ئه‌ڤرۆ نيوز:
رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 24\11\2014 بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه:
| 1 دولارێ ئه‌مريكى | 1205 |
| 1 يۆرۆيێ ئه‌ورۆپى | 1500 |
| 1 ليرێ توركى | 535 |
نووترين نووچه
- سەرۆك بارزانی ل سالڤەگەڕا 34 یا سەرهلدانا پیرۆز: سەرهلدان پەیامەكا رۆهن بوو كو گەلێ كوردستانێ ئازادی و سەربەستی دڤێت
- نێچیرڤان بارزانی: فیدرالی و دەستكەفتێن دستووری و كاریگەرییا ئەڤرۆ یا كوردستانێ بەرهەمێن سەرهلدانێ نە
- مەسرور بارزانی: سەرهلدان ئێك ژ سەروەریێن مەزن یێن گەلێ كوردستانێ یە كو هەردەم جهێ شانازییا مەیە
- دوپاتیێ ل رێكخستنا ناڤمالا كوردی دكەین
- سەرۆك بارزانی ل گەل شاندەكێ هەڤپشكێ سێ پارتێن باكوورێ كوردستانێ پرۆسەیا ئاشتیێ ل توركیا گەنگەشە كر
- سەرۆك بارزانی و ئەیاد سامەرائی دوپاتی ل پێگیریبوونێ ب بنەمایێن هەڤپشكیێ كر
- پارتی دیموكراتی كوردستان پیرۆزباهیێ ل پارتا داد و گەشەپێدانێ یا توركی دكەت
- لژنەیا پەترۆل و غازێ: هەموو بەرهەڤیێن هنارتنا پەترۆلا هەرێما كوردستانێ یێن تمام بووین
- ب سەركەڤتنا پرۆسەیا ئاشتیێ ل توركیا دێ ب سەدان گوندێن مە دوبارە هێنە ڤەژاندن
- قاسم شەشۆ: ئەو كەسێن چووینە بەغدا داخوازێن كەسۆكی هەبوون و تنێ نوونەرایەتییا چەند كەسان دكەن
سه‌ره‌كى نووترين نووچه
بهايێ زێر و زيڤى ل بازارێن دهۆكێ
دێ ھەڤرکیێ کەت
ئەڤرۆ:
سترانبێژا بەرنیاسا لوبنانی مەی حەریری راگەھاند کو نوکە یا بەرھەڤیێن خوە دکەت دابەرنامەکێ تەلەفزیۆنی یێ مەزن پێشکێش کەت و گۆت: ب ئەڤی بەرنامەی دێ ھەڤرکیا کیم کارداشیانێ کەم.
ناڤھاتی دبێژیت: بەرنامێ من ژ 18 خەلەکان پێک دھێت و من ل بەرە ھندەک سترێن ناڤدارێن جیھانی د بەرنامەی دا مێھڤان کەم و دێ برگە و پەنەلێن باش ھێنە پێشکێًشکرن.
ھەروەسا گۆت: دبیت ھندەک کەس بێژن ئەڤ بەرنامە وەکو یێ ستێرا جیھانی (کیم کاردشیانێ) یە، لێ وەسا نابیت بەلکو دێ گەلەک ژوی یێ دوور بیت.
سەرەدەریا زەلامان ل گەل خودان چمکێن بلند
ئه‌ڤرۆ:
زێدەباری سەرنجراکێشیا چمکێ بلند ل رێڤەچوون و جەستەیێ ژنێ زێدە دکەت، ڤەکۆلینەکا نوو ئاشکرا کر کو زەلام رەفتارەکا نەرمتر ل گەل وێ ژنێ دکەن یا پێلاڤا چمک بلند دکەتە پێ خوە و پتر ھاریکاریا وێ دکەن.
