ئه‌ڤرو نیوز ، نه‌وزاد زاده هلۆرى :
ئومێد محه‌مه‌د سالح ئاخفتنكه‌رێ وه‌زاره‌تا ڤه‌گوهاستن و گه‌یاندنا هه‌رێمێ دیاركر كو گه‌له‌ك نه‌رازیبوون ژ كومپانیا نه‌وروز تیلیكوم هاتینه‌كرن و گۆت : ( زۆر سكالا لسه‌ر لادانا ئوفه‌را 40 هزار دینارى دژى كومپانیا نه‌ورز تیلیكوم گه‌هشتینه‌مه ، و ژ به‌رڤێ وه‌زیرێ ڤه‌گوهاستن و گه‌یاندنێ ب وه‌كاله‌ت دگه‌ل نونه‌رێ كومپانیا نه‌وروز تیلیكوم كومبویه و گه‌هشتیه وى ئه‌نجامى كو ژ ئه‌ڤرۆ وێڤه بهایێن په‌یوه‌ندیێن تورا نه‌ورزو تیلیوك بهێنه گوهرین )
ل گور گورانكاریێن بهایێ نوو گۆت : ( ل ده‌مه‌كێ نێزیك بهایێن په‌یوه‌ندیێ دێ ئه‌ڤه بن په‌یوه‌ندیا تێله‌فوونى و ڤیدیوێ و وه‌رگرتنا چه‌ندین كه‌نالان دێ بێ به‌رامبه‌ر بیت ، و په‌یوه‌ندیا نیڤده‌ولى ب كوالێتا بلند ب بهایه‌كێ ئه‌رزان و هه‌كه سیسته‌مێ ADSL ژ كاركه‌فت كومپانى دێ بێ به‌رامبه‌ر بو درۆست كه‌تن ڤه و دابینكرنا وایه‌ر و مودیم بو ADSl دیسان بێ به‌رامبه‌ره و ئه‌گه‌ر پشكداره‌كى َڤیا خوه ڤه‌بكێشیت كومپانى دێ پارێ وى بو زڤرینت ڤه یان دێ بو قه‌ره‌بوو كه‌ت ب ئه‌نترنێته‌كا دن )
ئه‌ڤرۆ نیۆز:
شیره‌تكارێ گشتى جڤاتا ئاسایشا هه‌رێما كوردستانێ مه‌سرور بارزانى پێشوازى ل شاندێ هه‌ڤپشكێ وه‌زارتا به‌ره‌ڤانى و ده‌رڤه‌یا ئه‌لمانى ب سه‌رۆكاتیا جه‌نه‌رال (ستاهیل) جێگرێ وه‌زیرێ به‌ره‌ڤانیا كاروبارێن سترتیجى و چالاكیان.
د هه‌ڤدیتنێ دا شیره‌تكارێ گشتى یێ جڤاتا ئاسایشا هه‌رێما كوردستانێ سوپاسیا خوه بۆحوكمه‌ت و ملله‌تێ ئه‌لمانى پێشكێشكر بۆ وێ پشته‌ڤانیا هه‌رێما كوردستانێ هاتیه كرن، هیڤى خواست جڤاكى نێڤده‌ولى پتر هاریكاریا بۆ هه‌رێما كوردستانێ و پێشمه‌رگه‌ى بكه‌ت، ل دۆر په‌یوه‌ندیێن ل گه‌ل به‌غدا مه‌سرور بارزامى گۆت: بتنێ به‌غدا ب ئه‌ركێ خوه‌یێ دورست نه‌رابوویه به‌رانبه‌رى پێشمه‌رگه‌ى، به‌لكى هه‌رده‌م ئاسته‌نگ بوویه درێیا گه‌هشتنا هاریكاریێن ده‌رڤه‌ى یێن بۆ پێشمه‌رگه‌ى دهێن، ئه‌ڤه‌ژى پێشێلكرنه‌كا دستورى یا دیه روهن و ئاشكرایه دڤێت ل سه‌ر راوه‌ستین.
ژئالیێ خوه‌ڤه شاندێ ئه‌لمانى پشته‌ڤانیا خوه بۆ پێشمه‌رگى دوپاتكر، هه‌ڤده‌م حێبه‌تى و داخباریا خوه ب خوه‌راگرى و قاره‌مانیا و قوربانیێن پێشمه‌رگه‌ى به‌رانبه‌رى چه‌كدارێن داعشا تیرۆرست ده‌ربڕى، هه‌روه‌سا دانپێدان بۆ ئێكێ كرن پێشمه‌رگه تاكه هێزه سه‌ركه‌فت به‌رانبه‌رى هێزێن چه‌كدارێن داعشێ تۆماركرین، دوپاتكر ئه‌ركێ جڤاكێ نێڤده‌ولى یه پشته‌ڤانیا كوردان بكه‌ن د هه‌موو بیاڤان دا و هاریكاریێن پێشمه‌رگه‌ى یێن پێدڤى بهێنه به‌رفه‌رهكرن.
