ئه‌ڤرۆ نيوز:
هێزێن پێشمه‌رگه‌يى ژ سێ ميحوه‌ران ل سنورێ كه‌ركووك هێرش كره سه‌ر چكدارێن داعش.
ب گۆره‌يى ئه‌و پێزانينێن ل به‌ر ده‌ست هێرشا پێشمه‌رگه‌يى بۆ سه‌ر چه‌كدارێن داعش ل باشوورێ كه‌ركووك ل سێ ميحوه‌ران ده‌سپێكر.
ب گۆره‌يى نووچه‌يان مه‌ره‌م ژ ڤێ هێرشا پێشمه‌رگه‌يى بۆ وه‌رگرتنا هه‌ر سێ ده‌ڤه‌رێن خه‌بازه و فه‌تحه و پشكه‌ك ژ مه‌لا عه‌بدولايه.
ماموستایێ زانستێن سیاسی ل كولیژا یاسا و رامیاری ل زانكویا سه‌لاحه‌دین بو ئه‌ڤرۆ نیوز دیاركر لایه‌نێ كوردی سێ هه‌یڤه وه‌ك نیاز پاكیا خوه موله‌ت دابوونه عه‌بادی، لێ ده‌ربازبوونا ئه‌وی ده‌می ل گوره‌يی رێكه‌فتنا هه‌رێمێ ل گه‌ل به‌غدا نها ئاریشێن ته‌كنیكی هه‌نه و نابنه ئاریشێن سه‌ره‌كی د ناڤبه‌را هه‌رێم و به‌غدا دا كو كێشه چاره نه‌بن.
د.عه‌بدولحه‌كیم خسرۆ گۆت: “ئه‌و رێكه‌فتنا هه‌رێمێ ل گه‌ل به‌غدا پێدڤی ب ده‌می هه‌یه و چاڤه‌رێ بین دانوستاندنێن زێده‌تره ل گه‌ل به‌غدا، هه‌موو تشته‌ك ژی هاتیه رۆهنكرن د رێكه‌فتنێ دا”.
ماموستایێ زانستێن سیاسی ئه‌و ئیكه‌ژی دا زانین كو پێدڤیه حوكمه‌تا هه‌رێما كوردستانێ ژی هه‌لویستێ عه‌بادی و عادل عه‌بدولمه‌هدی به‌رچاڤ وه‌رگريت و رۆهنكرنێن زێده‌تر ل سه‌ر بده‌ن.
ناڤبری ئه‌و چه‌نده ژی گوت: “ئه‌ڤ رێكه‌فتنه يا ستراتیژی یه نه‌ك ته‌كتیكی يه هه‌رێم و نه به‌غدا وه‌كو رێكه‌فتن بۆ قۆناغه‌كێ يان ده‌مه‌كی نابینن، له‌ورا دێ به‌رده‌وام بن ل سه‌ر، دا بیته بنه‌مایه‌ك بۆ رێكه‌فتنا دووماهیی ل گه‌ل به‌غدا”.
نه‌ڤه‌شارت ژى كو نوكه ترس ژ وێ چه‌ندێ هه‌یه هێزێن سیاسی هه‌بن ل عیراقێ كو رێگریان بێخنه پرۆسا وێ و گۆت: “نه رۆهنیا ناڤه‌رۆكا رێكه‌فتنێ دبیت ببيته ئاریشه”.
ئه‌ڤرۆ نيوز:
لەشکەرێن تورکان ل سه‌ر سنورى هێرش كره سه‌ر ژنەکا کورد ژ دێرکا حەمکۆى و ب گولان كوشت.
ژنەکە کورد تەمەنێ 30 سالی دەما دخوەست ژ رۆژاڤا بەر ب باکوور ڤە بچيت ل سەر سنۆر ژ ئالیێ (جه‌ندرما)ێن تورکیێ ڤە هێرش كره سه‌ر و كوشت.
ھات راگەھاندن کو ژنا کورد ب ناڤێ (نەزاھەت جەلال) 30 سالیە ژ دێرەکا حەمکۆیی ل سەر سنۆرێ تورکیێ ب گولەیێن کلانشینکۆفێ هاتيه کوشتن.
ژێده‌ر: kurddunya
ئه‌ڤرۆ نیۆز، قائید میرۆ
مه‌لا شوان كوردی ئێك ژ داعشێن كورد ل شه‌ڕێ كه‌ركووكێ ژلایێ هێزێن پێشمه‌رگه‌یڤه هاتیه كوشتن و ده‌زگه‌هێن ئه‌منی كوشتنا وى پشتڕاستكریه.
عه‌قید ئیدریس ره‌فعه‌ت، به‌رپرسێ حه‌ره‌كاتا ئاسایشا كه‌ركووكێ بۆ ئه‌ڤرۆ نیۆز گۆت” شه‌ڤا ئه‌ینی مه‌لا شوان كوردی، ب رێیا گرته‌یه‌كا ڤیدیۆیی نوچه‌یێ سه‌ركه‌فتنێ دده‌ته لایه‌نگرێن خوه، به‌لێ ل شه‌ڕێ كه‌ركووكێ هاتیه كوشتن و پشكنین بۆ ته‌رمێ وی هاتیه‌كرن، ده‌ركه‌فتیه ته‌رمێ مه‌لا شوانه.
