ئەڤرۆ نیۆز، سالار دۆسکی:
عەمار کوفی پشکداربوویێ کورد د پرۆگرامێ ئەرەب ئایدل دا، ب گۆتنا سترانەکا کوردی ب شێوێ مەوال و ل دووڤ دا پەستەک ژ کلتورێ عيراقی، بۆ ھۆکار ئەحلام سترانبێژا ئیماراتی بھێتە کوردستانێ.
ئەحلاما دادوەر د پرگۆرامی دا گۆتە عەمار، پشتی پرۆگرام ب دووماھی دهێت من دڤێت د گەل تە بھێمە کوردستانێ، دا ژ کوردان فێربم چونکو ھۆنەرێ کوردان ب تنێ قوتابخانەک نینە، بەلکو دەریایەکه و نوکە د ناڤ وێ دەریایێ داینە و دێ خوینین.
دیسا خواست ژی عەمار کوفی حەفتیا بھێت، سترانەکا کوردی پێشکێش بکەت.
ئه‌ڤرۆ نيوز:
به‌رپرسه‌كێ پله بلند ل حوكمه‌تا هه‌رێما كوردستانێ ئاشكه‌را كر كو ڤێ حه‌فتيێ دێ مووچێ هه‌يڤا ئيلۆنێ يێ چه‌ند وه‌زاره‌تان هێته به‌لاڤكرن و ده‌سپێكێ ژى دێ مووچێ پێشمه‌رگه‌ى هێته به‌لاڤكرن.
جينه‌ر خه‌فاف، رێڤه‌به‌رێ گشتى يێ كارگێرى و دارايى ل سه‌رۆكاتيا جڤاتا وه‌زيرێن هه‌رێما كوردستانێ ب باسنيۆز راگه‌هاند كو ڤێ حه‌فتيێ دێ مووچێ چه‌ند وه‌زاره‌ته‌كان ژ هه‌يڤا ئيلۆنێ هێته به‌لاڤكرن و گۆت: “ب گۆره‌ى ئه‌و پلانا وه‌زاره‌تا ئابوورى دارێتى دێ ڤێ حه‌فتيێ ده‌ست ب به‌لاڤكرنا مووچێ هه‌يڤا ئيلۆنێ هێته كرن و دێ يێ به‌رده‌وام بيت هه‌تا هه‌موو وه‌زاره‌ت وه‌ردگرن”.
جينه‌ر خه‌فاف ناڤێ وان وه‌زاره‌تان ژى ئاشكه‌را كر يێن دێ ڤێ حه‌فتيێ مووچه‌ى وه‌رگرن و گۆت: “ب گۆره‌ى رێنمايێن وه‌زاره‌تێ پێشمه‌رگه دێ وه‌زاره‌تا ئێكێ بيت مووچه‌ى وه‌رگريت و پاشان ژى وه‌زاره‌تێن دى دێ مووچه‌ى وه‌رگرن يێن هه‌يڤا دى ل ده‌سپێكێ وه‌رگرتين”.
رێڤه‌به‌رێ گشتى و كارگێرى ئه‌و ژى ئاشكه‌را كر كو هه‌كه وه‌زاره‌تا دارايى پاره ل به‌ر ده‌ست بيت، دێ هوسان مووچه‌ى به‌لاڤ كه‌ت و گۆت: “به‌لاڤكرنا مووچه‌ى دێ ل دووڤ پاره‌ى بيت و نه ل دووڤ رێزبه‌نديا وه‌زاره‌تان، ب گۆره‌ى ئه‌و پارێ ل به‌ر ده‌ست دێ هێته به‌لاڤكرن”.
ئه‌و چه‌نده ژى ئاشكه‌را كر كو ب ماوه‌كێ كێم ئه‌ڤ كێشا فه‌رمانبه‌ران دێ ب دووماهى هێت و چاره‌يێن باش يێن بۆ هاتينه ديتين.