ئه‌ڤرۆنیوز, ره‌زوان رۆژبه‌یانى:
ده‌رهێنه‌ره‌كا كچ یا ئه‌مریكى دخوازیت ل سالا 2015 فلمه‌ك ل سه‌ر پێشمه‌رگه و زیره‌كیا كچێن كورد د روبروبونا چه‌كدارێن داعش دروست بكه‌ت بۆ كۆمكرنا پێزانینان ل سه‌ر رولێ پێشمه‌رگه ئه‌ڤرۆ سه‌ره‌دانا قایمه‌قامیا قه‌زا به‌رده‌ره‌ش كر حكمت مولود به‌رپرسێ راگه‌هاندنا قایمه‌قامیا قه‌زا به‌رده‌ره‌ش بۆ ئه‌ڤرۆنیوز گوت كو ئه‌ڤرۆ ل رێكه‌فتێ 26/11/2014 ده‌رهێنه‌را كچ یا ئه‌مریكى رروسالیندا داروین سه‌ره‌دانا قایمه‌قامیا قه‌زا به‌ردره‌ش كرگوت ژى ده‌رهێنه‌ر روسالیندا داروین راگه‌هاندیه كو ل ده‌سپێكێن سالا 2015 فلمه‌كێ سینه‌مایى ل سه‌ر كوردستان و پێشمه‌رگه‌و زیره‌كیا كچێن كورد د روبروبونا چه‌كدارێن داعش دروست دكه‌ت حكمت مولود گوت ژى ژلایێ خۆڤه قایمه‌قامێ به‌رده‌ره‌ش گوتیه دى هاریكارى وئاسانكارى بۆ سه‌ر خستانا فلمێ وان كه‌ت چونكى ب رێكا هونه‌رى پتر ئێش و ئازارێن مه گه‌هیته جیهانێ
ئه‌ڤرۆ نیۆز:
وه‌زیرێ به‌رڤانیا عیراقێ خالد ئه‌لعوبه‌یدى و سوپا سالارێ عیراقێ بابه‌كر زێبارى، پیرۆزباهیێن خوه ئاراسته پێشمه‌رگێن هه‌رێما كوردستانێ كرن، ب هه‌لكه‌فتا وێ سه‌ركه‌فتنا مه‌زنا ل سكرێ مووسل ل شه‌رێ شڤێدى ل سه‌ر چه‌كدارێن داعشێ تۆماركرین.
فه‌ریقێ ئێكێ بابه‌كر زێبارى سه‌رۆكێ سوپا سلارێ له‌شكرێ عیراقێ دداخوه‌یانیه‌كێ دا پێرۆزباهیێن وه‌زیرێ به‌ره‌ڤانیا عیراقێ بۆ هێزێن پێشمه‌رگه‌ى گه‌هاندن، هه‌روه‌سا دیاركر، سه‌ركه‌فتنا مه‌زنا پێشمه‌رگه‌ى ل شه‌رێ شڤێدى ل سكرێ مووسل سه‌ركه‌فتنه‌كا ئێكجار مه‌زن بوویه كو زیانه‌كا مه‌زن گه‌هاندیه جه‌رده‌یێن داعشێ و نه‌چار كرینه ب شكه‌ستن ڤه پاشه‌كشیێ بكه‌ن.
هه‌ژى گوتنێ یه كو چه‌كدارێن تیرۆریێن داعشێ د هێرشا شڤێدى دا ل سكرێ مووسل پتر ژ 116 ترمێن خوه بجه هێلان و زیانه‌كا مه‌زنا مادى ژى پێگه‌هشت و شكه‌ستنه‌كا دى ل سه‌ر ده‌ستێن پێشمه‌رگه‌ى تۆماركرن.
ئه‌ڤرۆ نیۆز:
وه‌زیرێ دارایێ عیراقێ هوشیار زێبارى گۆت: وى لبه‌ره بۆدجا سالا 2015 ب 100 ملیار دۆلاران ل سه‌ر بناغێ بهایێ په‌رتۆلێ هه‌كه 70 دۆلارا بۆ هه‌ر به‌رمیله‌كێ بهێنه ته‌رخانكرن به‌رچاڤ بكه‌ت.
