ئەڤرۆ نيوز، ڤەگێر سەعدوللا:
ئەندامەکێ سەرکرداتیا ئێکگرتوو یا ئیسلامی و ئێک ژ دامەزرێنەرێن وێ دیار کر کو کۆمبوونا سەرکرداتیا وان ل دۆر داخوازێن بادینان یا ئەرێنی بوو و بۆ رۆژناما ئەڤرۆ گۆت: “سەرکرداتیێ داخوازێن مە قەبوول کرن”.
دیندار نەجمان دۆسکی ئاشکرا ژی کر کو لژنەک بۆ چاوانیا دابەشکرنا پۆستان ھاتە پێکئینان و قەبارێ حزبی ل ھەر دەڤەرەکێ دێ ل بەرچاڤ ھێتە وەرگرتن و ئێدی پۆستێن حزبی د ناڤ ئێگکرتوو دا دێ ل سەر بنەمایێ رێژا حزبی ل ھەر پارێزگەھەکێ ھێنە دابەشکرن و پۆستێن حکومی ژی دێ ل دووڤ ئستیحقاقێ ھەلبژارتنان یێ وێ دەڤەرێ ھێنە دابەشکرن و گۆت: “بڕیار ھاتە دان دەڤەرا بادینان د پۆستان دا بھێتە قەرەبوو کرن و پۆستێن مایی ل حوکمەتا ھەرێمێ و عیراقێ دێ بۆ دەڤەرا بادینان بن”.
دۆسکی خویا کر کو کێشێن ھزری دێ د کۆنگرێ حزبا وان دا ھێنە چارە کرن.
نووترين نووچه
- سەرۆك بارزانی ل سالڤەگەڕا 34 یا سەرهلدانا پیرۆز: سەرهلدان پەیامەكا رۆهن بوو كو گەلێ كوردستانێ ئازادی و سەربەستی دڤێت
- نێچیرڤان بارزانی: فیدرالی و دەستكەفتێن دستووری و كاریگەرییا ئەڤرۆ یا كوردستانێ بەرهەمێن سەرهلدانێ نە
- مەسرور بارزانی: سەرهلدان ئێك ژ سەروەریێن مەزن یێن گەلێ كوردستانێ یە كو هەردەم جهێ شانازییا مەیە
- دوپاتیێ ل رێكخستنا ناڤمالا كوردی دكەین
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
- پارتی دیموكراتی كوردستان پیرۆزباهیێ ل پارتا داد و گەشەپێدانێ یا توركی دكەت
- لژنەیا پەترۆل و غازێ: هەموو بەرهەڤیێن هنارتنا پەترۆلا هەرێما كوردستانێ یێن تمام بووین
- ب سەركەڤتنا پرۆسەیا ئاشتیێ ل توركیا دێ ب سەدان گوندێن مە دوبارە هێنە ڤەژاندن
- قاسم شەشۆ: ئەو كەسێن چووینە بەغدا داخوازێن كەسۆكی هەبوون و تنێ نوونەرایەتییا چەند كەسان دكەن
سه‌ره‌كى نووترين نووچه
وێنەیی: دروستکرنا تەحینێ ل ئاشێ ئاڤێ ل ئامێدیێ
ئەڤرۆ نیوز ، نەوزاد زادە ھلۆری:
ئاشێ تەحینا ئاڤا رووبارێ ئامێدیێ ب کەڤنترین ئاشێ تەحینێ دھێتە ھژمارتن ل کوردستانێ کو ڤەدگەریێت بوو ٢٠٠ سالا بەری نھا و ھەتا نھا ژی بەردەوامی کاردکەت و رۆژانە نێزیکێ ٤٠٠ کم تەحینێ بەرھەم دئینیت.
