مووسل، بارزان سلێمان مزووری:
بەرپرسێ لقا 14 ل مووسل ل میوەرێ باشیک، عسهمهت رەجەب ، بۆ ئەڤرۆ نیوز دیار کر کو د بوردومانکرنا فرۆکێن جەنگی ل شەڤا بوری دەمژمێر 7:54 خولەک بۆ سەر بارەگایێن داعش ل باژێرێ باشیک ل دووڤ وان پێزانینێن دروست گەھشتینە وان، بەرپرسێ میحوەرێ باشیک ئەبۆ حەمزە د گەل ھەڤال و چەکدارێن خوه ھاتینە کوشتن.
ناڤبری دیار کر کو د ھەمان شەڤ دا داعش بارەگایێن خوه ل ناڤ ئاڤاھیێن فەرمانگەھێن حکومی دا ئیناينه دەرێ، بارەگایێن خوه ل ناڤ ئاڤاھیێن خەلکی دا بنەجهـ کرن ژترسێن فرۆکەیێن جەنگی ل نێزیک وان ئاڤاھیێن حکومی زالگەھێن خوه داناینە بۆ پشکنینا وەلاتیان.
ناڤبری زێدەتر گۆت: “د ھەمان شەڤ دا داعش ھێرش کریە سەر دوکانێن مەسیحیا یێن گرتی ل تاخێ نەبی شیک ل ناڤ سەنتەرێ مووسل ئەو کەل و پەلێن ناڤ دوکانا بۆ جھەکێ دی ڤەگوھاستن پتریا وان کەل پەلێن میکانیکی بوون”.
ئهڤرۆ نيوز، مهسعود خهلهف:
د كهش و ههوایهكی گهلهك سار دا خهلكێ باژارێ عامودی ل مهیدانا شههیدان پێشوازی ل تهرمێ شههید ئهنمكیان بادینی كرن و كو د شهرێ رزگاریا شهنگالێ دا ل گهل چهند ههڤالێ خو شههید بووی. د مهراسێمێن پێشوازیێ دا وێنهیێن سهروكێ ههرێما كوردستانێ مهسعوود بارزانی د گهل ئالایی كوردستانێ هاتبوونه بلندكرن و د گهل سروود و سترانێن نهتهوی تهرمێ شههید برێكرن بهرهف گورستانا گوندێ شما، جهێ ژدایكبوونا شههیدی.
ئهڤرۆ نيوز:
سيروان بارزانى، سهرپهرشتيارێ ميحوهرێ گۆێر- مهخمۆر يێ پێشمهرگهيى بۆ رووداو دياركر كو ئهبۆ بهكر بهغدادى، خهليفێ داعش سهرپهرشتيا هێرشا تێكشكهستيا شهڤا بۆرى يا داعش بۆ سهر دهڤهرا گۆێر كر ئهوا ئهڤرۆ دهمژمێر 4ى سپێدێ ب شكهستى و رهڤينا چهكدارێن داعش ب دووماهى هاتى.
سهرپهرشتێ ميحوهرێ گۆێر – مهخمۆر گۆت: “شڤێدى دهمژمێر 8:30 چهكدارێن داعش ژ 9 لايان ڤه هێرش كره سهر دهڤهرێ ل گۆندێن، جارهللا، تهلهريم، سۆلتان عهبدولا، تهل شهعير، توێژاتى يا خوارێ، توێژاتى يا سهرى، ههردو گۆندێن كوشاف و باژێركێ گۆێر و كهپرانه”.
زێدهتر گۆت: “دشێن بێژين ئهڤ هێرشه وهكو دزيكرنهكێ بوو ب مفا وهرگرتن ژ ئهو سهقايێ مژيێ شهڤا بۆرى و ب سهركرداتيا ئهبۆ بهكر بهغدادى خهليفێ داعش بوو، بهلێ ب سهرشۆرى ڤهگهريان”.
زێدهتر پێزانين دهربارهيى شهرى دان و گۆت: “نێزيكى 160 چهكدارێن داعش ب بهلهم و چۆپان هاتنه ڤى لايێ زێيێ سهرى و ديجلهيى، بهلێ هێزێن پێشمهرگهيى د جهـ دا گههشتنه سهر وان”.