ڤەکۆلەران ھندەک تاقیکرن ل سەر کۆمەکا ژنان ئەنجامدان ئەوێن پێلاڤا چمک بلند دکەنە پێ خوە، کۆما ئێکێ پێلاڤێن بێ چمک “فلات” کرنە پێ خوە، و کۆما دویێ پێلاڤێن چمکێ وان ب بلنداھیا ٥سم و کۆما دوماھیێ پێلاڤێن 10 سم بلند کرنە پێ خوە، ھەر ئێک ژ وان رەفتارەکا جودا ل گەل ھاتە کرن ل سەر بنیاتێ پێلاڤا وان.
د تاقیکرنێ دا وان ژنان ل سەر جادێ داخوازا ھاریکاریێ ژ زەلامان کر، وەسا دیار بوو کو زەلامان زووتر بەرسڤا وان ژنان دا ئەوێن جمکێ پێلاڤا وێ بلندتر و ئەڤە وێ چەندێ دگەھینیت کو پێلاڤا چمک بلند دشێت سەرنجا زەلامان راکێشیت و پتر دھاریکار بن.
ناتۆ داخوازا ده‌وله‌تبوونا باشوورێ كوردستانێ دكه‌ت
ئه‌ڤرۆ نيوز:
د كۆمبوونا په‌يمانا باكوورێ ئه‌تله‌سى يا ناسيا ب “ناتۆ” چه‌ند پێشنيازه‌ك بۆ كوردستانێ هاتنه كرن و ب فه‌رمى ژى داخواز كر پارتا كرێكارێن كوردستانێ “PKK” ژ ليستا تيرۆرێ بهێته ده‌ر و سه‌به‌خۆى ژى بۆ باشوورێ كوردستانێ بهێته راگه‌هاندن.
ئه‌ڤرۆ ناتۆ كۆمبوونا 60ێ بۆ په‌رله‌مانتارێن رێكخراوێ ل باژێرێ ده‌نهاگ يێ هۆله‌ندى گێرا، مه ده‌سته‌يا په‌رله‌مانتارێن ناتۆ پێكهاتبوون ژ په‌رله‌مانتارێن وه‌لاتێن ئه‌ندام د رێكخراوا په‌يمانا باكوورێ ئه‌تله‌سى يا ناسيار ب “ناتۆ” ل په‌رله‌مانێ ئه‌ورۆپا.
د كۆمبوونێ دا، په‌رله‌مانتاران چه‌ند به‌حس كرن ژ وان ژى كێشێن ئۆكراين و شه‌رێ دژى داعش و د ناڤ وان ژى دا به‌حس ل رۆلێ كوردان كر د روو ب رووى بوونا گرۆپێ تيرۆرستى يێ داعش ل عيراق و سوريا.
پيته‌ر پيلز ئه‌ندامێ په‌رله‌مانێ ئوستراليا كو د هه‌مان ده‌م دا ئه‌ندامێ په‌رله‌مانێ ناتۆ ژى يه چه‌ند پێشنيازه‌ك پێشكێشى رێكخراوا ناتۆ و ئێكه‌تيا ئه‌ورۆپا كرن و گۆت: “پێدڤيه هه‌رێمێن كوردى ل توركيا و ئيران و سوريا ئۆتۆنۆمى پێ بهێته دان و هه‌رێما كوردستانێ ژى مافێ ده‌وله‌تا سه‌ربه‌خۆ يێ هه‌يى و پێدڤيه رێگرى لێ نه‌هێته كرن”.
د دووماهيا ئاخفتنێن خوه دا ئه‌ڤى په‌رله‌مانتارى گۆت: “به‌رى نوكه رێكخراوان رزگاريا فه‌له‌ستينى خستبوو ناڤ ليستا تيرۆرێ، پاشان ئه‌و رێكخراو ژ ناڤ ليستا تيرۆرێ هاته ده‌رخستن، پێدڤيه نوكه په‌كه‌كه ژى هه‌مان شانسێ وێ رێكخراوێ پێ بهێته دان و ژ ليستا تيرۆرا نێڤده‌وله‌تى بكه‌نه ده‌ر”.
