ئه‌ڤرۆ نيوز:
رێڤه‌به‌ريا پۆليسێن هه‌ولێر راگه‌هاند كو دوهى 2015.1.26 پۆليسێن وان ل سه‌ر كێشه‌كێ هاتينه ئاگه‌هداركرن ل ئێك ژ كۆمپانيێن په‌ترۆلێ ل گه‌ورگۆسكى.
دايه زانين ژى كو پشتى پۆليس گه‌هشتينه جهێ روودانێ ديار بوويه كو شه‌فه‌له‌ك ب سه‌ر گه‌نجه‌كى دا كه‌فتيه ب ناڤێ حاتم رۆسته‌م عومه‌ر يێ 20 سالى و ب مخابنى ڤه گيانێ خوه ژ ده‌ست دايه.
ئاماژه ب وێ چه‌ندێ ژى كريه كو ژ به‌ر نه‌بوونا ده‌ستووريێ شوفێرێ شه‌فه‌لێ ده‌ستگير كريه ودوسيا ڤه‌كۆلينێ ژى بۆ ڤه‌كريه.
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ دێ هنده‌ك ئه‌ورێن كێم هه‌بن و پاشان ب تمامى بيته ئه‌و و ل دانێ ئێڤارى دێ باران باريت.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ زێده‌بوونا فشارێن نزمێن ده‌ريا سۆر بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا چارشه‌مبى رێكه‌فتى 28\1\2015 ئه‌سمانێ دهۆكێ دێ هنده‌ك ئه‌ورێن كێم هه‌بن و پاشان ب تمامى بيته ئه‌و و ل دانێ ئێڤارى دێ باران باريت و ل گه‌ل باران بارينێ دێ هنده‌ك بريسى ژى هه‌بن.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ ژى دێ پيچه‌ك هێته خوار هه‌ڤبه‌ركى ل گه‌ل رۆژێن به‌رى نوكه بيت ب ره‌نگه‌كى د ناڤبه‌را 14 بۆ 5 دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى دێ باكورێ رۆژهه‌لات بيت ب ره‌نگه‌كى دێ يێ ل سه‌ر خوه و ناڤه‌ندى بيت د ناڤبه‌را 5 بۆ 10 كلم و ل ده‌مێ باران بارينێ 10 بۆ 20 كلم د ده‌مژمێره‌كێ ماوێ ديتنێ ژى دێ 8 بۆ 10 كلم بيت.
ئەڤرۆ نیۆز، بارزان سلێمان مزووری:
ئەفسەرەکى ژ فەوجا سێ لیوا دوازدە ژ ھێزێن پێشمەرگەی ل میحوەرێ شنگال، بۆ ئەڤرۆ نیوز دیار کر كو ئەڤرۆ دەمژمێر 5 سپێدێ چەکدارێن تیرورستێن داعش ب چەکێ گران و ھێزەکا مەزن ھێرش کرە سەر پێشمەرگەیێن میحوەرێ شنگال حەتا دەمژمێر 6:30 خولەک شەر يێ بەردەوام بوو.
عەقید وەزیر، گۆتژى: “د ڤێ ھێرشێ دا داعش شکەستنەکا مەزن ئینا ل دەست پێکا ھێرشێ 5 تەرمێن وان کەفتنە د ناڤبەرا پێشمەرگەيی و داعش دا، گەلەک بزاڤ کرن تەرمێن خوه ببەن، به‌لێ نەشیان، ئەوێن خوه نێزیکى تەرمان ژی کرین ھاتنه کوشتن ل دووڤ دا فروکەیێن جەنگی ھاتن ھێرشا وان بوردومان کرن زیانێن مەزن یێن گیانی و مادی ب وان کەفتن”.
ناڤبری دیار کر کو دڤێ ھێرشێ دا پێشمەرگە يێ ب سلامەت بوو، ج پێشمەرگە شەھید و بریندار نەبووینە د ورەیەکا بەرزدا بوون.
ئەڤرۆ نیۆز،بارزان مزووری:
ژێدەرەکى ژ چەکدارێن رێکخراوا ئازاد ل ناڤ باژێرێ مووسل بۆ ئەڤرۆ نیۆز دیار کر كو چەکدارێن تیرورستێن داعش دوھی ل تاخێ “حی الوحدة” دێرا ئارمن یا مەسیحیان ب تمامی سوت د گەل وان کەل و پەلێن تێدا و پرتووکێن ئاینێ مەسیحیان.
