ئه‌ڤرۆ نيوز:

هه‌رسێ سه‌رۆكاتيێن هه‌رێما كوردستانێ، سه‌رۆكێ وه‌زيرێن عيراقێ و سه‌رۆكێ جڤاتا نوونه‌رێن عيراقێ د ڤێ حه‌فتيێ دا دێ سه‌ره‌دانا توركيا كه‌ن و پشكه‌ك ژ سه‌ره‌دانێ به‌حسكرنه‌ ل سه‌ر ره‌وشا نوكه‌ يا عيراقێ.

عيماد يوخه‌نا ئه‌ندامێ جڤاتا نوونه‌رێن عيراقێ د به‌ياننامه‌كێ دا كو به‌لاڤكريه‌ ئاماژه‌ ب وێ چه‌ندێ كريه‌ كو د ڤێ حه‌فتيێ دا، سه‌ليم جبۆرى سه‌رۆك جڤاتا نوونه‌رێن عيراقێ دێ د ڤێ حه‌فتيێ دا سه‌ره‌دانا توركيا كه‌ت و پاشان ب ره‌نگه‌كێ فه‌رمى بۆ ئيرانێ هێته‌ داخوازكرن بۆ به‌حسكرنێ ل سه‌ر كۆمه‌كا پرسێن سياسى.

ئه‌و چه‌نده‌ ژى ئاشكه‌را كريه‌ كو بابه‌تێ دانوستاندنێ دێ ل سه‌ر په‌يوه‌نديێن عيراقێ و وه‌لاتێن هه‌ڤسۆ بن كو پشكه‌كا دى ژى دێ دانوستاندن بيت ل سه‌ر ره‌وشا ئه‌منى و چاوانيا روو ب رووى بوونا تيرۆرێ و دێ به‌حس ل بابه‌تێن ئابوورى ژى هێته‌ كرن.

هه‌ڤده‌م سه‌رۆك وه‌زيرێن عيراقێ ب ره‌نگه‌كێ فه‌رمى بۆ وه‌لاتيێ توركيا هاتيه‌ داخوازن و بڕياره‌ د ڤێ حه‌فتيێ دا به‌ر ب وى وه‌لاتى برێ بكه‌ڤيت.

د ڤێ ده‌ربارێ دا، ئايدن مه‌عرۆف ئه‌ندامێ په‌رله‌مانێ كوردستانێ بۆ باسنيوز راگه‌هاند د چارچوڤێ ئه‌و په‌يوه‌نديا تله‌فۆنى دا، ئه‌حمه‌د داود ئوغلۆ سه‌رۆكێ وه‌زيرێن توركيا داخوازا هه‌ر ئێك ژ سه‌رۆكێ هه‌رێما كوردستانێ و حه‌يده‌ر عه‌بادى بۆ توركيا كريه‌.

ب گۆره‌ى زانياريێن باسنيوز به‌لاڤكرن هه‌رسێ سه‌رۆكاتيێن هه‌رێما كوردستانێ، سه‌رۆكێ وه‌زيرێن عيراقێ و سه‌رۆكێ جڤاتا نوونه‌رێن عيراقێ دێ د ڤێ حه‌فتيێ دا ل توركيا ل گه‌ل سه‌رۆكێ وه‌زيرێن توركيا كۆم بن.

ئه‌ڤرۆ نيوز:

سۆپاسالارێ وه‌زاره‌تا پێشمه‌رگه‌يى ئاماژێ ب وێ چه‌ندێ دكه‌ت كو پێدڤى ب گۆره‌يى دستوورێ عيراقێ هێزێن پێشمه‌رگه‌يى هاتبانه‌ ب چه‌ككرن، به‌لێ نه‌هاتنه‌ كرن و ئه‌ڤه‌ ژى پشتگوهـ خستنا داخوازيێن كوردايه‌ و دژى دستوورى يه‌ ژى.

فه‌ريق جه‌مال محه‌مه‌د سۆپاسالارێ وه‌زاره‌تا پێشمه‌رگه‌يى د داخۆيانيه‌كێ دا بۆ باسنيوز راگه‌هاند كو پێدڤى بوو ب گۆره‌يى دستوورێ عيراقێ د ماوێ بۆرى دا حوكمه‌تا عيراقێ چه‌ك دابايه‌ پێشمه‌رگه‌يى، به‌لێ نه‌ به‌غدا ب تنێ هه‌ڤكاريا له‌شكرى يا پێشمه‌رگه‌يى نه‌كريه‌، به‌لێ مووچه‌ ژى ژ خه‌لكێ كوردستانێ بريه‌ و گۆت: “د ماوێ بۆرى دا، پاره‌كێ مه‌زن وه‌كو بودجا سيادى يا هه‌ردو وه‌زاره‌تێن ناڤخۆ و به‌ره‌ڤانيا عيراقێ مه‌زاختى نه‌ و چو ژ وان هاريكاريان نه‌گه‌هشتينه‌ ده‌ستێ پێشمه‌گه‌يى و پشكا وان نه‌دايێ”.