ئاماژه ب وێ چه‌ندێ ژى كر كو نوكه مه‌زنترين شه‌رێ دژى داعش ل سه‌ر ئاستێ جيهانێ ژ لايێ كوردستان ڤه يێ دهێته كرن، “ژ به‌ر هندێ پێدڤيه رۆلێ كوردان ب گرنگى ڤه وه‌رگرن و هه‌ڤكاريا وان بكه‌ن”.
داخواز ژى ژ ناتۆ و ئێكه‌تيا ئه‌ورۆپا كر، ب زووترين ده‌م بكه‌ڤنه ناڤگريا خوه د ناڤبه‌را توركيا و په‌كه‌كێ دا و گۆت: “هه‌كه توركيا گرنگيێ ب ڤێ چه‌ندێ نه‌ده‌ت، پێدڤيه ناتۆ فشارێ بێخيته سه‌ر”.
ده‌سته‌يا په‌رله‌مانتارێن ناتۆ ل سالا 1955 ژ لايێ 158 په‌رله‌مانتارێن ئێكه‌تيا ئه‌ورۆپا و په‌رله‌مانتارێن وه‌لاتێن ئه‌ندامێن ناتۆ هاتيه پێكئينان و ل سالا 1966 وه‌كو ده‌سته‌يا باكوورێ ئه‌تله‌نيك هاتيه نياسين و پاش ل سالا 1999 هاته به‌رفره‌هكرن و هژماره‌كا زێده‌تر يا په‌رله‌مانتارێن وه‌لاتێن ئه‌ندامێن ناتۆ يێن په‌رله‌مانێ ئه‌ورۆپا پشكدارى د كۆمبوونا دا كريه.
ژێده‌ر: تۆڕا ده‌نگوباسێن سلێمانيێ
پێشمه‌رگه‌يى هێرشه‌كا داعش تێكشكاند و ئه‌ميره‌كێ وێ كوشت
ئه‌ڤرۆ نيوز، نيوار محه‌مه‌د سه‌ليم:
ئه‌ڤرۆ ده‌مژمێر 5:00 سپێدێ 24\11\2014 هژماره‌كا چه‌كدارێن داعش هێرش كره سه‌ر به‌ره‌يێن پێشمه‌رگه‌يى ل چيايێ باشيكێ و ژ لايێ پێشمه‌رگه‌يى ڤه هێرشا وان هاته تێكشكاندن و زيانێن مه‌زن گه‌هشتنه داعش.
عسمه‌ت ره‌جه‌ب به‌رپرسێ لقا 20 يا پارتى ديموكراتى كوردستان ل شێخان راگه‌هاند كو هێزێن پێشمه‌رگه‌يى ب دژوارى به‌سڤا هێرشێن چه‌كدارێن داعش ل چيايێ باشيك دايه و 18 چه‌كدار كوشتينه و دو هه‌مه‌ر ژى سوتينه و گۆت: “ب گۆره‌ى زانياريێن مه ئێك ژ وان كه‌سێن هاتينه كوشتن ژى ئه‌ميره‌كێ داعش بوويه زێده‌بارى هنده‌ك كه‌سان كو خودان ناسنامێن بيانى بووينه”.
عسمه‌ت ره‌جه‌ب يێ كو ل د هه‌مان ده‌م دا وه‌كو خۆبه‌خش ژى ل وى سنورى كار دكه‌ت راگه‌هاند ژى كو چه‌كدارێن داعش تووشى شكه‌ستنه‌كا مه‌زن هاتينه گۆت: “پێشمه‌رگه‌ى ب وه‌ره‌يه‌كا بلند ڤه به‌رسڤا داعش دا و چو زيان ژ لايێ پێشمه‌رگه‌ى ڤه نه‌بوون”.
