ئه‌ڤرۆ نیوز:
بریاره رۆژا 5 شه‌مبى، وه‌زیرێن ده‌رڤه یێن 20 ولاتان ل له‌نده‌نا پایته‌ختێ به‌ریتانیا كوم ببن و دانوستاندنان ل دۆر چاوانیا ژناڤبرنا داعش بكه‌ن.
ئاژانسێن ده‌نگوباسان ئاماژه ب وێ یه‌كێ كرینه كو د كومبوونێ دا، دێ وه‌زیرێ ده‌رڤه‌یێ ئه‌مریكا و وه‌زیرێن ده‌رڤه یێن ولاتێن عه‌ره‌بى ژى به‌رهه‌ڤن بن.
ئه‌ڤرۆ نیوز:
هه‌ڤسه‌رۆكاتیا كونسه‌یا رێڤه‌به‌ریا كۆما جڤاكێن كوردستانێ (KCK ) د راگه‌هاندنه‌كێ دا راگه‌هاند: ماوه‌كه هنده‌ك راگه‌هاندێن كوردستانێ ب هه‌موو ره‌نگه‌كێ دژى سیاسه‌تا KCK ل به‌رامبه‌ر شنگالێ كار دكه‌ن و بزاڤێ دكه‌ن كو هنده‌ك بوچوونان سه‌باره‌ت شنگالێ كو چ په‌یوه‌ندى ب مه‌ڤه نینه به‌لاڤ كه‌ن، و وه‌كو بوچوونا مه نیشانى خه‌لكى بده‌ن، داخویانیێن ب ڤى ره‌نگى دوورن ژ راستیێ، مه به‌حسێ هه‌رێمه‌كا سه‌ربه‌خو نه‌كریه، دڤێت شنگال سه‌ر ب باشوورێ كوردستانێ ڤه بیت، مه هه‌لسه‌نگاندنه‌كا ب ڤى ره‌نگى یا هه‌ى.
ئه‌ڤرۆ نیوز:
ده‌سته‌یا ده‌ستپاكیا عیراقێ ئاشكراكر كو ژماره‌كا به‌رپرسێن به‌رێ یێن عیراقێ كو ژ وان 6 وه‌زیر و 53 رێڤه‌به‌رێن گشتى و پلێن تایبه‌ت گه‌نده‌لیا كرى.
ده‌سته‌پا ده‌ستپاكییا عیراقێ كو بلندترین ده‌ستهه‌لاتا چاڤدێریێ دهێته هژمارتن د راپۆرتا خوه‌دا ئاماژه ب وێ یه‌كێ كریه كو ئه‌یمه‌ن سامه‌رایی وه‌زیرێ به‌رێ یێ كاره‌بێ و عه‌بدولفه‌لاح سۆدانی- وه‌زیرێ به‌رێ یێ بازرگانی و حازم شه‌علان- وه‌زیرێ به‌رێ یێ به‌ره‌ڤانیێ هه‌ن.
ئه‌ڤرۆ نیوز، بارزان سلێمان مزوورى
ئه‌فسه‌ره‌ك ژ هێزێن پێشمه‌رگه‌ى ل میحوه‌رێ ناوه‌ران بۆ ئه‌ڤرۆ نیوز دیار كر كو نها فروكه‌یێن جه‌نگى یێن هه‌ڤپه‌یمانان باره‌گایه‌كێ چه‌كدارێن تیرورستێن داعش ل ناڤ گوندێ خورسه‌بات سه‌ر ب ناحیا باشیك ڤه ب دژوارى بوردومان كرن ، د ئه‌نجام دا 8 داعش هاتنه كوشتن و دوو ترومبێل ژ جورێ هه‌مه‌ر و فورته‌ك سه‌ربازى سوتن .
ناڤبرى دیار كر كۆ چه‌كدارێن تیرورستێن داعش هیڤیا پلانه‌كێ بوون فروكه‌یێن جه‌نگى نه‌هێلا پلانا وان سه‌ركه‌ڤیت.