موستەفا سەید حەسەن ئامێدی خودانێ ئاشێ تەحینا رووبارێ ئامێدیێ دیارکر کو تەحینا ئامێدیێ ب تەحینا خومالی یا بناڤ و دەنگە و بۆ ئەڤرۆ نیوز گۆت : “دەستپێکا درۆستبوونا ئاشێ تەحیا رووبارێ ئامێدیێ دزڤریت بو کەسەکێ کو دبێژنێ ” حەسەنێ مزیکی بەری ٢٠٠ سالا ، و پاشی ژلایێ کەسەکێ دن ب ناڤێ سمێ ھاتە پاراستن و دیڤدا ژلایێ بابێ من سەید حەسەن و نھا ژی ئەز و برایێ خوە برێڤە دبەین و ھندی ساخین دێ کار لسەر ئەڤی ئاشەیی کەین”.
زێدەتر گۆت : “چێکرنا تەحینێ ب ئاڤێ یە و ب داران دھێتە قەلاندن و ھەموو ژی ب کونجیێن خومالی یە و ئاش بخوە ژی ژ بەرا ھاتیەچێکرن”.
خودانێ ئاشێ تەحینا رووبارێ ئامێدیێ دیارکر ژی کو ئەو رۆژانە ٤٠٠ ک تەحینێ بەرھەمدئینن و گۆت : “لدەڤ مە کیلویا تەحینێ ١٠ ھزار دیناران ب جێگری دھێتە فروتن و بوو بازارێن ئامێدیێ و دھوک و ھەولێر و سلێمانیێ دچیت”.
موستەفایی نەڤەشارت ژی کو تەحینا ئامێدیێ ژلایێ ھندەک کەسان ڤە ھاتیە ساختەکرن و گۆت : “مە گومان لسەر ھندەک دوکان و کەسان ھەیە کو تەحینا دەڤەرێن دن یێن کوردستانێ بناڤێ تەحینا ئاشێ مە دفروشن بەس دا تەحینا وان بھێتە فروتن ب بھایەکێ گرانتر و لسقەیێن مە ل دولکێن تەحینا خوە داینە و ئەگەر بەردەوام بن دێ سکالا لسەر تومار کەین”.
ل دوماھیێ دیارکر کو ژ بەرنەبوونا ئاڤەکا بەردەوام سالێ ب تنێ شەش ھەیڤان ئەو کاردکەن و گۆت : “نھا ژیانا من و خێزانا من گرێدایە ب چێکرنا تەحینێ ڤە و ناخوازم ل ئایندە زارویێن من پاشەروژا خوە ب چێکرن و فروتنا تەحینێ ڤە گرێدەن ژ بەرکو ژیەکێ درێژ من ب چێکرنا تەحینێ ڤە بووراند و ئەز گەلەک وەستیام و کارەکێ گەلەکێ سەرگێژی و گرانە”.
مزگينيه‌كا نه‌خۆش بۆ فه‌رمانبه‌ران
ئه‌ڤرۆ نيوز:
بريكارێ وه‌زاره‌تا دارايى ل حوكمه‌تا عيراقێ راگه‌هاند كو ئه‌ڤ ساله ژ به‌ر خرابيا ره‌وشا دارايى بڕيارا زێده‌كرنا مووچێ فه‌رمانبه‌ران و دانا پاران ب قوتابيان ناكه‌ڤيته وارێ بجهئينانێ.
فازل نه‌بى، بريكارێ وه‌زاره‌تا دارايى ل حوكمه‌تا عيراقێ، بۆ تۆڕا ده‌نگوباسێن سلێمانيێ راگه‌هاند كو د پرۆژێ قانوونا بوودجا گشتى يا سالا 2015 دا يا عيراقێ جهێ دو بڕيارێن جڤاتا وه‌زيرێن به‌رێ يێن عيراقێ نه‌هاتيه كرن كو يا ئێكێ زێده‌كرنا مووچێ فه‌رمانبه‌رايه و يا دويێ ژى دانا ده‌رمالێن هه‌يڤانه‌يه ب قوتابيان.
بريكارێ وه‌زاره‌تا دارايى ل حوكمه‌تا عيراقێ گۆتژى: “پاشخستنا ڤێ بڕيارێ ژ ئه‌گه‌رێ خرابيا بارێ دارايى يێ عيراقێ يێ ئه‌ڤ ساله بوويه”.
