ئەڤرۆ:
سەرۆکێ لیژنا پەروەردێ و خواندنا بلند ل پەرلەمانێ کوردستانێ دیار کر کو ئەو ئەڤرۆ دێ ل گەل وەزیرێ پەروەردێ کۆم بیت و پێشنیاز کەت کو بھێنڤەدانێن ئادارێ بۆ قوتابیێن دھۆکێ وەکو ھەر سال بن.
دکتۆر ئیبراھیم ئەحمەد خویا ژی کر کو ئەو دێ پێشنیاز کەت ل شوونا بھێنڤەدانێن ئادارێ، چەند رۆژەک ل دووماھیا دەوامێ ل ھاڤینێ بھێنە زێدەکرن و ئەزموونێن دووماھیا وەرزێ دویێ پیچەکێ وێڤە بچن، لێ بھێنڤەدانێن ھەیڤا ئادارێ بۆ قوتابیان بمینن، چونکو چاڤێ قوتابیان یێ ل وان بھێنڤەدانان.

ئه‌ڤرۆ نیوز ،بارزان سلێمان مزوورى
منیج قاسم خداد خاتینه‌كا ئاواره‌یێن گوندێ خانه‌ سورن ل ده‌ڤه‌را شه‌نگال نوكه‌ ل گونده‌كێ نێزیك سلێمانیێ دژیت، ده‌یكا 9 زاروكانه‌ ئه‌ڤه‌ 3 هه‌یڤه‌ ل نه‌خوشخانه‌كێ دا ل باژێرێ سلێمانیێ سێ روژا جاره‌كێ گولچیسكێن وێ دهێنه‌ شوشتن و لبن چاڤدێریا نوشدارانه‌ و د ره‌وشه‌كا خراب دایه‌ لدوڤ راپورتێن نوشداران ل نه‌خوشخانێ پێدڤیه‌ گولچیسكێن وێ بهێنه‌ گوهۆرین و د ره‌وشه‌كا خراب دا د دژیت و ره‌وشا وان ژ لایێ ئابورى ڤه‌ ژى گه‌له‌ك یا خرابه‌ ژبه‌ر ده‌ست كورتیا وان نه‌شێن گورچیسكێن وێ بگورن،

سرووش هه‌له‌بچه‌ى، پارێزه‌ر و چالاكڤانا مه‌ده‌نى سه‌ر ب رێكخراوێن هولندى ڤه‌ بو ئه‌ڤرو نیوز دیار كر كو ئه‌ڤه‌ حه‌فت هه‌یڤه‌ خوبه‌خش كار دكه‌ت ژبو په‌یداكرنا پێداویستیێن ئاواره‌ ل كوردستانێ و چه‌ندین كه‌یسێن ئاواره‌ هاتینه‌ به‌رده‌ستى و چاره‌سه‌ركرینه‌ و هاریكاریا گه‌له‌ك ئاواره‌یا كریه‌ به‌س ئه‌ڤ حاله‌تێن بڤى ره‌نگى گه‌له‌ك جودانه‌ دگه‌ل نوشدارێن وێ ژنا ئاواره‌ ئاخفتیه‌ و گوتیه‌ ئه‌ڤ نه‌خوشه‌ پێدڤى ب پاره‌یه‌كێ مه‌زنه‌، حه‌تا نه‌خوشیا وێ بێته‌ چاره‌سه‌ركرن .
ناڤبرى دیار كر كۆ وێ خێزانێ ب چاڤێن گریان و دله‌كێ سوتى هه‌واریا خو گه‌هاندیه‌ مه‌ كو حكومه‌ت د هه‌وارا وێ بچیت و هاریكاریا وێ بكه‌ت و بله‌ز هاریكاریا وێ بكه‌ت داكو ل ڤێ ژیانا سه‌خت ده‌ركه‌ڤیت و بزڤریته‌ ناڤ زاروكێن خو چونكو زاروكێن وێ پێدڤى ب وێنه‌ و گه‌له‌ك زاروكێن ساڤا هه‌نه‌.
بۆ زانین نوكه‌ ئه‌ڤ ژنه‌ ل نه‌خوشخانه‌كێ یه‌ ل باژێرێ سلێمانیێ .

ئه‌ڤرۆ نيوز:

ئه‌ڤرۆ سپێدێ نه‌وشيروان مسته‌فا، رێكخه‌رێ ته‌ڤگه‌را گۆڕان سه‌ره‌دانا پيرمام كر ب مه‌ره‌ما كۆمبوونێ ل گه‌ل مه‌سعود بارزانى، سه‌رۆكێ هه‌رێما كوردستانێ.

ب گۆره‌يى پێزانينێن ئه‌ڤرۆ نيوز به‌رى نيڤرۆيا ئه‌ڤرۆ رۆژا دوشه‌مبى رێكه‌فتى 2015.2.23 سه‌رۆكێ هه‌رێما كوردستانێ  و نه‌وشيروان مسته‌فا رێكخه‌رێ ته‌ڤگه‌را گۆڕان كۆمبوون و پشتى كۆمبوون ب دووماهى دهێت دێ به‌لاڤكريه‌كا هه‌ڤپشك به‌لاڤ كه‌ن.

بۆچوون به‌ر ب هندێ دچن كو سه‌رۆك بارزانى و نه‌وشيروان مسته‌فا ره‌وشا نوكه‌ و ئه‌و كێشێن د ناڤبه‌را هه‌رێمێ و به‌غدا دا گه‌نگه‌شه‌ بكه‌ن ب تايبه‌ت ژى پشتى سه‌رۆكێ هه‌رێما كوردستانێ چوويه‌ ژ ده‌رڤه‌يى وه‌لاتى و ڤه‌گه‌ريايى كو ئه‌ڤه‌ كۆمبوونا وى يا ئێكێ يه‌ ل گه‌ل سه‌ركرده‌كێ حزبى، ل حه‌فتيا بۆرى ژى ل گه‌ل شاندێ دانوستاندكارێ هه‌رێما كوردستانێ كۆمبوو ئه‌وێ چوويه‌ به‌غدا ل سه‌ر ئاستێ حكومى.