ئەڤرۆ:
رێڤەبەرێ گشتی یێ ئاڤ و سولینان ل ھەرێما کوردستانێ راگەھاند کو پرۆژێ دانانا پیڤەرێن میکانیکی یێن ئاڤێ بۆ ملیۆن مالان ل سەر ئاستێ ھەرێما کوردستانێ جێبەجێ دکەن، گۆت ژی ھەر مالەکا ڤی پیڤەری نەدانیت دێ ھەر دێ ھەیڤێ ب 100 ھزار دیناران ھێتە غرامەکرن.
سەھەند سیروان رێڤەبەرێ گشتی یێ ئاڤ و سولینان ل ھەرێما کوردستانێ ئەو ژی دیارکر کو د ماوێ 40 رۆژان دا دێ ئەو پیڤەرێن میکانیکی ھێنە دانان کو د تایبەتن ب قەبارێ وێ ئاڤا دھێتە ب کارئینان بۆ ملیۆن مالان ل سەر ئاستێ ھەرێما کوردستانێ، گۆت ژی سێ مۆدێلێن پیڤەران یێن ھەین و ھەر ئێک ب بھایەکێ جودایە و وەلاتی د ئازادن کیژی ب دانن، ل بەرامبەری وێ وەلاتی دێ ھێنە بەخشین ژ پێدانا کریا بکارئینانا ئاڤێ بۆ ماوێ چار ھەیڤان ب مەرجەکی رێژا ب کارئینانێ ژ 160 مترێن سێجا بۆ ھەیڤەکی پتر نەبیت.
رێڤەبەرێ گشتی یێ ئاڤ و سولینان ل ھەرێما کوردستانێ گۆت ژی ھەکە ھەر مالەک وان پیڤەران نەدانیت ل وی دەمی بۆ ھەر ھەیڤەکێ دێ سەد ھزار دیناران وەکو سزا دەت.
ئەڤرۆ نیوز:
رێڤەبەریا گشتیا کەشناسی و بیڤەلەرزێ ل ھەرێما کوردستانآ رەوشا کەشوھەوایێ سوبەھی رێکەفتی 7\11 راگەھاند و ئاشکەرا کر کو پێشبینی دھێتە کرن، ئەسمان ساھی بیت.
رێڤەبەریا گشتیا کەشناسی و بیڤەلەرزێ ل ھەرێما کوردستانآ دا زانین ژی کو پلا بەرز دێ پیچەکێ چیتە سەری، ئانکو بلند بیت و نزمترین پلە ژی دێ وەکو ئەڤرۆ و رۆژێن بەری وێ بیت.
دەربارەی ئاراستەیێ بای و لەزاتیا وێ ژی ئاشکەرا کریە کو دێ بایێ باکوورێ رۆژھەلات بیت و دێ یێ ل سەر خۆ بیت ب رەنگەکی کو ژ پێنج ھەتا 20 کلیۆمەتران د دەمژمێرەکێ دا.
دەربارەی پلێن گەرمێ ژی بەلاڤ کریە کو بلندترین پلە دێ 15 بیت و نزمەترین پلە ژی دێ پێنج بیت.
ئه‌ڤرۆ نيوز:
پشتى دروستبوونا په‌يچه‌كێ ب ناڤێ دلنيا قه‌ره‌داغى
، سترانيێژا شوخا كورد رۆهنكرنه‌ك به‌لاڤ كر و تێدا ئاشكه‌را كر كو ئه‌و په‌يچ يێ وێ ب خوه يه و ژبلى وى په‌يچى چو په‌يچێن دى نينن.
ده‌رباره‌ى كار و به‌رهه‌مێن وێ ژى دياركر كو تشتێ گه‌له‌ك باش ئاماده كريه، به‌لێ هندى شه‌ر هه‌بيت وه‌كو رێزگرتن ل پێشمه‌رگه‌ى وى به‌رهه‌مى خوه به‌لاڤ ناكه‌ت.
ئەڤرۆ نیوز: ھەیفا دۆسکی:
دەمێ روودانەک پەیدا دبیت ھندەک جاران ژ ئەگەرێ کرین و فرۆتنا زێدە ب سیم کارتی، ھەتا 15 کەسان ژی دھێنە دەستەسەرکرن ھەتا بگەھنە تاوانبارێن سەرەکی.