20\8\2014 جڤاتا وه‌زيرێن عيراقێ پرۆژێ پێشنيازا زێده‌كرنا مووچێ فه‌رمانبه‌رێن پله پێنج هه‌تا پله 10 په‌سه‌ند كربوو كو بڕيار بوو ژ هه‌يڤا ئێك يا سالا 2014 بهێته بجهئينان.
ب گۆره‌يى وێ بڕيارێ پێدڤى بوو فه‌رمانبه‌رێن پله 10 مووچێ وان 114% بهێته زێده‌كرن و پله پێنج ژى 4% مووچێ وان بهێته زێده‌كرن.
سوباھی سێیەمین پیشانگەھا دھۆکێ یا پرتووکان دێ ھێتە ڤەکرن
ئەڤرۆ نیوز:
سێیەمین پێشانگەھا دھۆکێ یا پرتووکان سوباھی رۆژا ئێکشەمبی ل دەمژمێر 10 سپێدێ ل ھۆلا کونفرانسان ل زانکۆیا دھۆکێ ب چاڤدێریا وەزیرێ رەوشەنبیری و لاوان دێ ھێتە ڤەکرن و ھەتا 6\12\2014 دێ یا بەردەوامبیت.
کەریم بیانی رێڤەبە‌رێ چاپ و بەلاڤکرنێ ل دھۆکێ بۆ ئەڤرۆنیوز گۆت” ھەموو ناڤونیشانێن پرتووکێن رێڤەبەریا مە ل گەل پرتووکێن چەندین دەزگەھـ و پرتووکخانەیێن دھۆکێ و پارێزگەھێن دی یێن ھەرێمێ دێ تێدا ھێنە نیشاندان”.
بیانی گوتژی”ئەڤ پێشانگەھە دێ ل سپێدەیا رۆژا ئێکشەمبی رێککەفتی 30\11\2014ێ ھێتە ڤەکرن و ھەتا 6\12\2014ێ ل ھۆلا کۆنفرانسان ل زانکۆیا دھۆکێ بەردەاوم بیت و رۆژانە ژ دەمژمێر10 ھەتا 6ێ ئێڤاری ڤەکری بیت “.
لدۆر داشکاندنێ د بھایێن پرتووکان دا، کەریم بیانی گوت”داشکاندن دێ ل سەر ھەموو پرتووکێن ناڤ پێشانگەھێ دا ھەبیت و پێشانگەھـ دێ”.
ئه‌بۆ به‌كر به‌غدادى ژى به‌حس ل كراسێ ره‌شێ هه‌يفايێ كر
ئه‌ڤرۆ نيوز:
ل سه‌ر ل به‌رخوه‌كرنا كراسێ ته‌نكێ ره‌شێ هه‌يفايێ يێ به‌رمانێ ستار ئه‌كاديمى گرۆپێ چه‌كدارێن داعش گه‌فا ل هه‌يفا وه‌هبى دكه‌ت.
ب گۆره‌يى نووچه‌يه‌كێ رۆژناما نهار يا لوبنانى ل سه‌ر كراستێ ته‌نكێ هه‌يفايێ، داعش گه‌ف لێكرينه ب تۆمه‌تا وێ چه‌ندێ ئه‌و حه‌ز ژ وان جلكان ناكه‌ن و ئه‌بۆ به‌كر به‌غدادى ب خوه ژى ل سه‌ر بابه‌تى هاتيه ده‌نگ و بڕياره‌ك دڤێ ده‌ربارێ دا ده‌ركريه.
ب گۆره‌يى نووچه‌يى، به‌غدادى راگه‌هانديه كو ل به‌رخوه‌كرنا وان ره‌نگه جلگان ژ لايێ سترانيێژان ڤه وه‌دكه‌ت جيهانا ئيسلامى ببنه به‌ند و بنه‌مايێن ئيسلامێ ژبير بكه‌ن، ژ به‌ر هندێ گرۆپه‌كێ داعش ل لوبنان راسپارديه دا كو تولان ژ وێ سترانبێژێ ڤه‌كه‌ت.