ئه‌و ئێك ژى ئاشكه‌را كر كو ل سه‌ر ده‌مێ حوكمێ مالكى مه‌زنترين تاوان دژى پێشمه‌رگه‌ و خه‌لكێ كوردستانێ هاتيه‌ كرن ب برينا پارێ خه‌لكێ كوردستانێ و ئابلۆقه‌دانا پێشمه‌گه‌يى د ده‌مه‌كى دا ئه‌گه‌ر د ماوێ بۆرى دا حوكمه‌تا عيراقێ چه‌ك ب پێشمه‌رگه‌يى دابايه‌، كاودان وه‌كو نوكه‌ لێ نه‌هاتن.

نه‌ڤه‌شارت ژى كو تێكشاندنا تماما سۆپايێ عيراقێ ل مووسل رێ خۆشكر كو ب سه‌دان هزار پارچێن چه‌كێ گران و سڤك بكه‌ڤيته‌ ده‌ستێ داعش.

ئەڤرۆنیۆز ،سالار دۆسکی:

پشتی ئیمزاکرنا رێکەفتنێ دناڤبەرا بەغدا و ھەرێما کوردستانێ دا وەک پێنگاڤەکا دەسپێکی بۆ نێزیکبوونا ھەولێر و بەغدا دا کو رۆژانە ھەرێم 150 ھزار بەرمیلێن گازێ ب رێکا سومۆ فرێکەت و بەرامبەر بەغدا (500) ملیۆن دۆلاران ب ھنێریتە ھەرێما کوردستانێ و بریارە شاندەکێ بلندێ ھەرێما کوردستانێ سەردانا بەغدا بکەت. ژێدەرک ژ سەرۆکاتیا ئەنجوومەنێ وەزیران دیارکریە کو بریارە شاندنێ ھەرێما کوردستانێ کو ب سەرۆکاتیا نێچیرڤان بارزانی سەرۆکێ حوکمەتێ و قوباد تەلەبانی جێگرێ سەرۆکێ حوکمەتێ رۆژا ئێک شەمبی 30\11\2014 بچنە بەغدا ب مەرەما روونشتن و ئەنجامدانا کومبوونا دگەل مەزنە بەرپرسێن حوکمەتا عیراقێ.

ھەڤدەم ھەمان ژێدە ئاشکراکر کو پێشبینی دھێتەکرن کو شاند پێکھاتی بیت ژ سەرۆک و جێگرێ حوکمەتا کوردستانێ و ھەر ئێک ژ وەزیرێن (سامانێن سرۆشتی، دارایی وئابووری، پلاندانان).

ئه‌ڤرۆ نيوز، قائيد ميرۆ:

پشتی کو ڤێ حەفتیێ شاندەکێ ئێکەتیێ سەرەدانا بەغداکری بۆ دانوستانان ل دۆر پرسێن ھەلاویستیێن نێڤبەرا ھەولێر و بەغدا، کارڤەدانێن جۆدا لێ پەیدابوون و پەرلەمانتارەک دبێژیت، چوونا شاندێ ئێکەتیێ موزایەدەیا سیاسیە تێتەکرن.

بھار عەبدولڕەحمان، پەرلەمانتارا ئێکگرتوویا ئیسلامی بۆ ئەڤرۆ نیۆز دیارکر، چوونا شاندێ ئێکەتیێ بۆ بەغدا تنێ موزایەدەیە تێتەکرن، ئێک ژ ئاریشەیێن کورددا ئەڤە ھەتا نوکە ئێک رێزیا نیشتیمانی ناھێتە پاراستن و بۆیە ئەگەرێ پەیدابوونا قەیرانان، ئەم دگەل ڤێ چەندێ نینە چو شاندەکێ حزبی سەرەدانا بەغدا بکەت، بەلکۆ دڤێت شاندێ ھەرێمێ ب نوونەرایەتیا ھەموو لایەنان بچیتە بەغدا.

ژلایێ خۆڤەژی رەھێل جاف، کادرێ پێشکەفتیێ پارتی دیموکراتی کوردستان بۆ ئەڤرۆ نیۆز گۆت: ھەر شاندەکێ حزبی سەرەدانا بەغدا بکەت بۆ دانوستانان دەربڕینێ ژ سیاسەتا ھەرێما کوردستانێ ناکەت و تنێ حوکمەتا ھەرێما کوردستانێ نوونەرایەتیا ھەرێمێ دکەت و ھەموو پارتێن سیاسی تێدا پشکدارن، چوونا شاندێ ئێکەتیێ ژی چو بھایەک نینە، چونکو دێ سەنگا کورددان لھەمبەر عەرەبان لاوازکەت و بڕیارە ئەف شاندا ھەرێمێ کو بچیتە بەغدا دێ سەنگا وێژی ئێنیت خوار.