ئه‌ڤرۆ نیوز:
ئه‌نگێلا مێركل راوێژكارا ئه‌لمانیا راگه‌هاند كو توركیا یێ بوویه ویستگه‌هه‌كێ ده‌ربازبوونا چه‌كدارێن داعش بۆ عیراق و سووریا و گۆت: مه هه‌ڤكاریه‌كا به‌رده‌وام ل گه‌ل توركیا یا هه‌ى بۆ راوه‌ستاندنا ده‌ربازبوونا چه‌كدارێن داعش بۆ عیراق و سووریا.
ئه‌ڤ ئاخافتنێن مێركل د كونفرانسه‌كێ رۆژنامه‌ڤانى دا ل گه‌ل حه‌یده‌ر عه‌بادى یێ سه‌رۆك وه‌زيرێن عیراقێ هات و مێركل زێده‌تر گۆت: مه ل گه‌ل عه‌بادى زێده‌تر دانوستاندن ل سه‌ر بهێزكرنا په‌یوه‌ندیێن د ناڤبه‌را به‌غدا و به‌رلین كر ب تایبه‌ت بۆ دانا چه‌كى ب سوپایێ عیراقێ.
ئه‌ڤرۆ نیوز:
نڤیسینگه‌ها سه‌رۆك وه‌زیرێن عیراقێ ناڤه‌رۆكا دیدارا د ناڤبه‌را حه‌یده‌ر عه‌بادى و سه‌رۆك بارزانى ئاشكرا كر و راگه‌هاند كو د كومبوونێ دا به‌حسێ هه‌ڤكارى و هه‌ماهه‌نگیا د ناڤبه‌را هه‌ولێر و به‌غدا هاتیه كرن.
ئه‌ڤرۆ سه‌رۆك بارزانى و حه‌یده‌ر عه‌بادى ل باژێرێ میونخ یێ ئه‌لمانى كومبوون، نڤیسینگه‌ها سه‌رۆك وه‌زیرێن عیراقێ د راگه‌هاندنه‌كێ دا ئاماژه ب وێ یه‌كێ كریه كو د كومبوونێ دا به‌حسێ گرنگیا هه‌ماهه‌نگیا د ناڤبه‌را هه‌رێما كوردستانێ و خه‌لكێ مووسل هاتيه كرن ب مه‌ره‌ما ئازادكرنا مووسل ژ زولما داعش، هه‌روه‌سا ره‌وشا ئێمناهى و سه‌ربازیا پارێزگه‌ها كه‌ركووك به‌حس كرن.
ئه‌ڤرۆ نیۆز، قائید میرۆ
وه‌زاره‌تا كارو كاروبارێن كۆمه‌لایه‌تی ل حوكمه‌تا هه‌رێما كوردستانێ دیاركر، ل گوره‌ی پڕۆژه قانونا بودجه‌یێ سالا 2013ێ كو پێنج ملیار دینار ل هه‌ر سێ سه‌رۆكایه‌تیێن هه‌رێمێ بهێنه بڕین بۆ زێده‌كرنا موچێ كێم ئه‌ندامان، به‌لێ ئه‌ڤ پاره دیارنینه.
مه‌حه‌مه‌د كانی، په‌یڤدارێ وه‌زاره‌تا كاروبارێن كۆمه‌لایه‌تی بۆ ئه‌ڤرۆ نیۆز گۆت” ل گوره‌ی قانوونا ماف و ئیمتیازاتێن كێم ئه‌ندامان، پێدڤی بوو ئه‌ف پێنج ملیار دینار بهێنه سه‌ر حیسابا وه‌زاره‌تا كاروبارێن كۆمه‌لایه‌تی، به‌لێ چاره‌نڤیسێ ڤان پێنج ملیار دیناران دیارنینه و نه‌گه‌هشتیه وه‌زاره‌تێ.
كانی خویاژیكر، به‌ری نوكه مه ب نڤیسارا فه‌رمی سه‌رۆكایه‌تیا جڤاتا وه‌زیران و وه‌زاره‌تا دارایی ئاگه‌هداركرینه، به‌لێ هه‌تا نوكه چو به‌رسڤ بۆمه نه‌هاتینه.
ئه‌ڤرۆ نیوز:
به‌ری ده‌مه‌کێ کێم فرۆکێن شه‌ری یێن هه‌ڤپه‌یمانان ب دژوواری بنگه‌هین داعش ل نێزیک خاری تۆپبارانکرن.
ئه‌ڤرۆ ده‌مژمێر 1:30 ده‌قیقه فرۆکئن شه‌ری یێن هه‌ڤپه‌یمانان زێده‌تری 20 جاران ل گۆبجه‌لیل و به‌عشیق و به‌رتلا هێرشێن ئه‌سمانی کرینه سه‌ر چه‌کدارێن داعش.
