نه‌رویج، ئاراس ره‌شاڤایى
مه‌لا كرێكار ئه‌میرێ به‌رێ یێ گرۆپا ئه‌نسارولئیسلام كو به‌رى چه‌ند رۆژان ژ ئالیێ ولاتێ نه‌رویج ڤه هاتبوو ئازادكرن، ئه‌ڤرۆ دادگه‌ها تاوانێن وى وه‌لاتى بڕیاردا مه‌لا كرێكار ڤه‌گوهێزنه گزریته‌یه‌كێ ل نه‌رویج كو 450 كم ل مالا وى دووره و ئه‌و گزریتا مه‌لا كرێكار تێدا دێ ژیت، ب تنێ بۆ وان كه‌سایه یێن مه‌ترسى بۆ سه‌ر ئاسایشا نه‌رویج.
بۆ پتر پێزانینان سه‌ره‌دانا ڤى لینكى بكه‌ن..
ئه‌ڤرۆ نیوز:
جاره‌كا دى بهایێ نه‌فتێ بلند دبیت و بهایێ به‌رمیله‌كا نه‌فتا خاڤ یا برنت گه‌هشته 55 دولاران.
ئه‌ڤرۆ دوشه‌مب، جاره‌كادى بهایێ نه‌فتێ ب ره‌نگه‌كێ نه‌چاڤه‌رێكرى بلند بوو و ب رێژا 3% چوو سه‌ر بهایێ وێ و بهایێ ئێك به‌رمیلا نه‌فتا خاڤ ژ 52.67 دولاران گه‌هشته 55.10 دولاران.
ئه‌ڤه دده‌مه‌كى دایه كو به‌رى چه‌ند رۆژان بهایێ به‌رمیلا نه‌فتێ گه‌هشتبوو 43 دولاران و ئه‌ڤ بهایه كێمترین بهابوو كو د ماوێ 5 سالێن بوورى دا ب خوه‌ڤه دیتى.
هه‌ڤده‌م دوهى وه‌زاره‌تا نه‌فتا عیراقێ پێشبینیا وێ چه‌ندێ كر كو بهایێ به‌رمیلا نه‌فتێ د نیڤا دوێ یا ئه‌ڤ ساله دا بگه‌هته سه‌ر 60 دولاران.
ئه‌ڤرۆ نیوز:
ئه‌ڤرۆ كومبوونا پێنج لایه‌نێن سه‌ره‌كى یێن پشكدار د حكومه‌تێ دا ب سه‌رپه‌رشتیا نێچیرڤان بارزانى هاته ئه‌نجامدان، نێچیرڤان بارزانى سه‌رۆكێ حكومه‌تا هه‌رێما كوردستانێ دیاركر كو كومبوونه‌كا ئیجابى وان ئه‌نجامدایه و ل ڤان نێزیكان دێ كومبوونه‌كا دى ژى ئه‌نجام ده‌ن و سه‌باره‌ت ئه‌رزانكرنا بهایێ پانزینێ، پشتى كومبوون ب دووماهى هاتى بۆ ده‌زگه‌هێن راگه‌هاندنێ گۆت: ل ڤان نێزیكان جڤاتا نه‌فت و گازێ ل هه‌رێما كوردستانێ دێ كوم بیت ب تایبه‌ت بۆ پرسا بهایێ پانزینێ”
دهێته چاڤه‌رێكرن، بهایێ لتره‌كا پانزینێ د ناڤبه‌را 650 بۆ 750 دیناران دابیت و بۆ ترۆمبێلێن ته‌كسى ژى هه‌ر ب 500 دیناران دابیت.
ئه‌ڤرۆ نيوز:
ئه‌ڤرۆ 2015.2.2 وه‌زيرێ په‌ترۆلا عيراقێ عادل عه‌بدولمه‌هدى سه‌ره‌دانا پارێزگه‌ها كه‌ركووك كر ژ بوو پشت راستبوون ژ هنارتنا په‌ترۆلێ و ل گه‌ل پارێزگارێ كه‌ركووك د. نه‌جمه‌دين كه‌ريم سه‌ره‌دانا وان بيسانێن په‌ترۆلێ كر ئه‌وێن ژ لايێ داعش ڤه هاتينه ته‌قاندن.
