ئه‌ڤرۆ نیۆز، سالار دۆسكى
سه‌رۆكا لیژنا په‌روه‌ردێ ل جڤاتا پارێزگه‌ها دهۆكێ بۆ مالپه‌رێ ئه‌ڤرۆ نیۆز دیاركر، ب پشته‌ڤانى یا به‌رێز(مه‌سروور بارزانى) راوێژكارێ ئاسایشا نشتیمانى یا هه‌رێما كوردستانێ، كوژه‌مه‌كێ پاره‌ى بۆ نووژه‌نكرنا قوتابخانان ته‌رخانكریه‌.جنبه‌د شوكرى ئاكره‌یى، هێشتا ژى گۆت: ب پشته‌ڤانیا مه‌سرور بارزانى راوێژكارێ ئاسایشا نشتیمانى یا هه‌رێما كوردستانێ كوژمێ 100 هزار دۆلار بۆ پاقژكرن و نووژه‌نكرنا قۆتابخانان ل پارێزگه‌ها دهۆكێ ته‌رخانكریه‌. سه‌رۆكا لیژنا په‌روه‌ردێ ل جڤاتا پارێزگه‌ها دهۆكێ هێشتا ژى گۆت: ب وى كوژمه‌ى و لدووڤ نڤیسارا رێڤه‌به‌ریا گشتى یا په‌روه‌ردێ ل پارێزگه‌ها دهۆكێ، پشتى قۆتابخانه‌ ژ ئاواران هاتینه‌ ڤالاكرن، كو پێدزى ب نووژه‌نكرنێ و پاقژكرنێ بووینه‌، ب فه‌رمانا رێڤه‌به‌ریا گشتى ناڤێ (17) قوتابخانا ل سنورێ په‌روه‌ردێن دهۆك رۆژهه‌لات (8) قۆتابخانه‌ و ل سنورێ په‌روه‌ردا دهۆكێ رۆژئاڤا (9) قۆتابخانه‌، هه‌ر قۆتابخانه‌ لدووڤ زیانا ڤێ كه‌فتى پاره‌ بۆ هاتینه‌ ته‌رخانكرن و دهێنه‌ نووژه‌نكرن.

ئه‌ڤرۆ نیوز، ئه‌میر ئه‌ترووشى:
ئه‌ندامه‌كێ په‌رله‌مانێ كوردستانێ یێ ئه‌رمه‌ن بۆ ئه‌ڤرۆ نیوز راگه‌هاند، نێزیكه‌ دێ ئه‌رمه‌ن بیره‌وه‌ریا خوه‌ یا دلته‌زین ئه‌وا تێدا كوموژیا ئه‌رمه‌نان هاتیه‌ كرن ساخكه‌نه‌ڤه‌ و دێ بنه‌ 100 سال ب سه‌ر وێ بیره‌وه‌ریا چو جاران ئه‌رمه‌نان نه‌ڤێت دووباره‌بیته‌ڤه‌.
یه‌روانت نیسان تاكه‌ نوونه‌رێ ئه‌رمه‌نانه‌ ل په‌رله‌مانێ كوردستانێ دیار كر، سالانه‌ ل 4/22 هه‌لكه‌فتا دلته‌زین یا كومكوژیا ئه‌رمه‌نان دهێته‌ ساخكرن كو د وێ كومكوژیێ دا نێزیكى ملیونه‌ك و 500 هزار ئه‌رمه‌نان ب ده‌ستێ ده‌وله‌تا ئوسمانى هاتبوونه‌ كوشتن و گۆت: ئه‌ڤ كومكوژیه‌ ل 1915/4/22 روودابوو و پشتى پێنچ مه‌هێن دیتر دێ چینه‌ د سه‌د سالیا ڤێ روودانا دلته‌زین دا.
یه‌روانت ئاشكرا كر كو سالانه‌ ئه‌م وه‌كو ئه‌رمه‌نێن كوردستانێ ڤێ هه‌لكه‌فتا نه‌خۆش ل كوردستانێ و ب تایبه‌ت ل پارێزگه‌ها دهۆكێ ساخ دكه‌ینه‌ڤه‌ و مه‌ ل به‌ره‌ بۆ 100 سالیا وێ چالاكیه‌كا گه‌له‌ك جودا و مه‌زن بكه‌ین و ره‌نگه‌ رووپیڤانه‌كا جه‌ماوه‌رى ل گشت پارێزگه‌هێ بكه‌ین بۆ هندێ ناڤێ ئه‌رمه‌نان ل گشت عیراقێ بلند ببیت و گۆت ژى: نها نێزیكى 2500 ئه‌رمه‌نان ل هه‌رێما كوردستانێ دژین و هه‌موو ل دهۆكێ نه‌، ب تنێ كته‌كا كێم نه‌بیت ل باژێرێن دى دژین.