ئه‌ڤرۆ نیوز، بارزان مزوورى
پشتى كو به‌ربوویه پانزینخانا ل دوریانا ناحیا كه‌له‌كچى ل شه‌ڤا 23 لسه‌ر 24/12 ئه‌ڤ گه‌نجێ وێنێ وى دیار ب ناڤێ زیاد شاكر فه‌تحى ئاگر به‌ربوویى و بۆ نه‌خوشخانێ هاتبوو ڤه‌گوهاستن، به‌لێ ژبه‌ر گرانیا سوتنا وى، خوه ل به‌رنه‌گرت و ئه‌ڤرۆ ل نه‌خوشخانا سوتنێ ل دهۆكێ گیانێ خوه ژ ده‌ستدا.
ئه‌ڤ گه‌نجه ئاكنجیێ كه‌له‌كچى بوو، پشتى 17 رۆژان ل نه‌خوشخانێ ماى، ئه‌ڤرۆ گیانێ خوه ژ ده‌ستدا.
ئەڤرۆ:
لدووڤ ئامارێن سکرتاریەتیا ئێکەتیا زەلامێن کوردستانێ ئاریشێن خێزانێ تایبەت دناڤبەرا ھەردو ھەڤژینان دا دزێدەبوونێ دا نە و ئەڤە ژی بوو چەندین ھۆکاران دھێنە زڤراندن وەک سکرتێرێ ئێکەتیا ناڤبری ئاشکەراکرین، ھەڤدەم ئەندامەکێ رێکخراوا رێکخستنا خێزانێ دووپاتیێ ل سەر گۆتنان دکەت و چەندین ھۆکاران بۆ نە خوە گونجاندنا ژن و مێران دزڤرینت.
سکرتێرێ ئێکەتیا زەلامێن کوردستانێ، بۆ بەرپەرێ جڤاکیێ رۆژناما ئەڤرۆ دیارکر کو ل سالا بوری 2014 و ئانکو 1\1\2014 ھەتا 31\12\2014 لدووڤ ئامارێن رێکخراوا پیاوان ل سەرانسەری ھەرێما کوردستانێ 490 حالەتێن سکالا و توند و تیژیێ دژی زەلامان تۆماکرن، دیسا 59 زەلامان سالا بوری خوە کوشتینە ژوانا 3 دھۆک بووینە، دیسا پارێزگەھا کەرکووکێ ژی 6 زەلامان خوە کوشتیە، دیسان 5 زەلامان ل سەرانسەری ھەرێما کوردستانێ ھاتینە کوشتن ژلایێ ژنان ڤە و ب ھەفکاریا کەسەکێ دیتر، ژڤان 5 زەلامان 2 یێن دھۆکێ بووینە .
بورھان عەلی فەرج سکرتێرێ ئێکەتیا پاوێن کوردستانێ ھێشتا ژی گۆت: کارێ مە ل سەر ئاستێ چار لق و سێ ناوچان ھاتیە بەلاڤەکرن و ھەتا نوکە بتنێ مە نوونەر ھەنە وەک بارەگا مەنین، ھەولێرێ و کەرکووک، سلێمانی و دیسا دھۆکێ مەنەبوویە و ئەڤە ژ بەر قەیرانا ئابووریا ھەرێما کوردستانێ ڤەگرتی ئەم نەشیاینە ڤێ بوشاھیێ ل ڤێ دەڤەرێ تژی بکەین .
ناڤبری گۆتژی: لدووڤ ئامارێن رێکخراوا مە سال بۆ سالێ ئەڤ ھەژمارە یێ دھێنە زێدەکرن، ئەڤە بۆ دو ھۆکاران دزڤریت، زەلامی نەڤێت ب رێکا توند و تیژیێ کێشێن خوە چارەسەربکەت، دیسا قەیرانێن ئابووری ل ھەرێما کوردستانێ بوویە ھۆکار کیشێن خێزانی بەر ب زێدەبوونێ بچن .
