ئه‌ڤرۆ نيوز:

سێده‌هيا ئه‌ڤرۆ، حوكمه‌تا ئوردن وه‌كو هه‌لويست وه‌رگرتن به‌رامبه‌ر كوشتنا فرۆكه‌ڤانێ خوه‌ مه‌عاز كه‌ساسبه‌، هه‌ر ئێك ژ ساجيدا ريشاوى و زياد كه‌ربۆلى سێداره‌دان.

پشتى دوهى د ڤيديۆيه‌كێ دا، ديار بووى كو چه‌كدارێن داعش فرۆكه‌ڤانێ ئوردنى يێ كوشتى ب رێيا سوتنێ ب ساخى د ناڤ شيشكێن ئاسنى دا، سپێده‌هيا ئه‌ڤرۆ  ل گه‌ل بانگێ سپێدێ، حوكمه‌تا ئوردن وه‌كو هه‌لويست وه‌رگرتن هه‌ر ئێك ژ زياد كه‌ربۆلى و ساجدا ريشاوى سێداره‌ دان.

ده‌زگه‌هێن راگه‌هاندنا ئوردنى ئاماژه‌ ب وێ چه‌ندێ ژى كريه‌ كو ڤان هه‌ردو كه‌سان ده‌ست ژ كريارێن تيرۆرستى يێن 2005 ل عه‌مانا پايته‌ختێ ئوردن دا هه‌بوون ئه‌وا تێدا زێده‌ترى 60 كه‌سان هاتينه‌ كوشتن.

دوهى د تۆماره‌كا ڤيديۆيى دا، داعش راگه‌هاند كو ئه‌وان فرۆكه‌ڤانێ ئوردنى كه‌ساسبه‌ يێ كوشتى ب رێيا سوتن ب ساخى، ئوردن ژى به‌رامبه‌ر ڤێ چه‌ندێ راگه‌هاند كو كوشتنا فرۆكه‌ڤانێ وان چو ژ رێيا وان ل هه‌مبه‌ر دژاتيكرنا تيرۆرێ و داعش كێم ناكه‌ت، هه‌ڤدژى ڤێ چه‌ندێ دێ كارێن خوه‌ خورتتر لێ كه‌ت.

ب گۆره‌يى راگه‌هاندنه‌كا له‌شكرى ژى يا ئوردنى راگه‌هاند كو ئه‌و دێ هێرشێن خوه‌ بۆ سه‌ر داعش به‌رفره‌هتر لێ كه‌ت و دبيت هێرشێن له‌شكرى ژى بكه‌ته‌ سه‌ر داعش بۆ گرتنا كه‌سانێن ده‌ستنيشانكرنى د كريارێن لێگه‌ريانێ يێن تايبه‌ت دا و گۆت: “دێ تولێن خوينا كوڕێ ئوردن ڤه‌كه‌ين”.

ئه‌ڤرۆ نیوز:

وه‌زیرێ ناڤخو یێ فره‌نسا راگه‌هاند كو هێزێن پۆلیس و ئاسایشا ولاتى وى، ئه‌ڤرۆ شیان 8 كه‌سان بگرن ب تومه‌تا كاركرن د توره‌كا په‌یداكرنا كه‌سانێن شه‌ركه‌ر و هنارتنا وان بۆ سوریا بۆ ناڤ رێزێن داعش.

بێرنارد کازێنوڤ وه‌زیری ناڤخو یێ فره‌نسا گۆت”ئه‌و گومانلێكرى ل چه‌ند ده‌ڤه‌رێن پاریس و باژێرێ لیۆن هاتینه‌ گرتن.

ئه‌ڤرۆ نیوز، مه‌سعود خه‌له‌ف

رۆژناما تایمز گوتاره‌كها نڤیسه‌ر (هیو توملینسون) به‌لاڤكریه‌ و تێدا نڤیسه‌ری بال كشاندیه‌ سه‌ر عه‌ره‌بستانا سعودی كو ئه‌و یێ‌ هه‌ول دده‌ت كو هنه‌ك سیخوران بشیننه‌ ناڤ داعش ژ بو كو د ئامه‌ده‌ بن بۆ پاراستنا عه‌ره‌بستانا سعودی هه‌كه‌ رێكخراوا داعش نیه‌تا هنارتنا چه‌كداران هه‌بیت بۆ ناڤ ئاخا وێ‌.
هه‌روه‌سا نڤیسه‌ری دایه خویاكرن كو عه‌ربستانا سعودی نێزیكی 30 هزار له‌شكه‌ر ل سنورێن خوه‌ یێن ل گه‌ل عیراقێ‌ داناینه‌ و ب شێوه‌كی باش و ته‌كنولوژیایه‌كه‌ نوو ئه‌و ئامه‌ده‌كرنه‌.

ئه‌ڤرۆ نیوز:
رێكخراوا داعش ب ساخى فرۆكه‌ڤانێ ئوردنى مەعاز كەساسیبە ئه‌وێ كه‌تیه‌ دده‌ستێ وان دا، كرنه‌ د قه‌فه‌سه‌كێ دا و ئاگر به‌ردانێ.
ئێڤاریا ئه‌ڤرۆ په‌یجێن نێزیك ژ داعش چه‌ند وێنه‌ به‌لاڤكرینه‌ و دیاركرینه‌ كو ئاگر به‌رداینه‌ مەعاز كەساسیبە.
چه‌ند حه‌فتیه‌ك بوو، دانوستاندن د ناڤبه‌را رێكخراوا تیرورستیا داعش و ولاتى ئوردنێ د به‌رده‌وام بوون بۆ ئازادكرنا مەعاز كەساسیبە، به‌لێ د بێ ئه‌نجام بوون.