ناڤبری دیار کر كو داعش بەری نوکە دێر وێران نەدکرن نھا دەست ب پەقاندن و تێک دانا وان کریە، ئەڤ دێرا نھا ھاتیە سوتن کەڤنترین دێرە ل پارێزگەھا مووسل.
ئەڤرۆ:
ل گۆر راپۆرتەکا ئاژانسا BBC وەزیرێ دەرڤە یێ روسیا سیرگێی لاڤرۆڤ ل گەل وەزیرێ دەرڤە یێ ئیسرائیلێ ئاڤیگدور لیبرمان کۆمبوو و پشتی کۆمبوونێ د پرێس کۆنفرانسەکی دا وەزیرێ دەرڤە یێ روسیا دیار کر کو رۆژھەلاتا ناڤین د شەرەکی دژوار دا دبوریت و گەلەک ھێز دخوازن بەرنامێن خوە ب زۆرێ ل سەر خەلکێ دەڤەرێ بسەپینن، لێ دیارە کو ئەو بەرنامە ناگەھنە چو ئەنجامان و دێ ببنە ئەگەر دەڤەرا مە ھەردەم یا ئالۆز بیت و گۆت: (ئیسرائیل خوەدان رۆلەک گەلەک گرنگە ل رۆژھەلاتا ناڤین و بێی ئیسرائیلێ چو پرسەک چارە نابیت و دڤێت ئەم رۆلێ گرنگ یێ ئیسرائیلێ بۆ چارەکرنا قەیرانا نھا باش ببینین و دڤێت مە بەرنامەکا دارێتی ب پشکداریا ھەموو ئالیان ھەبیت).
وەزیرێ دەرڤە یێ ئیسرائیلێ ژی دیار کر کو دڤێت روسیا چەکێن گران نەدەتە ئیرانێ و ئەو رێککڤتنا ھەفتیا بۆری د ناڤبەرا ھەر دو وەلاتێن ئیران و روسیا دا ھاتیە ئیمزاکرن مەترسیا خوە بۆ مە ھەیە و ھەروەسا نابیت دانوستاندنێن ل گەل ئیرانێ ببنە ئەگەر کو مەترسیا وی وەلاتی بۆ مە زێدەتر بیت و گۆت: (ئیران ھاریکاریا رێکخراوێن تیرۆرستی دکەت و ھەتا نھا ژی ئەو ھاریکاری یا بەردەوامە و دڤێت روسیا چەکێن گران نەدەتە ئیرانێ، چونکو ئەو چەکە دێ بکەڤنە دەستێ وان رێکخراوان و وی دەمی دێ مەترسیەکا مەزن بۆ دەڤەرێ ب گشتی و ب تایبەتی ژی دێ بۆ ئیسرائیلێ دروست بیت و مە بەری نھا ژی گۆتیە و ئەم جارەکا دی ژی دبێژین کو ئەم ل ھەمبەر بزاڤێن وەسا بێدەنگ نامینین).
داعش کەڤنترین دێر ل مووسل سووت
ئەڤرۆ نیۆز،بارزان مزووری
ژێدەرەک ژ چەکدارێن رێکخراوا ئازاد ل ناڤ باژێرێ مووسل بۆ ئەڤرۆ نیۆز دیار کر کۆ چەکدارێن تیرورستێن داعش دوھی ل تاخێ حی وحدە دێرا ئارمن یا مەسیحیان ب تمامی سوت دگەل وان کەل و پەلێن تێدا و پەرتوکێن ئاینێ مەسیحیان ،
ناڤبری دیار کر کۆ داعش بەری نوکە دێر وێران نەدکرن نھا دەست ب پەقاندن و تێک دانا وان کریە ، ئەڤ دێرا نھا ھاتیە سوتن کەڤنترین دێرە ل پارێزگەھا مووسل .
ئه‌ڤرۆ:
بالیۆزێ ئەمریکا یێ بەرێ ل عیراقێ، جیھانێ ب قەردارێ پێشمەرگەی دزانیت و دبێژیت ھەکە پێشمەگە نەبا، ئەوا نوکە ب دەستڤەدھێت دژی داعش، نە داھتە کرن.
زالمای خەلیل زادە بۆ رووداو گوت” پێدڤیە رێز ل قوربانیێن وێ بەرگریا دژی داعشێ ھاتیە کرن، بھێتە گرتن و پێشمەرگەی قوربانیدانەکا مەزن یا دای لێ جیھان نزانیت”.
