ئەڤرۆنیۆز، سالار دۆسکی:

رێڤەبەری یا چالاکیێن قوتابخانان، سترانەک بۆ ھەژمارەکا زارۆیێن باخچێ بژارە تۆمارکر، ل ستودیۆیا رێڤەبەریا چالاکیێن قوتابخانان و ب سەرپەرشتیا مامۆستایێ مۆزیکژەن (محەمەد زەکی ) کو سەرپەرشتیێ ل سەر ستودیۆیا دەنگی رێڤەبەریا ناڤبری دکەت.

جھێ ئاماژەکرنێ یە کو سترانا ناڤبری ھاتبوو بەرھەفکرن ژلایێ مامۆستایێ باخچێ بژارە ڤە، مامۆستا( فاخر یاسین) ب دەنگێن چەندین زارۆیێن باغچی ھاتیە تۆمارکرن.

ئەڤرۆ، ھلڤین ئاکرەیی:

حەمکۆ ژ زارڤەکەرێن کومێدیێن بەرنیاسە ل سەر ئاستێ کوردستانێ، د دیدارەکێ دا بۆ بەرپەرێ ھونەریێ ئەڤرۆ دیارکر کو نوکە مژوولی خەما ھەنگی یەکێ یە ل گەل کەنالەکی، ب مەرەما پێشکێشکرنا پرۆگرامەکی  و ئارمانج ژ ڤێ چەندێ ژی خوە نێزیکرنا وی یە بۆ جەماوەری، دیارکر کو ل نێزیک دێ ب ستایلەکێ جوانتر حەمکۆ شۆ پێشکێش کەت، گۆت: دوورکەفتن ژ کەنالێ ماکس جەماوەرێ حەمکۆی کێم نەکر، دەمەکێ نزیک دێ حەمکۆی ل کەنالەکێ دیتر بینن.

حەمکۆی گوت: من لبەرە ئەز کارەکێ جان ل گەل ھەر دو زارڤەکەرێن کومێدی “خەلۆ و جەلو)ی بکەم، پێکڤە خزمەتا ھونەرێ کوردی بکەین، حەز ژھەر دو کان دکەم، من دڤێت خزمەتا حەمکۆی بگەھیتە ھەموو دەڤەرا بادینان، ھەر چەندە ب زاراڤێ کرمانجی نەیێ باشم .

ل دووماھیێ گوت: کەس ھاریکاریا مادی ل بەرنامەی حەمکۆ شۆی ناکەت ئەز ب خوە مەزاختنێ ل خوە دکەم،  ب وی پارێ پلێتان، پرۆگرامێ خوە برێڤە دبەم ل ھڤیا سپونسەرەکی مە.