ئه‌ڤرۆ نيوز:

فه‌رماندا ناڤینا سوپایێ ئه‌مریكا ئاشكه‌را كر ل ده‌مێ سێ رۆژێن بۆری فرۆكێن شه‌ری یێن ئه‌مریكا و هه‌ڤپه‌یمانان ل عیراقێ و سوریا 35 گورز ل چه‌كدارێن توندكار وه‌شاندینه‌.

ل گوری راگه‌هاندنا فه‌رماندها ناڤینا هێزێن ئه‌مریكا كو ئاژانسا رویته‌رز به‌لاڤكریه‌ ل وان سێ رۆژان 19 جاران ل سوریا و 16 جار ل عیراقێ جهێن داعش كرینه‌ ئارمانج.

د ئه‌وێ راگه‌هاندنێ دا هاتیه‌ جهێن گرۆپا تیرۆریا خوراسان ل وان سێ رۆژا ل سوریا كرینه‌ ئارمانج.

هێرشێن ئاسمانیێ یێن ئه‌مریكا ل د ده‌مێ بۆری دا دژواركرینه‌ و رۆله‌كێ كاریگه‌ری بینی نه‌ ژ پاشڤه‌كێشانا چه‌كدارێن داعشێ ل چه‌ند ده‌ڤه‌ره‌كێن عیراقێ.

به‌رهه‌ڤكرن، ناجی به‌ده‌ل:

ئه‌ڤرۆ نيوز:

سه‌رۆك ئه‌ركانێ سۆپايێ ئه‌مريكا، جه‌نرال مارتن دێمپسى گه‌هشته‌ عيراقێ و وه‌كو جه‌نرالى ئاشكه‌را كرى مه‌ره‌م ژ سه‌ره‌دانا وى بۆ وێ چه‌ندێ يه‌ بزانيت چاوان هه‌ڤكاريا وان بۆ عيراقێ برێڤه‌دچيت.

ئه‌ڤ سه‌ره‌دانا جه‌نرال دێمپسى د ده‌مه‌كى دايه‌ كو ئه‌مريكا يا بزاڤان دكه‌ت هه‌ڤكاريا خوه‌ بۆ هێزێن عيراقى و كوردستانێ باشتر لێ بكه‌ت دا كو بشێن باشتره‌ به‌ره‌ڤانيێ بكه‌ن ل دژى چه‌كدارێن داعش.

نوكه‌ 1600 سه‌ربازێن ئه‌مريكى ب مه‌ره‌ما شيره‌تكاريێ ل عيراقێ هه‌نه‌ و سه‌رۆك ئه‌ركانێ سۆپايێ عيراقێ به‌رى حه‌فتيه‌كێ راگه‌هاند بوو كو ئه‌و دخوازن وێ رێژێ بۆ سێ هزار و 100 كه‌سان زێده‌ بكه‌ن.

پشتى گه‌هشتنا خوه‌ بۆ عيراقێ د په‌يڤه‌كا كورت دا مارتن دێمپسى گۆت: “مه دڤێت ببينين كا چاوان هاريكاريێن مه‌ دگه‌هنه‌ عيراقێ”.