ئه‌ڤرۆ نيوز:
دبيت تشته‌كێ سه‌ير نه‌بيت ده‌ما دبينى ل جهه‌كى كێشه‌ك يا بۆ ژنه‌كێ په‌يدابوويى، نه‌شێت ب دروستى سه‌ره‌ده‌ريێ ل گه‌ل ترۆمبێلێ بكه‌ت، به‌لێ يا د ڤێ ڤيديۆيێ دا ديار حاله‌ته‌كێ گه‌له‌ك سه‌ير يێ كه‌سه‌كى يه كو دبيت شيانێن هاژوتنا ترۆمبێلێ ب ره‌نگه‌كێ باش يان ژى ب چو ره‌نگان ل ده‌ف نه‌بن، باشتر دێ ل ده‌مێ ته‌ماشه‌كرنا ڤێ ڤيديۆيێ بينى.
ئه‌ڤرۆ نيوز:
د چه‌ند به‌لاڤكريان دا كو ب سه‌ر نڤێژكه‌ران هاتينه به‌لاڤكرن، چه‌كدارێن داعش رێنمايێن نوو بۆ چاوانيا بكارئينانا كچێن ره‌ڤاندين و چێژ وه‌رگرتن ژ سكسى رۆنكرينه.
ب گۆره‌يى نووچه‌يه‌كێ مالپه‌رێ عه‌ره‌بيه، د ڤان به‌لاڤكريان دا، كو پشتى نڤێژا ئه‌ينيێ ل مووسل ل سه‌ر نڤێژكه‌ران دا به‌لاڤكرينه، داعش راگه‌هانديه كو دو خووشك يان كچ و مه‌ت و ژن مامه‌ك پێكڤه بچنه سه‌ر جهێ ئه‌ندامه‌كێ داعش دروسته هه‌كه خوه دبن ژيێ بالقبوونێ ژى دابن.
ب گۆره‌يى ڤان به‌لاڤكريێن داعش، ئه‌و ده‌سكه‌فتنێن مۆسلمانانه ل شه‌رى و ئه‌و نه مۆسلمانن و كافرن و دروسته سكس ل گه‌ل بهێته كرن و ئه‌ڤه تيتاله‌كه هزار و 500 ساله مرۆڤايه‌تيێ پشت گوهـ هاڤێتيه و كار پێ ناكه‌ت.
مالپه‌رێ عه‌ره‌بيه ئاماژه ب وێ چه‌ندێ ژى كريه كو خه‌لكێ مووسل ئه‌ڤ پێنگاڤه ب وێ چه‌ندێ وه‌سفكريه كو ب رێيا ڤێ چه‌ندێ گه‌نج و سنێلان ببه‌نه ناڤ رێزن خوه و بۆ كارێن خوه رابكێشن، پشتى داعش شكه‌ستن ئينايى بۆ راكێشانا زه‌لامان بۆ ناڤ رێزێن خوه.
ئازاد عادل مامۆستایێ زانستێن سیاسس ل زانكۆیێ بو ئه‌ڤرۆ نیوز راگه‌هاند كو ئه‌مریكا ژ سالێن 1990 د وێ هزرێ دا بوو كو هه‌ردو پارتێن كوردی ل ده‌مێ شه‌رێ ناڤخویی بن پێكرنا مافێن مرۆڤی كریه و كاریگه‌ری ل سه‌ر مافی مرۆڤی هه‌بوویه، له‌ورا لیستا تیرۆرێ بكار دئینا ل دژی هه‌ردو پارتێن كوردی یێن سه‌ره‌كی زێده‌باری هه‌ردوكان دوپاتی ل سه‌ر كاركرن د مافی مرۆڤی كریه.
ماموستایی ناڤبری دازانین ئه‌وی ده‌می دیاربوو كو ده‌مێ وه‌لاتی د چوونه قونسلخانه‌یا ئه‌مریكا ل هه‌ولێرێ و گه‌له‌ك گیرۆ دبوون و پێرابوونێن قانوونى و ئه‌منی توند بكار دئینان بۆ دانا ڤیزه‌یێ بو ئه‌وی وه‌لاتی و ئه‌ڤه ده‌رگه‌هێ ئاشكه‌را بوونا ئه‌وی چه‌ندێ بووو، دو پارتى د لیستا ره‌ش دابوون.