ژێده‌رێن ده‌نگوباسان ئاماژێ ب وێ چه‌ندێ دكه‌ن كو وه‌زيرێ په‌ترۆلێ ل گه‌ل پارێزگارێ كه‌ركووك سه‌ره‌دانا وان بيستانێن پترۆلێ كريه ئه‌وێن ژ لايێ چه‌كدارێن داعش ڤه د رۆژێن بۆرى دا هاتينه ته‌قاندن.
عادل عه‌بدولمه‌هدى د كۆنگره‌كێ رۆژنامه‌ڤانى دا راگه‌هاند كو ئه‌ڤا ل ڤان رۆژێن بۆرى ب سه‌رێ ڤان جهان هاتى كارتێكرن يا ل رێژا هنارتنا په‌ترۆلا هه‌رێمێ كرى و ئه‌ڤه دێ كارتێكرنێ ل بودجێ گشتى يێ عيراقێ ژى كه‌ت.
گۆتژى: “هه‌ر چه‌نده هێشتا رێژا زيانان ب ده‌ست نه‌گه‌هشتيه، به‌لێ ب چاڤ زيانه‌كا مه‌زن يا ب هنارتنا په‌ترۆلا كه‌ركووك گه‌هشتى”، ئاماژه ب وێ چه‌ندێ ژى كر كو هه‌ر ژ نوكه لايه‌نێن ته‌كنيكى مژوولى چاره‌كرن و نووژه‌نكرنا وان جهانه.
به‌رامبه‌ر وێ پارێزگارێ كه‌ركووك ژى د. نجه‌مه‌دين كه‌ريم گۆت: “بۆ داعش كه‌ركووك ژ مووسل گرنگتره ژ به‌ر كو رێژا به‌رهه‌مئينانا په‌ترۆلێ ل ڤێره زێده‌تره”.
ئه‌ڤرۆ نيوز، نيوار محه‌مه‌د سه‌ليم:
قايمقامێ قه‌زا شنگال، د داخۆيانيه‌كێ دا بۆ ئه‌ڤرۆ نيوز راگه‌هاند كو ئه‌ڤرۆ سپێدێ گۆڕه‌كێ ب كۆم يێ خه‌لكێ ده‌ڤه‌رێ هاتيه ديتن كو نێزيكى 30 كه‌سان تێدانه.
ميه‌سه‌ر حه‌جى، قايمقامێ قه‌زا شنگال كو نوكه ل سنونێ ده‌وامێ دكه‌ن، گۆت: “ئه‌ڤرۆ سپێدێ گۆڕه‌كێ ب كۆم يێ خه‌لكێ ده‌ڤه‌رێ ل نێزيك سنون و خانه‌سورێ هاتيه ديتن كو ژ لايێ داعش ڤه هاتيه ئه‌نجام دان”.
ميه‌سه‌ر حه‌جى زێده‌تر گۆت: “ئه‌و كه‌سێن د ناڤا ڤى گۆڕێ ب كۆم دا ژ ژن و زارۆ و پيرانه و د ناڤبه‌را 25 هه‌تا 30 كه‌سان دانه”.
ئاماژه ب وێ چه‌ندێ ژى كر كو هێشتا نه‌هاتيه زانين كا ئه‌ڤه ب تنێ ئێزدى نه يا موسلمان و ئاينێن دژى ل گه‌لن و گۆت: “بڕياره سوبه‌هى لژنه بچيته وێرێ و ڤه‌كۆلينان ل سه‌ر بكه‌ت بۆ زانينا پێزانينێن دروست”.
پشتى ئازادكرنا وان ده‌ڤه‌ران تيمێن پێشمه‌رگه‌يى ب هه‌ڤكاريا كه‌سانێن شاره‌زا ل مين و ته‌قه‌مه‌نيێن ل ده‌ڤه‌رێ هاتينه چاندن دگه‌رن و نوكه فه‌رمانگه‌هێن ئيدارى يێن شنگال ل سنونێ ده‌وامێ دكه‌ن و به‌رده‌وام كارێ لێگه‌ريانا گۆڕێن ب كۆم ژى دكه‌ن ژ به‌ر كو ئه‌و پێشبينيا گه‌له‌ك گۆڕێن ب كۆم ل ده‌ڤه‌رێ دكه‌ن.