ئاماژه ب وێ چهندێ ژى كر كو شهر د بهرژهوهنديا پێشمهرگهيى دا ب دووماهى هات و ئهو ههموو دهڤهر ژ چهكدارێن داعش هاتنه رامالين و گۆت: “ئامارا دروست ل بهر دهستێ مه نينه بهلێ هژماركا زۆر ژ چهكدارێن داعش هاتنه كوشتن و ترۆمبێلێن وان هاتنه سۆتن، پێشمهرگهيى ژى شههيد و بريندار يێن ههين”.
ئەڤرۆ:
د زوربەی خێزانا دا دایک بتنێ بەرپرسە ژ پەروەردەیا زارویان و زێدەباری پاقژکرنا مالێ و باب ژی بۆ کارکرنێ و ئینانا دراڤی سەرەرای کو نابیت رول بھێنە دابەشکرن، بەلکو پێدڤیە دایک و باب د ھەڤپشک بن د پەروەردەکرنا زارویان دا، ئەڤجا داکو ھەڤسەنگی دناڤ خێزانێ دا پەیدا ببیت پێدڤیە دایک و باب پێکڤە رولێ خوە دناڤ خێزانێ دا ببینن.
رەوشەنبیر نیھاد جەمیل دا زانین کو پێک ھاتەیا خێزانێ ژ دایک و باب و زارۆیان پێک دھێت و دایک بتنێ بەرپرس نینە ژ پەروەردەیا زارۆیێن خوە بەلکو دایک و باب ھەردو بەرپرسن لێ ئەرکێ دایکێ پترە چونکی باب وەکو مێڤانەکێ لمال دھێـتە نیاسین و دایک پتر گرنگیێ ددەتە زارۆیی ژلایێ پەروەردەکرن و ژیانا رۆژانەڤە و گۆت: بدیتنا من پتر ژ 60% د جڤاکی َمە دا باب وەک مێڤانەکێ یە د مال دا و ئەڤ چەندە دێ بوشایەکا مەزن پەیدا کەت و باندورا خوە لسەر پەروەردەیا زارویی ھەیە ژبەرکو زارۆ دێ بەرب سەربەخویا نەباش چیت تاکو دگەھیتە وی رادەی ئاخفتنا بابێ ب چ وەرنەگریت و باب ئێدی نەشێت کارتێکرنێ لێ بکەت.
نیھاد جەمیل باس لڤێ چەندێ ژی دکەت کو دڤێت دووڤچونا زارۆیی ژلایێ بابێ ڤە بھێتە کرن داکو پەروەردەیا کولانکی کارتێکرنێ لێ نەکەت و بپارێزیت ژ فێربونا دەرەکی و گۆت: مخابن کو نھا د جڤاکێ مە دا پتر کارتێکرنا دەرەکی لسەر زاروکی یە ژ یا ناڤا خێزانێ دا ئەگەر ژی ئەوە کو دووڤچونا دایک و بابا و نەمازە یا بابێ لسەر نینە ھەکە ھەبیت ژی تا رادەیکێ کێمە لێ باب ھند گرنگیێ وەکو دایکێ نادەتە زارۆیا و ئەڤێ چەندێ ب ئەرکێ دایکێ دبینیت و بنێرینا من ئەڤە یا شاشە.
رۆژنامەڤان ژیان مزوری دیار کر کو دایکێ بتنێ ئەو شیان نینن کو زارویێن خوە پەروەردە بکەت ژبەرکو دناڤ مالێ دا گەلەک ئەرک و کار لسەر ملێن وێ نە سەرەرای کو رەنگە چەند زارویەک ھەبن ئەو ژی زەحمەتە بو وێ و گۆت: لەورا پێدڤیە باب ژی ھندەک ژ دەمێ خوە بو وان تەرخان بکەت و ئەو وەختێ دھێتە مال ئاموژگاریا ل زارویێ خوە بکەت.
ژ ھولەندا شورێ مایی بسپور د بوارێ پەروەردەیا زاۆیان دا ئاماژە پێ دا کو پەروەردەکرنا زارۆیان نە بەرپرسیا دایکێ بتنێ یە لێ بەلێ یا ھەردوکایە ژبەرکو دایک و بابا پێکڤە ئەڤ رێکە یا ھەلبژارتی و ئەڤ خێزانە یا پێک ئینای و زارۆ یێت ئیناینە سەر ڤێ جیھانێ و گۆت: لەوما ھەردو ژێ بەرپرسن بو دابینکرنا پێدڤیێن ڤی زارۆیی ئەڤجا چ فیزیکی و چ ژی مەعنەوی.