ئازاد عادل دیاركر ژى كو پشتی په‌یوه‌ندیێن هه‌رێمێ و ئه‌مریكا د ئه‌ڤی سه‌رده‌می دا گه‌هشتنه قووناغه‌كا گه‌له‌ك باش و ئه‌ڤه ئه‌گه‌ره‌ك بوو، بۆ راكرنا ئێكه‌تیێ و پارتیێ ژ لیستا تیرۆرێ و ئه‌گه‌رێ دويێ ژی ناڤخویا ئه‌مریكا و د قووناغێن چوويی دا هنده‌كا ره‌خنه ل ده‌سه‌لاتا ئه‌مریكا گرت و د گۆت ئه‌رێ ئه‌و دو پارت د لیستا ره‌شدانه ل گوری قانوونێن نێڤده‌وله‌تی ب خوه نابیت سه‌ره‌ده‌ری ل گه‌ل ئه‌وان گرۆپ و پارتێن د لیستێن تیرۆرێ دا بهێنه‌كرن، لێ هوون نها پشته‌ڤانیا له‌شكرى لێ دكه‌ن.
ئازاد دیاركر ژی دبن كاریگه‌ریا سه‌رۆكێ هه‌رێمێ و رۆلی وی یی ئاشتی خواز و شه‌ركرنا هه‌رێمێ ل هه‌مبه‌ری دره‌نده‌ترین گرۆپێن تيرۆرێ ل جیهانێ و ئابووری و سیاسی و پشتی ده‌ركه‌فتنا هه‌رێمێ ب زه‌نگینیا سامانێن سرۆشتی ئه‌مریكا په‌شیمان بوو ب هه‌لویستێ خوه یێ شاش و ب رێيا راكرنا ئه‌وان دو پارتێن كوردی ژ لیستێ دانه‌خویاكرنا داخوازا لێبورینێ دهێته كرن ژ ئه‌ڤان هه‌ردو پارتان ب كو ئه‌و ئه‌ڤی هه‌رێمێ بریڤه دبه‌ن و ره‌خنه ل هه‌رێمێ ژی هاته گرتن ژ لایی ره‌وشه‌نبیرێن وێڤه ئه‌رێ هه‌رێم يا وه‌فاداره بۆ ئه‌مریكا لێ ئه‌مریكا هه‌تا نها ب تیرۆریست ل قه‌له‌م دده‌ت و چ قانوون ل ده‌ڤ هه‌رێمێ نینه بێژیت ئه‌ڤ پارته تیرۆریستن به‌لكو دابینكه‌رێن ئه‌من و ئاسایشا ده‌ڤه‌ری نه .
ئه‌ڤرۆ نيوز:
كۆمبوونا لايه‌نێن سياسى ل باره‌گايێ لقا 12 يا پارتى ديموكراتى كوردستان ل دۆر پۆستان يا ده‌سپێكرى و ژبلى گۆڕان و ئێكه‌تيێ هه‌موو لايه‌نێن سياسى ل سه‌ر پارڤه‌كرنا پۆستان نه‌درازى نه.
ب گۆره‌يى زانياريێن ئه‌ڤرۆ نيوز كۆمبوونا لايه‌نێن سياسى ل هه‌له‌بچه ل باره‌گايێ لقا 12 يا پارتى ديموكراتى كوردستان يا به‌رده‌وامه و يێ دانوستاندنێ ل سه‌ر رێكه‌فتنا گۆڕان و ئێكه‌تيێ و شێوازێ چاوانيا به‌لاڤكرنا پۆستان دكه‌ن.
په‌يامنێرێ خه‌ندان بۆ مالپه‌رێ خوه دايه زانين كو ژ بلى ئێكه‌تى نشتيمانى كوردستان و بزاڤا گۆڕان چو لايه‌نێن سياسى ل هه‌له‌بچه ژ وێ رێكه‌فتنێ د رازى نينن.