ئه‌ڤرۆ نيوز:
د ئاهه‌نگه‌كێ دا، پشتى كرستيانۆ رۆنالدۆى كورێ مودريچ يێ بچووك ديتى، بزاڤ كرن خوه نێزێكى وى بكه‌ت و ياريان پێ بكه‌ت، به‌لێ ئه‌وى خوه ب موبايلا خوه ڤه مژوول كر و گوهێ خۆ نه‌دا رۆنالدۆى و هه‌ر وه‌كو چ چێنه‌بووى، رۆنالدۆى ژى هه‌ست ب كاردانه‌ڤه‌كا شه‌رمينيانه كر و كره كه‌نى و ديمه‌نێن شه‌رمێ ل سه‌ر ديمێ وى ديار بوون.
ئه‌ڤرۆ نيوز:
رێڤه‌به‌ريا گشتيا كه‌شناسيێ و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل هه‌رێما كوردستانێ ژ ئه‌نجامێ كه‌فتنه به‌ر شه‌پۆلێن بلند و نزم يێن باران بارينێ رێژه‌كا زێده يا بارانێ ل هنده‌ك ده‌ڤه‌ران باريه، ب ڤى ره‌نگێ ل خوارێ زێده‌تر رۆهن دبيت:
رێژێن باران بارينێ ل هه‌رێمێ ب ڤى ره‌نگى نه:
دهۆك 4.1 ملم، رێژا گشتى 114.4 ملم.
زاخۆ 8:2 ملم، رێژا گشتى 121.1 ملم.
ئاكرێ 6 ملم، رێژا گشتى 163.2 ملم.
مانگێشك 8.2 ملم، رێژا گشتى 134.2 ملم.
بامه‌رنێ 10.6 ملم، رێژا گشتى 175.6 ملم.
هه‌ولێر 5 ملم، رێژا گشتى 68.7 ملم.
پيرمام 4.5 ملم، رێژا گشتى 176.1 ملم.
سۆران 3.8 ملم، رێژا گشتى 163.8 ملم.
خه‌بات 4.2 ملم، رێژا گشتى 67.6 ملم.
سلێمانيێ 7.6 پله، رێژا گشتى 64.4 پله.
هه‌له‌بچه 8.6 پله، رێژا گشتى 80.6 پله.
كه‌ركووك 5.8 پله، رێژا گشتى 37.8 پله.
ئه‌ڤرۆ نيوز:
وه‌زاره‌تا به‌ره‌ڤانيا ئه‌مريكا، په‌نتاگۆن، راگه‌هاند كو ئه‌و مژوولى دارێتنا پلانه‌كێ نه دا كو دووباره شاره‌زايێن خوه يێن سه‌ربازى بهنێرنه ئه‌نبار ژ بوو مه‌شقكرنا له‌شكرێ عيراقێ و ئاماژێ ب وێ چه‌ندێ دكه‌ن كو ئه‌ڤه كارتێكرنێ ل پلانا ئه‌مريكا بۆ هنارتنا له‌شكرى بۆ عيراقێ ناكه‌ت.
عه‌قيد ئيدوارد تۆماس، ئاخفتنكه‌رێ ب ناڤێ يه‌كا ئه‌ركانێن ئه‌مريكى يا هه‌ڤپشك بۆ CNN گۆت: “دا د راستگۆ بين.. ئه‌ڤه نه گوهۆڕينه د پلانێ دا، يان رۆله‌كێ كوشتنێ، ئه‌ڤه دێ هه‌مان رۆل گێرن يێن شاره‌زايێن دى ل هنده‌ك جهێن دى د گێرن”.
ب گۆره‌ى ڤێ پلانێ ئه‌مريكا دێ هنده‌ك شاره‌زايێن سه‌ربازى هنێريته ئه‌نبار دا كو ب كارێ مه‌شقكرنا له‌شكرێ عيراقێ رابن هه‌ر وه‌كو ل هنده‌ك باژێرێن دى يێن وه‌كو به‌غدا و هه‌ولێر هه‌ين.