شورێ مایی ئەو چەندە ژی ئەشکەرا کر کو ژبو ھەڤسەنگیەک بنەرەتی دناڤ خێزانێ دا ھەبیت یا فەرە کو دایک و باب ھەردوو ھاریکارێن ئێکدو بن د ھەموو بوارێت پەروەردێ دا ژ بو پەروەردەیەک ساخلەم دڤیا بێی دانوستاندن و مەشوەرەت دناڤبەرا دایک و بابا دا چ پێنگاڤ نەھێنە ھاڤێتن و گۆت: ھەرچەندە گەلەک جارا کاودان خوە لسەر مروڤی زال دکەن لەورا دایک نەچار دبیت کو بتنێ بەرپرسیا پەروەردا زارویا بھەلگریت لێ دایکێ ئەو شیان ھەنە کو زارویێ خوە ب باشترین شێوە پەروەردە بکەت لێ گەر دایک دایکەکا دلسوز و ساخلەم بیت ژلایێ دەرونی و لەشی ڤە .
ل داویێ شورێ مایی خویا کر کو جڤاکێن روژئاڤایی مینا ئوروپا و ئەمەریکا گەلەک گرنگیێ ددەنە پەروەردا زارویی و زانایێن مەزن یێت پەروەردێ یێن ھەین و سال بۆ سالێ تشت و پێنگاڤێن تازە دەردئینن داکو زارۆیێ خوە باشتر و جوانتر پەروەردە بکەن ھەلبەت پەروەردە لدووڤ بیر و بوچونێت ھەر جڤاکەکێ جیاوازە واتە لدووڤ جھی و دەمی پەروەردە ژی دھێتە گوھورین ل کومەلگەھا مە ھندەک تشت دگرنگن کو لڤێرە چ گرنگیێ نادەنێ و پێچەوانە ژی و گۆت: بەس یا ژ ھەموو تشتا گرنگتر ئەوە کو دایک و باب ھەردوو بەرپرسیا پەروەردا زارۆیێ خوە ب ستوڤە بگرن و ب گرنگی ڤە وەربگرن.
ئهڤرۆ نیوز: رهوان نهێلى
د.فهیسهل قاسم پێشكێشكارێ بهرنامێ الاتجاه المعاكس یێ كهنالێ ئهلجهزیره د یهپجێ خوهیێ فێسبوكێ دو وێنه داناینه و تێدا نڤیسى یه” بشار ئهسهد، ب گرنژین ڤه دچیته نڤیسینگهها خوه و یێ دلخوشه ب بهفرا رهخ و دورێن وى، و ئاواره زارۆیێن خوه ژبهر سهرما بهفرێ كو مرینه، د ڤهشێرن، ئهها ئهڤهیه سووریا بهشار ئهسهد.
ههژى گوتنێ یه، ئهڤرۆ بشار ئهسهد، چهند وێنێن خوه ب ههلكهفتا هاتنا بهفرێ بهلاڤكرینه.
ژێدهرێن دهنگوباسا بهلاڤكرینه كو ئێكهم زارۆیا سوورى د ژیێ 10 سالیێ دا كو ئاوارهى لوبنانى بووية، ل كهمپهكا وى وهلاتى ژبهر دژواریا سهرما بهفرێ گیانێ خوه ژ دهست دایه
ئهڤرۆ نیوز:
ژێدهرهكێ ژ وهزارهتا دارایى یا عیراقێ ئاشكراكر: بڕیاره ل گهل بهلاڤكرنا مووچهى ب فهرمانبهرێن عیراقێ ،دهست ب دانا موچێن فهرمانبهرێن كوردستانێ بهێته كرن.
ژێدهرى بۆ مالپهرێ فهرمى یێ پارتى راگههاندیه” گیروبوونا مووچهى دێ ب دووماهى هێت، ژبهر كو ل گهل فهرمانبهرێن عیراقێ، فهرمانبهرێن ههرێمێ ژى دێ مووچهى وهرگرن”.