به‌رپرسێ لقا شێخان يا پارتى ئاماژه ب وێ چه‌ندێ ژى كر كو باشيك و ئه‌و هه‌موو ده‌ڤه‌رێن كوردستانى يێن دكه‌ڤنه ده‌رڤه‌يى ئيدارا هه‌رێما كوردستانێ ل وى سنورى دێ ژ لايێ وان ڤه هێنه رزگار كرن و گۆت: “نوكه دو تشتێن گه‌له‌ك گرنگ ل ده‌ف مه هه‌نه، وه‌ره‌يه‌كا بلند و چه‌كێ گران و د ئاماده‌باشيێ داينه بۆ هێرشكرنێ و چاڤه‌رێ فه‌رمانێ ينه بۆ رزگاركرنا وان ده‌ڤه‌ران”.
گەمیەکا پەنابەران ل قوبرس وەرگەڕیا و شەش زارۆیێن کورد خەندقین
ئەڤرۆ، نیوار محەمەد سەلیم:
ئەندامەکێ کۆمەلا جوانێن رەسەن ل ئەلمانیا تایبەت بۆ رۆژناما ئەڤرۆ دیار کر کو گەمیەکا پەنابەرێن نەقانوونی وەرگەڕیا و د ئەنجام دا شەش زارۆیێن کورد گیانێ خوە ژ دەست دا.
سەعید شنگالی خویا ژی کر کو ڤێ گەمیێ ل شەڤا 20\11 ل بەر بوو ژ تورکیا بەر ب وەلاتێ ئیتالیا بچیت و وەرگەڕیا و پشتی دو رۆژان مایە د ناڤ ئاڤێ دا، شەش زارۆیێن کورد گیانێ خوە ژ دەست دا.
شنگالی ئاشکرا ژی کر کو نێزیکی 400 کەسان د گەمیێ دا بوون و دۆرێن 200 کورد بوون و پتریا وان خەلکێ شنگال بوون و ھندەک ژی یێن رۆژئاڤایێ کوردستانێ بوون، ئەڤ گەمیە د بەندەرێ (گیرنە) یێ قوبرسا تورکی دا بوو و پشتی تورکیا ئامادە نەبووی ژ دەریایی دەربێخیت ھێزێن یونان نەفەرێن وێ ژ ئاڤێ دەرخستن.
ئيبراهيم جه‌عفه‌رى: چو هێزێن بيانى ل عيراقێ شه‌رێ داعش ناكه‌ن
ئه‌ڤرۆ نيوز:
ئيبراهيم جه‌عفه‌رى، وه‌زيرێ ده‌رڤه يێ عيراقێ راگه‌هاند كو دروستبوونا رێكخراوا داعش بۆ روودانێن 11ى ئيلۆنێ يا ئه‌مريكا د ڤه‌گه‌ريت و نوكه ژى عيراق يا بوويه قوربانيا كريارێن وێ.
د ده‌مێ پێشكێشكرنا گۆتاره‌كێ دا ل كۆنگرێ نێڤده‌وله‌تى د ده‌رباره‌يى مه‌ترسيا گرۆپێن ته‌كفيرى ل ئيرانێ، جه‌عفه‌رى راگه‌هاند كو عيراقێ د شه‌ره‌كێ دروست دايه ل گه‌ل داعش، به‌لێ عيراقى يێن روو ب روويێ داعش بووين و گۆت: “ژبلى عيراقيان چو كه‌س ل عيراقێ شه‌رێ داعش ناكه‌ن”.
دوهى ل باژێرێ قومم يێ وه‌لاتێ ئيرانێ و ب پشكداريا زێده‌تر ژ هزار زانا و بيرمه‌ندێن ئيسلامى ژ 83 وه‌لاتێن جودا، كارێن كۆنگرێ نێڤده‌وله‌تى ل دۆر ره‌وتێن توندڕه‌و و ته‌كفيرى ده‌ست ب كارێن خوه كر.
