ئهڤرۆ نیوز:
مهسعود بارزانى، سهرۆكێ ههرێما كوردستانێ ب ههلكهفتا سهرێ سالا نوو یا زانینى و ژ دایكبوونا مهسیح پهیامهكا پیروزباهیێ ئاراستهى مهسیحیێن كوردستانێ كریه و گوتیه: من دڤێت بێژمه خوشك و برایێن خوه یێن مهسیحى كو هوون پێكهاتهكا خوشتڤى و رهسهنێن ڤى وهلاتى نه و ژ ئێش و ئازارێن ههوه دگههم و ههوه پشتراستدكهم كو تیرورێ چ ئاینده نینه و دێ ههموو دهڤهرێن مهسیحیان ژ دهستێ داعش ئینینه دهر.
ئهڤرۆ نیوز:
ئهو فرۆكهڤانێ ئوردنى كو فرۆكا وى ژ ئالیێ داعش ڤه ل پارێزگهها رقه كهتیه خوارێ، ناڤى وى مهعاز یوسفه و میلازمێ ئێكێ یه و ژیى وى 26 سالن و بۆ ماوێ شهش سالانه پهیوهندى ب هێزێن چهكدار كریه وهك فرۆكهڤانى شهرى.
بابێ ڤى فروكهڤانى دبێژیت: فهرماندێ هێزێن ئهسمانى یێ ئوردنى پهیوهندى ب وان كریه و راگههاندى یه كو ههموو بزاڤێن خوه دێ مهزێخن بۆ رزگاركرنا ژیانا مهعازى و مهلك عهبدولا ژى ب هویرى چاڤدێریا ڤێ پرسێ دكهت.
پهیڤدارێ حكومهتا ئوردن راگههاندبوو كو فرۆكهیهكا ولاتێ وى ل ئهسمانێ سوریا كهتیه خوارێ و فرۆكهڤان ژى كهتیه دهستێ چهكدارێن داعش.
ئهڤرۆ نیوز، رهوان نهێلى
حوكمهتا ههرێما كوردستانێ رادگههینیت پرۆژه قانوونا بودجێ 2015 یێ عیراقێ یێ گههشتیه وان و پشكا ههرێما كوردستانێ ب 16 ترلیون و 532 ملیار دیناران هاتیه دانان و ل دهستپێكا سالا نوو، بهغدا ههیڤانه دێ وى پارهى هنێریت و ژبلى وێ چهندێ هێزێن پێشمهرگهى ههیڤانه ژ وهزارهتا بهرهڤانیا عیراقێ دێ 100 ملیار دینار بۆ هێنه رهوانهكرن.
ئامانج رهحیم سكرتێرێ ئهنجومهنێ وهزیرێن ههرێما كوردستانێ د پهیجێ خوه یێ تایبهت دا ل تورا كومهلاتیا فهیسبوكێ نڤێساندى یه” ل دووماهى كومبوونا جڤاتا وهزیرێن عیراقێ یا ژماره 15 یا 22/12 /2014، رێكهفتنا 2 كانینا ئێكێ یا 2014 د ناڤبهرا بهغدا و ههولێرێ ب رهنگهكێ قانوونى د پرۆژه قانوونا بودجێ عیراقێ یێ سالا 2015 ێ دا هاتیه بجهئینان و رۆژا 24/12 پرۆژه قانوون گههشته مه كو ل ئهنجومهنێ وهزیران هاتیه پهسهندكرن، ب ڤێ رهنگى رێككهفتنا 2 كانوونا ئێكێ یا سالا 2014 چوو قوناغهكا قانوونى و مادێ قانوونى د ناڤ پرۆژه قانوونا بودجێ دا هاتیه جهگیركرن، قوناغا سیێ ژى یا پێكهاتیه ژ قوناغا پهسهندكرنا بودجهى ژ ئالیێ پهرلهمانێ عیراقێ ڤه و دهركرنا قانوونێ ژ ئالیێ سهرۆكاتیا كومارێ، بهلێ پهسهندكرنا پرۆژه قانوونا بودجهى ژ ئالیێ ئهنجومهنێ وهزیرێن عیراقێ زور یا گرنگه، ژبهر كو پهسهندكرنا ڤى پرۆژهى ل پهرلهمانى گیرو ببیت ژى، حكومهتا عیراقێ دهێته ئیلزام كرن كو ل دووڤ قانوونا ئیدارا مالى یا ژماره 95 یا سالا 2004 ێ كو 1/1/2015 رێژا ئێك ل سهر دوازدێ یا بودجێ سالا 2015 یێ ههرێمێ بهنێریت”.