محەمەد بامەرنی ل رێکخراوا رێکخستنا خێزانێ ل دھۆکێ، ھۆکارێن زێدەبوونا توند و تیژیێ بەرامبر زەلامان بۆ چەندین ھۆکاران زڤراندن و گۆت: دانا مافێ ئافرەتێ وەک گۆتن سنور بەزاندینە و ئەڤە وێ چەندێ دیار دکەت کو دڤێت ھەموو ماف بۆ ئافرەتێ بھێنەدان، مێشکێ ئافرەتێ ھاتیە تژیکرن، دیسا تەکنلوژیا نھا کارتێکرنا خوە ل سەر ئافرەتان کریە و بوویە ھۆکار ئەڤ کێشە دزێدەبوونێ دا بن، تایبەت درامایێ ئافرەتا رۆژ ھەلاتی و تایبەت کوردستانێ ھزر ھندێ دکەت کو یا دناف سەقایەکی دا بژیت کو یێ ژنا رۆژ ئاڤا تێدا دژیت
محەمەد بامەرنی گۆتژی: دیسا ھۆکار ھەنە ھەر دەمێ پێکئینانا ھێزانێ ل سەر بنیاتەکێ نە دروست دھێتە ئاڤاکرن و نە تێگەھشتن دناڤ دا ھەیە و ل سەر بنیاتەکێ خەلەت و شاش دھێـتە دروستکرن و دیسان گەلەک وێ چەندێ دگەن کو بتنێ پێکئینانا خێزانێ بۆ تێرکرنا حەزانە و دیسا گەلەک جاران خێزان دھێتە پێکئینان و ھەر دو ژن و زەلام نە ئاستەکێ وەک ھەڤن بۆ نموونە زەلامی باوەرنامە نینە و ژنا ب باوەرنامە یە ئان مامۆستایە یان فەرمانبەرە و دێ خوە بینت کو نەژھەژ ڤی کەسی یە و دێ ھێدی ھێدی ئاریشە پەیدابن .
رەوشەنبیر و روژنامەڤان حەسەن عارف، لدۆر ھۆکار و زێدبوونا ئاریشێن خێزانێ گۆت: پێدڤی یە دوڤچوون و ڤەکولین ل سەر زێدەبوونا کێشە واریشێن خێزانێ بھێتەکرن و کانێ بۆچی ئەڤ چەندە رۆژ بۆ رۆژێ بەر ب زێدەبوونێَ یە، ھەلبە دڤێت ئەم ژبیرنەکەین کو کاودانێن کوردستانێ دبوریت و تایبەت بیاڤێ دارایی ھەتا رادەکی کارتێکرن ل زێدەبوونا کێشان کریە و بوویە ھۆکار پەیوەندیێن ژن و مێرا بەر ب لاواز بوونێ بچن و دیسا تەکنلۆژیا کارتێکرن کریە و پتریا ژن و مێران دەمێ خوە پێڤە دبورینن و ئەڤە دبیتە ئەگەرێ پەیدابوونا ئاریشان دناڤبەرا ھەردویان دا، دیسا گوھۆرینێن بلەزێن ب سەر جڤاکێ کوردەواری دھێن و جڤاکێ کوردەوایێ بەرھەڤ نینە پێشوازیێ لێ بکەت کارتێکرنا خوە ھەیە، دیسا پێشکەفتنا جڤاکێ مە ل سەر ئاستێ مافێ ئافەرتێ و ئەڤێ چەندێ ژی رۆل ھەیە، دپەیداکرنا ئاریشان دا، چونکۆ ھەنە ھێشتا سەردەریا بەرێ ل گەل ژنان دکەن، دبێژن زەلام ھەموو تشتە وێ چەندێ قەبوونا ناکەن کو ژن ژی وەکی وی یە.
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو ژ ئه‌نجامێ به‌رده‌واميا فشارێن ده‌ريا ناڤه‌راست ل وه‌لاتێ توركيا و هاتنا وى پارسته هه‌وايێ گه‌له‌ك سار ژ ده‌ريا ناڤه‌راست ل چه‌ند ده‌ڤه‌رێن هه‌رێما كوردستانێ به‌فر بارى.
ب گۆه‌ره‌يى نڤيسارا رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ هه‌تا شڤێدى ده‌مژمێر 9 ى شه‌ڤ، 1.5 سم به‌فر ل ناڤ سه‌نته‌رێ باژێرێ دهۆكێ باريه.
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ دێ ب ته‌مامى ئه‌ور بيت ل گه‌ل بارينا به‌فر و بارانان ل ده‌ڤه‌رێن جودا يێن پارێزگه‌هێ.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ كارتێكرنا فشارێن نزمێن ده‌ريا ناڤه‌راست ل وه‌لاتێ توركيا بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا شه‌مبى رێكه‌فتى 10\1\2015 ئه‌سمانێ دهۆكێ ب ته‌مامى ئه‌ور بيت ل گه‌ل بارينا بارانا هوير و به‌فر ژى دێ ل ده‌ڤه‌رێن چيايى باريت.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ ژى دێ ئێك هه‌تا دو پلان نزمتر بيت ژ رۆژێن به‌رى نوكه بيت ب ره‌نگه‌كى د ناڤبه‌را 5 بۆ -2 پلان دا.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى دێ باكورێ رۆژهه‌لات و باكورى رۆژئاڤا بيت ب ره‌نگه‌كى دێ يێ ناڤه‌ندى بيت د ناڤبه‌را 20 بۆ 30 كلم د ده‌مژمێره‌كێ ماوێ ديتنێ ژى دێ 7 كلم بيت.
