ئه‌ڤرۆ نیوز، ره‌وان نهێلى

هوزانڤان ئه‌دیب چه‌لكى د په‌یجێ خوه‌ یێ فێسبوكێ دا دیاركر ب سه‌رپه‌رشتیا میوزیكژه‌نێ كورد، دلشاد محه‌مه‌د سه‌عید، سێ هونه‌رمه‌ندێن دى ژى (محه‌مه‌د ته‌ها ئاكره‌یى و چوپى فه‌تاح و گاره‌) ده‌نگێن خوه‌ بۆ سرودا نیشتمانى یا ( شنگال) توماركرن.
ئه‌دیب چه‌لكى ئاماژه‌ ب وێ یه‌كێ كریه‌ كو به‌رى نوكه‌ هونه‌رمه‌ندان ئه‌یوب عه‌لى و شه‌هریبانا كوردى و دیار دێرسم ده‌نگێن خوه‌ بۆ ڤێ سرودا نیشتمانى توماركرینه‌ و ژمارا وان گه‌هشته‌ 6 هونه‌رمه‌ندان و ب ڤێ چه‌ندێ ل نێزیك دێ ئه‌ڤ سروده‌ ب داوى بهێت.

بڕياره‌ ل نێزيك ده‌ست ب كليپكرنا ڤێ سرۆدێ بهێته‌ كرن.

ئه‌ڤرۆ:

ھونەرمەندا ناڤدارا مسری ئیلھام شاھین رەتکر کو ئەو ژوارێ زارڤەکرنێ دوور کەفتبیت و گۆت: ھێشتا من حەزا زارڤەکرنێ یا مای و ئەگەر فلمەکێ باش ھەبیت ئەزا بەرھەڤم پشکداریێ تێدا بکەم.

ناڤھاتیێ د بەرنامەکێ زیندی دا گۆت: راستە ئەڤە چەند سالن وەکو بەرھەمێ نوو ئەز یا ژشاشێ دوورم، لێ رامانا وێ ئەو نینە کو ئەز یا دوورکەفتیم، یان من دەستێن ژێ بەرداین. و خەلک ھەموو دزانن رەوشا وەلاتێ من مسرێ یا چاوا بوو، و ئەڤێ چەندێ رێ نەددا ئەم بەرھەمێن نوو چێکەین.

ل دووماھیێ گۆت: وەکو ھەموو دبینن رۆژ بۆ رۆژێ رەوشا مسرێ یا باشتر دبیت و ئەز ب باوەرم ل نێزیک دێ ھەموو تشتەک وەکو بەرێ زڤریتە ڤە و ئێدی دێ ھەر ئێک چیتە سەر کارێ خوە، ژوانا ھونەرمەند ژی دێ شێن بەردەوامیێ ب کارێ خوە ددەن.

ئه‌ڤرۆ:

ھونەرمەندا ناڤدارا لوبنانی ھەیفا وەھبی راگەھاند سەرەرای وێ چەندێ کو چەندین جاران گەڤێن کۆشتنێ ل وێ ھاتینە کرن، لێ ئەو ژخوە ناترسیت و دبێژیت: مادەم من چ کارێن خراب نەکرینە بۆچی دێ دوژمناتیا من ھێتە کرن. ناڤھاتی دبێژیت: ژبەرکو ئەز ھونەرمەندم و ئەو کارێ من ھەلبژارتی دبێژنێ ھونەر و ل ھەموو جیھانێ یێ بەربەلاڤە، لەورا ژبلی ئەداکرنا کارێ خوە من چ تشتێ دی نەکریە و ئەو کەسێن بەرۆڤاژی د ھونەری دگەھن کەسێن لاوازن، ب تایبەت ژی کەسێن توندڕەو، لەورا وان چ پێ چێنا بیت و ب تنێ گەڤێن کۆشتنێ ل ھونەرمەندان دکەن.

ھێشتا گۆت: مادەم من باوەری ب خوە و کارێ خوە ھەیە ئەز چ جاران ژ خوە ناترسم و ئەز من باوەریا ب خوە ھەی کو ئەو نەشێن زیانێ بگەھینە من و ھەتا ئەزا ساخم چ ھزران بۆ وان ناکەم.  دلایەکێ دی دا گۆت: ئەز مژوولی دووماھی ئەلبۆما خوەمە کو دێ ب شێوەکێ پرۆفیشنال ژلایێ کومپانیەکا ناڤدارڤە ھێتە چێکرن، لێ تشتێ ئەز گەلەک پێ دئێشم ل ھندەک وەلاتان ئەلبۆمێن مە ل بازاری دھێتە کوپیکرن و ب ھزارەھا دانێن سەختە ژێ دھێنە فرۆتن.

ل دووماھیێ گۆت: بۆ سەرێ سالا نوو ٢٠١٥ من ھژمارەکا ئاھەنگان ھەنە و من ل بەرە ھندەک سترانێن نوو یێن دووماھی ئەلبۆما خوە دوان ئاھەنگاندا بێژم و ھیڤیا من ئەوە سالا نوو سالا خۆشی و تەناھیێ بیت بۆ ھەموو گەلێن جیھانێ.

ئه‌ڤرۆ نيوز:

سترانبێژا رۆژھەلاتێ کوردستانێ دیجلە رۆژھات کو ئەڤە دەمەکە ل ھەولێرێ ئاکنجی بوویە د دیدارەکێ دا بۆ ئەڤرۆ گۆت: ئەڤە بۆ دەمەکێ درێژ بوو ئەز یا نەخوەش بووم، ژبەر ڤێ چەندێ نە د شیام چو کارێن نوو ئەنجام بدەم، لێ نوکە ئەز یا بەرھەڤیا خوە دکەم بۆ چێکرنا دو کلیپان، کو ئەو ژی ل دۆر قەھرەمانیا پێشمەرگەینە.
ھەروەسا گۆت: ب گۆڕەی دیتنا من دەنگێ ھەموو سترانبێژێن کچ ب کێر گۆتنا سترانێن پێشمەرگەیی ناھێت، و گۆت: پشتی من و سترانبێژ (ھەژار دھۆکی) سترانەکا دوقۆلی چێکری، مە ل بەرە سترانەکا دی ژی پێکڤە بێژین.
د لایەکێ دی دا گۆت: بتنێ من دو جاران شوو کریە و پشتی من ژیانا ھەڤژینیێ ژی پێک ئینای بەردەوام داخوازا حەز ژێکرنێ ژ لایێ ھندەک کەسان ڤە ژ من دھێتە کرن، و ئەڤ چەندە ژی تشتەکێ نۆرمالە.
ھەروەسا دیجلەیێ دیار کر: ژبلی کارێ سترانگۆتنێ حەز ژ کارێ ئەکتەریێ ژی دکەت و پشکداری فلمەکێ سینەمایی ژی بوویە ب ناڤێ (کا وار) ژ دەرھێنانا (ھشیار زێرۆ)، و گۆت: دەمێ ئەز کارێ ئەکتەریێ دکەم ئەز یا بەرھەڤم ب وی رۆلی رابم کەسەک ببیتە ھەڤژینێ من و من ماچی ژی بکەت.