ئامانج رهحیم ئاماژه ب وێ یهكێ كریه كو د برگا ئێكێ ژ مادێ ئێكێ یا پرۆژه قانوونێ دا ئاماژه ب هنارتنا 250 هزار بهرمیلێن نهفتێ ژ پارزینگههێن ههرێما كوردستانێ و 300 هزار بهرمیلان ژ پارزینگههێن نهفتا كهركوكێ ب رێیا بوریێن هنارتنا ههرێمێ هاتیه كرن، و بهایێ بهرمیلهكێ نهفتێ ب 60 دولارێن ئهمریكى هاتیه دهستنیشانكرن، ئهڤه ژبلى گرنتیا دابینكرنا پشكا بودجێ ههرێما كوردستانێ كو ڤێ چهندێ گرنگیا خوه یا دستوورى و قانوونى بۆ دانپێدان ب دهستههلاتا ههرێما كوردستانێ وهك د دستوورى دا هاتی ههیه.
سهبارهت بودجێ پێشمهرگهى، ئامانج رهحیم دیاركر كو ل گور برگا پێنجێ ژ مادێ نههێ، ژ پرۆژه قانوونا بودجێ 2015 ێ، ب رهنگهكێ ئهمر، وهزارهتا بهرهڤانیا عیراقێ پابهندكریه كو خهرجیێن پێشمهرگهى ژ خهرجیێن سیادى یێن وهزارهتا بهره ڤانیێ بمهزێخیت كو بۆ سالا 2015 كوژمێ 100 ملیار دینار ههیڤانه هاتینه دهستنیشانكرن و كوژمێ گشتى یێ سالێ ههمیێ دبیته ترلیونهك و 200 ملیار دینار، كو ئهڤ چهنده ژ دهرڤهى 17% یا بههرا ههرێمێ یه.
شێخان،بارزان مزوورى
ئهڤرۆ دهمژمێر 11 سپێدێ 24/12 لژێر چاڤدێریا رێزدار ئیسماعیل مستهفا قائیمقامێ قهزا شێخان ب بهرههڤ بونا بهرپرسێ لقا 20 ێ شێخان عهلى عهونى و بهرپرسێن دهزگههێن میرى و حزبى و جهماوهرهكێ زور ل دهڤهرا شێخان نڤیسینگهها شێخان یا گروپێ ئالایێ كوردستانێ د ڤیستهڤالهكێ دا خهلاتێ رێزلێنانێ پێشكێشى هونهرمهندێن پێشمهرگه حهسهن عهلى خهنجهر و حهسهن شهریف كر.
هونهرمهندێ پێشمهرگه ، حهسهن شهریف ، بۆ ئهڤرۆ نیوز گۆت: نڤیسینگهها گروپێ ئالایێ كوردستانێ شێخان رێزهكا مهزن دامه و ئهم ههردوو خهلاتكرین، هونهرمهند حهسهن عهلى خهنجهر نه ب تنێ هونهرمهندهكێ پێشمهرگهیه بهلكو سهدان داستانێن مهزن یێن بهشداربویى و داستان وسترانێن كوردى یێن پاراستین ، ئهڤ رێزلێنایه مهگهلهك قهبوله سوپاسیا وان كهسا دكهم ئهوێن خوڤه ماندى كرین بمهڤه و ئهم ههژى ڤى خهلاتى رێزلینانى داناین.
ئەڤرۆ نیوز، ڤەگێر:
زەعیم عەلی بەرپرسێ میحوەرێ رۆژھەلات و رۆژاڤایێ دیجلە بۆ ئەڤرۆنیۆز دیار کر کو نوکە 30% ژ شنگالێ د دەستێن پێشمەرگەی دا یە و شەر یێ بەردەوامە.
زەعیم عەلی گۆت: “چەکدارێ داعش نەبتنێ ب قەناسان شەری دکەن، بەلکو پشتەڤانی یا بۆ وان ھاتی و شەر ب ھەموو رەنگێن چەکان بەردەوامە”.
ل دور وێ یەکێ کا بۆچی پێشمەرگەی د ماوێ 3 رۆژان دا 2700 کم کونترولکرن و کونترولکرنا سەنەتەرێ شنگالێ گیروبوو، زەعیم عەلی گۆت: “ئەو گرێدای پلانا مە یا لەشکریە”.
بەحسێ وێ یەکێ د ھاتە کرن کو سەنەتەرێ شنگالێ ناھێتە رزگارکرن ھەتا لەشکرێ عیراقێ ژی ھێرشێ بکەتە سەر بەعاج و تلەعفەر و ئەو دەڤەر ژی بھێنە رزگار کرن، ل دور ڤی بابەتی زەعیم عەلی گۆت: “ھەتا نوکە چ تشتێ وەسا نینە، د دو رۆژێن بھێت دا دێ بۆ مە دیار بیت کا دێ پلانا مە بۆ رزگارکرنا بتمامی یا شنگالێ چ بیت”.