دوکانەکا فرۆتنا سیم کارتان دیار دکەت کو ئەوان گەلەک سیمکارت یێن ھەین بێ وەرگرتنا فورما و ناسنامانە، ئانکو بازرگانی نە، دەمێ خەلک دکرن ئەو نوزانن بۆچی ھاتینە کرین چونکو ئێک د فرۆشیتە ئێکی.
عەلی ئەحمەد خودانێ دوکانا سیم کارتان پتر گۆت: “گەلەک جاران جھێن پەیوەندیدار ب پۆلیسان ڤە ھاتینە و پسیارا ھژمارێن تەلەفونا ژ مە کرینە و ب وان سیم کارتان تاوان پێ ھاتینە کرن و پاشی ھاتیە فرۆتن، لەورا ژی ھندەک جاران کێشە و ئالوزی بۆ مە ژی چێبووینە”.
(م، ن) ئەفسەرەکێ ڤەکۆلینێ یە بۆ ئەڤرۆ نیوز گۆت: “ئەڤە بوویە دیاردە، گەلەک جاران مە 10 ھەتا 15 کەسان دەستەسەرکرینە چونکو پشتی تاوان ھاتیە کرن دووڤچوونا ھژمارا تەلەفونا وی کەسێ تاوان کری ھاتیە کرن ئەو سیم کارت ھاتیە فرۆتن و پاشی ئێکی فرۆتیە یێ دی و ھەتا تاوانبارێ سەرەکی پێ دھێتە گرتن”.
ئەفسەرێ ڤەکۆلینێ ئەو ژی نەڤەشارت کو ئەڤە ل گەلەک بنگەھێن پۆلیسان روودایە و گۆت: “دەمێ ئێکی دگرین ئەو پێزانینا ل سەر یێ دی ژی یێ کری و ھەتا دگەھیتە یێ ئێکی ب ناڤێ خوە کری”.
ئەڤ ئەڤسەرێ ڤەکۆلینێ دبێژیتژی: “ھندەک جاران دەمێ سیم کارت دھێنە کرین پێدڤی یە بێ فورمە نەبیت چونکو دبیت ئەو سیم کارتە یێ کەسەکێ تاوانبار بیت، لەورا پێدڤی یە کرینا سیم کارتی ھندا ب سانەھی نەبیت، ژ بەر کو رۆژا تاوانێ کا سیم کارت ل دەڤ کێ یە ئەو دێ کەڤیتە بەر دادگەھێ ڤێجا باشترە ب ھوشیاری ئەڤ بابەتە بھێتە بەرچاڤکرن”.
ئەڤرۆ:
سەرۆکی لژنا دارایی ل پەرلەمانی کورستانێ گۆت بھایێ پانزینێ ل ھەرێما کوردستانێ دێ ھێتە خوارێ ب رەنگەکی کو ژ 800 دیناران کێمتر لێ بھێت.
د. عزەت سابر سەرۆکی لژنا دارایی ل پەرلەمانی کورستانێ دیارکر کو پشتی جڤاتا وەزیران و جڤاتا بلند یا نەفت و غازێ ل ھەرێمێ بھایێ پانزینێ زێدە کری و کریە 800 دینار نوکە حەز ل سەر پانزینێ وەکو جاران ژ لایێ شوفێران کێم بوویە.
د. عزەت سابر گۆت ژی دەمێ حەز ل سەر ھەر تشتەکی کێم ببیت دێ بھایێ وی ھێتە خوارێ، لەورا ژ بەر کێم بوونا حەزا خەلکی ل سەر پانزینێ و دابەزینا بھایێ نەفتێ ل جیھانێ ب رەنگەکێ گشتی دھێتە چاڤەرێ کرن بھایێ پانزینێ ل ھەرێما کوردستانێ بۆ بن 800 دیناران کێم ببیت.