په‌نتاگۆن ژڤانێ هنارتنا ڤان شاره‌زايێن سه‌ربازى بۆ ئه‌نبار ديار نه‌كريه، ئه‌وا تێدا نێزيكى 400 كه‌سێن سونى ل ڤێ دووماهيێ لێ هاتينه كوشتن ژ ئه‌گه‌رێ شه‌ر و ب هه‌ڤداچوونێن وان و داعش.
ئه‌ڤرۆ نيوز:
پشتى سالا بۆرى بۆ جارا دويێ رێ و ره‌سمێن هه‌لبژارتنا شاهجوانا برێڤه‌چووين، فێنك محه‌مه‌د وه‌كو شاهجوانا كوردستانێ هاتيه هه‌لبژارتن بۆ سالا 2013، بڕياره ماوێ شاهجوانيا وێ بهێته درێژكرن.
ژ ئه‌گه‌رێ ڤان كاودانێن نه‌خواستى يێن سه‌ر هه‌رێما كوردستانێ دا هاتى، ده‌سته‌يا گه‌شتوگۆزارێ ل هه‌رێما كوردستانێ ب به‌لاڤكريه‌كێ دا راگه‌هاند كو ژ ئه‌گه‌رێ ئه‌و كاودانێن نوكه ب سه‌ر هه‌رێما كوردستانێ دا هاتى، بۆ سالا 2014 ناهێته ئه‌نجام دان.
ب گۆره‌ى قانوونێن وێ به‌ريكانێ، فێنك محه‌مه‌د شاهجوانا 2013 دێ وه‌كو شاهجوانا 2014 مينيت.
ئه‌ڤرۆ نيوز، ناجی به‌ده‌ل:
رێڤه‌به‌رایتا گشتی یا هاتنوچوونا هه‌رێما كوردستانێ بڕیار دایه ئه‌و كه‌سێن سزا ل سه‌ر كو ب كوژمێ پاره‌ی، دشێن ئه‌وى سزایی ل سه‌ر خوه ئه‌دا بكه‌ن ب ره‌نگێ قست.
نه‌قیبێ ماف په‌روه‌ر ئازاد تاها ل رێڤه‌به‌ریا راگه‌هاندنا هاتنوچوونا پارێزگه‌ها دهۆكێ بۆ ئه‌ڤرۆ نیوز گۆت: “بڕياره ژ سوبه‌هى و وێڤه ئه‌و كه‌سێن سزايێن زۆر ل سه‌ر هه‌يى، ب ره‌نگێ قست سزايێ خوه بده‌ن، ژ به‌ر كو گه‌له‌ك كه‌سان د شيان دا نينه هه‌موويێ ل سه‌ر ئێك بده‌ت”.
زێده‌تر گۆت: “ده‌ست نیشانكرنا ئه‌وان قستان و چاوانا به‌لاڤكرنا وان ل سه‌ر قستان دێ ل گوری هه‌ر سزایه‌كی بیت، ئانكو هه‌ر سزایه‌ك دێ بۆ ب قه‌سته‌كی هێته دانان”.
ئەڤرۆ نیۆز، سالار دۆسکی:
فلمەکێ کوردی ل فیستەڤالا ھەشتێ یا فلمان ل (ئەبو زەبی) ل مێرنشینا ئیماراتێ، شیا بیتە خودانێ باشترین خەلات ل سەر ئاشتێ رۆژھەلاتا ناڤین، رێڤەبەریا گشتی یا رەوشەنبیری دھۆکێ سەرەرایی پیرۆزباھیێ ڤێ ب پێنگاڤەکا ھەرە مەزن و ژ ھەژی بۆ سینەما کوردی ل قەلەم د دەت.
حەسەن عارف رێڤەبەرێ راگەھاندنێ رێڤەبەریا گشتی یا رەوشەنبیری ھونەری ل دھۆکێ بۆ ئەڤرۆ نیۆز دیارکر کو دوھی 31\10 ل فیستەڤالا ئەبو زەبی فلمێ (بیرھاتنێن ل سەر بەری) یێ دەرھێنەر (شەوکەت ئەمین کورکی) یێ گرێدایی ب ھەوا ئەنفالان ڤە و تایبەت ل دەڤەرا بەھدینان، دیسا پشکەکا فلمی ل سەر رەوشا سینەماکاران ل کوردستانێ، شیا بیتە خودانێ باشترین خەلات ل سەر ئاشتێ رۆژھەلاتا ناڤین.
