ئه‌ڤرۆ نیۆز:
هه‌ڤالبه‌ندا نیشتیمانى ب سه‌رۆكاتیا جێگرێ سه‌رۆك كۆمارێ عیراقا فیدرال ئه‌یاد عه‌لاوى راگه‌هاند، جێگرێ سه‌رۆك كۆمارێ عیراقێ ب فه‌رمى باده‌كا ئاشتیا نیشتیمانى وه‌رگرت، ئاماژه‌دا هندێ ژى، عه‌لاوى دێ دست ب جهئینانا به‌رنامێ كارێ خوه‌ ل سه‌ر ئاستێ ده‌رڤه‌ و ناڤخوه‌یا وه‌لاتى.
په‌یڤدارا بناڤێ هه‌ڤالبه‌ندا نیشتیمانى ئینتیسار عه‌لاوى گۆت: كومبوونا هه‌رسێ سه‌رۆكاتیان د حه‌فتیا بۆرى دا باده‌كا ناڤبرى راده‌ستى ئه‌یاد عه‌لاوى كرینه‌.
هه‌روه‌سا رونكر، ئه‌یاد عه‌لاوى دێ په‌یوه‌ندیێن خوه‌ یێن عه‌ره‌بى و هه‌رێمێ ل ده‌ڤه‌رێ بۆ بجهئینانا به‌رنامێ خوه‌ بكارئینیت بۆ هندێ هه‌موو پشته‌ڤانیا عیراقێ بكه‌ن دژى چه‌كدارێن داعشێ، زێده‌بارى وێ عه‌لاوى ب زنجیره‌كا هه‌ڤدیتنان دێ باده‌كا ئاشتیا ناڤخوه‌یا عیراقێ نێزیك كه‌تن.

ئه‌ڤرۆ نیۆز:
وه‌زاره‌تا ناڤخوه‌یا عیراقێ د به‌یاننامه‌كێ ناڤ و پله‌ و پوستێن ب بڕیارا سه‌رۆك وه‌زیرێن عیراقێ حه‌یده‌ر عه‌بادى ژ كارێن وان هاتینه‌ لادان به‌لاڤكرن.
وه‌زاره‌تا ناڤخوه‌یا عیراقێ هه‌روه‌سا د وێ به‌یاننامێ دا گۆت: گوهورینێن د ژماره‌كا رێڤبه‌رى و پوستێن وه‌زاره‌تا ناڤخوه‌یێ دا په‌یدابووین ل ژێر رێنمایێن نوو هاتینه‌ كو خوونه‌كا نوو د گه‌هێن وه‌زاره‌تا ناڤخوه‌یى دا بهێته‌ بزاڤێَ و هاندانه‌ك بیت بۆ سه‌كردێن گه‌نج بۆ داهێنانا دكارى دا.
به‌یانناما وه‌زاره‌تا ناڤخوه‌یێ دیاركر، پۆسته‌ و ناڤێن ب فه‌رمانا دیوانا وه‌زارى ده‌ركه‌فتێن و هاتینه‌ لادان ژ كارێن وان بڤى ره‌نگى بووینه‌.
1. فه‌ریق هاریكارێ كاروبارێن كارگێره‌ و دارایى.
2. هاریكارێ بریكارێ كاروبارێن ئێمناهى یا فیدرال.
3. هاریكارێ بریكارێ كاروبارێن پۆلیسان.
4. هاریكارێ بریكارێ كاروبارێن سنۆرى.
5. فه‌رماندێ هێزێن سنۆرى.
6. رێڤه‌به‌رێ گشتیێ كاروبارێن وه‌زاره‌تا ناڤخوه‌.
7. سه‌رپىرشتێ هه‌والگیریا به‌غدا.
8. رێڤه‌به‌رێ پرۆسا وه‌زاره‌تێ.
9. رێڤه‌به‌رێ گشتیێ قانوونى.
10. رێڤه‌به‌رێ گرێبه‌ستان.
11. رێڤه‌به‌رێ موله‌ت و ناسنامان.
12. رێڤه‌به‌رێ بنگه‌هێ پێگه‌هاندنا پۆلیسان.
13. رێڤه‌به‌رێ رێڤه‌به‌ریا ئاكنجى بوونێ.
14. رێڤه‌به‌رێ نڤیسینگه‌ها عه‌ره‌بى بۆ به‌رهنگاربوونا گونه‌هباریان.
15. راگرێ په‌یمانگه‌ها بلندا گه‌شپێدانا ئێماهى و كارگێرى.
16. سه‌رۆك سالارێ فه‌رمانده‌یا هێزێن سنۆرى.
17. هایكارێ رێڤه‌به‌رێ گشتیێ ناسنامان.
18. رێڤه‌به‌رێ ئێمناهى و سه‌لامه‌تیا وه‌زاره‌تێ.
19. لادانا شه‌ش ئه‌فسه‌رێن ب پلا لیوا ژ فه‌رمانگه‌هێن( بریكاریا وه‌زاره‌تێ بۆ كاروبارێن پۆلیسان، رێڤه‌به‌ریا گشتى یا پشكنیانا كارگێرێ و پیشه‌یى، فه‌رمانده‌یا هێزێن پۆلیسان فیدرال، رێڤه‌به‌ریا گشتیى یا هه‌والگیریا عیراقێ.

ئه‌ڤرۆ نیۆز:
دچارچۆڤێ سه‌ره‌دانا خوه‌ بۆ به‌غدا، سه‌رۆكێ حوكمه‌تا هه‌رێما كوردستانێ ژ ئالیێ سه‌رۆكێ جڤاتا بلندا ئیسلامى یێ عیراقێ عه‌مار حه‌كیم هاته‌ پێشوازیكرن، نێچیرڤان بارزانى دوپاتكر، شاندێ هه‌رێمێ بۆ به‌غدا ب ئارمانجا چاره‌كرنا كێشێن هه‌لاویستى د ناڤبه‌را هه‌ردو ئالیان دا هاتیه‌.
دوێ هه‌ڤدیتنێ دا عه‌مار حه‌كیم دلخۆشیا خوه‌ ب سه‌ره‌دانا سه‌رۆك وه‌زیرێن هه‌رێمێ و شاندێ ل گه‌ل دا ده‌ربڕى، هیڤى خوسات به‌رهه‌مى وێ سه‌ره‌دانێ ب زووترین ده‌م دناڤبه‌را هه‌ردو ئالیان دا به‌رچاڤ ببیت، عه‌مار كه‌یم هه‌روه‌سا دیاركر، به‌غدا ب هه‌رێما كوردستانێ یا بهێزه‌ و هه‌رێما كوردستانێ ژى ب به‌غدا یا بهێزه‌، د ئالیه‌كێ دیدا عه‌مار حه‌كیم رۆلێ هه‌رێما كوردستانێ ب ڤه‌حه‌واندنا وێ ژمارا زۆرا ئاوه‌ره‌یان و رولێ پێشمه‌رگه‌ێ قاره‌مان بۆ به‌رسینكگرتنا تیرۆرێ ب بلندى نرخاندن.
ژئالیێ خوه‌ڤه‌ سه‌رۆكێ حوكمه‌تا هه‌رێما كوردستانێ سوپاسیا رۆلێ وه‌زیرێ په‌ترۆلا عیراقێ عادل عه‌بدولمه‌هدى بۆ ده‌ستپێشخه‌رى و نێزیككرنا بیرو و بوچوونێن د ناڤبه‌را به‌غدا و هه‌ولێرێ دا .