ئه‌ڤرۆ نيوز:

سه‌فين دزه‌يى ئاخفتنكه‌رێ ب ناڤێ حوكمه‌تا هه‌رێما كوردستانێ ئاشكه‌را كر كو مووچێ چو فه‌رمانبه‌ران ناهێته‌ خوارن.

د داخۆيانيه‌كێ دا بۆ مالپه‌رێ فه‌رمى يێ حوكمه‌تا هه‌رێما كوردستانێ، سه‌فين دزه‌يى، ئاخفتنكه‌رێ ب ناڤێ حوكمه‌تا هه‌رێما كوردستانێ ته‌كست ل سه‌ر وێ چه‌ندێ كر كو مووچێ چو فه‌رمانبه‌ران ناهێته‌ خوارن.

ئاشكه‌را ژى كر كو حوكمه‌ت يا پابه‌نده‌ مووچێ فه‌رمانبه‌ران دابين بكه‌ت و وه‌زاره‌تێن سامانێن سرۆشتى و دارايى د بزاڤێن به‌رده‌وام دا نه‌ بۆ دابينكرنا وى مووچه‌يى، به‌لێ دبيت هنده‌كێ گيرۆ ببيت هه‌تا دهێته‌ دابينكرن.

دوهى رۆژا ئێكشه‌مبى سه‌فين دزه‌يى، ئاخفتنكه‌رێ ب ناڤێ حوكمه‌تا هه‌رێما كوردستانێ راگه‌هاند كو به‌لاڤكرنا مووچێ هه‌يڤا 11 و 12 يێ سالا بۆرى، په‌يوه‌ندى ب به‌غدا ڤه‌ نينه‌، به‌غدا نوكه‌ چ پاره‌ ره‌وانه‌يى هه‌رێما كوردستانێ نه‌كريه‌ و هه‌كه‌ ره‌وانه‌ ژى بكه‌ت، دێ يێ 2015 ره‌وانه‌ كه‌ت، نه‌يێ 2014ێ.

گۆتژى: “هه‌ر ده‌مێ حوكمه‌تا هه‌رێما كوردستانێ د ده‌ستان دا هه‌بوو ژ داهاتێ ناڤخۆ و فرۆتنا په‌ترۆلێ دێ مووچان به‌لاڤ كه‌ت”.

ئاخفتنكه‌رێ ب ناڤێ حوكمه‌تا هه‌رێما كوردستانێ ئاماژى ب وێ چه‌ندێ ژى كر كو ئه‌و پارێ نوكه‌ ل به‌ر ده‌ستێ وان به‌هرا وێ چه‌ندێ ناكه‌ت دو مووچێن فه‌رمانبه‌ران پێ بده‌ن.

سه‌فين دزه‌يى گۆت: “هه‌ڤيانه‌ 850 مليار دينار مه‌ دڤێن، دێ دو هه‌يڤان دبيته‌ ترليۆنه‌ك و 700 مليار دينار و نوكه‌ ئه‌و پاره‌ ل به‌ر ده‌ستێ مه‌ نيه‌”.

ژ ئه‌گه‌رێ په‌يدابوونا قه‌يرانا دارايى يا هه‌رێما كوردستانێ ل ده‌سپێكا سالا بۆرى، هه‌تا نوكه‌ فه‌رمانبه‌رێن هه‌رێمێ مووچێ هه‌يڤا 11 و 12 يێن سالا 2014 وه‌رنه‌گرتينه‌.

ئه‌ڤرۆ نيوز:

عه‌لى حه‌مه‌ سالح، په‌رله‌مانتارێ كوردستانێ راگه‌هاند كو ب چو ره‌نگه‌كى نابيت هزر ل نه‌دانا مووچێ هه‌ردو هه‌يڤێن سالا بۆرى بهێته‌ كرن.

ئاشكه‌را ژى كر كو فراكسيۆنا گۆڕان وان هه‌موو لايه‌نان پشت راست دكه‌ت كو رێ ناده‌ن چو كه‌سه‌ك بڕيارا نه‌دانا مووچێ ئێك هه‌يڤا فه‌رمانبه‌ران بده‌ت.

گۆتژى: “نوكه‌ وه‌زاره‌تا دارايى يا بزاڤێ دكه‌ت مووچێ هه‌يڤا 11 دابين بكه‌ت”.