گوت ژی” کوردان سیاسەتەکا رۆھن یا ھەی و یێن بووینە پەناگەھا ئاواران بێ جوداھی و پێدڤیە جیھان رێزێ ل ڤێ چەندێ بگریت” دیارکر ” ب چوونا مەسعود بارزانی بۆ بەرەیێن شەڕی جارەکادی نیشادا کو پێشمەرگەیە و ئەوژی باگراوەندا وی یە و ئەم نیگەرانێن رەوشا وی یا ئەمنی بووین دەمێ دچوو بەرەیێن شەڕی ، لێ ئەستەمە رێگری لێ بھێتە کرن کو نەچیت”.
ئەڤرۆ نیوز:
د دیدارەکێ دا بۆ رۆژناما ئەڤرۆ کو چەکدار ئەترووشی بەرھەڤکریە، ئەندامەکێ سەرکردایەتیا ئێکەتی نشتیمانی کوردستان دیار دکەت کو چەندین کوتلە د ناڤ پارتا وی دا ھەنە و حاشاتی ژ وێ چەندێ ناھێتە کرن، کێشێن مەزن ژی یێن ھەین کو ب کۆنگرەی ژی چارە نابن.
شالاو عەلی عەسکەری ئەندامێ سەرکردایەتیا ئێکەتی نشتیمانی کوردستان دیار دکەت کو دناڤ ئێکەتیێ دا سێ کوتلە یێن ھەین و بۆ رۆژناما ئەڤرۆ گوت” حاشاتی ژ نەبونا کوتەلەیان دناڤ سەرکردایەتیا ئێکەتی نشتیمانی کوردستان دا ناھێـتە کرن و دو کوتلەیێن سەرەکی کو ھێرۆ ئیبراھیم ئەحمەد سەرکێشیا ئێکێ دکەت و یا دیتر بەرھەم سالح و کۆسرەت رەسول عەلی، کوتلا سیێ ژی یا کەسانێن کو نەگرێدایی ھەردو کوتەلێن دی یە کو دڤێن ئەڤ کێشەیە چارە ببن”.
شالاوی ئەو چەندە دیارکر کو مام جەلال ئێک ژ ئەگەرانە و گوت” دووربوونا مام جەلالی ژ پرۆسا سیاسی و کارێن ئێکەتیێ ئێک ژ ئەگەرێن سەرەکی یە ژ ئەوا نوکە ھەی کو زیانەکا مەزن کریە”.
ئەندامێ سەرکردایەتیا ئێکەتی نشتیمانی کوردستان ئاماژە ب وێ چەندێ کر کو کێشێن مەزن دناڤ ئێکەتیێ دا یێن ھەین و گوت” کێشێن گەلەک مەزن دناڤ سەرکردایەتیا ئێکەتی نشتیمانی دا ھەنە و خوە ب بەستنا کۆنگرەیی ژی چارە نابن”.
شالاو عەلی عەسکەری دنگوباسەک ژی رەتکر ل ڤێ دووماھیێ ل دەزگەھێن راگەھاندنێ ھاتیە بەلاڤکرن و گوت” چ راستی و بنەما بۆ وی دەنگوباسی نینن یێ دبێژیت کو کۆسرەت رەسول عەلی جێگرێ ئێکێ یێ سکرتێرێ گشتیێ ئێکەتیێ داخواز ژ سەرۆکێ ھەرێمی یا کری دژی کوتلا ھێرۆ ئیبراھیم ئەحمەد راوەستیت، چونکی ھەکە وەسا بیت کو ئێک ژ ئەندامێن شاندی ئەڤ چەندە گوتیە، پێدڤیە ناڤێ خوە دیار کربا، چونکی سیاسی خودان کەسایەتیە و ب دەنگێن خەلکی ئەو پۆستە وەرگرتیە و نابیت ب ترسیت، ھەکە راستە بلا ناڤێ ژێدەری دیار بکەن و ئەو کەسانێن دناڤ شاندی دا د دیاربوون و د ڤەشارتی نەبوون”.
شالاوی تەکەزی ل سەر وێ چەندێ کر کو ئێکەتی دناڤ خوە دا دنالیت و گوت” ژبەر ئەوان کێشێن ھەین دناڤ وێ دا و یێن ژدەرڤە، ئێکەتی دنالیت و پێدڤی یە ب زووترین دەم رێکە چارەیەک بھێـتە دیتن داکو ئەو کێشە چارەبن”.