ب گۆره‌ى رێكه‌فتنا بزاڤا گۆڕان و ئێكه‌تى نشتيمانى كوردستانێ، پارێزگار و جێگرێ پارێزگارى و جێگرێ سه‌رۆكێ جڤاتا پارێزگه‌هێ دێ بۆ بزاڤا گۆڕان بن و پۆستێ سه‌رۆكێ جڤاتا پارێزگه‌هێ و جێگرێ پارێزگارى و قايمقامێ هه‌له‌بچه ب به‌ر كه‌ڤن.
د رێكه‌فتنا ده‌سپێكى يا د ناڤبه‌را لايه‌نێن سياسى دا، پۆستێ قايمقاميێ قه‌زا هه‌له‌بچه ب پارتى ديموكراتى كوردستان دابوو و به‌رپرسێ لقا 12 يا پارتى ديموكراتى كوردستان ژى پێشتر بۆ رۆژناما ئه‌ڤرۆ دياركر بوو كو ئه‌و ب كێمتر ژ ئه‌وا پێشتر بۆ پارتى هاتيه دانان قه‌بول ناكه‌ن.
ئەڤرۆ نیوز، رەوان نھێلی:
عەبد یوسف رێڤەبەرێ گشتی یێ پەروەردا پارێزگەھا دھۆک بۆ ئەڤرۆ دیارکر کو وان بەری چەندەکێ کومبوونەک ل دۆر دیارکرنا ژڤانێ تاقیکرنان و بھێنڤەدان و قەرەبووکرنا رۆژێن ژ دەواما قوتابخانان چووی ژ ئەگەرێ ئاکنجیبوونا ئاواران د قوتابخانان دا ئەنجامدایە و ب نڤێسار پێشنیازێن خوە ئاراستەی مەکتەبا وەزیرێ پەروەردێ کرینە و چاڤەرێی بەرسڤێ نە.
عەبد یوسف دیارکر کو وان نەڤێت ئاماژێ ب وان پێشنیازان بدەن یێن وان بۆ وەزارەتێ ئاراستە کری، بەلێ رەنگە گیروبوونا بەرسڤدانا نڤێسارا وان ڤەدگەریت بۆ وێ چەندێ کو وەزیرێ پەروەردێ ھەتا رۆژا پێنجشەمبی ژی بەرنامەکێ سەرەدانان بۆ پەروەردەیان ھەبوو و رۆژا پێنجشەمبی ژی ل ئاکرێ بوو و ل نێزیک دێ بەرسڤ ل سەر نڤێسارا وان ھێتە دان و ھووردەکاری ھێنە راگەھاندن.
ھەر سال تاقیکرنێن خۆلا ئێکێ ٣/١ دھاتنە ئەنجامدان، لێ ژبەر ئاکنجیبوونا ئاوارێن دەڤەرا شنگال ل قوتابخانێن پارێزگەھا دھۆکێ و درەنگ ڤالاکرنا قوتابخانان، ٢٠ رۆژ بۆ ژڤانێ تاقیکرنان ماینە و ھێشتا دیار نینە دێ کەنگی تاقیکرن ھێنە کرن، لێ دھێتە چاڤەرێکرن تاقیکرنێن خۆلا ئێکێ و یێن ل دووڤدا، ئانکو سالناما سالێ، رەنگە پاشخستنەک بکەڤیتێ.
ئه‌ڤرۆ نيوز، نزار مه‌جيد:
ئەڤ جھی د وێنەیی دا دیار جاددا سەرەکی یا د ناڤبەرا باتیفا و زاخۆ دایە ل نێزیک گوندێ دارھوزانێ بەری دو مەھان جاددە ھاتبوو قێرکرن ب شێوەیەکی رێک و پێک و بێ ئاریشە ھاتنوچوون ژ لایێ شوفێران ڤە دھاتە کرن، لێ مخابن نوکە جارەکا ھاتیە کولان و خرابکرن ب بھھانەیا ھندێ کو دێ بوریا نەفتێ دبن جاددێ رابەن.
ئه‌ڤرۆ نيوز:
رێڤه‌به‌ريا گشتيا كه‌شناسيێ ل هه‌رێما كوردستانێ راگه‌هاند كو سوبه‌هى ئه‌سمانێ دهۆكێ ب ته‌مامى ببيته ئه‌ور ل گه‌ل باران بارينێ هه‌تا پشتى نيڤرۆ و پاشان دێ به‌ر ب ساهى چيت.
