ئه‌ڤرۆ نيوز:

ب هه‌لكه‌فتا سه‌رێ سالا نوو، جێگرێ ئێكێ يێ سكرتێرێ گشتيێ ئێكه‌تى نشتيمانى كوردستان، كوسره‌ت ره‌سۆل نامه‌ك بۆ رێكخه‌رێ گشتى يێ بزاڤا گۆڕان نه‌وشيروان مسته‌فا هنارت كو ئه‌ڤه‌ ژى ده‌قێ وێ يه‌:

برای خۆشەویستم جەنابی كاك نەوشیروان

سڵاوێكی گەرم:-
بەبۆنەی هاتنی سەری ساڵی تازەوە، گەرمترین پیرۆزبایت لێدەكەم، لەڕێگەی جەنابتانەوە پیرۆزبایی، لە هەموو ئەندامان و لایەنگرانی بزوویتنەوەی گۆڕان دەكەم.
دیارە جەنابتان، لەمێژووی رزگاریخوازی گەلی كوردستان و شۆڕشی نوێی گەلەكەماندا جێ دەستت دیاربوە لە هەموو بوارەكاندا، وە ئێستاكەش لەم كات و سەردەمەدا، بۆ پاراستنی ئەم دەسكەوتانەمان، كە بەخۆێنی شەهیدەكانمانەوە هاتونەتەدی، نەتەوەكەمان پێویستی بەیەكڕیزی ناوماڵی كوردو یەكترقبوڵكردن هەیە، بۆ ئەوەی ببێتە مایەی خۆشی و سەركەوتنی گەلەكەمان.

كۆسرەت رەسوڵ عەلی
جێگری یەكەمی سكرتێری گشتی (ی.ن.ك)

ئه‌ڤرۆ نيوز:

رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ دێ بيته‌ ئه‌ور و هنده‌ك جارێن كێم ژى دێ ب تنێ هنده‌ك ئه‌ورێن كێم ل ئه‌سمانى مينن.

پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ كارتێكرنافشارێن بلندێن وه‌لاتێ توركيا بۆ سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا ئه‌ينى رێكه‌فتى 2\1\2015 ئه‌سمانێ دهۆكێ دێ بيته‌ ئه‌ور ل گه‌ل كێم بوونا هنده‌ك ژ وان ئه‌وران د هنده‌ك ده‌مێن كێم دا.

رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه‌ كو پلا گه‌رماتيێ ژى دێ يا نێزيكى رۆژێن به‌رى نوكه‌ بيت ب ره‌نگه‌كى د ناڤبه‌را 8 بۆ 18 پلان دا.

ل دۆر پێشبينيا رێژا هه‌وايى و مه‌ودايێ ديتنێ ژى دايه‌ زانين كو دێ ئاراسته‌يێ وى دێ باكورێ رۆژهه‌لات بيت ب ره‌نگه‌كى دێ يێ ناڤه‌ندى بيت د ناڤبه‌را پێنج بۆ 10 كليۆمه‌تر د ده‌مژمێره‌كێ و ماوێ ديتنێ ژى دێ 8 هه‌تا 10 كيلۆمه‌تران بيت.