ئەڤرۆ نیوز، سالار دۆسکی:
ب مەرەما پشتەڤانیکرن ل بزاڤا شانۆێێ ل باژێرێ دھۆکێ ،ژ بەرھەمێن رێڤەبەریا ھونەرێ شانۆیێ ل دھۆکێ سەر ب رێڤەبەریا گشتی یا رەوشەنبیری و ھونەری ڤە، ژڤانە رۆژێن بھێت سێ شانۆ بھێنە نمایشکرن.
میسەر عوبێد رێڤەبەرێ ھونەرێ شانۆیێ ل دھۆکێ بۆ مالپەرێ ئەڤرۆ نیۆز گۆت: سێ شانۆ دھێنە پێشکێشکرن و شانۆیەک ژ وانا ھەرسێ یان دو جاران دھێتە نیشادان و ھەموو دێ ل سەنتەرێ باژێرێ دھۆکێ بن.
میسەر ھێشتا ژی گۆت: شانۆگەریا (ئازارێن سترانەکێ) 25 و 26\12 دێ ھێتە نیشادان کو ژ دەرھێنانا (مەسعود عارف)ی، دیسا شانوگەریا (زیاتر ببینە) کو بەرھەمێ پەیمانگەھەکا ئەلمانی یە و مھێڤانن دێ ل دھۆکێ ھێتە نیشادان، 27\12، دیسا رێکەفتی 28\12 شانوگەریا (گیانەکێ بێ جە) ژ دەرھێنانا قاسم بەیاتی دھێتە نمایشکرن، ھەموو دەمژمێر پێنج ئێڤاری دێ ل ھۆلا چالاکیێن قوتابخانان ئانکو پەیمانگەھا ھونەرێن جوانا کەڤن ھێنە نیشادان، ئارمانج ەوە دووماھیا سالا شانۆیێ ل دھۆکێ ب دووماھی بینین، ئەڤە بەرسڤەکە بۆ دوژمنێن مللەتێ کورد کو کورێن ڤی باژێری خوە دەنە کوشتن ب وێ مەرەمێ کو ژیان ھەر یا بەردەوامە، چونکە کاودانێن دھۆک تایبەتبوون نەبوونا بودجێ و فشارا پەنابەران.
ئهڤرۆ نيوز:
رێڤهبهريا گشتيا كهشناسى و بيڤهلهرزێ ل ههرێما كوردستانێ راگههاند كو د ماوێ 24 دهمژمێرێن بۆرى دا ل گهلهك دهڤهرێن ههرێما كوردستانێ بهفر بارى.
ب گۆرهيى راپۆرتا پشكا پێشبينيان ل رێڤهبهريا گشتيا كهشناسى و بيڤهلهرزێ ل حوكمهتا ههرێما كوردستانێ د ماوێ 24 دهمژمێرێن بۆرى دا ل ههر ئێك ل دهڤهرێن بارزان، جاجى ئومهران، سۆران، چۆمان، سیدهكان، سهفین،كۆرهك،ئهزمهڕ،كیوه ڕهش، قهڵادزێ.
دايه زانين ژى كو بهفر ل سهنتهرێ ڤان قهزا و ناحيا نههاتيه، بهلكو ل سهرێ چيا و جهێن بلند باريه.
ئهڤرۆ نيوز:
ب گۆرهيى بهياننامهكا وهزارهتا برهڤانيا ئهمريكا (پهنتاگۆن) ههتا نوكه ل شهرێ دژى چهكدارێن داعش زێدهترى مليار دۆلاران مهزاختينه و هێرشێن وێ يێن ئهسمانى كارتێكرنهكا باش ل لاوازكرنا داعش ههبوويه.
وهزارهتا بهرهڤانيا ئهمريكا د بهياننامهكێ دا كو ل سهر مالپهرێ خوه بهلاڤكريه دياركريه كو شهش ههيڤ ب سهر داگيركرنا باژێرێ مووسل باژێرێ دويێ يێ عيراقێ ب مهزاناتيا خوه.
ئاماژه ب وێ چهندێ ژى كريه كو ژ وى دهمێ ئهمريكا و ههڤپهيمانان دهست ب هێرشێن خوه بۆ سهر وێ بارهگايێن وێ رێكخستيێ كرى و ههتا نوكه شياينه كارتێكرنهكا مهزن ل وێ رێكخراوێ بكهن و بووينه ئهگهر كو ب رهنگهكێ گهلهك بهرچاڤ لاواز ببيت.
دهربارهيى ئهو پارێ ئهمريكا ههتا نوكه ل وێ رێكخراوا تيرۆرستى مهزختى ب رێيا تۆپبارانكرنا فرۆكێن خوه، گههشتيه زێدهترى مليار دۆلاران.
نيشاندان