ئه‌ڤرۆ نیوز، هه‌ژار مه‌عروف:
تیما باسكت بۆلا یانا دهۆك به‌رده‌وامى دا ئه‌نجامێن خوه یێن سه‌ركه‌فتى د خولا پلا نایاب یا عیراقێ دا ده‌مێ ئه‌ڤرۆ شیا سه‌ركه‌فتنا خوه یا چارێ ل دووڤ ئێك ل ڤى وه‌رزى توماربكه‌ت ده‌مێ ب سه‌ركه‌فتى ل سه‌ر یانا حله ب 85 خالان به‌رامبه‌ر 82 خالان.
یاریا ئه‌ڤرۆ ئه‌وه ل هۆلا گرتیا یانا دهۆك یا وه‌رزشى دهاتیه‌كرن ب ئاماده‌بوونا جه‌ماوه‌ره‌كێ باش تیما باسكت بۆلا دهۆك نه ل ئاستێ پێدڤى بوو كو هه‌ر ل ده‌ستپێكا ڤێ یاریێ تیما حله كونترول سه‌ر یاریێ كربوو كو گه‌له‌ك جاران تیما حله جوداهى گه‌هندبوو 18 خالان.
ل چارێكا دووماهى راهێنه‌رێ یانا دهۆك شیا شێوازێ یاریێ ب گوهوریت و تایبه‌ت ل 40 چركێن دووماهیێ دا ژ یاریێ یاریكه‌رێن دهۆك شیا یاریێ د به‌رژوه‌ندیا خوه دا ب دووماهى بینن پشتى ڤشارێن مه‌زن ئێخستى نه سه‌ر یاریێ و د ئه‌نجامێ دووماهیێ دا تیما دهۆك ب 85 خالان به‌رامبه‌ر 82 خالان یاریێ دبه‌رژوه‌ندیا خوه دا ب دووماهى بینن.
د یاریه‌كا دى دا ل باژێرێ به‌سرا نوێنه‌را دوێ یا پارێزگه‌هێ تیما باسكت بۆلا زاخۆ توشى خوساره‌تیا دوێ بوو ل ڤى وه‌رزى ده‌مێ ئه‌ڤ جاره خوساره‌ت بووى ل گه‌ل یانا مینا ب 73 خالان به‌رامبه‌ر 63 خالان.
د چركێن دووماهى دا یاریكه‌رێن دهۆكێ شیان سه‌ركه‌فتنێ توماربكه‌ن
نيشاندان