بەردەرەش، رەزوان رۆژبەیانی:
شێخ موعتەسەم شێخ سەعید عەبدولعەزیز بەرزنجی شێخێ تەریقەتا قادری و وليانى یێن سۆفی گەری ل کوردستان و جیھانێ ب ئەگەرێ نەخۆشیەکێ ل وەلاتی ترکیا چوو بەر دلۆڤانیا خودێ.
خەلیفەکێ ژ تەریقەتا قادری و نێزیک ژ مالا شێخی بۆ ئەڤرۆ گۆت: “ئەڤە ماوێ سێ سالانە شێخ موعتەسەم شێخ سەعید عەبدولعەزیز بەرزنجی تووشی نەخۆشیا شێرپەنجێ بووی، ئەڤە چەندین جارە سەرەدانا وەلاتێ تورکیا دکەت بۆ چارەسەریێ”.
گۆتژی: “د ڤێ سەرەدانا خوە دا بۆ وەلاتێ تورکیا نەشیا ژ نەخۆشیا خوە رزگار بیت و دوھی رێکەفتێ 18\11\2014 ھەر بە ھەمان نەخۆشی چوو بەر دلۆڤانیا خودێ و بڕیارە ل رێکەفتێ 19\11\2014 ب فرۆکێ تەرمێ وی بھێتە ڤەگوھاستن بۆ کوردستانێ”.
شێخ موعتەسەم ژ شێخێن ناحیا روڤیێ یە و د بنەرەتدا نەڤیێ شێخ ئیسماعیل ولیانیە و شێخ موعتەسەم ل دووڤ کوچباربوونا بابێ خوە شێخ سەعیدی رێبەرایەتیا شێخێ تەریقەتا قادری دکەت ل کوردستان و جیھانێ، خەلکی ناحیا روڤیایە و ل قەزا ئاکرێ یێ ئاکنجی بوو.
نيشاندان