ئه‌ڤرۆ:
کوخک نەخۆشیەکا ب ئێشە، ئەگەرێ وێ ژی ئەوە سیھا سۆر ب رێیا کوخکێ خوە ژ ڤایرۆس و بەکتریایێن ب زیان د کوئەندامێ ھەناسێ دا قورتال دکەت، دو جۆرێن کوخکێ یێن ھەین، کوخکا ھشک کو ئەو پتر یا ب ئێشانە و کوخکا تەڕ کو بلغەم یێ ل گەل، بەلێ ھندەک تەناکەر ژ ڤەخوارنێن سروشتی ھەنە کو دشێن چارەسەریا کوخکێ بکەن و نیشانێن وێ کێم بکەن، دبیت ب تنێ ب کاربینن یان ل گەل ھندەک دەرمانێن نۆشداریێن چارەسەر، ئەڤە ھندەک جۆرێن ڤەخوارنانە کو کوخکێ تەنا دکەن:
سیر Garlic: ھندەک کەرستە تێدا ھەنە ل دژی ڤایرۆسانە و بلغەمی ناھێلیت و کوئەندامێ بەرھنگاریێ ب ھێز دئێخیت، بەلگێن سیرێ وەکو ڤەخوارن دھێتە بکارئینان و کوئەندامێ ھەناسێ تەنا دکەت و چارەسەریا کوخکێ و تووشبوونا ب سەرمایێ دکەت وەکو پەرسیڤ.
ھنگڤین Honey: دھێتە بکارئینان وەکو زێدەکرن ل سەر ڤەخوارنێن دی دا باندۆرا چارەکرنێ زێدە بکەت و ھەروەسا ل گەل ئاڤا گەرم ژی دھێت بکارئینان کو بەرھنگاریا لەشی ب ھێز دئێخیت و کوخکێ ناھێلیت و بلغەمی بنبر دکەت.
عەرەقسوس Licorice: شینکاتیەکێ تەڕە بلغەمی ناھێلیت و وەکو ڤەخوارن دھێتە بکارئینان، بەلێ یا باش نینە ئەوێن فشارا خوینێ ھەی گەلەک بکاربینن.
زەنجەبیل Ginger: ڤەخوارنەکا دژی ڤایرۆسانە، دەرمانەکێ کارایە بۆ چارەکرنا کوخکێ.
زەعتەر Thyme: بێھنا وێ یا بھێزە، یا باشە بۆ چارەکرنا نەخۆشیێن لەشی و چارەکێ باشە بۆ کوخکێ و پەرسیڤێ.
نیمۆک Lemon: تایبەتمەندیا تافیلکرنێ یا ھەی و ڤایرۆسان پاقژ دکەت، مفایێ وێ پترە ھەکە ھنگڤینێ بکەنە سەر.
دۆشاڤا گێزەران Carrot juice: ئەڤە سینگی پاقژ دکەت و کوخکێ و بلغەمی ناھێلیت.
ھلم Steam: ئەڤە بۆریێن ھەناسێ ڤەدکەت.
ئاڤ و خوێ warm water with: ھندەک خوێ بکە ناڤ ئاڤا کەل و د دەڤێ خوە وەردە دێ کوخکا تە سڤک کەت.
نيشاندان