ئاکرێ، نەوزاد زادە ھلۆری:
شڤێدی ل دەمژمێر ٧:٣٠ د روودانەکا ترافیکێ دا ل قەزا ئاکرێ سێ کەس بریندار بوون.
رێکەفت زاھێر بەرپرسێ راگەیاندنا ھاتنوچوونا ئاکرێ بۆ ئەڤرۆ نیوز گۆت: “شڤێدی ل سەنتەرێ قەزا ئاکرێ نێزیکێ گومرکا ئاکرێ دو ترومبێلێن ژ جورێ تویوتا پیکاب رەنگێ سپی تایبەت و ئوپل ڤیکترا رەنگێ رەش تایبەت روودا و د ئەنجام دا سێ کەس برینداربوون”.
زێدەتر گۆت: “بریندارێن روودانێ ژ بۆ نەخوشخانەیا تەنگاڤیا ل ئاکرێ ھاتنه رەوانەکرن و رەوشا وان نھا باشە”.
ئه‌ڤرۆ نيوز:
رێڤه‌به‌ريا گشتيا كه‌شناسى و بيڤه‌له‌رزێ ل هه‌رێما كوردستانێ راگه‌هاند كو ژ ئه‌نجامێ هاتنا فشارێن نزمێن ده‌ريا ناڤه‌راست ژ وه‌لاتێ توركيا بۆ سه‌ر هه‌رێما كوردستانێ ل چه‌ندين ده‌ڤه‌رێن جودا رێژێن باران بارينێ هاتينه تۆماركرن و ب ڤى ره‌نگێ ل خوارێ:
رێڤەبەرێ شوونوارێن پارێزگەھا دھۆکێ بۆ ئەڤرۆ نیوز دیارکر کو سالا 2014 ل سەرانسەرێ پارێزگەھا دھۆکێ 300 پارچێن نوو يێن شوونواری ھاتینە دیتن، ھەموو ئەڤ پارچێن شوونوارى ژى ل سەر موزەخانەیا دھۆک یا نشتیمانیی ھاتینە زێدەکرن.
د. حەسەن ئەحمەد قاسم رێڤەبەرێ شوونوارێن پارێزگەھا دھۆکێ گۆتژی: “پرۆژی چێکرنا موزەخانا دھۆک ژ بەر قەیرانا دارایی ھاتە راوەستاندن، ئەم داخوازێ دکەين ئەڤ سالە دەست ب چێکرنا موزەخانا دھۆک بھێتە کرن، چونکو ل دووڤ ستاندەرتێن جیھانی موزەخانەکا مۆدرێنە، دێ ھەموو شوونوارێن دھۆک تێدا ھێنە پاراستن”.
ناڤبری ئەو ژی خۆیا کر کو ھەموو شوونوار پێدڤی ب سەخبێریەکا بەردەوامن و گۆت: “ئەم داخوازێ دکەين سالانە کوژمەکێ باش يێ پارەیی بۆ سەخبێریا شوونواران بھێتە تەرخانکرن کو ھەتا نوکە زێدەتر ژ 1500 پارچێن شوونوارى د موزەخانا دھۆک یا نشتیمانیی دا د پاراستینە، لێ ھندەک شوونوار وەکو پرا دەلال و قشلا ئاکرێ و خواندنگەھا قۆباد ل ئامێديێ و گەلەک جھێن دى يێن شوونواری پیدڤی ب سەخبیریا بەردەوامن”.
لدووڤ دەنگ و باسێن رێڤەبەریا حەج و عومرێ ل پارێزگەھا دھۆکێ کو ب دەست مالپەرێ ئەڤرۆ نیۆز کەفتینە چوونا عومرێ سال بۆ سالێ بەر ب کێمبوونێ دچیت و بەر ورد ل گەل سالێن بوری و رێڤەبەریا ناڤبری ڤێ چەندێ بۆ کاودانێن ژیانێ کوردستانێ و تایبەت دھۆکێ دزڤریت.