“ئەو ئافرەتێن ژ دەستێ داعشێ قورتال بووین پێدڤی پتر خودانیا حوکمەتێ ھەنە، ئەو ھێشتا یێ ژ بەر نەخوشیێن دەروونی د نالن و د گەل ھندێ ب تنێ راپۆرت و بابەت و ئاخفتن ل سەر وان دھێنە نڤیسین، لێ ئەوان ب کریار دڤێت حوکمەت و جھێن پەیوەندیدار خوە لێ بکەنە خودان”.
ئەڤ گۆتنا ل سەری یا جیھان گاباری بەرپرسا قەزا شنگالێ یا ئێکەتیا ئافرەتان بوون، زێدەتر گۆت: ئەڤ ٢٧٥ ئافرەتێن ژ دەستێ داعش قورتال بووین پتر پێدڤی ھاریکاریێن دەروونی ھەنە و ھەر چەندە ئەوا دشێن ئەنجام ددەن لێ ئەو پێدڤی جھەکێ ئارامن ژ خەلکێ دی ئەو حەز دکەن ب تنێ بژین بۆ ماوەیەکی چونکو ئەوان رەوشەکا دەروونی یا تایبەت یا ھەیی”.
ئاماژە ب وێ چەندآ ژی کر کو ئەوان سەرەدانا پتریا وان ئافرەتان کریە و گۆت: “ل سەر رەوشا وان د ئاگەھدارین، لێ ژ بەر ئەو گلە و گازندا دکەن مە ھەماھەنگی د گەل قونسلێ فرەنسی کریە ئەو ئافرەتێن رەوشا وان یا دەروونی نە یا باش دێ بەرەڤ ولاتێن بیانی بەین ژ بوو چارەسەریێ”.
ئه‌ڤرۆ نيوز:
ب گۆره‌يى به‌لاڤبوونا وێنه‌كى ل تۆرێن جڤاكى ديار دبيت كو ئێك ژ وان كه‌سێن پشكدارى د سه‌ربڕينا شه‌هيد هوجام سورچى دا كرى، هاتيه كوشتن.
هه‌ر چه‌نده چو لايه‌نێن فه‌رمى پشت راست نه‌ركريه، ب گۆره‌يى ڤى وێنه‌يى، يێ كو ل تۆرێن جڤاكى هاتيه به‌لاڤكرن ئه‌و كه‌سێ ل هنداف شه‌هيد هوجام راوه‌ستيايى هه‌ر ئه‌وه يێ د وى وێنه‌يى دا ب كوشتى هاتيه ديتن.
ئه‌ڤرۆ نيوز:
جێگرێ فه‌رماندێ گشتى يێ هێزێن چه‌كدارێ ل هه‌رێما كوردستانێ د ئاگه‌هداريه‌كێ دا، وێراى ده‌ستخۆشيێ ل هێزێن پێشمه‌رگه‌يى بۆ سه‌ركه‌فتنێن وان يێن به‌رده‌وام، داخوازێ ژ هه‌موو پێشمه‌رگه‌يى دكه‌ت كو گرێدايى رێنمايێن شه‌رى بن و ب چو ره‌نگان ژێ ده‌رنه‌كه‌ڤن و يێ گرێدايى وان رێنما نه‌بيت دێ ب دژوارى هێته سزادان.
