ئه‌ڤرۆ نيوز:

وه‌زيرێ ئه‌وقاف و كاروبارێن ئاينى ل هه‌رێما كوردستانێ راگه‌هاند كو كێمترين كه‌س چووينه‌ ناڤ رێزێن داعش ئه‌ون يێن ژ وه‌زاره‌تا ئه‌وقافا هه‌رێمێ چووين و هه‌تا نوكه‌ چو ژ وان كه‌سان نه‌هاتينه‌ ده‌ركرن.

وه‌زيرێ ئه‌وقاف و كاروبارێن ئاينى ل هه‌رێما كوردستانێ بۆ تۆرا ده‌نگوياسێن سلێمانيێ گۆت: “ل وه‌زاره‌تا ئه‌وقاف و كاروبارێن ئاينى 48 كه‌س چووينه‌ ناڤ رێزێن داعش و بۆ سه‌ره‌ده‌ريكرن ل گه‌ل وان، مه‌ رێيێن قانوونى گرتينه‌ به‌ر”.

ب گۆره‌يى زانياريێن تۆرا ده‌نگوياسێن سلێمانيێ ل سنورێ مه‌خمور و ديبه‌گ 40 كه‌س ژ وه‌زاره‌تا ئه‌وقافێ چووينه‌ ناڤ رێزێن داعش و ل هه‌موو كوردستانێ ب گۆره‌يى داخۆيانيا وه‌زيرى 48 كه‌س چووينه‌ ناڤ رێزێن داعش.

ده‌رباره‌يى ڤێ چه‌ندێ وه‌زير دبێژيت: “ئه‌و كه‌سێن ل وان سنوران چووينه‌ ناڤ رێزێن داعش عه‌ره‌بن، به‌لێ ب ره‌نگه‌كێ فه‌رمى سه‌ر ب وه‌زاره‌تا مه‌ ڤه‌نه‌ و نه‌هاتينه‌ فه‌سلكرن، به‌لێ مووچێ وان هاتيه‌ برين”.

ئاماژه‌ ب وێ چه‌ندێ ژى كر كو ئه‌وان وه‌كو وه‌زاره‌تا ئه‌وقافێ نڤيساره‌كا فه‌رمى بۆ جڤاتا وه‌زيرێن هه‌رێما كوردستانێ هنارتيه‌ و ئه‌و چاڤه‌رێ به‌رسڤا جڤاتا وه‌زيران دكه‌ن.

ئه‌ڤرۆ نيوز، ناجی به‌ده‌ل:

ئه‌ندامێ جڤاتا نیشتمانی یا بزاڤا گۆڕان ل پارێزگه‌ها دهۆكێ بۆ ئه‌ڤرۆ نیوز گۆت: “ل پارێزگه‌ها دهۆكێ هه‌لبژارتن نه‌هاتنه‌ نه‌كرن، لێ مه‌ پرۆگرامه‌كێ خوه‌ به‌رهه‌ڤكرنێ هه‌یه‌ و مه‌ ده‌ستپیكریه‌ ژ بنگه‌هـ و رایه‌لا و بازنا و تۆمارێن ده‌نگدانێ ژی سه‌ر ژ نوو دێ هێنه‌ نووكرن”.

حه‌جی رێكانی ئه‌و چه‌نده‌ ژی دیاركر كو ئه‌و پرۆگرامێ وان هه‌يی ژ  چار قووناغان پێك دهێت یا ئێكێ نڤیسنا هه‌ڤالێن بنگه‌هـ و بازنه‌ و رایه‌لانه‌ و قووناغا دويێ ده‌ست نیشانكرنا ده‌سته‌یه‌كا رێڤه‌به‌ره‌ بۆ هه‌ر ئێك ژ وان و قووناغا سیێ نووكرنا تۆمارا ده‌نگده‌رانێ يه‌ كا كێ مافێ ده‌نگدانێ هه‌یه‌”.

هه‌روه‌سا ئه‌ندامێ جڤاتا نیشتمانی دیاركر ئه‌و كه‌سێ ناڤێ خوه‌ نڤيسايى مافێ ده‌نگدانێ و خوه‌ به‌ربژاركرنێ ژی هه‌یه‌ بۆ بنگه‌هـ و بازنه‌ و رایه‌لان و گۆت: “هه‌تا ئه‌ڤی ده‌مى، مه‌ دو قووناغ برینه‌ و هێشتا قووناغا سیێ مایه‌”.

ناڤبری ئه‌و چه‌نده‌ ژی دیاركر كو ئه‌ڤه‌ رامانا وێ نینه‌ هه‌لبژارتن ناهێنه‌ كرن، به‌لكو پشتی خوه‌ به‌رهه‌ڤكرنێ دێ هێنه‌كرن ب ئه‌وێ تایبه‌تمه‌ندیا ل ده‌ڤه‌رێ هه‌يی”.

ئه‌ندامێ جڤاتا نیشتمانی یا بزاڤا گۆڕان ل پارێزگه‌ها دهۆكێ گۆتژى: “ب گوره‌يی په‌یره‌وێ ناڤخویێ گۆڕان مه‌ كار كریه‌ و مه‌ تایبه‌تمه‌ندیا خوه‌ هه‌یه‌، رێخوشكه‌ره‌ بۆ ئه‌نجامدانا هه‌لبژارتنان ب گوره‌يی رێژه‌ و چاوانیا هه‌لبژارتنێن مه‌، نوونه‌رێن مه‌كویا بادینان ل جڤاتا نیشتمانی ژی دێ هێنه‌ دیاركرن و به‌هرا هه‌يی د وێ جڤاتێ دا و د خانه‌یا راپه‌راندنێ دا كو دێ سه‌رپه‌رشتیا بزاڤێ كه‌ت به‌هدینان دێ جهێ خوه‌ هه‌بیت به‌س هه‌تا نها دێ چه‌ند بیت دیار نینه‌”.

جڤاتا نیشتمانیا بزاڤا گۆڕان ژ باژێرڤان و رێكخه‌رێن ژووران و سه‌رۆكێ فراكسیۆنان پێك دهێت كو 60 كه‌سن و ل گوره‌يی دستوورێ بزاڤا گۆڕان خانه‌یا راپه‌راندن ژ حه‌فت كه‌سان پێكدهێت نمونه‌یا مه‌كته‌ب سیاسی یێن حزبێن دی یه‌.