ئه‌ڤرۆ نيوز، نيوار محه‌مه‌د سه‌ليم:
ب گۆره‌ى مالپه‌رێ پۆلينكرنا مالپه‌ران ل جيهانێ ل عيراقێ هێشتا مالپه‌رێن سكسى ل به‌رى يێن ده‌نگوباسان دهێن و فه‌يسبۆك ژى هێشتا ل رێزا ئێكێ دهێت.
ب گۆره‌ى مالپه‌رێAlex يێ پۆلينكرنا مالپه‌ران ل جيهانێ ل عيراقێ مالپه‌رێ ناڤدار يێ تۆرا جڤاكيا فه‌يسبۆكى ل رێزا ئێكێ دهێت و پاشان ژى مالپه‌رێ ناڤدار يێ لێگه‌ريانى گۆگل عيراق و پاشان ژى يوتيۆب كه‌نالێ تايبه‌ت ب ڤيديۆيان ڤه و ل رێزا چارێ ژى مالپه‌رێ ياهۆ كو گرنگيێ دده‌ته هه‌موو واران و زێده‌تر ژى چات و نامان و رێزا پێنجێ ژى گۆگۆل يێ جيهانى.
ل سه‌ر ئاستێ عيراقێ ل رێزا پێنجێ مالپه‌ره‌كێ تايبه‌ت ب ڤيديۆيێن سكسى دهێت كو ل به‌رى هه‌موو مالپه‌رێن ده‌نگوباسێن عيراق و كوردستان و جيهانێ يه.
ل رێزا شه‌شێ ژ نوو مالپه‌ره‌كێ كوردى ب ناڤێ خه‌ندان يێ ده‌نگوباسان دهێت و پاشان ژى ئاسك و بلۆگ پۆست و ويكيپيكيديا و پاشان ژى پۆرته‌لا رووداو.
تشتێ سه‌ير ل ڤێره ئه‌وه هه‌تا دگه‌هيته رێزا 35 چو مالپه‌رێن عيراقى تێدا نينن و پێشيا وى چه‌ندين مالپه‌رێن سكسى د رێزن، ئه‌ڤه ژى دو تشتان دگه‌هينيت؛ يان ل عيراقێ چو مالپه‌رێن باش يێن گرێدايى ده‌نگوباسان نينن، يان ژى خه‌لكێ عيراقێ ژ به‌ر مالپه‌رێن جڤاكى و سكسى هاش ده‌نگوباسان نينه.
نيشاندان