تایبه‌ت، چه‌كدار ئه‌ترووشى:
پشتى دوهى ل ده‌مژمێر 5 سپێدێ عه‌مید ژارو دهوكى ب مه‌ره‌ما چونا وى بو سه‌ر كارێ خوه یێ له‌شكرى ژ مال ده‌ركه‌فتى هه‌تا نوكه نه‌یێ دیاره و چاره نڤیسێ وى یێ به‌رزه‌یه.
ل دور ئه‌ڤێ چه‌ندێ ژێده‌ره‌كێ باوه‌رپێكرى ژ فه‌رمانده‌یا دهوك تایبه‌ت بو ئه‌ڤرۆ نیوز ئاماژه ب راستیا ڤێ چه‌ندێ دا و گوت” ئه‌م هاتینه ئاگه‌هدار كرن كو عه‌مید ژارو دهوكى یێ به‌رزه‌یه، لێ ئه‌م چ پێزانینان ل سه‌ر ڤێ چه‌ندێ نوزانین و دووڤچوون یا به‌رده‌وامه.
دیسان هێزێن ئێمناهیێ ل پارێزگه‌ها دهوكى بۆ ئه‌ڤرۆ نیوز ئه‌ڤ چه‌نده دوپاتكر كو ئه‌و هاتینه ئاگه‌هدار كرن ل ده‌مژمێر نێزیك ئێكى شه‌ڤا ده‌ربازبویى كو ترومبێله‌كا له‌شكرى (ف ل ك) ل نێزیك گوندێ گه‌ڤه‌ركێ هاتیه راوه‌ستاندن هه‌ر ژ به‌رى سپێدا وێ روژێ و چه‌ك تێدا هه‌یه هه‌ر ئێكسه‌ر دووڤچوون ل سه‌ر ترومبێلا هه‌نێ كریه و بو دیار بوویه یا ئه‌فسه‌ره‌كێ فه‌رمانده‌یا دهوكه كو ژارو دهوكى یه.
هه‌مان ژێده‌ر ئه‌و چه‌نده دیاركر كو پێشبینى ناكه‌ن كو كاره تیرورستى بیت.
ئه‌ڤرۆ نیوز، ناجی به‌ده‌ل:
هێمن هه‌ورامی ئه‌ندامێ سه‌ركردایه‌تیا پارتی بو ئه‌ڤرۆ نیوز دیاركر ئه‌مریكا ژی ل گه‌ل سه‌ربه‌خوبونا هه‌ریما كوردستانێ دایه و ب مفایه‌كێ ره‌وایێ كوردستانێ دزانیت بو به‌ره‌ف سه‌ربه‌خوبونێ لێك تێنه‌گه‌هشتن و جوداهیی هه‌یه ل گه‌ل ده‌می یان وه‌ختی چونكو ئه‌وا نها ئه‌و هزر لی دكه‌ن جودایه ژ یا مه .
هێمن هه‌ورامی ئه‌و چه‌نده ژی گوت:ب نێرینا من ئه‌مریكا ئاریشه نینه ل گه‌ل ده‌وله‌ت بونێ لی ئاریشه بو ئه‌وان ئه‌و چاره‌نڤیسا سونه‌یان ل عیراقێ پشتی سه‌ربه‌خوبونا هه‌رێمی دێ چ لی هێت و ره‌وشا سیاسی یا شیعه‌یان چه‌وابیت ئه‌ڤه پرسگریكه نها بو ئه‌وان.