عه‌قیدی گۆتژی” ئه‌م وه‌لاتیێن كوردستانێ پشتڕاست دكه‌ین مه‌لا شوان هاتیه كوشتن و ته‌رمێ وى دده‌ستێ هێزێن ئه‌منی و پێشمه‌رگه‌یدایه.
مه‌لا شوان كوردی، ئیمام و گوتار خوینێ مزگه‌فته‌كا ده‌وروبه‌رێ باژێڕێ هه‌ولێرێ بوو، هه‌یڤا 11ی سالا بۆری دگه‌ل خێزانا خوه چوویه ناڤ داعش.
ئه‌ڤرۆ نيوز:
سۆپايێ ئه‌مريكا كوشتنا ئێك ژ ئه‌ميرێن مه‌زن يێن داعش پشت راست كر كو به‌رپرسه د وارێ چه‌كێ كيمياوى دا ل ناڤ داعش.
فه‌رماندێ ناڤه‌ندى يێ سوپايێ ئه‌مريكا دبه‌ياننامه‌كێ دا راگه‌هاند كو ئه‌و ئه‌ميرێ مه‌زن يێ داعش ب ناڤێ ئه‌بۆ مالك بوويه و ژ ئه‌نجامێ گورزه‌كێ هێزێن هه‌ڤپه‌يمانان ل نێزيك باژێرێ مووسل كوشتيه.
د به‌ياننامێ دا سۆپايێ ئه‌مريكا ئاماژه ب وێ چه‌ندێ كريه كو ئه‌بۆ مالك ل سه‌رده‌مێ رژێما سه‌دام حسێن ل كارگه‌هه‌كا تايبه‌ت ب به‌رهه‌مئينانا چه‌كێ كيمياوى كار كريه و پشتى ژناڤچوونا رژێمێ په‌يوه‌ندى ب داعش كريه.
ب گۆره‌يى به‌ياننامێ كوشتنا ئه‌بۆ مالك زيانه‌كا مه‌زنه ب داعش گه‌هاندى و ئێدى نه‌شێت ده‌ستێ خوه بگه‌هينيته چه‌كێ كيمياوى يان ژى هه‌ر چو نه بيت دێ ب زه‌حمه‌تتر كه‌ڤيت.
ئه‌ڤرۆ نيوز:
مالپه‌رێن ده‌نگوباسان يێن تايبه‌ت ب داعش ڤه راگه‌هاند كو ئه‌وان سه‌رێ فرۆكه‌ڤانێ ئوردنى بڕى، ئه‌وێ بڕيار ل جهێ گرتيا داعش د ده‌ستێ ئوردنێ دا بهێته پێكگوهاڕتن.
هه‌ر چه‌نده چو وێنه‌يێن دروست يێن سه‌ربڕينا وى يان ڤيديۆيێن تايبه‌ت ب سه‌ربڕينا وى نه‌هاتينه به‌لاڤكرن، به‌لێ ئه‌ڤرۆ سپێدێ ل گه‌ل مالپه‌رێن تايبه‌ت ب وان و تۆڕێن جڤاكى نووچه‌يێ سه‌ربڕينا فرۆكه‌ڤانێ ئوردنى مه‌عاز كه‌ساسبه راگه‌هاند يێ كو ل ژڤان بوو ل جهێ ساجيدا ريشاوى ده‌سته‌سه‌ركريا ئوردن بهێته ئازاد كرن.
ئه‌ڤ نووچه‌يه د ده‌مه‌كى دايه كو ئه‌ڤه حه‌فتيه‌كه دانوستاندن ل د ناڤبه‌را ئوردن و داعش دا ده‌سپێكرى ب مه‌ره‌ما گه‌هشتن ب ئه‌نجامان ژ بوو لێكگوهاڕتنا هه‌ردو ده‌سته‌سه‌ركريان و حوكمه‌تا ئوردن ل حه‌فتيا بۆرى ژى ئاماده‌يا خوه بۆ لێكگوهاڕتنێ ده‌ربڕى بوو.
ئه‌ڤرۆ نيوز:
دهێته چاڤه‌رێكرن ل ناڤه‌راستا ڤێ حه‌فتيێ حوكمه‌تا هه‌رێما كوردستانێ بڕيار ل سه‌ر كێمكرنا ده‌واما فه‌رمانبه‌ران و چه‌ند بڕياره‌كێن دى سه‌باره‌ت ب خزمه‌ت و خانه‌نشينكرنێ و ده‌ستووريا بێ مووچه و ده‌مێ ده‌وامێ يێ فه‌رمانبه‌ران كه‌ت.
ب گۆره‌يى نوچه‌يه‌كێ راديۆيا ناڤخۆ، د ڤێ حه‌فايێ دا حوكمه‌تا هه‌رێما كوردستانێ دێ گوهۆڕينان ل ده‌مێ ده‌واما ئاسايى يا فه‌رمانبه‌ران كه‌ت و كو كێمكرنا ده‌واما فه‌رمانبه‌ران ژى دێ ب كێمكرنا ده‌مژمێره‌كێ بيت ل سه‌ر ده‌واما وان يا فه‌رمى.