شێخێ ئه‌زهه‌ر دێ سه‌ره‌دانا هه‌رێمێ كه‌ت
ئه‌ڤرۆ نيوز:
قونسلێ نوو يێ مسرێ گه‌هشته هه‌رێما كوردستانێ و ديدارا ئێكێ ل ئاڤاهيێ پارێزگه‌ها هه‌ولێر ل گه‌ل پارێزگارى ئه‌نجام دا.
د وێ سه‌ره‌دانێ دا، قونسلێ نوو يێ مسرێ ئيدانا ته‌قينا رۆژا چارشه‌مبى يا به‌ر ده‌رگه‌هێ ئاڤاهيێ پارێزگه‌ها هه‌ولێر كر و ب زاڤه‌كا ترسينوكانه وه‌سفكر.
باسم سابر قونسلێ نوو يێ مسرێ ل گه‌ل نه‌وزاد هادى پارێزگارێ هه‌ولێرێ كۆمبوو و د وێ كۆمبوونێ دا راگه‌هاند كو ب ڤان نێزيكان شێخ ئه‌حمه‌د ته‌يب شێخێ ئه‌زهه‌رێ دێ سه‌ره‌دانا هه‌رێما كوردستانێ كوت و به‌رپرسێن هه‌رێمێ ژى ل چاڤه‌رێ سه‌ره‌دانا وى نه.
قونسلێ مسرێ به‌حس ل قه‌هره‌ه‌مانيا گه‌لێ كورد د رووى ب رووى بوونا داعش ژى كر.
زیندانیێن سیاسیێن عیراقێ موچەی وەردگرن و یێن ھەرێمێ وەرناگرن
ئه‌ڤرۆ:
سەرۆکێ فیدڕاسیۆنا زیندانیێن سیاسی ل ھەرێما کوردستانێ راگەھاند ھاریکاریێن حوکمەتا ھەرێما کوردستانێ بۆ زیندانیێن سیاسی زۆر جودانە ژ یێن بەغدا و زیندانیێن سیاسی ل ھەرێما کوردستانێ ژلایێ دارایی ڤە زۆر ھاتینە پشتگوھخستن و گۆت “کار بۆ مافێن زیندانیێن سیاسیێن ھەرچار پارچێن کوردستانێ دکەن”.
فوئاد زیندانی سەرۆکێ فیدراسیۆنا زیندانیێن سیاسیێن کوردستانێ بۆ رۆژناما ئەڤرۆ دیار کر کو ل ھەرێما کوردستانێ تنێ زیندانیێن سیاسیێن سەردەمێ رژێما بەعس ھەنە و گۆت “ئێک ژ وان خەمساریێن حوکمەتا ھەرێمێ ئەڤەیە کو ھەتا نوکە پارەیێ ھەیڤانە بۆ زیندانیێن سیاسی ھاتیە مەزاختن مینحەیە نەکو مووچەیە و گۆت “ل گۆر قانوونێ ژی مینحە تشتەکێ فەرمی نینە و ھەر دەمێ بھێتە بڕین دێ ھێتە بڕین، ھەروەسا زیندانیێن سیاسیێن ھەرێمێ ناھێنە خانەنشینکرن”.
فوئاد زیندانی ئاشکرا ژی کر کو حوکمەتا بەغدا پشتی پشتڕاستکرنا فایلا زیندانیکرنا ھەر زیندانیەکێ سیاسی ژ بلی مووچەیەکێ ھەیڤانە، مینحەیەکا ٣٠ ملیۆن دیناری بێ بەرامبەر بۆ ھەر زیندانیەکی دھێتە مەزاختن و گۆت “مە چەندین جارا ب رێکێن جودا داخوازا ئەڤان ئیمتیازاتا ژ حوکمەتێ کریە، لێ چ بۆ مە نەھاتیەکرن”.
نيشاندان
WP Facebook Auto Publish Powered By : XYZScripts.com