ئه‌ڤرۆ نیوز، ڤه‌ده‌ر صبحى
ل رۆژا پێنجشه‌مبی، ژیده‌ره‌كی ژ پارێزگه‌ها نه‌ینه‌وا زانیاریا وێ یه‌كێ ئاشكرا كر كو سه‌ركردێ داعش ئه‌بو به‌كر به‌غدادی كه‌تیه به‌ر هێرشه‌كا ئاسمانی.
وی ژێده‌ری ئاشكراكر كو ئه‌لبه‌غدادی ئه‌ڤرۆ ل پارێزگه‌ها نه‌ینه‌وا دهێره‌شكا ئه‌سمانی دا هاتیه برینداركرن و ژ به‌ر گرانیا برینا وى ژیانا خوه‌ژ ژد ه‌ست دایه.
مالپه‌رێ (عیراقی نیوز) به‌لاڤكریه كو زانیاری وه‌سا گه‌هشتینه خه‌لكێ موسل كو به‌غدادی هاتیه كوشتن ژ ئالێ هێرشێن ئاسمانیێن هه‌ڤپه‌یمانان ڤه.
لێ ژ ئالێ خوه ڤه سه‌رۆكێ عه‌شیره‌ته‌كیا عه‌ره‌با دوپاتكر كو ئه‌لبه‌غدادی هێشتا یێ ساخه بتنێ برینداربوویه و نها گه‌هشتیه نه‌خوشخانه‌كا دیرازورێ یاكو د ده‌ستێ داعش دا ل سوریا بو وه‌رگرتنا چاره‌سه‌رێ.
ئه‌ڤرۆ نیوز، مه‌سعود خه‌له‌ف
نڤیسنگه‌ها لێپرسینێ یا فیدرالی ل ئه‌مه‌ریكا كه‌سه‌ك ل ویلایه‌تا ئوهایو گرت كو وی پلان دانابوو بۆ پێكئینانا چه‌ند هێرشان ل پایته‌ختا ئه‌مریكا ل واشنتونێ و ژ وان ژی ته‌قاندنا ئاڤاهیێ كونگرێسێ ئه‌مه‌ریكی.
كه‌سێ ب ناڤێ كریستوفر كورنل هه‌ولا كوشتنا ئه‌فسه‌ره‌كی ئه‌مه‌ریكی دایه ل گور به‌لگه‌نامه‌یێن دادگه‌هێ، و ل گور وان به‌لگه‌نامان هاتیه دیاركرن كو كورنل د تویته‌را خودا نڤیسیه و به‌لاڤ كریه و تێدا پالپشتیا خوه بۆ رێكخراوا ده‌وله‌تا ئیسلامی راگه‌هاندیه.
ژ لایه‌كی دیڤه، جون باریوس، سیخوری نڤیسنگه‌ها فیدرالی(اف بی أی) یێ به‌رپرس ژ گرتنا كورنل دابوو خویاكرن كو” هاولاتیێن ئه‌مه‌ریكی نه د مه‌ترسیێ دا نه د ده‌ما لێپرسینێ دا”. و كورنل یێ ل ژێر چاڤدێرییا “اف بی أی” بوو به‌ری كو ل رۆژا چارشه‌مبی بهێته گرتن ل ده‌ما كو هه‌ول ددا هنه‌ك چه‌كێن ئاگرینی بكریت.
پلان دانابوو بو په‌قاندنا ئاڤاهیێ كونگرێسێ ئه‌مریكی
ئه‌ڤرۆ نیوز، مه‌سعود خه‌له‌ف
سه‌رۆكێ سوریێ به‌شار ئه‌سه‌د د هه‌ڤدیتنه‌كه تایبه‌ت دا ل گه‌ل رۆژناما (لیتیرارنی نوفینی) یا چیكی، گۆت : ” هه‌می ده‌رگه‌ه دڤه‌كرینه ژ بۆ ئاشتبوونێ و ده‌وله‌تا سووری نوكه یێ مشولی دانانا پلانێن ژنووڤه ئاڤاكرنێ یه، و نه‌ته‌نێ ئاڤاكرنا ژێرخانا وه‌لاتی ئه‌م دێ دروستكه‌ین، به‌لكو ئه‌م دێ هه‌ولدن ژنووڤه مرۆڤی ژی ئاڤا بكه‌ین”.
هه‌روه‌سا ئه‌سه‌دی ره‌خنه ژ سیاسه‌تا رۆژئاڤا د سووریێ دا گرت و گۆت: “رۆژئاڤایی نه‌وێرن دانپێدانێ ب كێماسیا خوه بكه‌ن، كو وان شاشی ل سوریێ كرن ده‌ما كو گوهدانه دوله‌تێن جاهل و به‌پرسێن جاهل ل قه‌ته‌ر و سعوودیێ”.
ل سه‌ر هێرشێن ئه‌مه‌ریكا ل دژی رێكخستنا داعش ل ده‌ڤه‌رێ، ئه‌سه‌دی گۆت: ” تا نوكه هێرشێن ئه‌مه‌ریكا بۆ سه‌ر داعش وه‌كو نشته‌رگه‌ریه‌كه جوانكارییه”.