ئه‌ڤرۆ دو رۆژه گه‌له‌ک ب دژوواری ئه‌و ده‌ڤه‌را مه‌سیجی نشین دهێته توپبارانکرن.
ئه‌ڤرۆ نيوز:
نوونه‌رێ به‌رده‌وامێ رۆسيا ل نه‌ته‌وێن ئێكگرتى ڤيتالى تشوركين راگه‌هاند كو وه‌لاتێ وى ب ره‌نگێ فه‌رمى پرۆژه‌ك پێشكێشى جڤاتا ئاسايشا نێڤده‌وله‌تى كريه بۆ بڕينا پشته‌ڤانيا دارايى يا داعش كو نه‌شێت بگه‌هيته ئه‌و پارێ هه‌يى.
تشوركين گه‌شبينيا خوه نيشا دا كو جڤاتا ئاسايشێ ڤى پرۆژه‌يى ل 10 شياتا ئه‌ڤ ساله په‌سه‌ند بكه‌ت و گۆت: “من ب فه‌رمى پرۆژێ ئاريشا بازرگانى يا ل گه‌ل گرۆپێن تيرۆرستى ل سوريا و عيراقێ دايه جڤاتا ئاسايشا نێڤده‌وله‌تى”.
گۆتژى: “هيڤى خوازين كو پشته‌ڤانيا ڤى پرۆژه‌يى د جه‌ژنا دبلۆماسى يا ئه‌م ل رۆسيا ل 10 شياتێ دكه‌ين بهێته كرن و گه‌له‌ك ژ هه‌ڤالێن من دبێژن كو دشيان دايه ئه‌ڤه بهێته كرن”.
ئاماژه ب وێ چه‌ندێ ژى كر كو دێ دانوستاندنێن كه‌سانێن شاره‌زا ل سه‌ر پرۆژه‌يى هێنه كرن و گۆت: “مه گه‌له‌ك يا ل سه‌ر پرۆژه‌يى كار كرى و بۆچوونا گه‌له‌ك لايه‌نان بۆ سه‌ركه‌فتنا وى پرۆژه‌يى يا وه‌رگرتى”.
رۆسيا به‌رى نوكه پرۆژه‌ك ل سه‌ر ئه‌ندامێن جڤاتا ئاسايشا نێڤده‌وله‌تى به‌لاڤكريه ل سه‌ر وێ چه‌ندێ يه كو رێ ب تيرۆرستان نه‌ده‌ن بگه‌هنه داهاتێن خوه و بازرگانيێ بكه‌ن ب تايبه‌ت يا په‌ترۆلێ.
ئه‌ڤرۆ نيوز:
ب ره‌نگه‌كێ فه‌رمى، ده‌مێ كلاسيكۆيێ د ناڤبه‌را هه‌ردو يانێن ريال مه‌دريد و به‌رشه‌لۆنا د حه‌فتيا 28 يا خۆلا ئسپانيا دا هاتيه دياركرن.
وێستگه‌هێ RAC1 يێ ئسپانى به‌لاڤكر كو لژنا هه‌ڤركيان ل ئسپانيا بڕيار دايه ياريا ڤه‌گه‌ريانێ يا كلاسيكۆ ل رۆژا 22 ى هه‌يڤا ئادارێ ل ده‌مژمێر 9 ب ده‌مێ ئسپانيا و 11 ب ده‌مێ كوردستانێ ل ياريگه‌ها كامپ نوو بهێته ب رێڤه‌برن.
پێشبينى ژى دهێته كرن ئه‌ڤ ياريا داهاتى يا خولا ئسپانيا گه‌له‌ك يا ئێكلاكه‌ر بيت و يانا مه‌له‌كى بزاڤێ بكه‌ت پارێزگاريێ ل جوداهيا خالێن ياريا ناڤبه‌را خوه و هه‌ڤركا خوه يا كه‌ته‌لۆنى بكه‌ت.
ب مه‌ره‌ما گێرانا كۆنگرێ گشتيێ وه‌زاره‌تا په‌روه‌درێ ل هه‌رێما كوردستانێ، جڤاتا وه‌زاره‌تا په‌روه‌ردێ بڕيار دا سێ كۆنفرانسێن ناڤخۆيى ل سێ پارێزگه‌هان بهێنه ئه‌نجام دا.
عه‌بد یوسف ریڤه‌به‌رێ گشتیێ یێ په‌روه‌ردا پارێزگه‌ها دهۆكێ بو ئه‌ڤرۆ نیوز دیاركر سوبه 8-2-2015 دێ كونفرانسێ په‌روه‌ده‌یی بۆ ئیك رۆژ هێته گێران و دێ دانوستاندنێ ل سه‌ر شه‌ش ته‌وه‌ارن كه‌ن دا كو پوخته‌یا ئه‌وان ته‌روه‌ران بۆ كۆنگره‌يى به‌رهه‌ڤ كه‌ن.