ئه‌ڤرۆ نيوز، ناجی به‌ده‌ل:
موزه‌حم سه‌عدون رێڤه‌به‌رێ ناحیا زومار بۆ ئه‌ڤرۆ نیوز گۆت: “هێشتا چ دام و ده‌زگه‌هێن فه‌رمی ل ناحیا زومار ده‌ست ب كار نه‌بوویه و كته‌كا كێم یا خه‌لكی ڤه‌گه‌ریاینه، ئه‌وێن ڤه‌گه‌ریان ژی مه‌ترسیا ته‌قینا تێنتیان ل سه‌ره دڤێت هشیار بن”.
زێده‌تر گۆت: “هێشتا خه‌لك ب وی ره‌نگى نه‌ڤه‌گه‌ریایه، ل هه‌رگونده‌كی سه‌نته‌رێ ناحیێ چه‌ند ماله‌ك ڤه‌گه‌ریاینه ژ به‌ر مه‌ترسیا مینان و مه‌ترسی دێ ل سه‌ر ژیانا وان دروست بیت”.
ناڤبری دا زانین هێشتا تیمێن ئه‌ندازیاریا مینان ب ته‌مامی ناحیا زومار پاقژ نه‌كریه و به‌رده‌وامن ل سه‌ر كارێن خوه و گۆت: “ئه‌ڤه چه‌ندین شه‌هید ژی دان ب ئه‌گه‌رێ راكرنا مینان”.
موزه‌حم سه‌عدون ئاماژه ب وێ چه‌ندێ ژى كر كو هێشتا ئیدارا ناحیێ و جڤاتا ناحیێ ده‌ست ب كارێ خوه نه‌كریه وژ ئه‌گه‌رێ كێم و كاسی و نه‌مانا پیدڤێن ده‌وامێ و گۆت: “ل ده‌مه‌كێ نێزیك دێ ده‌ست ب كارین خوه كه‌ین، ئه‌گه‌ر نه ل جهی ناحیێ ژی بیت”.
گۆتژى: “دڤێت سۆپاسیا پارێزگه‌ها دهۆكێ و وه‌لاتیین وێ بكه‌ین بۆ ئه‌وێ هژمارا وه‌لاتیین ناحیا زومار و ده‌ڤه‌رێ ڤه‌حه‌واندین بۆ سڤكرنا بارێ پارێزگه‌هێ ژی دڤێت ب له‌ز كارێ ڤه‌گه‌راندنێ بهێته كرن”.
ئه‌ڤرۆ نیۆز،ناجی به‌ده‌ل:
به‌رهه‌م سالح سه‌ركرده‌یێ دیارێ ئیكه‌تیا نیشتمانیا كوردستانێ ل چارچوڤێ به‌شداریكرنێ ل پانێلا رۆژا دوێ دیدارا مێری بو ئاشتیێ .
به‌رهه‌م سالح راگه‌هاند رۆژهه‌لاتا ناڤه‌راست ریبری گوهورین و هه‌ژاندنه‌كا مه‌زنبویه و كوردستانا مه ژی چه‌قه‌كا گرنگ و سه‌لماندی و ناڤداره ژوێ گوهورینێ،دشیێن بێژین نها سیسته‌مێ ئه‌منێ و سیاسی یێ رۆژهه‌لاتا ناڤین رێ ل گورانكاریێ و ژبه‌رئیك چونێ یه.
به‌رهه‌م ئه‌حمه‌د سالح گوت ژی سیسته‌مێ ئه‌منی و سیاسی یێ پشتی شهرێ جیهانی یێ ئیكێ هاتیه رۆژه‌ڤێ كو گه‌له‌ك جاران بناڤێ رێكه‌فتنا سایكس بیكو دهێته ناڤبرن و ئه‌ڤرۆ بنه‌ماكێن وێ كه‌فتنه بن پرسیار و گورانكاریان و ئاماژه‌یا گوهورینێن بنكاری د رۆژه‌ڤێ دایه و ئه‌م كورد زه‌ره‌رێن ئیكێ یێن ئه‌وێ سیسته‌می بۆن.