د ڤان پێنج خالان دا دێ شێى كه‌ساتيا/كه‌ساتيێ به‌رامبه‌ر خوه نياسى:
١- نەشیانێن دانا بریارێ دا دکار و بارێن کەسوکی دا.
٢- ترس و شەرم دەمێ دگەل خەلکی دئاخڤیت و گەنگەشێ دکەت.
٣- ل دیڤ ھەست و دلینیا خو دچیت بێ بزانیت دێ چ دیڤدا ھێت.
٤- باراپتر ئەو کەسە بوچونا خو دەتە سەر ھندەک بوچون و ھندەک تشتێن دی یێن یین نە گرێدایی ب تشتێ گرنگ ڤە.
٥- دیسا گەلەک زێدە گازندە کرن دچیتە دەڤ خەلکی ھەتا بو کێمترین تشت دکەتە کێشە و ب ئالوز دکەت.
٦- گەلەک چاڤلێکرنا خەلکی دکەت دبوچون و سەرو بەری دا ھەتا گەلەک جاران درەوشتێ وان دا.
ئەڤرۆ نیوز، سالار دۆسکی:
ئەندامەکێ پەرلەمانێ عیراقێ ژ لیستا پارتی دیموکراتی کوردستانی دیارکر کو مووچێ فەرمانبەرێن ھەرێما کوردستانێ یێ ھەیڤا ئێک دێ گیرۆبیت وەک مووچێ فەرمانبەرێن ھەموو عیراقێ، وی ئەندامێ پەرلەمانێ عیراقێ ئەڤ گیروبوونە ب سرۆشتی ل قەلەم دا و ئاشکرا کر کو ھەر سالا ژ بەر پەسەندکرنا بودجێ مووچێ مەھا ئێک گیرۆ دبیت.
د. ئەردەلان نوردەین ئەندامێ پەرلەمانێ عیراقێ ژ لیستا پارتی دیموکراتی کوردستان بۆ ئەڤرۆ نیۆز گۆت: “ھەموو سالان مووچە و بودجە ھەیڤا ئێک گیرۆ دبیت، مووچێ ھەموو فەرمانبەرێن عیراقێ گیرۆ دبن، بەلێ مەرج نینە ئەڤ جارە گیرۆ بیت”.
ئەردەلان گۆت: گەشبینم کو ئێدی مووچە گیرۆنابیت ئانکو ھەموو دەما دێ وەخت ھێتەدان و سەرێ حەفتیا داھاتی دێ بۆدجە ھێتە پەسەندکرن و وی دەمی دبیتە قانوون و دھێتە بجھئینان و ھەموو لایەن دێ دپێگیربن.
ھەمبەر نزمبوونا بھایێ پەترۆلێ ژی، د.ئەردەلان نوردەین گۆت: “نزمبوونا بھایێ پەترۆلێ دێ کارتێکرنێ ل سەر پرۆژێن وبەرھێنانێ کەت و کارتێکرن ل سەر مووچان ناکەت”.
ئه‌ڤرۆ نيوز:
ل سه‌ر راسپاردا سه‌رۆكاتيا په‌رله‌مانێ كوردستانێ، لژنا پێشه‌سازى و وه‌زێ و ژێده‌رێن سرۆشتى ل په‌رلمانێ كوردستانێ، بڕيار بوو ئه‌ڤرۆ دووڤچوونه‌كا به‌رفره‌هـ بۆ ره‌وشا كاره‌بێ ل هه‌رسێ پارێزگه‌هێن دهۆك و هه‌ولێر و سلێمانێ بكه‌ت و بڕياره ب زووترين ده‌م راپۆرته‌كێ بده‌نه سه‌رۆكاتيا په‌رله‌مانى و پاشان ژى وه‌زيرێ كاره‌بێ و سامانێن سرۆشتى گازى په‌رله‌مانێ كوردستانێ بكه‌ن و كێشه و كێم و كاسيێن كاره‌بێ و وزێ گه‌نگه‌شه بكه‌ن و چاره‌يێن ب له‌ز بۆ ببينن.
د راگه‌هاندنه‌كا نڤيسينگه‌ها رۆژنامه‌ڤانى يا په‌رله‌مانێ كوردستانێ دا هاتيه: “ماوێ چه‌ند رۆژايه كێشا كاره‌ب و په‌ترۆل و وزێ ل هه‌رێما كوردستانێ گه‌هشتيه ئاسته‌كێ خراب، ژ به‌ر هندێ ئه‌ڤرۆ رۆژا پێنجشه‌مبى 15ى كانوونا دويێ 2015، لژنا پێشه‌سازى و وه‌زه و ژێدرێن سرۆشتى ل په‌رله‌مانێ كوردستانێ، بۆ دووڤچوونێ ل سه‌ر ئه‌وان كێشان لژنا وان بۆ سێ پشكێن مه‌يدانى و ل هه‌ر سێ پارێزگه‌هێن دهۆك و هه‌ولێر و سلێمانيێ دێ سه‌ره‌دانا ويستگه‌هێن به‌رهه‌مئينانا كاره‌بێ و وه‌زا كاره‌بايێ كه‌ن و داتا و پێزانينێن خوه ل سه‌ر كێشه و ئاريشێن خوه كۆم كه‌ن”.
