ئه‌ڤرۆ نيوز:

پشتى ئه‌نجامدانا ياريێن گه‌را سيێ ژ خولا نايابا كوردستانێ، حنێرا قاره‌مانيێ يانا نه‌ورۆز ل پێشيا رێزبه‌ندا خولا نايابا كوردستانێ دهێت.

پشتى ئه‌ڤرۆ يانا زێره‌ڤانى سه‌ركه‌فتن ل سه‌ر تيما ئارارات ب گۆله‌كێ بێ به‌رامبه‌ر تۆماركرى، شيان سه‌ركێشيا تيما ئارارات ب راوه‌ستينن و ئه‌ڤ چه‌نده‌ ژى بۆ ئه‌گه‌رێ وێ چه‌ندێ تيما نه‌ورۆز مفاى ژ خوساره‌تيا ئارارات وه‌ربگريت و ل سه‌ر ليستا خۆلێ بهێت ب سێ سه‌ركه‌فتنان، ئه‌وا د ياريا ڤێ حه‌فتيێ دا سه‌ركه‌فتن ل سه‌ر تيما برايه‌تى تۆماركرى ب گۆله‌كێ بێ به‌رامبه‌ر.

تيما ئارارات ژى پاشڤه‌هاته‌ رێزا دويێ ب شه‌ش خالان و زێره‌ڤانى ژى مفا ژ سه‌ركه‌فتنا خوه‌ ديت و پێشڤه‌هاته‌ رێزا سيێ ب پێنج خالان.

ل رێزێن چارێ هه‌تا حه‌فتێ هه‌ر ئێك ژ تيمێن پێشمه‌رگه‌ى هه‌ولێر و دهۆك و سلێمانى و زاخۆ دهێن ب چار خالان، به‌لێ دهۆك و سلێمانيێ ب كێمتر ژ ياريه‌كێ ژ ئه‌نجامێ نه‌پشكداريا برۆسك د ياريان دا ژ ئه‌گه‌رێن دارايى.

ئه‌ڤرۆ نيوز، KFA

ئەڤرۆ ئێڤاری  ژ  یاریێن  گەرا سیێ ژ قۆناغا ئێكێ یا خولا نایابا هەرێما كوردستانێ یا تەپاپێ  هاتە كرن،

ل یاریگەها زێروڤانی  یانەیا زێرەڤانی هەلگرنا ناسناڤَ هەردوو وەرزێت بوری  ئێكەم سیێ خال بدەست ڤە ئینان ل دەمی بسەركەڤتی دگەل مێڤانا خۆ یانەیا ئارارات ب گولەكی بێ بەرابمەر.

هەر ژ دەمی دەست پێكرنا یاریێ دگەل فیركا دادڤان سەباح حمە میرزا یاریكەرێن تیما ئارارات دەست ب هێرشێن گۆلكرنێ كرن  پشتی بورینا حەفت خولەكان ژ یاریێ یاریكەرێن یانەیا ئارارات ئێكەم دەلیڤا گۆل كرنێ ژ دەست دان لدەمێ یاریكەر هوشەنگ هادی دەلیڤەكا گۆل كرنی ژ دەست دای  بەلێ پشتی بورینا پاردە خۆلەكان یاریكەرێن یانەیا زێرەڤانی كۆنترولا یاریگەهی كرن بەلی نەشیان چ ژ ئەنجامێ یارێ بگۆهورن و گێمێ ئێكێ بڤی ئەنجامی بدوماهیك هات

دنیڤا دوو دا هەر ژ دەستپێكا یارێكەرێن یانەیا ئارارات بهێز هاتنە دناڤ یاریگەهێدا و شیان پتر گڤاشتنێ بكەنە سەر گۆلا یانەیا زێرەڤانێ و بەروو ڤاشی ئەڤی چەندێ ئاستی یانەیا خۆلانا یاریگەهێ نزم بۆ   بەلی راهێنەرێ یانەیا زێرەڤانی سلێمان رەمەزان بڤی ئەنجامی رازی نە بۆ و چەندین گۆهورین كرن و پشتی ئەڤان گۆهورینا یانەیا زێرەڤانی جارەكادی هاتە دناڤ یاریگەهێ دا وپتر گڤاشتن كرنە لسەر گۆلا یانەیا مێهڤان و ەئەو بۆ لخولەكا 67 یاریكەرێ یانەیا زێرەڤانی بیلال سالح  و ژ دەلیڤەكی گۆلا ئێكی و یا سەركەڤتنێ تو تیما خۆ زێرەڤانی توماركەت  ،

پشتی ئەڤی گۆلێ یاریكەرێن یانەیا ئارارات چەند بزاڤكرن بۆ توماركرنا گۆلا وەكهەڤیێ بەلی هێلا بەرڤانیا یانەیا زێرەڤانی هەموو هێرشێن وان راوەستان دا و بڤی ئەنجامی یاری بدووماهی هات  و یانەیا زێرەڤانی شیا بسەركەڤیت.

ئەڤرۆ نيوز:

یاریێن ماين يێن گەرا سیێ ژ خولا نایابا ھەرێما کوردستانێ یا تەپا پێی بریارە ئه‌ڤرۆ رۆژا ئەینی بھێنەکرن، د گرنگترین یاریێن ئه‌ڤرۆ دا یانا زێرەڤانی دێ مێڤانداریا یانا ئارارات کەت.

ل یاریگەھا خوە یانا زێرەڤانی دێ ھەولێن مەزن مەزێخیت بو قەرەبوکرنا ژ دەست دانا چار خالێن ھەر دو یاریێن بوری پشتی دو وەکھەڤی لسەر ئێک داین دەمێ ئارارات خودنا دو سەرکەفتنا د ھەر دو گەرێن بوری دا مێڤان دکەت و دڤێ یاریێ دا یانا زێرەڤانی دێ یاریێ بو سەرکەفتنێ کەت، ئەگەر بڤێت وەکو قارەمان بھێتە دیارکرن بەرامبەر وێ چەندێ ئارارات خودان ھژمارەکا یاریکەرێن باشە و لسەر وان دا راھێنەرەکێ خودان ئەزموون ھەیە و شیانێن خاندنا یاریێ ھەنە لەورا دێ یاریەکا بھێز ھێتەکرن.

ل دور ڤێ یاریێ ھاریکارێ راھێنەرێ یانا زێرەڤانی غەزوان محەمەد حاجی بۆ رۆژناما ئەڤرۆ گوت: یاریکرن بەرامبەر ئارارات نە یا بساناھی یە و مە کار یێ کری ل سەر خەلەتیێن خوە یێن یاریێن بوری و مە باش خوە بو ڤێ یاریێ بەرھەڤ کریە و مە ھیڤی ھەنە ئەڤ یاریە دێ بیتە دەرگەھێ سەرکەفتنێت مە.