دوهى رۆژا ئێكشه‌مبى سه‌فين دزه‌يى، ئاخفتنكه‌رێ ب ناڤێ حوكمه‌تا هه‌رێما كوردستانێ راگه‌هاند كو به‌لاڤكرنا مووچێ هه‌يڤا 11 و 12 يێ سالا بۆرى، په‌يوه‌ندى ب به‌غدا ڤه‌ نينه‌، به‌غدا نوكه‌ چ پاره‌ ره‌وانه‌يى هه‌رێما كوردستانێ نه‌كريه‌ و هه‌كه‌ ره‌وانه‌ ژى بكه‌ت، دێ يێ 2015 ره‌وانه‌ كه‌ت، نه‌يێ 2014ێ.

گۆتژى: “هه‌ر ده‌مێ حوكمه‌تا هه‌رێما كوردستانێ د ده‌ستان دا هه‌بوو ژ داهاتێ ناڤخۆ و فرۆتنا په‌ترۆلێ دێ مووچان به‌لاڤ كه‌ت”.

ئاخفتنكه‌رێ ب ناڤێ حوكمه‌تا هه‌رێما كوردستانێ ئاماژى ب وێ چه‌ندێ ژى كر كو ئه‌و پارێ نوكه‌ ل به‌ر ده‌ستێ وان به‌هرا وێ چه‌ندێ ناكه‌ت دو مووچێن فه‌رمانبه‌ران پێ بده‌ن.

سه‌فين دزه‌يى گۆت: “هه‌ڤيانه‌ 850 مليار دينار مه‌ دڤێن، دێ دو هه‌يڤان دبيته‌ ترليۆنه‌ك و 700 مليار دينار و نوكه‌ ئه‌و پاره‌ ل به‌ر ده‌ستێ مه‌ نيه‌”.

ژ ئه‌گه‌رێ په‌يدابوونا قه‌يرانا دارايى يا هه‌رێما كوردستانێ ل ده‌سپێكا سالا بۆرى، هه‌تا نوكه‌ فه‌رمانبه‌رێن هه‌رێمێ مووچێ هه‌يڤا 11 و 12 يێن سالا 2014 وه‌رنه‌گرتينه‌.

ئه‌ڤرۆ نيوز، نيوار محه‌مه‌د سه‌ليم:

به‌رى ده‌مه‌كێ كێم روونشتنا جڤاتا نوونه‌ران بۆ گه‌نگه‌شێ ل سه‌ر پرۆژێ بودجێ 2015 يێ عيراقێ ده‌سپێكر و بڕياره‌ ئه‌ڤرۆ ب دووماهى بهێت و راده‌ستى لژنا دارايى يا جڤاتا نوونه‌رێن عيراقێ بكه‌ن.

حاكم سه‌رحان سلێڤانه‌يى، ئه‌ندامێ لژنا دارايى ل جڤاتا نوونه‌رێن عيراقێ بۆ ئه‌ڤرۆ نيوز گۆت: “به‌رى ده‌مه‌كێ كێم روونشتنا جڤاتا نوونه‌رێن عيراقێ ل دور بودجێ 2015 ده‌سپێكر و بڕياره‌ ئه‌ڤرۆ دانوستاندن ل سه‌ر بودجه‌يى ب دووماهى بهێت و بۆ لژنا دارايى بهێته‌ ره‌وانه‌كرن”.

حاكم سه‌رحان زێده‌تر گۆت: “لژنا دارايى ژى دێ تێبينيێن خوه‌ ل سه‌ر ديار كه‌ت و بۆ حه‌فتيا بهێت بڕياره‌ ب دووماهى بهێت و بكه‌ڤيته‌ به‌ر ده‌نگدانێ”.

ئه‌ندامێ جڤاتا نوونه‌ران ل سه‌ر ليستا پارتى ديموكراتى كوردستان نه‌ڤه‌شارت كو كێشا هه‌ره‌ مه‌زن ل به‌ر لژنا ئابوورى يا جڤاتا نوونه‌ران ئه‌وه‌ كو بهايێ په‌ترۆلێ ل باران گه‌له‌ك ئه‌رزانتره‌ ژ يێ د بودجه‌يى دا هاتيه‌ ده‌ستنيشانكرن و ئه‌و نه‌شێت ڤى بهايى كێم بكه‌ت.

گۆتژى: “هزر ل هندێ هاتيه‌ كرن، ب هنده‌ك رێيێن دى پاره‌ بۆ عيراقێ بهێته‌ دابينكرن دا كو قه‌ره‌بوويا وێ جوداهيا د بهايێ په‌ترۆلێ دا هه‌يى پێ قه‌ره‌بوو بكه‌ن”.