ل دووماھیێ ئەندامێ سەرکردایەتیا ئێکەتی نشتیمانی کوردستان ئەو چەندە ئاشکرا کر کو کوتلە دناڤ ئێکەتیێ دا یێن ھەین ، کانێ چەوان کورد دبێژن ( سنعەت رەزیل بوویە) لێ نە ل وی ئاستێ نوکە خەلکەک دبێژیت، دیسان دیارکر کو نە ل وێ باوەریێ مە کۆنگرەیێ ئێکەتیێ بھێتە بەستن، چونکی پێدڤیە کۆنگرە دەربرینێ ژ ئێکەتیێ بکەت ژبەر وێ چەندێ من باوەری نینە ئەڤ چەندە بھێـتە ئەنجامدان.
ئه‌ڤرۆ نیوز:
سه‌رۆك بارزانى پشتى ئازادكرنا كوبانێ په‌یامه‌كێ به‌لاڤ دكه‌ت و د پشكه‌كا په‌یاما وى دا هاتیه” ئه‌ڤرۆ ده‌نگوباسێ ئازادكرنا كوبانا خوه‌راگر گه‌هشته من، ڤى ده‌نگوباسى دلێ هه‌موو كوردستانێ و ئازایخوازه‌كێ شاد كر، پیرۆزباهیێن ل هه‌موو گه‌لێ كوردستانێ دكه‌م و ڤێ سه‌ركه‌فتنه سه‌ركه‌فتنا هه‌موو گه‌لێ كوردستانێ یه، سه‌ركه‌فتنا مروڤایه‌تیێ یه ب سه‌ر وه‌حشیگه‌ریا تیرورستان.
سه‌رۆك بارزانى دیسا گوتیه: شانازییه بۆ گه‌لێ كوردستانێ ب درێژاهیا 1500 كیلومتران ل به‌رامبه‌ر درنده‌ترین رێكخراوا تیرورستى راوه‌ستیاى و تووشى شكه‌ستنێ كرى، خوه‌راگریا قاره‌مانانه‌یا شه‌رڤانان و پشته‌ڤانیا هێزا پێشمه‌رگێ قاره‌مان بۆ خووشك و برایێن وان ل كوبانێ، ب بلند دنرخینم و ده‌ست و چاڤێن وان ماچى دكه‌م.
ئه‌ڤرۆ نیوز:
وه‌زیرێ ئه‌وقاف و كاروبارێن ئاینى ل حكومه‌تا هه‌رێما كوردستانێ ئاماژه ب وێ یه‌كێ دكه‌ت كو ڤه‌گه‌ریانا مه‌لا كرێكار ئه‌میرێ به‌رێ یێ گرۆپا ئه‌نسارولئیسلام په‌یوه‌ندى ب ئه‌وان ڤه نینه.
كه‌مال موسلیم بۆ nna راگه‌هاندى یه كو هاتنا مه‌لا كرێكار په‌یوه‌ندى ب سیاسه‌تا حكومه‌تا هه‌رێما كوردستانێ یه، نه ب وه‌زاره‌تا ئه‌وقافێ.
ئه‌ڤرۆ نيوز، نيوار محه‌مه‌د سه‌ليم:
نوكه ل هه‌رێما كوردستانێ ب ره‌نگه‌كێ به‌رچاڤ گرنگى ب گه‌شتوگۆزارا زڤستانى نه‌هاتيه دان، به‌لێ ئه‌ڤه هندێ ژى ناگه‌هينيت كو ب ئێكجارى ل كوردستانێ نينه.
ل هه‌ولێرا پايته‌خت و قه‌زا سوران ب نێزيكتر به‌حس بكه‌ين چيايێ كوره‌ك يێ گۆزارى نوكه هه‌تا راده‌كێ باش ئه‌ڤ گه‌شتوگۆزاره لێ دهێته ديتن و خه‌لكه‌ك ژى ب باشى قه‌ست دكه‌تێ كو رۆژێن بهێن ڤه‌دان گه‌له‌ك يا ب زه‌حمه‌ته ژ به‌ر قه‌ره‌بالغێ كه‌س خۆشيێ ب چوونا خوه بۆ وێرێ ببه‌ت.
دبيت هه‌بوونا ڤى جهێ ئێكانه ل كوردستانێ و عيراقێ ببيته ئه‌گه‌ر كو هه‌موو گه‌شتيا قه‌ست بكه‌نێ، به‌لێ ل رۆژانێن ده‌واما فه‌رمى گه‌له‌ك ل وێرێ نين و ئه‌ڤ وێنێن هاتينه گرتن ژى ل وى ده‌مى هاتينه گرتن.
نيشاندان