پشكا پێشبينيان ل رێڤه‌به‌ريا گشتيا كه‌شنايا هه‌رێمێ راگه‌هاند كو ژ ئه‌نجامێ كارتێكرنا نزمبوونا هه‌ردو پاله‌په‌ستووريێن ده‌ريا سۆر و ده‌ريا ناڤه‌راست ل سه‌ر هه‌رێما كوردستانێ ئه‌و پێشبينى دكه‌ن كو سوبه‌هى رۆژا دوشه‌مبى رێكه‌فتى 15\12\2014 ئه‌سمانێ دهۆكێ ب ته‌مامى ببيته ئه‌ور و باران بارين ژى هه‌تا دانێ ئێڤارى يا به‌رده‌وام بيت و ئه‌سمان پاشان به‌ر ب ساهياتيێ بچيت ل گه‌ل هنده‌ك ئه‌ورێن كێم.
رێڤه‌به‌ريا گشتيا كه‌شناسيێ ل هه‌رێما كوردستانێ ئاشكه‌را ژى كريه كو پلا گه‌رماتيێ يا نزم دێ نزمتر لێ هێت و يا بلند ژى دێ وه‌كو رۆژێن به‌رى نوكه بيت ب ره‌نگه‌كى د ناڤبه‌را 17 بۆ 12 پله.
ل دۆر پێشبينيا رێژا هه‌وايى و مه‌ودايێ ديتنێ ژى دايه زانين كو دێ ئاراسته‌يێ وى باكوورێ رۆژهه‌لات بيت ب ره‌نگه‌كى دێ يێ ناڤه‌ندى بيت د ناڤبه‌را پێنج بۆ 20 كليۆمه‌تر د ده‌مژمێره‌كێ و ماوێ ديتنێ ژى دێ هه‌شت كيلۆمه‌تر بيت و ل ده‌مێ باران بارينێ پێنج هه‌تا شه‌ش كيلۆمه‌تر بيت.
ئه‌ڤرۆ نيوز:
نه‌وشيروان مسته‌فا دێ ده‌ست ژ كاركێشانا خوه ژ پۆستێ رێكخه‌رێ گشتيێ بزاڤا گۆڕان راگه‌هينيت.
بڕياره پشتى ب دووماهى هاتنا هه‌لبژارتنێن ناڤخۆيى يێن گۆڕان، نه‌وشيروان مسته‌فا رێكخه‌رێ گشتيێ بزاڤا گۆڕان راگه‌هينيت و جڤاته‌كا نوو يا نشتميانى و خانه‌يا راپه‌راندنێ دانيت.
ب گۆره‌يى زانياريێن پۆرته‌لێ رووداو، نه‌وشيروان مسته‌فا ب كه‌سانێن نێزكى خوه راگه‌هانديه كو ئه‌و دێ ده‌ست ژ ده‌سته‌لاتێ به‌رده‌ت بۆ راده‌ستكرنا ده‌سته‌لانا ناڤ بزاڤا گۆڕان ب كه‌سانێن دى.
نه‌وشيروان گۆتيه ژى كو نوكه گۆڕان يا گه‌هشتيه كه‌نارێن ئاراميێ و ده‌مێ هندێ يێ هاتى وه‌زير و په‌رله‌مانتارێن گۆڕان ب دروستاهى كارێ خوه بكه‌ن و خزمه‌تا خه‌لكى بكه‌ن.
ب گۆره‌يى دستوورێ گۆڕان رێكخه‌رێ گشتيێ بزاڤا گۆڕان ژ لايێ جڤاتا نشتيمانى ڤه دهێته هه‌لبژارتن.
ئه‌ندامه‌كێ گۆڕان ژى بۆ رووداو راگه‌هانديه كو ده‌ست ژ كاركێشانا نه‌وشيروان مسته‌فا هزرا وى يا كه‌ساتى يه و مه‌رج نينه ژ لايێ جڤاتا نشتيمانى ڤه بهێته قه‌بوولكرن.
نيشاندان