به‌رده‌ره‌ش. ره‌زوان رۆژبه‌یانى:
ده‌زگه‌هێ خێر خوازیا بارزانى نه‌مر 1000 چه‌نتێین قوتابخانێ ب سه‌ر قوتابیێن كێم ده‌رامه‌ت ێین سنورێ ده‌ڤه‌را به‌رده‌ره‌ش به‌لاڤ دكه‌ت.
غازى ره‌مه‌زان رێڤه‌به‌رێ په‌روه‌ردا قه‌زا به‌رده‌ره‌ش بۆ ئه‌ڤرۆنیۆز گوت: ئه‌ڤرۆ ل رێككه‌فتێ 2/12/2014 ئه‌م رابوین ب به‌لاڤكرنا هه‌زار چه‌نته‌ یێن قوتابخانێ ب سه‌ر قوتابیێن كێم ده‌رامه‌ت ل سنورێ په‌روه‌ردا قه‌زا به‌رده‌ره‌ش، هه‌روه‌سا دیاركر قوتابێن قوتابخانا كوردستان ل ناڤ سه‌نته‌رێ قه‌زا به‌رده‌ره‌ش و قوتابخانه‌ێین گوندێ ئامیان و گوندێ ئامیانۆك و گوندێ قه‌ره‌ناس و گوندێ خرابه‌یاسین لێ سوودمه‌ند بوون عازى ره‌مه‌زان دیارژى كر كو هه‌ر هه‌زار چه‌نته‌ ژلایێ ده‌زگه‌هێ خێرخوازیا بارزانى نه‌مر هات بوو دابین كرن و ئه‌ڤرۆ ژى مه‌ دابه‌شكرن ب سه‌ر قوتابیێن كێم ده‌رامه‌ت.

ئه‌ڤرۆ نيوز، نيوار محه‌مه‌د سه‌ليم:

رێڤه‌به‌ريا كه‌شناسى و بيڤه‌له‌رزێ ل هه‌رێما كوردستانێ رێژا هه‌ڤبه‌ركرى يا باران بارينا ئه‌ڤ ساله‌ ل گه‌ل يا سالا بۆرى ئاشكه‌را كر و دا زانين كو ل دهۆكێ زێده‌ترى 130 ملم ژ سالا بۆرى زێده‌تر باران باريه‌.

رێڤه‌به‌ريا كه‌شناسى و بيڤه‌له‌رزێ ل هه‌رێما كوردستانێ ئه‌ڤرۆ رۆژا سێشه‌مبى راگه‌هاند كو وه‌كو هه‌ڤبه‌ركى ل گه‌ل سالا بۆرى ل هه‌رێما كوردستانێ جوداهيه‌كا مه‌زن د ناڤبه‌را رێژێن باران بارينێ دا هه‌يه‌ ب گۆره‌يى وى خشتێ به‌لاڤكرى.

ل پارێزگه‌ها دهۆكێ ل سالا 2013 هه‌تا ڤى ده‌مى 131ز8 ملم باران باريبوو، به‌لێ ل ئه‌ڤ ساله‌ 269.5 ملم باران باريه‌، ل زاخۆ ژى 152.9 ملم باريبوون و نوكه‌ 269.8 ملم باران باريه‌.

ده‌رباره‌يى هه‌ولێر ژى دايه‌ زانين كو سالا بۆرى هه‌تا ڤى ده‌مى ل هه‌ولێر ب تنێ 19.2 ملم باران باريبوون، به‌لێ ئه‌ڤ ساله‌ گه‌هشته‌ 14.5 ملم بارانێ، ل پيرمام ژى رێژا هه‌ره‌ بلندا ئه‌ڤ ساله‌ يا بارانێ تۆماركريه‌ ل باژێر و باژێركێن كوردستانێ كو ل سالا بۆرى 73.5 ملم باريبوون، به‌لێ ئه‌ڤ ساله‌ 312.7 ملم باران بارينه‌.

ل پارێزگه‌ها سلێمانيێ ژى ئه‌ڤ رێژه‌ هه‌تا راده‌كێ باش يا به‌رچاڤه‌ ب ره‌نگه‌كى ل سالا 2013 ل سلێمانيێ 166.9 ملم باران باريبوون، به‌لێ نوكه‌ 228.4 ملم باران باريه‌ و ل چه‌مچه‌مال ژى ژ 103 مليمان بۆ 153.2 ملم بلند بوويه‌.