پێشتر ئەیۆب رەمەزان، رێڤەبەرێ گشتیێ رەوشەنبیری و ھونەری ل پارێزگەھا دھۆکێ بۆ ئەڤرۆ نیۆز دیارکر و گۆت: فلمێ (بیرھاتنێن سەر بەری) یێ دەرھێنەر (شەوکەت ئەمین کورکی) بەریکانە ل گەلەک فلمێن مەزنێن جیھانێ کریە و ھندەک ژ فلمێن پشکدار و ھەڤرک، خەلاتێن ئوسکار پێشتر برینە، ئەڤە تشتەکێ مەزن بۆ سینەما کوردی
ئەیۆب رەمەزان ب ھەڤالینیا شاندەکێ کوردی فیستەڤالا ناڤبری بەرھەڤ ببوو و گۆت: گەلەک بینەرێن فلمی ژ عەرەبان و ژ کەسێن ناڤدارێن جیھانی دبیاڤێ سینەمایێ دا حێبەتی بوون و دگەل دیتنا فلمی رۆندک ژ چاڤان دھاتنە خوارێ.
ئەیۆبی گۆت: پەیاما سینەمایێ گەلەک مەزنترە ژ پەیاما سیاسەتێ و دەرھێنەر و سینەماکار گەلەک ژ بالیۆزەکی مەزنترە و رۆلێ سیناماکارەکێ باش ژیێ سەرکردەکی مەزنترە و کارتێکرن پێترە و ڤی فلمی رەنگڤەدانەکا مەزن ب خوەڤەگرت.
رێڤەبەرێ گشتی ئاشکراکر ژی بوو کو ھەتا نوکە فلمە ژ(18) فیستەڤالان ھاتیەوەگرتن و پەیامەکا جوان ھەیە، ناڤبری گرنگی ل سەر چێبوونا پەیوەندیان کر دناڤبەر ھەرێمێ و سیناماکارێن جیھانی دا، دیسا خواست رۆژنامەڤانیا کوردی گرنگیێ ب سیناماکاران بدەت.
جھێ ئاماژەکرنێ یە کو فلمێ (بیرھاتنێن ل سەر بەری) یێ دەرھێنەر (شەوکەت ئەمین کورکی) بەرھەمێ رێڤەبەریا ھونەرێ سینەمایێ ل دھۆکێ یە سەر ب رێڤەبەریا گشتی یا رەوشەنبیری و ھونەری ڤە.
ئەڤرۆ نیۆز، سالار دۆسکی:
سترانبێژێ ب ناڤ و دەنگ عەزیز وەیسى مژوولی چێکرنا سترانەکێ یە ل سەر شنگال و کۆبانێ و ژڤانە رۆژێن بھێت ب شێوێ ڤیدیۆ کلیپ ل سەر شاشێن TVکوردی بھێتە بەلاڤەکرن.
عەزیز وەیسی گۆت: “ب ھەلکەفتا خوراگریا خەلکێ کۆبانێ و دیسا ئەو شەرێ ل دەڤەرا شنگال ھاتیەکرن و زولم و ستەما ل خەلکێ دەڤەرێ ھاتیەکرن ژ لایێ تیرۆرستێن داعش ڤە، ئەڤ ھەر دو دەڤەرێن کوردی کەفتینە بن ھێرشێن تیرۆرستان، ب ئەرکێ خوە دزانم ب رێیا کارەکێ خوە یێ ھۆنەری ھەلویستێ خوە دیار بکەم، ئەڤ بەرھەمە پشتەڤانیا بۆ ھەر دو دەڤەران و ھاتیە تۆمارکرن و پشتی کلیپکرنێ دێ رۆژێن بھێت ھێتە بەلاڤەکرن”.
نيشاندان