هوشیار زێبارى بۆ ئاژانسا رۆیته‌رز راگه‌هاند، بۆدجا سالا 2015 ب كۆژمێ 100 ملیار دۆلاران دێ هێته خه‌ملاندن و ئه‌ڤه كاره‌كێ پێشبینى كریه.
زێده‌بارى وێ گۆت ل گۆڕ پێشبینیا مه هه‌كه بهایێ هه‌ر به‌رمیله‌كا په‌رتۆلێ ب 70 دۆلاران بهێته خه‌ملاندن، هه‌روسا گۆت: دبیت گوهۆڕین تیدا هه‌بیت، چونكى چو گرنتى تێدا نینه.
ئه‌ڤرۆ نیۆز:
هه‌ڤالبه‌ندا نیشتیمانیا عیراقێ ب سه‌رۆكاتیا دكتور ئه‌یاد علاوى جێگرێ سه‌رۆك كۆمارێ عیراقێ خوه‌حالیا خوه هه‌مبه‌رى بڕیارا كونگرێسێ ئه‌مریكى سه‌باره‌ت پڕچه‌ككرنا هه‌رێما كوردستانێ بیێ ڤه‌گه‌یارن و ڤه‌كولینا ل گه‌ل به‌غدا ده‌ربڕى و گۆت ئه‌و بڕیار د به‌رژه‌وه‌ندیا عیراقێ دا ب گشتى چونكى كوردستان ده‌رگه‌هێ عیراقێ یه دژى تیرۆرێ.
دكتور عه‌لا‌و مه‌كى ئه‌ندامێ هه‌ڤالبه‌ندا نیشتیمانى و نوونه‌رێ ئه‌یاد عه‌لاوى ل هه‌رێما كوردستانێ دداخویانیه‌كێ دا بۆ مالپه‌رێ پارتى دیموكراتى كوردستان راگه‌هاند، ئه‌م ل گه‌ل پرۆژه بڕیارا كونگرێسێ ئه‌مریكى نه بۆ پڕچه‌ككرنا هه‌رێما كوردستانێ بیێ لێنێرنه‌ك ل گه‌ل به‌غدا بهێته كرن، ئه‌م ل گه‌ل پشتڤانیكرنا هه‌رێما كوردستانێ ینه بۆ چه‌كى دا كو هه‌مبه‌رى چه‌كدارێن داعشێ راوه‌ستیت، ئه‌ڤ هه‌لویستێ كارگێریا ئه‌مریكى دڤێت به‌رى ده‌مه‌كى هاتبا نه نوكه، ئه‌م خوه‌شحالین بڤێ بڕیارێ ودانا چه‌كێ گران بۆ هه‌رێما كوردستانێ چونكى هه‌رێما كوردستانێ ده‌رگه‌هێ عیراقێ یێ دژى تیرۆرێ یه.
شێخان،بارزان سلێمان مزوورى
به‌رپرسێ لقا 14 مووسل ،عسمه‌ت ره‌جه‌ب، بۆ ئه‌ڤرۆ نیوز دیار كر كۆ چه‌كدارێن تیرورستێن داعش به‌رى دو حه‌فتیانه دو ئافره‌ت بناڤێ ئه‌بتیسام عه‌لى و نیران غازى جه‌رجیس ره‌ڤاند بوون بۆ جهه‌كێ نه‌دیار هاتبوونه ڤه‌گوهاستن.
عسمه‌ت ره‌جه‌ب دیار كر كۆ دوهى مه‌غره‌ب هه‌ردوو ژن ل تاخێ فه‌یسه‌لیێ گوله‌باران كرن ، زێده‌تر گوت كۆ دهێرشا شه‌ڤا بورى ل گوندێ سه‌هلج ئێك ژ سه‌ركرده‌یێن داعش بناڤێ سلێمان ئه‌بۆ داود به‌رپرسێ میحوه‌رێ جه‌زیره یێ چه‌كدارێن تیرورستێن داعش هاته كوشتن دگه‌ل سه‌دان هه‌ڤالێن خوی یێن وى میحوه‌رى ،
ناڤبرى گوت ژى كو چه‌كدارێن تیرورستێن داعش په‌یوه‌ندیێن ته‌له‌فونى ل سه‌ر وه‌لاتیان قه‌ده‌غه كرن كو هه‌ركه‌سێ موبائیل ل ده‌ڤ دهێته دیتن دهێته سزادان ، و هاتن و چونا نوشدارا بۆ ده‌رڤه‌ى باژێرى قه‌ده‌غه‌كر هه‌ر نوشداره‌ك دناڤ باژێرى ده‌ركه‌ڤیت دهێته گولوباران كرن.