د.به‌رهه‌م ئه‌حمه‌د سالح دیاركر ئه‌مریكا و ئه‌وروپا هه‌ڤ رانه ل سه‌ر نه‌مانا داعشێ،به‌لێ لبه‌رچاڤگرتنا ره‌وشا عیراقێ و ئه‌فغانستانێ و ئه‌گه‌رین سیاسی یێن خو هێزا په‌ژایی ناهنێرن، ئه‌گه‌ر ئه‌م شهرێ داعشێ بتنێ ب شهرێ سه‌ربازی بنێرینێ خه‌له‌تیه‌كا كوژه‌كه و ئه‌گه‌ر دوێ باوه‌ریێ دا بین پێشمه‌رگه‌یێ كورد و پێگه‌هێ كوردستانێ بتنێ یێ ئه‌منی بیت وه‌ك پاكستانێ ب بینه بنگه‌هه‌ك بو رۆژئاڤا ل شهرێ تالیبان ئه‌ڤه دێ نه‌هامه‌تیێن مه‌زن ب سه‌ر مله‌تێ مه دا ئینیت بتنێ دێ بینه هێزه‌كا دارده‌ستێ ئه‌جنده‌یێن خه‌لكه‌كێ دی.
سه‌ركرده‌یێ ئیكه‌تیێ داخویاكرن ئه‌ڤ شهرێ توشی مله‌تێ مه بوی و جیهانێ جوگرافیا و سیاسه‌ت روودانان وه‌كر ئه‌م ل رێزا پێشیێ یا شه‌ری بن، چه‌ك گرنگه جوامێر و چاڤ نه‌ترسی و گیانفیدایی یا پێشمه‌رگه‌یێ مه گرنگتره سه‌رمایه‌كێ نه‌ته‌وه‌یێ مه‌یه، لێ مل بملی ئه‌وان پێدڤیه حكومه‌ته‌كا ساخله‌م نمونه‌یا پێكڤه ژیانێ و ئازادیێ نمونه‌یه‌كا جودا ژ وان سیسته‌مێن دیكتاتوریێن كو ل ده‌وروربه‌رێن مه هه‌ین و بكار بینن.
ناڤبری ئه‌و چه‌نده ژی دا زانین سیسته‌مێن دیكتاتوریه‌تێ و چه‌كدارێن تیرۆریستێن داعشی نامینن لی سوبه دێ كورین داعشێ هێنه‌ڤه دڤیت هزر ل وێ چه‌ندێ ژی بكه‌ین.
به‌رهه‌م ئه‌حمه‌د سالح ل داویا گوتنا خودا ل سه‌ر ده‌وله‌تا كوردی دیاركر چ كه‌سه‌ك نینه هیڤیا وی ده‌وله‌تا كوردی نه‌بیت ده‌وله‌تا كوردی هیڤیا مه هه‌مویانه به‌لێ پشتی 22 سالێن حكومرانیێ تا نها دوو هیزا پێشمه‌رگه‌ی هه‌یه ل گه‌ل رێز و حورمه‌تا من بو ئه‌وان پێشمه‌رگه‌یێن نها ل چه‌په‌رین شه‌ری به‌لێ جهێ داخێ یه ده‌وله‌تا كوردی پیدڤی ب هێزه‌كا پێشمه‌رگه‌یێ ئیكگرتی و ئاسایشه‌كا ئیكگرتی و بنه‌مایه‌كێ ئابۆری بهێز هه‌یه .
دھۆک، لەزگین جۆقی:
سەرۆکێ دەستەیا بلندا بنگەھێ لالش یێ رەوشەنبیری و کۆمەلایەتی و ئەندامێ پەرلەمانێ کوردستانێ شیخ شامۆ شێخۆ بۆ ئەڤرۆنيوز دیارکر کو رێڤەبەرا گشتی یا یونسکۆ ئێرینا بوکوفا راگەھاندیە کو پەرستگەھا لالش دێ چیتە د ناڤ لیستا شوونۆارێن جیھانی دا و کار ل سەر دھێتە کرن.
