه‌مو سه‌نگه‌ران بكه‌ت و رایه‌ك درۆست بویه بو شیعه‌یان ژی كو كورێن خوه بو ده‌ڤه‌رین سونه نه ده‌نه كوشتن و ئه‌ڤه ژی نه بهێزیا داعشی یه به‌لكو ره‌وه‌كا سیاسی یه هیزدایه داعشێ .
سه‌رۆك كۆمارێ عيراقێ: دێ مانا به‌شار ئه‌سه‌د هه‌لبژێرين
ئه‌ڤرۆ نيوز:
سه‌رۆك كۆمارێ عيراقێ، فوئاد مه‌عصوم د ديداره‌كا رۆژنامه‌ڤانى دا راگه‌هاند كو هه‌كه ئێك ژ به‌شار ئه‌سه‌د سه‌رۆكێ سوريا پشتى چار سالێن شوره‌شا سورى و كه‌فتنا سوريا د ده‌ستێ گرۆپێن تيرۆرى دا، دێ مانا به‌شار ئه‌سده هه‌لبژێرين.
مه‌عصوم ئاماژه ب وێ چه‌ندێ كر كو ده‌ست دانانا تيرۆرێ ل سه‌ر سوريا وێ ب تنێ تووش ناكه‌ت، به‌لكو دێ كارتێكرنێ ل عيراقێ و ده‌وله‌تێن ده‌ڤه‌رێ كه‌ت، به‌لێ مه‌ترسيا ئه‌سه‌د كێمتره، دبيت ل سوريا چاره‌سه‌ريا سياسى ژى بهێته كرن.
ته‌كست ژى ل سه‌ر وێ چه‌ندێ كر كو ئه‌و پشته‌ڤانيا سياسه‌تا به‌شار ل سوريا ناكه‌ن وه‌كو عيراق، مانا وى ل سه‌ر ده‌سته‌لاتێ دێ توندوتيژى و هه‌ڤركيێ زێده‌تر لێ كه‌ت و قوربانيێن وێ ژى دێ ب سه‌دان هزار وه‌لاتيێن سورى بن.
ده‌رباره‌يى شه‌رێ هه‌ڤپه‌يمانان ژى دژى داعش ل عيراق و سوريا، سه‌رۆكێ عيراقێ گۆت: “سه‌ركه‌فتنا ل سه‌ر ڤێ رێكخراوێ ل هنده‌ك جهان يا ئاشكه‌رايه، به‌لێ ل هنده‌ك ده‌ڤه‌ران يا ب زه‌حمه‌ته وه‌كو مووسل، چونكو رێكخستى يا ب خه‌لكى ڤه گرێدايه و نه‌يا به‌رئاقله ل ئه‌سمانى هێرشێ بكه‌نه سه‌ر سڤيلان چونكو دێ ئه‌نجامێن وێ د خراب بن و دێ گه‌له‌ك سڤيل ل بن پيا چن.
نيشاندان
WP Facebook Auto Publish Powered By : XYZScripts.com