ئه‌ڤرۆ نیۆز:
رۆژنامه‌كا به‌ریتانى ئاشكراكر، هێزه‌كا تایبه‌ت یا به‌ریتانى (SAS) بكارێن هێرشێن له‌شكرى یێن جوه‌ركى ل عیراقێ رادبیت.
رۆژناما مێل ئۆن سه‌نده‌ى ژ هنده‌ك ژێده‌ره‌ێن وه‌زاره‌تا به‌رڤانیا به‌ریتانى ڤه‌گوهاستیه، فرۆكێن هلیكوبته‌رێن له‌شكرى هنه‌دك ژ هێزا تایبه‌تا له‌شكرێ به‌ریتانى ره‌وانه سه‌ر ئاخا عیراقێ كرینه، به‌لێ ناڤێ وى جهى ئاشكرا نه‌كرن.
زێده‌بارى وێ چه‌ندێ رۆژناما ناڤبرى گۆت: له‌شكرێ تایبه‌تێ به‌ریتانى بكارێ هێرشێن جوره‌كى دژى چه‌كدارێن تیرۆرستێن داعشێ دناڤ تاریا په‌ردێن شه‌ڤێ دا رادبن و مفاى ژ هێرشێن ژ نشكه‌كێ ڤه وه‌ردگرن.
ل گۆر راپۆرتا رۆژناما به‌ریتانى، پرۆسا له‌شكرێ یا هێزا تایبه‌تا به‌ریتانیا رۆژانه یا به‌رده‌وامه و ئه‌ڤه ده‌مێ 4 حه‌فتیایه ده‌ست بڤان كاران كریه و زیانێن مه‌زن گه‌هاندینه داعشێ، هه‌روه‌سا گۆت به‌هرا پتریا هێرشێن هێزا به‌ریتانى ل سه‌ر به‌رۆكێن سه‌نگه‌رێن شه‌رى و خالێن ده‌سته‌سه‌ركرنا ترۆمبێلێن خه‌لكى یه ژ ئالیێ داعشێ ڤه ل رۆژئاڤایا عیراقێ.
هه‌ژى گۆتنێ یه ئه‌ڤه بۆ جارا ئێكێ یه كو له‌نده‌ن ب شێوه‌كێ فه‌رمى په‌یامه‌كێ ب ڤى ره‌نگى ئاشكرا بكه‌ت، هه‌ر ژ ده‌ستپێكا پێكئینانا هڤپه‌یمانیا نێڤده‌ولى و هێرشێن دژى چه‌كدارێن داعشێ ل عیراقێ.
ئه‌ڤرۆنیۆز:
پشتى كو ته‌لوه‌رد و هنده‌ك ده‌ڤه‌رێن سنۆرێ باژێرێ كه‌ركووكێ هاتینه ژ ئالیێ داعشێ ڤه هاتینه داگیر كرن.
عه‌مید شێركو فاتیح فه‌رماندێ فه‌رمانده‌یا كه‌ركووكێ راگه‌هاند، ئه‌ڤرۆ هێزێن پێشمه‌رگێن كوردستانێ و به‌هه‌ڤكارى ل گه‌ل هێزێن دژه تیرۆر گوندێ ته‌لوه‌رد كو دكه‌فیته باشورێ باژێرێ كه‌ركووكێ ژ ده‌ستێن چه‌كدارێن داعشێ رزگار كر.
فه‌رماندێ فه‌رمانده‌یا كه‌ركووكێ خوه‌یاكر، ب ده‌هان ته‌رمێن چه‌كدارێن داعشێ نها دده‌ستێن پێشمه‌رگێن كوردستانێ دا ماینه و ئه‌و ده‌ڤه ب تمامى ل ژێر كونترۆلا پێشمه‌رگه‌یه.
ژێده‌ره‌كێ ئاگه‌هدار هه‌روه‌سا دیاركر، هه‌ڤه‌دم ل گه‌ل هێرشا هێزێن پێشمه‌رگه‌ى و دژه تیرۆرێ هێزێن ئه‌سمانى یێن هه‌ڤپه‌یمانان ( فره‌نسا و به‌ریتانیا و ئه‌مریكا) زێده‌تر ژ 40 بنگه‌ه و باره‌گایێن داعشێ ل وى سنورى كرینه ئارمانج و زیانه‌كا مه‌زنا گیانى ب چه‌كدارێن داعشێ گه‌هاندن.
نيشاندان