هاتيه ژى: “پاشان هه‌رسێ تيم، دێ راپۆرتا خوه ئاماده كه‌ن و كه‌نه راپۆرت و ئاراسته‌يى سه‌رۆكاتيا په‌رله‌مانێ كوردستانێ كه‌ن و ب زووترين ده‌م ب هه‌ماهه‌نگى ل گه‌ل سه‌رۆكاتيا په‌رله‌مانى هه‌ردو وه‌زيرێن په‌روه‌نديدار ب وێ كێشێ (وه‌زيرێ كاره‌بێ و سامانێن سرۆشتى) گازى په‌رله‌مانێ كوردستانێ كه‌ن و پێكڤه چاره‌سه‌ريه‌كا ب له‌ز بۆ كێشا كاره‌بێ بينن و هورده‌كاريێن كێشا وزا كاره‌بێ بۆ رايا گشتى به‌لاڤ كه‌ن”.
ئوسمان تاهر حاجی ئه‌ندامێ پرله‌مانێ عیراقی بو ئه‌ڤرۆ نیوز دیاركر لگوری رێكه‌تنا ساسی یا ناڤبه‌را هه‌رێمێ و به‌غدا كو ژ ته‌ڤایا بودجه‌یا عیراقێ كو17 ژ سه‌دێ بو هه‌ریمێ بیت لێ بودجه‌یا په‌ره‌پێدانا هه‌رێمان ئه‌و چه‌نده نه‌هاتیه بكار ئینان پشت هاتیه گریدان ب رێژه‌یا ئاكنجیبونێ.
ناڤبری ئه‌و چه‌نده ژی دیاركر بو برێڤه چونا هنده‌ك سه‌ره‌ده‌ریكرنێ و بده‌ستڤه ئینانا تشتێن سه‌ره‌كی و ده‌ست به‌ردان یان پێداگیری نه‌كرن ل تشته‌كی د پیخه‌مه‌تا مانا به‌رژه‌وه‌ندا گشتی و مفایێ گشتی ئه‌ڤا بو بودجه‌یا په‌ره‌پێدانا هه‌رێمان كوردان هند پیداگیری نه‌كر له‌ورا ل گوری رێژه‌ییێ هاته ده‌ست نیشانكرن و ل بودجه‌یا 2015 دا هاتیه دانان .
ئه‌ندامێ په‌رله‌مانێ عیراقێ ئه‌و ئیكه ژی گوت:بو برێڤه‌چونا پرۆسیسا سیاسی و دابینكرنا 17 سه‌دێ مه پیداگیری كر لێ بو په‌ره‌پێدانێ بو ئاسته‌نگ نه درۆستكرن و پرۆسیسا سیاس گرنگتره ژ بودجه‌یا په‌ره‌پێدانا هه‌رێمان و راسته هژمارا ئاكنجیێن باشورێ عیراقێ شاشی تێدا هه‌نه به‌س كاریگه‌ریه‌كا گران نینه ل سه‌ر هه‌رێمێ.
ئه‌ڤرۆ نيوز:
ب گۆره‌يى هنده‌ك ژێده‌ران كو رويترز ب ده‌ست خوه خستينه، كۆمپانيا سامسۆنگ يا كۆريا باشوور بۆ مۆبايلێن ژير، ل ڤێ دووماهيێ خواسته‌ك پێشكێشى كۆمپانيا بلاكبێرى يا كه‌نه‌دى كريه دا كو به‌رامبه‌ر 7.5 مليار دۆلاران بكريت.
ژێده‌ره‌كێ هايدار راگه‌هانديه كو سامسۆنگێ خواسته‌كا ده‌سپێكى د ناڤبه‌را 13.35 دولار بۆ 15.49 دولار بۆ هه‌ر پشكه‌كێ دانايه كو د ناڤبه‌را 38% هه‌تا 60% ژ پشكێن بلاكبێرى ب بهايێ نوكه ده‌ستنيشانكرى بكريت.
ب گۆره‌يى وى ژێده‌رى رويترز ب ده‌ست خوه خستى ب ڤێ چه‌ندێ دهێته پێشبينيكرن بهايێ بلاكبێرى بگه‌هيته د ناڤبه‌را 6 هه‌تا 7.5 مليار دولاران دا.
ئه‌ڤى ژێده‌رێ ناڤێ خوه ئاشكرا نه‌كرى دياركريه كو نوكه دانوستاندن نه د فه‌رمى نه، حه‌فتيا بۆرى ژى به‌رپرسێن هه‌ردو كۆمپانيان بۆ دانوستاندنێ ل سه‌ر ڤى بابه‌تى روونشتينه.
نيشاندان