ئه‌ڤرۆ نیۆز:
پارتا ئێكه‌تیا دیموكراتى( په‌یه‌ده‌ێ) ده‌نگۆباسێ ژماره‌كا ده‌زگه‌هێن راگه‌هاندنێ یێن توركى و كوردى ژى ره‌تكرن، سه‌باه‌رت وێ گۆتگۆتكا هاتیه‌ به‌لاڤكرن كو نها پارتا ناڤبرى مژوولى رێككه‌فتنه‌كێ یه‌ ل گه‌ل به‌ره‌یێ نوسره‌ یێ توندڕه‌و دژى چه‌كدارێن داعشێ.
ئه‌ندامێ پارتا ئێكه‌تیا دیموكراتى (په‌یه‌ده‌) ل هه‌رێما كوردستانێ دیار قامشلۆ دیاركر، چو راستى بۆ وان ده‌نگۆباسان نینه‌، ئه‌و ده‌نگۆباس بۆ كێمكرنا ناڤ و ده‌نگه‌َ په‌یه‌دێ هاتیه‌ ده‌رخستن.
دیار قامشلۆ هه‌روه‌سا گۆت: ب چو پیڤه‌ره‌كى په‌یه‌ده‌ دێ رێككه‌فتنێ ل گه‌ل گرۆپه‌كێ تیرۆرستى كه‌ت، د ده‌مكى دا كو نێزیكى سێ هه‌یڤه‌ شه‌رێ به‌رده‌وام و خویناوى ل گه‌ل گرۆپێن تیرۆرستان سوریێ دهێته‌ كرن.
قامشلۆى هه‌روه‌سا به‌حسێ وێ چه‌ندێ ب ئاشكرایى كر، ناڤه‌ندێن پارته‌كێ ل وه‌لاتێ ئه‌ۆروپا ل سه‌ر زارێ سالح موسلم هه‌ڤسه‌رۆكێ په‌یه‌دێ ئاشكراكریه‌، چه‌ندێن ئالیێن سیاسى و رۆژنامه‌ڤانى بزاڤێن به‌رده‌وام بۆ كێمكرنا په‌یه‌دێ دكه‌ن.

ئه‌ڤرۆ نیۆز: بارزان سلێمان:
ژێده‌ره‌كێ ئاگاهدارێ پارتێ دیموكراتى كوردستان بۆ ئه‌ڤرۆ نیۆز راگه‌هاند، فرۆكێن هێزێن هه‌ڤپه‌یمانان دهێرشه‌كا ئه‌سمانى دا ل سه‌ر به‌رۆكێن شه‌رى و بتایبه‌تى ل میحوه‌رێ باشیكێ ب ده‌هان چه‌كدارێن داعشێ كوشتن و چه‌ندین ترۆمبێلێن پڕ چه‌ك ژى هاتینه‌ سۆتن.
به‌رپرسێ لقا مووسل یا پارتى دیموكراتى كوردستان عسمه‌ت ره‌جه‌ب گۆت: ئه‌ڤرۆ سپێدێ فرۆكێن هه‌ڤپه‌یمانان كو فرۆكێن وه‌لاتێ فه‌ره‌نسا بوون هێرشه‌كا ئه‌سمانى كریه‌ سه‌ر بنگه‌هێن چه‌كدارێن داعشێ ل میحوه‌رێ باشیكێ كو پتر ژ 40 ته‌رمێن تیرۆرستێن داعشێ دوێ هێرشێ دا هاتینه‌ كوشتن و بریندار كرن، هه‌روه‌سا خوه‌یاكر ته‌رمێن چه‌كدارێن داعشێ بۆ نه‌خۆشخانا (ابن سینا) هاتینه‌ ڤه‌گوهاستن.
عسمه‌ت ره‌جه‌ب هه‌روه‌سا گۆت ژئالیه‌كێ دیڤه‌ هێرشكا دیا ئه‌سمانى كریه‌ سه‌ر كاروانه‌كێ ترۆمبێلێن داعشێ كو به‌رب قه‌زا ته‌له‌عفه‌رێ دچوون، دئه‌نجامدا ئه‌و كاروانێ ترۆمبێلێن داعشێ هاتینه‌ تێكشكاندن و برێیا ترۆمبێلێن دهه‌وار هاتنێ كوشتنى و بریندارێن وان به‌رب نه‌خۆشخانێن مووسلێ ره‌وانه‌كرن.