چه‌ند حه‌فتيان به‌رى نوكه هه‌يفا وه‌هبى د به‌رمانێ ستار ئه‌كاديمى دا، كراسه‌كێ ته‌نكێ ره‌ش كربوو به‌ر خوه و ده‌نگويه‌كێ مه‌زن ل سه‌ر هاته پێش و گه‌له‌ك ره‌خنه لێ هاتنه گرتن و وێ سترانبێژێ ژى راگه‌هاند كو ئه‌و جلك وه‌سان د ته‌نك ژى نه‌بوون، به‌لێ ژ به‌ر رۆناهيا شانۆيێ وه‌سان ديار بوون.
ڤيديۆ: سه‌رۆكێ رۆسيا ياريا هۆكى دكه‌ت
چاره‌نڤيسێ ب ده‌هان كه‌سێن نه‌ديار هاته ئاشكه‌را كرن
ئه‌ڤرۆ نيوز:
لژنا ئه‌منى يا پارێزگه‌ها ديالا ئاشكه‌را كر كو چه‌كدارێن داعش رابووينه ب كوشتنا ب ده‌هان كه‌سێن بێ گونه‌هـ و ڤه‌شارتنا وان د گۆڕستانێن ب كۆم دا ل حه‌مرين.
سه‌رۆكێ لژنێ سادق حوسه‌ينى بۆ سومه‌ريه نيوز راگه‌هاند كو پێزانينێن دروست ل به‌ر ده‌ستێ وان هه‌نه كو داعش ل ماوێ ده‌سته‌لاداريا خوه ل سه‌عديه و جه‌له‌ولا رابووينه ب كوشتنا ب ده‌هان كه‌سان ژ خه‌لكێ بێ گونه‌هـ و سڤيل ل وان ده‌ڤه‌ران و كرينه د گۆڕێن ب كۆم دا و جهێ وان هێشتا ديار نه‌بووينه.
حوسه‌ينى گۆتژى: “مه لژنه بۆ لێگه‌ريان ل وان گۆڕان پێكئيناينه د رێيا ب ده‌ستڤه‌ئينانا به‌لگه‌يێن پێدڤى”، دا زانين ژى كو د ماوێ هه‌يڤێن بۆرى دا ب ده‌هان كه‌سان ل وان ده‌ڤه‌ران ديار نه‌ماينه و هه‌تا نوكه چاره‌نڤيسێ وان يێ ديار نينه”.
سه‌رۆكێ لژنا ئه‌منى يا پارێزگه‌ها ديالا نه‌ڤه‌شارت ژى كو ئه‌و پێشبينى دكه‌ن د ماوێ حه‌فتيا داهاتى دا هنده‌ك ژ وان گۆڕێن ب كۆم بهێنه ديتن.
كچه‌كا كورد ل ئيرانێ ديزاينا جلكێن رووت دكه‌ت
ئه‌ڤرۆ نيوز:
سونيا بێتشوى كچا نمايشكه‌ر و ديزاينه‌را جلكێن كوردى خۆجها ته‌هرانه و كارێن وێ ژى ل ئه‌ورۆپا فرۆشتنه‌كا باش يا ل سه‌ر هه‌يى.
سونيا ئاماژێ ب وێ چه‌ندێ دكه‌ت كو ل گه‌ل چه‌ندين كۆمپانيێن مه‌زنێن دروستكرنا جلكان ل ئيرانێ گرێبه‌ست يا هه‌يى و ديزانێن جلكان دفرۆشيتێ.
هه‌ر چه‌نده پشكه‌كا زۆر ژ جلكێن سونيا ديزان دكه‌ت د رووتن، به‌لێ دبێژيت: “هێشتا ل ئيرانێ ژ به‌ر جلكێن رووت چو كێشه بۆ من دروست نه‌كرينه”.
بێتوشى ئه‌و ئێك ژى ئاشكه‌را كر كو ئه‌و ژ ديزاينا جلكێن بووكێن باربى فێرى ڤى كارى بوويه و حه‌زه‌كا وێ يا زارۆيێ بوويه.