هه‌ر ب گۆره‌يى ئه‌وان پێزانينان، حوكمه‌تێ بڕيار دايه مۆله‌تا بێ مووچه كو هه‌تا نوكه ساله‌ك ددا فه‌رمانبه‌ران، زێده بكه‌ت، بۆ پێنج سالان و ئه‌و مۆله‌ت دێ ل ده‌مێ خانه‌نشينكرنێ وه‌كو خزمه‌تا فه‌رمانبه‌ران هه‌ژمار كه‌ت.
ئامێدیێ ، مەحمود نھێلی
بالەفرێن لەشکەری یێن تورکیا سنورێ ھەرێما کوردستانێ دەرباز دکەن و ل پشتی نیڤرۆیا رۆژا ئەینی 2015.1.30 ل ھنداڤا دەڤەرا ئامێدیێ بۆ نیڤ دەمژمێرێ دەورانا ددەن.
چەند وەلاتیێن گوندێن دەردورێن ناحیا دێرەلۆکێ بۆ ئەڤرۆ نیوز دیارکرن، کو ل دەمژمێر 3 هه‌تا 3:00 پشتی نیڤرۆیا ئەڤرۆ دوو بالەفرێن لەشکەری یێن تورکیا بۆ ماوێ نیڤ دەمژمێرێ ھنداڤا دەڤەرا وان دەوران داینە و گۆتن: ( دەنگێ ڤان بالەفران گەلەک ب نزمی دھاتە بiیستن لێ ژبەر عەوران و بارانێ ئەڤ بالەفرە ب چاڤ نەھاتنە دیتن و دەنگێ رەمیێ ژی نەھاتیە گوھلێ بوون و ناھێتە زانین کا چەند بالەفر بووینە).
ژلایێ خوە ڤە ژێدەرەکێ ژ پەکەکێ بۆ ئەڤرۆ نیوز تەکەز کر، کو بالەفرێن لەشکەری یێن تورکیا ھنداڤا دەڤەرا زاپێ و چیایێ مەتینان فرینە و سنورێ باشورێ کوردستانێ دەرباز کریە لێ بێی کو چ دەڤەرا بوردومان بکەن ڤەگەریانە بنگەھێ خوە ل باکوری و مەرەما دەربازکرنا ڤان بالەفران ژ سنورێ ھەرێمێ ژی نەھاتیە زانین.
ب گۆره‌يى ژێده‌رێن ناڤخۆ يێن پاكستان ژ ئه‌نجامێ ته‌قينه‌كێ ل ئێك ژ مزگه‌فتێن شيعان ل وى وه‌لاتى، 15 كه‌سان گيانێ خوه ژ ده‌ست دا و نێزيكى 50 كه‌سان ژى بريندار بوون.
ئه‌ڤ روودانه د ده‌مێ نڤێژا ئه‌ينيێ يا ئه‌ڤرۆ ل باژێرێ شيكاربۆر روودا و وه‌زيرێ راگه‌هاندێ ژى دا زانين كو هێشتا نه‌هاتيه زانين كا ئه‌ڤ روودانه ته‌قينه‌ك بوويه يان ژى كرياره‌كا خوه كوژى بوويه و گۆت: “ڤه‌كۆلين يا به‌رده‌وامه”.
ژ لايه‌كێ دى ڤه ئاخفتنكه‌رێ ب ناڤێ گرۆپێ “جند الله” ئه‌حمه‌د مه‌روات به‌رپرساتيا خوه ژ روودانا مزگه‌فتا شيعلا ل شيكاربۆر راگه‌هاند.
ئه‌ڤرۆ نيوز:
ب گۆره‌يى كه‌نالێ NTV يێ توركى ئه‌ڤرۆ كه‌سه‌كا نه‌نياس ل مه‌يدانا ته‌قسيم يا وه‌لاتێ توركيا ته‌قه ل باره‌گايێ پۆليسان كر و چه‌كێ خوه هاڤێتيه.
ميديا توركى دايه زانين ژى كو ب گۆره‌يى پێزانينێن ئه‌و كه‌سێن روودان ب چاڤ ديتى، ئه‌و كه‌س ژن بوويه و پشتى ته‌قه ل بنگه‌هێ پۆليسان ل مه‌يدانا ته‌قسيم كرى ره‌ڤيه و چه‌كێ خوه كو ژ جۆرێ كلاشينكۆف بوويه هاڤێتيه و هه‌تا نوكه نه‌هاتيه ده‌سته‌سكرن.
هه‌ر چه‌نده ب گۆره‌يى ئامارێن ده‌سپێكى چو زيانێن گيانى نه‌بووينه، به‌لێ نوكه ل ميدانا ته‌قسيم نوكه پۆليسان رێيێن ئه‌منى يێن دژوار گرتينه به‌ر بۆ ده‌سته‌سه‌ركرنا ئه‌ڤ ژنا ب ڤێ روودانێ رابوويى.
نيشاندان