ناڤبری ئه‌و چه‌نده ژی دیاركر نها ئه‌مریكا و ئه‌ورۆپا ژی پێنگاڤان د هاڤێژن بو دانانا بنیاته‌كێ یان هه‌ریمه‌كێ بو سونه‌یان و نها به‌حسا ئیداره‌كرنا وان ب هه‌رێمێ و دانانا هیزه‌كا سه‌ربازی بو به‌ره‌ڤانیكرنێ ژ مافێن خو، بشێت خو ل سه‌ر پێ بگریت و به‌حسا ئه‌ندام بونا سونه‌یان ژی دهێته‌كرن كو ب بیته ئه‌نداما جڤاتا كه‌نداڤی و ئه‌گه‌ر هه‌ر جودابونه‌ك درۆست بیت ل عیراقێ سونه ب بنه ئه‌ندام و بو پاراستنا خو ژ هه‌ر مه‌ترسیه‌كا هه‌ی ل ده‌ڤه‌رێ.
ئه‌ڤرۆ نیوز:
تارق سارمه‌مى، راوێژكارێ راگه‌هاندنێ یێ سه‌رۆكاتیا په‌رله‌مانێ كوردستانێ د كۆنگره‌كێ رۆژنامه‌ڤانى دا راگه‌هاند كو ژبه‌ر رێكنه‌كه‌ڤتنا لایه‌نێن ده‌سته‌یا سه‌رۆكاتیا په‌رله‌مانى، خولا چارێ بۆ ماوێ 7 هه‌یڤ و نه‌ه رۆژان گیروبوو، به‌لێ ل گه‌ل وێ چه‌ندێ د ماوێ ساله‌كا ته‌مه‌نێ خوه، 45 روونشتن ئه‌نجامداینه و نه‌ه قانوون و 32 بریار ده‌رێخستى نه و خواندنا ئێكێ بۆ 112 پرۆژه قانوون و بریارێن جوار و جور هاتیه كرن.
ئه‌ڤرۆ نيوز، ناجى بدل
مەزنترین کابووس کو ھەموو مامۆستایێن بیرکاریێ ل جیھانێ تووش دبنێ دەرکرنا ئەنجامێن ھەڤکێشێن بیرکاریێ یە، بەرنامەکێ نوو ل سەر مۆبایلان ئەرکێ وێ یێ سەرەکی دەرکرنا ئەنجامێ ھەر ھەڤکێشەکا بیرکاریێ یە کو بکەڤیتە بەر سینگێ تە، ئەڤە ژی دێ بیتە رێخۆشكرنەک بۆ قوپیایێ د ئەزموونان دا یان دەمێ ئەرکێن خوە یێن قوتابخانێ ل مال ئەدا دکەت.
بەلێ کۆمپانیا بەرھەمئینەر وەسا دبینیت کو ئەڤ بەرنامە دێ بیتە رێیەکا ب مفا بۆ فێربوونا بیرکاریێ، چونکو رێیا دەرکرنا ئەنجامان ھەموویێ نیشاددەت، بۆ دەرکرنا ئەنجامێ ھەڤکێشێ ب تنێ دێ بەرێ کامیرێ دەیە سەر ھەڤکێشێ و گەلەک ب ساناھی دێ بۆ تە ئەنجام دەرکەڤیت. کۆمپانی یا ب ھیڤیە کو ئەڤ بەرنامە دێ بیرکاریێ ئێخیتە بەردەستێ ھەموویان، ئەڤ بەرنامە یێ ھەی و تو دشێی ل سەر مۆبایلا خوە داونلوود بکەی، ل سەر ئایفۆنێ ب سیستەمێ IOS و سیستەمێ ویندۆزفۆن کار دکەت و ل بەرە پاشی بۆ سیستەمێ ئەندرۆید ژی بھێتە بەردەستکرن.
ئەڤرۆ نیۆز، قائید میرۆ:
رێڤەبەرێ گشتیێ ساخلەمیا ھەولێرێ دبێژیت، سێ لیژنە بۆ پشکنینا وەلاتیێن کوردێن ئێزدی یێن ھاتینە ئازادکرن ژلایێ داعش ھاتیە پێک ئینان و پشتی ئەنجامێ پشکنینان دەرکەڤیت دێ ھێنە ھنارتن بۆ دھۆکێ.