ئه‌ڤه ژى ده‌قێ وێ ئاگه‌هداريێ يه:
ئاگادارییه‌ك له كۆسره‌ت ره‌سوڵ عه‌لی
جێگری فه‌رمانده‌ی گشتی هێزی پێشمه‌رگه‌ی كوردستانه‌وه
پێشمه‌رگه گیانله‌سه‌رده‌سته‌كانی كوردستان،پارێزه‌رانی خاك و نه‌ته‌وه، وێڕای دوباره ده‌ستخۆشیمان له‌و به‌رگریی و هه‌ڵمه‌ته قاره‌مانانه‌تان بۆ پاراستنی بست به بستی خاكی كوردستان له شه‌مشه‌مه كوێره‌كانی تاریكی و پارێزه‌رانی نه‌ریتی وه‌حیشگه‌ری تیرۆریستانی داعش، به‌ڵام له دوایین هێڕشی ئه‌وان و تێكشكاندنی له‌لایه‌ن ئێوه‌وه، له تۆڕه كۆمه‌ڵایه‌تیه‌كاندا دیارده‌یه‌كی نوێی قێزه‌ونی دور له كه‌لتورو نه‌ریت و ئاكاری كوردانه‌و كورده‌واری بڵاوبۆته‌وه، كه سه‌ربڕینی داعشێكه، به راستی ئه‌و كاره دژو پێچه‌وانه‌ی ئاكاری شۆڕشگێڕانه‌ی پێشمه‌رگه‌ی كوردستانه، به درێژایی ده‌یانساڵی به‌رگری و مقاوه‌مه‌تی ئه‌م گه‌له سته‌مدیده‌یه له‌پێناو مانه‌وه‌یدا، ئه‌وه یه‌كه‌مجاره له یاساو رێساو نه‌ریته‌كانی ئه‌م گه‌له جوامێره‌دا ئه‌و كاره رووبدات، به درێژایی مێژوی شوڕش و به‌ره‌نگارییه‌كانمان ئێمه یاساكانی جه‌نگمان پاراستوه‌و به گوێره‌ی بنه‌ماكانی كه‌لتورو ئاینه‌كانمان هه‌ڵسوكه‌وتمان له‌گه‌ڵ كوژراوه‌كانی دوژمنانمان كردوه‌و به گوێره‌ی یاسا په‌یڕه‌وكراوه نێوده‌وڵه‌تیه‌كانیش رێزمان له دیله‌كان گرتوه، هه‌رچه‌نده ئه‌وان دڕنده‌و بێبه‌زه‌یش بووبن.
پێشمه‌رگه قاره‌مانه‌كان: داعشی دوژمنی ئه‌مجاره‌مان، ده‌یانه‌وێت ئێمه له‌گه‌ڵ خۆیاندا یه‌كسان بكه‌ن له توندوتیژی، بۆیه پێویسته ئاگاداری ئه‌و نیه‌ت و مه‌رامه‌یان بن، ئێوه دیفاع له خاك و نه‌ته‌وه‌یه‌ك ده‌كه‌ن، ئێوه به ناوی مرۆڤایه‌تیه‌وه دژی دوژمنانی مرۆڤایه‌تی ده‌جه‌نگن، مرۆڤایه‌تیش ئه‌و كارانه ره‌تده‌كاته‌وه.
بۆیه ئاگادارتان ده‌كه‌مه‌وه له دوباره نه‌بونه‌وه‌ی ئه‌و كارانه‌و ئه‌وه‌شی له به‌رپرس و پله‌دارو پێشمه‌رگه‌ش ئه‌و كارانه ئه‌نجامبده‌ن، یان رێگه بده‌ن به ئه‌نجامدانی ئه‌و كارانه به تونتدرین شێوه سزا ده‌درێت.
بژین بۆ پاراستنی كوردو كوردستان…
كۆسره‌ت ره‌سوڵ عه‌لی
جێگری فه‌رمانده‌ی گشتی هێزی پێشمه‌رگه‌ی كوردستان
2-2-2015
ئه‌ڤرۆ نيوز:
چار كه‌س ژ “حشد شعبى” هاتنه كوشتن و 28 ژى بريندار بوون ژ ئه‌نجامێ وێ هێرشا خوه‌كوژه‌كێ داعش كريه سه‌ر باژێره‌كێ نێزيك سامه‌را ب گۆره‌يى ژێده‌رێن ئه‌منى.
ئه‌وى خوه‌كوژى ترۆمبێله‌كا مينرێژى كرى دهاژوت و ئه‌ڤرۆ سپێدێ خوه ب خاله‌كا پشكنينێ ل ده‌ڤه‌را سوشناس باكوورێ باژێرى ڤه په‌قاند و بۆ ئه‌گه‌رێ كوشتنا شه‌ش كه‌سان و برينداربوونا 28 كه‌سێن دى و پتريا وان ژى چه‌كدارێن “حشد شعبى” بوون.
به‌لێ ژێده‌ره‌كێ ئه‌منى راگه‌هاند كو ئه‌ڤرۆ رێكخستيێ هێرش كره سه‌ر هنده‌ك بنگه‌هێن سه‌ربازى ل موسه‌نا باژێرێ سه‌رسار ل باشوورێ سامه‌را و بۆ ئه‌گه‌رێ كوشتنا چار كه‌سان و 26 بريندار بوون كو هه‌موو ژ چه‌كدارێن “حشد شعبي” بوون.
نيشاندان