ئه‌ڤرۆ نیۆز:
رۆژناما ئه‌لمه‌شرق یا عیراقێ ئاشكراكر، فه‌رمانبه‌ره‌كێ بجیك ل نڤیسینگه‌ها سه‌رۆك كۆمارێ عیراقا فیدرال (فۆئاد مه‌عسۆم) هاته‌ گرتن، ب سه‌ده‌ما ئاشكراكرنا به‌لگه‌ناما نڤیسینگه‌ها سه‌رۆك كۆمارى به‌رانبه‌رى كوژمه‌كێ پاره‌یى.
رۆژناما نڤبرى گوتیه‌: فه‌رمانبه‌رى بخوه‌ دانپێدان ب تاوانا دزین و به‌لاڤكرنا وێ به‌لگه‌نامه‌یێ به‌رانبه‌رى 50 هه‌زار دۆلاران كریه‌.
ئه‌و ده‌نگۆباس هاتن پشتى رۆژناما ئه‌لمه‌شرق د راپۆرته‌كێ دا گرتنا فه‌رمانبه‌رى به‌لاڤكرى و پاشى ل سه‌ر هه‌موو توڕێن جڤاكى ژى ئه‌و ده‌نگۆباس هات به‌لاڤكرن كو تێدا دیار بوویه‌ كچا سه‌رۆك كۆمارێ عیراقێ وه‌ك شیره‌تكارا سیاسى ل نڤیسینگه‌ها سه‌رۆك كۆمارى هاتیه‌ دامه‌زارندن و مووچێ 12 ملیۆن و 900 هه‌زار دینار بۆ هاتینه‌ ته‌رخانكرن، ئه‌ڤه‌ ژى بوویه‌ جهێ نه‌رازیبوونا جاده‌ و جه‌ماوه‌رێ عیراقێ نه‌ خسامه‌ عیراق نها د قه‌یرانه‌كا داراى یا هه‌ره‌ مه‌زن ده‌رباز دكه‌ت و برس و مه‌شه‌ختبوون و بودجا ڤالا و گه‌ندلى و پرۆژێن بێ بنه‌مایێن كابینا مالكى و 50 هزار ئه‌فسه‌ر و له‌شكرێ فه‌زائى هه‌موو پێكڤه‌ گیانێ عیراقێ دخوون.

ئه‌ڤرۆ نیۆز:
ل ڤێ داویێ و دناڤ په‌رله‌مانتارێن عیراقێ دا ده‌نگێن لێپرسینا گه‌نده‌لیا دارایى و خوه‌نه‌راگرتنا و ژناڤچوونا له‌شكرێ به‌رانبه‌رى چه‌كدارێن داعشێ ل گه‌ل جێگرێ سه‌رۆك كۆمارێ عیراقێ نورى مالكى بهێته‌ كرن ب سه‌ده‌ما هه‌بوونا گه‌نده‌لیه‌كا مه‌زن د كابینا حوكمه‌تا وى دا زێده‌بووینه‌.
سه‌ره‌راى پشته‌ڤانیا هه‌ڤالبه‌ندا ده‌وله‌تا قانوونێ ب سه‌رۆكاتیا نورى مالكى و هه‌لویستى هه‌ڤدژ كو چوو داخوازى بڤێ ئاراستیێ دناڤ په‌رله‌مانى دا نه‌بن و نه‌هێنه‌ داخوازكرن، به‌لێ زێده‌بوونا ژمارا لوشكرێ (فه‌زائى) بندیوار د ده‌زگه‌هێن له‌شكرى و ئێمناهیا عیراقێ دا ب تایبه‌تێ پشتى سه‌رۆك وه‌زیران ب 50 هزار فه‌زائیان راگه‌هاندنى، بوویه‌ سه‌ده‌ما زێده‌بوونا ده‌نگێن په‌رله‌مانتاران بۆ داخوازكرنا نورى مالكى و لێپرسینا ل گه‌ل چونكى پۆستێ فه‌رماندێ گشتى یێ چه‌كدارێن عیراقێ دده‌ستێن وى دا بوو.
په‌رله‌مانتار محه‌مه‌د ئللكاش گۆت: داخوازكرنا نورى مالكى كو نها جێگرێ سه‌رۆك كۆمارى یه‌ بۆ ئاماده‌بوونا به‌رانبه‌رى په‌رله‌مانى یا بوویه‌ پێدڤیه‌كا مه‌زن و دڤێت باده‌كا گه‌نده‌لیێ و راستیا ژناڤچوونا له‌شكر و هزێن ئێمناهیا عیراقێ ل سه‌ر ده‌مێ وى بهێنه‌ ئاشكراكرن.
شرۆڤه‌كارێ سیاسى تالب سه‌عید دبێژیت: داكوكیكرنا حوكمه‌تا حه‌یده‌ر عه‌بادى ل سه‌ر نه‌هێلانا دیاردا گه‌نده‌لیێ و و كه‌سێن كه‌نده‌ل كو ل سه‌ر ده‌مێ نورى مالكى ب هێز بووینه‌، ئه‌و كاره‌ بخوه‌ توومه‌تباركرنا راسته‌وخوه‌یا نورى مالكى یه‌ كو ئه‌و به‌رپرسه‌ ژ كارێن گه‌نده‌لیێ د حوكمه‌تا بوورى دا.

ئه‌ڤرۆ نیۆز:
ده‌زگه‌هێن راگه‌هاندێ پێزانینێن ل دۆر ئامر فه‌وجێ هێزا شه‌ش یا د هه‌وار هاتنا به‌غدا و گرۆپه‌كێ ئه‌فسه‌ران ژ ئالیێ وه‌زیرێ ناڤخوه‌یێ عیراقێ محه‌مه‌د ئه‌لغه‌بانى ڤه‌ هاتینه‌ دسته‌سه‌ركرن، ب سه‌ده‌ما گه‌نده‌لیا دارایێ و هه‌بوونا (فه‌زائیان) ئانكو بندیواران ل فه‌وجا شه‌ش یا ناڤبرى.
ژێده‌رێن راگه‌هاندنێ هه‌روه‌سا دوپاتكرن، كو فه‌رمانا ده‌سته‌سه‌ركرنا ئامر فه‌وجێ هێزا شه‌ش عه‌قید ریاز عه‌بدولحسێن و گرۆپێ وى یێ ئه‌فسه‌ران ده‌رخستیه‌.
وه‌زاره‌تا ناڤخوه‌یا عیراقێ به‌رى نها راگه‌هاندبوو، 25 ئه‌فسه‌ر ب فه‌رمانا دیوانا سه‌رۆك وه‌زیران هاتینه‌ لادان ژ پۆستێن وانا و هنده‌ك هاتینه‌ ڤه‌كوهاستن بۆ رێڤه‌به‌ریا گشتی یا كارگێریا كاروبارێن مرۆڤایه‌تى، هه‌ر به‌رى ده‌مه‌كێ دى كو رێككه‌فتى 1 كانونا ئێكێ سالا 2014 فه‌رمانا 24 سه‌ركرده‌ و فه‌رمانده‌یێن له‌شكرێ ژ وه‌زاره‌تا ناڤخوه‌یا عیراقێ هاتینه‌ خانه‌نشینكرن و ده‌رخستن.