دکتۆر سامان بەرزنجی، رێڤبەرێ گشتیێ ساخلەمیا ھەولێرێ دداخویانیەکێ دا بۆ ئەڤرۆ نیۆز گۆت” ئەف وەلاتیێن کوردێن ئێزدی یێن ژلایێ داعشڤە ھاتینە ئازادکرن، دێ بمینن ھەتا پشکنین بۆ دھێنەکرن و پشتی ھنگی دێ ھێنە ھنارتن بۆ پارێزگەھا دھۆکێ.
سامانی گۆتژی” سێ لیژنەیێن نۆژداری ھاتینە پێک ئینان بۆ پشکنینا ڤان وەلاتیێن کوردێن ئێزدی، ژبەرکو مە زانیاری نینە چ جۆرە نەخۆشیەک لبن دەستێ داعش وەرگرتیە و ھەتا پشکنینێن تمام بۆنەھێنەکرن ناھێنە ھنارتن بۆ دھۆکێ.
ئه‌ڤرۆ نيوز:
سه‌رۆكێ حوكمه‌تا هه‌رێما كوردستانێ راگه‌هاند كو ئه‌و خوازيارێن ئه‌وێ رۆژێ نه ئاواره و په‌نابه‌ر ڤه‌گه‌رنه سه‌ر مال و مولكێن خوه، داخواز ژى ژ ئاواران كر كو خوه‌راگر بن بۆ ڤێ قووناغا ده‌مكى هه‌تا ده‌ڤه‌رێن وان ئارام بن.
ئه‌ڤرۆ رۆژا ئێكشه‌مبى 18\1\2015 نێچيرڤان بارزانى سه‌رۆك وه‌زيرێن هه‌رێما كوردستانێ، پێشوازى ل جوجيۆ لينگۆ، بالوێزێ ڤاتيكانێ ل عيراقێ و شانده‌كێ ل گه‌ل دا كر.
بالوێزێ ڤاتيكانێ ته‌كست كر كو ئه‌و گه‌له‌ك ب گرنگى و نێزيك دووڤچوونا كاودانێن هه‌رێما كوردستانێ و عيراقێ دكه‌ن و سۆپاسيێن پاپايێ ڤاتيكانێ بۆ سياسه‌تا ڤه‌كرى و پێشوازيكرنا حوكمه‌تێ بۆ ئاواره و په‌نابه‌ران ب تايبه‌ت ژى پێكهاتێ مه‌سيحى و دابينكرنا ئارامى و سه‌قامگێريا بۆ دابين كرى كر.
ده‌رباره‌يى كاودانێن نوكه و پێدڤيێن ئاواران ئه‌و خزمه‌تێن پێشكێشى ئاواران ژى هاتينه كرن، سۆپاسيا سه‌رۆك وه‌زيرى كرن و هه‌ردولا ته‌كست ل سه‌ر مانا ئاواران ل هه‌رێما كوردستانێ بۆ ڤێ قووناغێ كرن.
نێچيرڤان بارزانى ته‌كست ل سه‌ر سياسه‌ت و هه‌لويستێ حوكمه‌تێ و گرێدانا گه‌لێ وێ ده‌ربڕى و ب تايبه‌ت ژى د ڤێ قووناغا دژوار دا كو رووى ب روويى رێكخراوه‌كا دڕنده و تيرۆرست دبن.
نێچيرڤان بارزانى گۆتژى: “ل هه‌رێما كوردستانێ ناما ئاشتى و پێكڤه‌ژيان و لێبۆرينێ دهنێرين و هيڤى خوازين ئه‌وێ ينه كو ئاواره و په‌نابه‌ر ب ڤه‌گه‌رنه سه‌ر مال و حالێن خوه”. داخواز ژى ژ ئاواران كر كو خوه‌راگر بن هه‌تا ئه‌ڤ قووناغا ده‌مكى ب دووماهى دهێت و ب ئارامى ڤه‌گه‌رنه سه‌ر جهێن خوه.
نيشاندان