رێڤه‌به‌رێ گشتیێ په‌روه‌ردا پارێزگه‌ها دهۆكێ گۆت: “ئه‌ندامێن كونفرانسی سه‌رپه‌رشیتارێن گشتی و رێڤه‌به‌رێن گشتی و بسپورێن په‌روه‌رده‌يی و قوتابی و نڤیسه‌ر و هه‌له‌زانن و ماموستایێن خانه‌نشینكری و هه‌ر كه‌سه‌كێ مه زانیبیت دێ مفا ژێ هێته وه‌رگرتن هاتيه داخازكرن”.
دا زانين كو هژمارا ئه‌ندامێن ئه‌ڤی كونفارنسی نێزیكی 350 كه‌سانن، ژبلی مێڤانان و ل ده‌مژمێر 10:00 دێ ده‌ست ب كارێن خوه كه‌ن و هه‌تا ده‌مژمێر 5:30 ئێڤاری دێ يێ به‌رده‌وام بيت.
ئه‌ڤ كونفرانسێن ناڤخۆيی پشته‌ڤان و پالپشتیه‌كه بۆ گونكرێ گشتی و سه‌رخستنا پرۆگرامێن ئه‌وی كۆنگره‌ی كو ل سه‌ر ئاستێ په‌روه‌ردێن گشتی دهێته گێران و ل ئادارا ئه‌ڤ ساله ژی كونگرێ په‌روه‌ردێ دێ ده‌ست بك ارێن خوه كه‌ت.
ئه‌ڤرۆ نيوز:
ئيمارات راگه‌هاند كو د چه‌ند رۆژێن بهێت دا دێ هێرشێن ئه‌سمانى يێن دژى پێگه‌هـ و باره‌گايێن چه‌كدارێن رێكخراوا تيرۆرستى يا داعش ل سوريا م عيراقێ ده‌ست پێ كه‌نه‌ڤه.
جۆن كيرى، وه‌زيرێ ده‌رڤه يێ ئه‌مريكا ده‌رباره‌يى به‌رده‌واميا هێرشێن هه‌ڤپه‌يمانان بۆ سه‌ر داعش، ل گه‌ل سه‌ركردێن كێت و ئيمارات و به‌حرێن و قه‌ته‌ر و سعوديه و عه‌مان كۆم بوويه.
شاندێ ئيمارات ب وه‌زيرێ ده‌رڤه يێ ئه‌مريكا راگه‌هانديه كو د ماوێ چه‌ند رۆژێن داهاتى دا، ئيمارات دێ هێرشێن ئه‌سمانى بۆ سه‌ر بنگه‌هـ و باره‌گايێن چه‌كدارێن داعش ل عيراق و سوريا ده‌سپێكه‌ته‌ڤه.
پشتى سوتنا فرۆكه‌ڤانێ ئوردنى مه‌عاز كه‌ساسبه، ژ لايێ رێكخراوا داعش ڤه، ئيمارات هه‌ڤكاريكرن ل گه‌ل هێزێن هه‌ڤپه‌يمانێن نێڤده‌وله‌تى ب سه‌ركرداتيا ئه‌مريكا ب ره‌نگه‌كێ ده‌مكى هه‌لاويست بوو.
حه‌كیم عه‌بدولا رێڤه‌به‌رێ په‌یمانگه‌ها راهێنان و گه‌شه‌پێدانا په‌روه‌رده‌یی بۆ ئه‌ڤرۆ نیوز راگه‌هاند: ل دووڤ بڕیارا وه‌زاره‌تا په‌روه‌ردێ بریاره مامۆستایێن ل په‌یمانگه‌ها راهێنان و گه‌شه‌پێدانا په‌روه‌رده‌یێ هاتینه وه‌رگرتن ل 10-2-2015 ده‌ست ب ده‌وامێ بكه‌ن.
ناڤبری ئه‌و چه‌نده ژی دیاركر ل ده‌مژمێر 3:00 ئیڤاری ل پاره‌گه‌هێ په‌یمانگه‌هێ دێ ده‌واما فه‌رمی بیت و هه‌ر ئێكێ وه‌رگرتی دڤێت ل ده‌مێ دیاركری كری به‌رهه‌ڤ ب بیت .
رێڤه‌به‌رێ په‌یمانگه‌ها ناڤبری گوت ژی ل ده‌مێ به‌رهه‌ڤبونا هه‌موويان دێ به‌رنامه‌یێ وانه‌گوتنێ و دابه‌شكرنا وان ل سه‌ر گرۆپان هێته به‌لاڤكرن.
نيشاندان