ئه‌ڤرۆنیۆز:
شه‌ڤانێن كوردان ل كوبانێ پێشڤه‌چوونێن به‌رچاڤ د شه‌رێ دژى داعشێ دا ئه‌نجامداینه، وشیان شه‌ش ئاڤاهیێن بلند كونترۆل بكه‌ن زێده‌بارى ده‌سته‌سه‌ركرنا قه‌باره‌كێ باش ژ چه‌ك و ته‌قه‌منیێن چه‌كدارێن داعشا تیرۆرست.
ل گۆڕ ده‌نگۆباسێ چاڤدێریا مافێ مرۆڤى یا سورى كو باره‌گایێ وێ یێ سه‌ره‌كى ل له‌نده‌نێ یه ئاشكراكر، هێزێن یه‌كینه‌یا پاراستنا گه‌ل پرۆسا له‌شكرى یا دژوار ل ده‌وروبه‌ێن باژێرڤانیا ناڤا باژێرێ كوبانێ سیان ده‌ستێ خوه دانه سه‌ر شه‌ش ئاڤاهیێن ده‌ڤه‌رێ كو به‌رى هینگى دده‌ستێن داعشێ دا بوون.
ژێده‌رێ ناڤبرى هه‌روه‌سا گۆت: ب كێماسى 13 چه‌كدارێن داعشێ هاتنه كوشتن، دڤێ پرۆسا له‌شكرى دا قه‌باره‌كێ باشێ و مه‌زنێ چه‌ك و ته‌قه‌مه‌نیان وه‌ك (ئارپێچى) و چه‌كێ سڤك و قه‌ناس و گولله‌یێن ره‌شاشێن قورس ژى كه‌فتنه دده‌ستێن شه‌رڤانێن كوردان دا.
ژێده‌رێ مافێن مرۆڤى ئاماژه‌دا هندێ كو هه‌تا نها 1200 چه‌كدارێن داعشێ ل كوبانێ هاتنه كوشتن، هه‌ڤده‌م دیاركر، هێرشێن ئه‌سمانى یێن هه‌ڤپه‌یمانان یێن به‌رده‌وام ل سه‌ر بنگه‌هێن داعشێ رێگریه‌كا مه‌زن هه‌مبه‌رى پێشڤه‌چوونا داعشێ دكه‌ن كو نه‌شیاینه باژێرێ كوبانێ كونترۆل بكه‌ن.
فرانس پرێس: هه‌تا نها 1200 چه‌كدارێن داعشێ ل كوبانێ هاتنه كوشتن
نيشاندان