مريام فارس سه‌ركه‌فتنه‌كا مه‌زن تۆماركر
ئه‌ڤرۆ نيوز:
شاها ده‌پێ شانۆيێ، مريام فارس، ژ لايێ ئه‌لكترۆنى ژى ڤه سه‌ركه‌فتنێن مه‌زن تۆماركرن كو شيايه ل سه‌ر تۆڕا جڤاكيا فه‌يسبۆكى نمره‌كا پيڤايى يا نوو بشكێنيت.
په‌يچێ ڤێ ستێرێ نوكه زێده‌ترى 10 مليۆن پشته‌ڤانان هه‌نه، ئه‌ڤه ژى نه نمره‌كا چاڤه‌رێ نه‌كريه ژ به‌ر وێ پشته‌ڤانيا وێ ل لوبنان و رۆژهه‌لاتا ناڤين و جيهانێ هه‌يى.
ب هه‌لكه‌فتا گه‌هشتنا پشته‌ڤانێن وێ ب 10 مليۆن كه‌سان، پشته‌ڤان و حه‌زژێكه‌رێن وێ گه‌له‌ك كۆمێنتێن كه‌يف خۆشيێ بۆ نڤيسين ب وێ هه‌لكه‌فتێ.
ئیكگرتوو داخوازا پوستێن ئیداری ل پارێزگه‌ها دهۆك دكه‌ت
لیستا ئێكگرتوویا ئیسلامی كوردستان ل جڤاتا پارێزگه‌ها دهۆكێ داخوازا پوستێن ئیداری دكه‌ت ل گوره‌يی ئه‌وێ رێژه‌یا كورسیێن ب ده‌ست ڤه ئینايی ل پارێزگه‌هێ.
سه‌باح عه‌لی شه‌ریف ئه‌ندامێ جڤاتا پارێزگه‌ها دهۆكێ و سه‌رۆكێ لیستا ئێكگرتوو بۆ ئه‌ڤرۆ نیوز گۆت: “ل ده‌مێ كۆمبوونا جڤاتا پارێزگه‌ها دهۆكێ هاتیه كرن، ئه‌م وه‌كو ئێكگرتوویا ئیسلامی به‌رهه‌ڤی كۆمبوونێ نه دبووین، كا دڤێت چاوان حوكمه‌ت ل سه‌ر بنياتێ بنكه‌فراوان بيت، وه‌سان پارێزگه‌هـ ژى بهێته به‌لاڤكرن، مه بۆ ڤێ چه‌ندێ سوزه‌ك ژ پارێزگارێ به‌رى نوكه و يێ نوكه ژى وه‌رگرتبوو”.
زێده‌تر گۆت: “ل سه‌ر وی بنگه‌هی مه پشكدارى كر و ده‌نگ ل سه‌ر بۆ پارێزگار و سه‌رۆكێ جڤاتا پارێزگه‌هێ دا، به‌لێ هه‌تا نها د ناڤبه‌را جڤاتا پارێزگه‌ها دهۆكێ ب شیوه‌یه‌كێ فه‌رمی دا، دانوستاندن ل سه‌ر نه هاتینه‌كرن، ب تنێ هنده‌ك ئاماژه هه‌نه كو سه‌رۆكێ حوكمه‌تا هه‌رێما كوردستانێ و پارێزگاری دهۆكێ ل رۆژێن بهێت دێ دانوستاندنێ ل سه‌ر كه‌ن”.
سه‌باح عه‌لی ئاماژه ب وێ چه‌ندێ ژى كر كو دڤێت ل گوری پیڤه‌رێ ده‌نگ ب ده‌ست ڤه ئینانا كورسیێن جڤاتێ بیت كو ئێكگرتوو ژی لیستا دويێ یه، مافێ وێ يه ئێك پۆستێن ئیداری وه‌رگریت .
سه‌رۆكێ ليستا ئێكگرتوو ل جڤاتا پارێزگه‌ها دهۆكێ ئاشكه‌را كر كو ئه‌و وه‌كو ئێكگرتوو پێشنیازا وێ چه‌ندێ دكه‌ن كو جێگره‌كێ پارێزگارى ل گه‌ل چه‌ند پۆستێن ئيدارى و رێڤه‌به‌رێن ناحيا و قايمقامان هه‌بن.
نيشاندان
WP Facebook Auto Publish Powered By : XYZScripts.com