شێخ شەمسەدین تاھر رێڤەبەرێ حەج و عومرێ ل پارێزگەھا دھۆکێ بۆ مالپەرێ ئەڤرۆ نیۆز گۆت: ژبەر کاودان ل سالا 2014 ل پارێزگەھا دھۆکێ ھەتا شه‌ش ھزار کەسان چووینە عومرێ و سالا 2013 ھەتا ھەتا هه‌شت ھزار کەسان چووبووینە، دیسان ل سالا 2012 ھەتا 9 ھزار کەسان چوو بووینە و ئەڤە سال بۆ سالێ کێمتر بوویە، ئاشکراکر کو پێشبینی دکەت ئەڤ سالە ھێشتا کێمتر ژی بیت
شەمسەدین تاھر ھێشتا ژی گۆت:ل سالا 2014 چوونا عومرێ ژبەر کاودانان کێمبوویە و ھەتا شه‌ش ھزار کەسان ب رێکا هه‌شت نڤسینگەھان سەرانسەری پارێَزگەھێ و ھەموو ب رێکا فروکخانا ھەولێرێ چووینە وەلاتێ سعودیێ.
ناڤبری گۆت: پتریا وەلاتیان دڤێت د بھێنڤەدانان دا بچنە عومرێ چونکە مامۆستانە و ھندەک قوتابی نە و ھەنە ترانسێت دچنە ھەولێر قاھیرە و ھەولێر عومان، خوەیارکر ژی کو ھەیڤا رەمەزانێ چوونا عومرێ کێمتر لێ دھێت چونکە گرانترە و دیسا گەلەک خەلک دچیت و گەلەک قەرەبالغە و کەسانێن دانعەمر کێم دچن.
ئەڤرۆ نیوز، نیوار محەمەد سەلیم:
راگەھاندنا رێڤەبەریا ھاتنوچوونا پارێزگەھا دھۆکێ ئاگەھدارا وەلاتیان دکەت کو ژ بەر رەوشا ئەڤرۆ یا بەفرێ ئەو ب رێیا رادیۆیا خوە بەردەوام شیرەت و ھوشداریا ددەنە وەلاتیان و دیار دکەن کا کیش رێ ھەیە و کیش نینە.
ملەت جەمال، رێڤەبەرێ رادیۆیا ترافیک ل دھۆکێ بۆ ئەڤرۆ نیوز گۆت: “ئەڤە رەوشا کەشوھەوایی تێکچوویی کارمەندێن وان یێ بەردەوام شیرەتان ل شوفێران دکەن دا کو تووشی چو روودانێن ھاتنوچوونێ یێن دل تەزین نەبن”.
زێدەتر گۆت: “بەرەدەوام یێ وەلاتیان ئاگەھدار دکەن کا چ رێ ھاتە ڤەکرن و چ ژی ھاتە گرتن، دا د ھشیار بن و نەچنە چ رێیا بمیننە ئاسێ”.
ھیڤی ژی ژ وەلاتیان خواست یێ کارەکێ فەر نەبیت ترۆمبێلا خوە نەبەتە ژ دەرڤە و دەمێ د بەن ژی ب ھشیاری ب ھاژوون دا تووشی چو روودانان نەبن.
پەخشێ رادیۆیا ترافیک ل سەر شەپۆلا ٩٠.٩٠ دھێتە پەخشکرن.
ئه‌ڤرۆ نیۆز، قائید میرۆ
به‌ری نیڤرۆیا ئه‌ڤرۆ ل سه‌نته‌رێ قه‌زا به‌رده‌ڕه‌ش شه‌ڕ د نێڤبه‌را دوو هه‌ڤژینان چێدبیت و پشتی زه‌لامی هه‌ڤژینا خوه قوتای گیانێ خوه ژ ده‌ستدا.
رائیدێ مافپه‌روه‌ر عه‌فوان عه‌بدولحه‌مید، به‌رپرسێ نڤیسینگه‌ها توندوتیژیان ل دژی ئافره‌تان ل به‌رده‌ڕه‌ش بۆ ئه‌ڤرۆ نیۆز گۆت” ئه‌ڤرۆ ده‌مژمێر 11ی به‌ری نیڤرۆ ئه‌م هاتینه ئاگه‌هداركرن ژ حاله‌ته‌كێ گیان ژ ده‌ستدانا ژنه‌كێ دناڤا سه‌نته‌رێ قه‌زا به‌رده‌ڕه‌ش.
عه‌فوانی گۆتژی” ئه‌ڤ ژن و زه‌لام ب ئه‌گه‌رێ ئاریشه‌یه‌كێ بشه‌ڕ هاتینه و زه‌لامی ژنا خوه قوتایه و پشتی هنگی گیانێ خوه ژده‌ستدایه، به‌لێ هێشتا خویا نه‌بوویه ئه‌ڤێ ژنێ ب ئه‌گه‌رێ ئێشانا قوتانا زه‌لامی گیانێ خوه ژده‌ستدایه یانژی نه.
هه‌روه‌سا دیاركر، نوكه زه‌لام ژلایێ پۆلیسانڤه هاتیه ده‌سته‌سه‌ركرن و لێكۆلین یا به‌رده‌وامه.
نيشاندان