دوهى رۆژا پێنجشهمبى، دلشاد شهعبان ئهندامێ لژنا دارایى ل پهرلهمانێ كوردستانێ راگههاندبوو” بڕیاره ههفتیا بهێت، پشكا بودجێ ههرێما كوردستانێ ژ ئالیێ بهغدا ڤه بهێته هنارتن و ههتا بودجێ عیراقێ ل پهرلهمانى پهسهند ببیت، بڕیاره ههیڤانه 750 ملیار دینار ژ ئالیێ بهغدا ڤه بۆ ههرێمێ بهێنه هنارتن”.
ئهڤرۆ نیوز:
جەنراڵ مارتن دێمبسی، سهرۆكێ دهستهیا ههڤپشكا سوپاسالارێن ئهمریكا راگههاند كو ئهمریكا یا بهردهوامه بۆ بهرسینگرتنا كریارێن داعش ل عیراقێ و ژناڤێ هێرشا بهرفرهه بۆ سهر داعش ل عیراقێ راگههاند و گۆت: هێزێن مه ل ههولێر و بهغدا چاڤهرێى هاتنا بهارێ دكهن”.
مارتن گۆت: هێزێن مه ل ههولێر و بهغدا نهروینشتیه خار، بهلێ چاڤهرێى هاتنا بهارێ دكهن، بهلێ نوكه ژى یێ بهردهوام كار بۆ لاوازكرنا داعش دكهن.
ئەڤرۆ نیوز،زنار توڤی:
دکتور مەحمود ئوسمان سەبارەت ئێکگرتنا هێزا پێشمەرگێ کوردستانێ د تورا کومەلایهتیا فێسبوكێ دا بابەتەک بەلاڤکریە و تێدا دبێژیت:ئێکگرتنا هێزا پێشمەرگەی د هێزەکا نیشتیمانی دا ل ژێر دەسهەلاتا حکومەتا هەرێمێ ژ هەر دەمەکی گرنگترە،بتایبەتی ل شەرێ دژی داعشێ دا پێشمەرگەی ئەڤ چەندە سەلماند،نە بتنێ خوینا وان ل باشوری بەلکو خوینا وان ل هەر چار پارچێن کوردستانێ تێکەلبوو یە،چ هێجەت نینن بو جێبەجێنەکرنا ڤی ئەرکێ پیروز.
هەروەسا دبێژیت:هەموو پارت بتایبەتی پارتی و ئێکەتی دڤێت پێنگاڤا بهاڤێژن بو ئێکگرتنا ئاسایش و دەزگایێن دی یێن حکومەتێ،ئەڤەژی ئەرکەکە کو ل سالا ۲۰۰٦ وەرە هەموو لایەن باس دکەن و بەلێنا ددەن بو جێبەجێکرنێ.
مەحمود ئوسمانی ئەوژی گوت:سەرکەفتنا ڤی پروژەی پێدڤی ب بنبرکرنا گەندەلیێ و بن دیوارێن دناڤ وەزارەتان دا هەیە،بو وێ چەندێ مووچە و دەرمالێن پێشمەرگەی زێدە ببن کو شایستەی وێ چەندێ نە،لەورا راهێنانێن پێدڤی و دابینکرنا چەکێ قورس بو پێشمەرگەی زور دگرنگن،داکو داعشێ بشکێنن و دوور بێخن و کێمتر زەرەر و زیان هەبن.
ئهڤرۆ نیوز، بارزان مزوورى
پشتى كو بهربوویه پانزینخانا ل دوریانا ناحیا كهلهكچى ل شهڤا 23 لسهر 24/12 ئهڤ گهنجێ وێنێ وى دیار ب ناڤێ زیاد شاكر فهتحى ئاگر بهربوویى و بۆ نهخوشخانێ هاتبوو ڤهگوهاستن، بهلێ ژبهر گرانیا سوتنا وى، خوه ل بهرنهگرت و ئهڤرۆ ل نهخوشخانا سوتنێ ل دهۆكێ گیانێ خوه ژ دهستدا.
ئهڤ گهنجه ئاكنجیێ كهلهكچى بوو، پشتى 17 رۆژان ل نهخوشخانێ ماى، ئهڤرۆ گیانێ خوه ژ دهستدا.
نيشاندان