شیخ شامۆ شێخۆ ئەندامێ پەرلەمانێ کوردستانێ ئاشکرا کر کو ل سالا 2000 پرۆژەک پیشکێشی یونسکۆ کربوو تێدا داخواز ژێ کربوو پەرستگەھا لالش بچیتە د لیستا شوونوارێن جیھانی دا لێ ئەنجام دیار نەبوون، ھەتا سەرەدانا وێ یا ڤێ جارێ پشتی مە کۆمبوون ل گەل کری ئەڤ چەندە بۆ مە دیارکر، گۆت ژی ل ھەڤدیتنێ دا مە بارودوخێ ئێزدیان بۆ بەحس کر ب تایبەت ژی پشتی داعش چووینە شنگالێ و ب ھزاران وەلاتیێن سڤیل و بێگونەە کرینە ئارمانجێن، ھەروەسا دۆرین ٨٠ ھزار قوتابیێن ئێزدیان ھاتینە بێ بەھر کرن ژ خواندنێ و ئاوارە بووینە و نوکە ل قوتابخانان دئاکنجی نە و پرۆسا خواندنێ ل دھۆکێ ھاتیە راوەستاندن قوتابیێن پارێزگەھێ ژی ھاتینە بێ بەھر کرن ژ خواندنێ چونکو قوتابخانێن دھۆکێ دپرن ژ ئاواران.
ئەڤرۆ، ھەرھین محەمەد:
ھونەرمەند حەسەن شەریف، و ھەلبەستڤان شەعبان سلێمان مژوولی چێکرنا سترانەکێ نە ل سەر کۆبانێ، کو ژ پەیڤێن شەعبان سلێمان و ل ستودیۆیا ھونەرمەندان m میۆزیک ھاتە تۆمارکرن، ھونەرمەند محەمەد زەکی ب کارێ دابەشکرنێ رابوویە.
شەعبان سلێمان، دیارکر کو گەلەک ژمێژە دڤیا دگەل ھونەرمەند حەسەن شەریف سترانەکێ چێکەت، چونکو ئەز و ھونەرمەند حەسەن شەریف ھەڤالێن دەستپێکا موزیکێ ینە دئێک تیپ دا گۆت: ئەڤە خوشترین رۆژە بەری ئەڤ سترانە بەلاڤ بیت باوەرم ل سەرانسەری کوردستانێ دێ ب ناڤ ودەنگ کەڤیت، ئاشکراکر ژی کو نوکە مژوولی تۆمارکرنا ستران بناڤێ (کوبانێ) ھێشتا گۆت: یەکبوونا کوردان، سەرفەرازی یا کوردان یا تێدایە، ھیڤیەک ھات و خەونەک بۆ مەچێبوو، روژەکێ مەھزنەدکر لەشکەرێ کوردا دپارچێن کوردستانێ دا دێ سنورا بڕن وھاریکاریا ئێک و دو کەن.
شەعبانی گۆت گەلەک ھونەرمەندان و ھەلبەستڤانان داخاز ژمن کریە، کوردێ و عەرەبی ئنگلیزی پێکڤە بێژین، بەلێ من باوەرە ئەڤ کارە دگەل ھونەرمەند حەسەن شەریف دێ کارەکێ ھێژا بیت .
ھونەمەند حەسەن شەریف، لدۆر چێکرنا ڤێ سترانا نەتەوەیی، بۆ بەرپەرێ ھونەری گۆت: چێکرنا ڤێ سترانێ ھزرا ھەلبەسڤان شعبان سلێمان بوو، دەمێ ھەلبەستڤان بشێت ب تەنیکا خوە ھەلبەستاخوە بخوینت سترابێژەک ژی دگەل سترانێ بێژیت ھەستەکا نەتەوەی ل دەڤ خەلکی پەیدادبیت، حەسەنی ئاشکراکر ژی کو داخازەکا دی ژھەلبەستڤان شەعبان سلێمان کر یە کو سترانەکێ ل سەر شەھیدان دروست بکەت، ئەو ژی بەرھەڤکریە.
حەسەنی گۆت: بەرخوەدانا خەلکێ کوبانێ سەرێ مەبلندکریە، دەمێ دبینم پێشمەرگە ل سەر دەولەتەکێ را دچن ھاریکاریا برایێن خوە ل بەشەکێ دی یێ کوردستانێ دکەت، گریا من دھێت، گەلەک پیلان ھاتنە دانان دژی کوردان چ تشتێ جودا نابینم ئەڤە ھەرئەو پلانن جار داعەشن جار ئەنفالن، ئەگەر مللەت بیتە ئێک دبینم دووماھی یەکا باش ھەیە.
نيشاندان