ئەڤرۆ:

ھونەرمەند غانم محەمەد سیتۆ دیارکر کو ھەکە راھێنەرێ تاکە ستێرا کورد ل پرۆگرامێ عەرەب ئایدل”عەمار کوفی” با دا سترانێن فلکلۆری بۆ ھەلبژێریت، تایبەت سترانێن ھونەرمەندان “محەمەد عارف جزیری، و مریم خانێ و حەسەنێ جزیری” چونکو پتر سترانبێژێ کورد  دگۆتنا سترانا فولکلۆی دا شارەزایی ھەیە، غانم محەمەد سیتۆ بۆ بەرپەرێ ھونەری ھێشتا گۆت: ھیڤیێ ژێ دکەم بەردەوام سترانێن کوردی بێژیت، چونکی کورد خودان کەلتورن و دیسا بەردەوام راھێنێن دەنگی بکەت و یێ ژێ رازیمە، چونکە ھەتا نوکە شیایە سەرکەفتنێن باش بدەست ڤە بینت.

سیتۆ ھێشتا ژی گۆت: سەر فەرازی یە بۆ مللەتێ کورد کو کەسەکێ کورد بگەھیتە ڤێ قۆناغێ و سترانێن کوردی و عەرەبی ب ھەڤرا دبێژیت و رەوشەنبیریەکا باش ھەیە و دھێتە دیتن کو ھونەرمەندەکێ ئەکادیمی و رەوشەنبیرە و کەسەکێ ب ئاستە و داخازا سەرکەفتێ بۆ دکەین، چونکە شیایە سترانا کوردی بگەھینتە ناڤ عەرەبان و ھەموو جیھانێ.

سیتۆ خواست ژی ل ھەر چار پارچێن کوردستانێ بۆ sms فرێکەن و پشتەڤانیا خوە بۆ عەمار کوفی و ھەر سترانبێژەکێ سترانا کوردی بگەھینتە ناڤ عەرەبان دیارکر.

ئه‌ڤرۆ نيوز، نيوار محه‌مه‌د سه‌ليم:

د ديداره‌كێ دا ل گه‌ل كۆڤارا سه‌يده‌تى كو تۆڕا ده‌نگوباسێن سلێمانيێ ده‌قێ وێ به‌لاڤكريه‌، سترانبێژا كچا پشكدارى د به‌رنامێ ئه‌ره‌ب ئايدول دا كرى گه‌له‌ك ژ نهێنيێن خوه‌ ئاشكه‌را دكه‌ت و ئاماژه‌ ب وێ چه‌ندێ دكه‌ت و كو رێ ناده‌ت د كليپان دا بهێته‌ ماچيكرن.

په‌رواز حسێن خودانا ناڤوده‌نگه‌كێ باش ل هه‌رێما كوردستانى و پشكدارا وه‌رزێ بۆرى يێ به‌رنامێ عه‌ره‌ب ئايدل د ڤێ ديدارێ دا به‌حس ل وێ چه‌ندێ دكه‌ت كو وێ هزر ل چێكرنا كليپێن ديۆتۆ نينه‌ و دبێژيت: “ب كليپێن تاك هۆنه‌رمه‌ند پتر پێش دكه‌ڤيت”.

ل دۆر په‌يوه‌نديا خوه‌ ل گه‌ل هه‌ڤال و ئه‌ندامێن لژنا ئه‌ره‌ب ئايدول ژى ديار دكه‌ت كو ژ لژنێ په‌يوه‌نديێن وێ ب تنێ ل گه‌ل ئه‌حلامێ ماينه‌ و گۆت: “پوه‌نديێن من ل گه‌ل عه‌ساف ژى د خۆشن و من پيرۆزيا كليپا وى يا نوو ژى يا لێكرى”.

ل دۆر وێ چه‌ندێ كا هه‌ڤژينێ وێ گۆران سالح كو د هه‌مان ده‌م دا رێڤه‌به‌رێ كارێن وێ يێن هۆنه‌رى يه‌، چه‌ند رێگريێ لێ دكه‌ت و چ بوو وه‌كو هێلێن سور داناينه‌، په‌روازێ گۆت: “گۆران هه‌موو ژيانا منه‌”، دا زانين ژى كو كه‌سه‌كێ گه‌له‌ك ديموكراتخوازه‌ و ل گه‌ل هندێ حه‌ز ناكه‌ت ژى جلكێن وه‌سان ل به‌ر خوه‌ بكه‌ت لاشێ وێ گه‌له‌ك تێدا ب ده‌ركه‌ڤيت و گۆتژى: “ماچى كرن و هه‌مبێزكرن د كليپان دا هێلا سۆره‌”.