ئه‌ڤرۆ نیۆز:
ئه‌ڤرۆ رۆژا سێشه‌مبى 11/11/ 2014 شیره‌تكارێ جڤاتا ئاژانسا پاراستنا هه‌رێما كوردستانێ مه‌سرور بارزانى پێشوازیا ئه‌مریرێ كومه‌لا ئیسلامى عه‌لى باپیر و شاندێ ل گه‌ل دا كر.
د هه‌ڤدیتنه‌كێ سه‌ره‌راى بخێرهاتنه‌كا گه‌رم ل شاندێ مێڤان، به‌حسێ ره‌وشا هه‌رێما كوردستانێ و عیراقێ و ده‌ڤه‌رێ هاتنه‌ كرن، زێده‌بارى هه‌ماهه‌نگى و ئێك ده‌نگى یا به‌رانبه‌رى گه‌فێن ل سه‌ر كوردستانێ ب تایبه‌تێ هێرشێن تیرۆرى یێن چه‌كدارێن داعشێ بۆ سه‌ر هه‌رێما كوردستانێ دوپاتكرن.
دپشكه‌كا دیا هه‌ڤدیتنێ دا خوراگرى و قاره‌مانیا پێشمه‌رگه‌ى د روو ب رووبونا داعشێ و ڤه‌كێشانا داعشیان و ئازادكرنا چه‌ند ده‌ڤه‌ران ب بلندى هاتنه‌ نرخاندن، ئاماژه‌ بۆ چه‌ندێ ژى دا، چه‌كدراێن داعشێ زیان ب ئاین و پێگڤه‌ژیان و لێبورینێ گه‌هندیه‌، چونكى رێزێ ل چو جوداهیه‌كێ ناگرن و باوه‌رى ب هیچ بهایه‌كێ مرۆڤایه‌تیێ نینه‌.
ل دووماهیا هه‌دڤیتنێ دا داكوكى ل سه‌ر پاراستنا سه‌قامگیرى و ئارامیا هه‌رێما كوردستانێ و ئێك رێزیا د ناڤبه‌را ئالیێن سیاسى دا كرن، كو پێدڤیه‌ر ئه‌وله‌ویه‌تا هه‌موویان بیت كو هه‌رێما كوردستانێ ل سه‌ر ئاستێ جیهانێ پێ بهێته‌ نیاسین.

(فوتو، فرهاد أحمد )

ئه‌ڤرۆ نيوز:

مه‌سعود بارزانى، سه‌رۆكێ هه‌رێما كوردستانێ ل گه‌ل فه‌رماندێن له‌شكرى يێن ميحوه‌رێ گه‌رمه‌سێرى يێ هێزێن پێشمه‌رگه‌ى كۆمبوو.

ئه‌ڤرۆ 11\11 مه‌سعود بارزانى، سه‌رۆكێ هه‌رێما كوردستانێ و فه‌رماندێ هێزێن چه‌كدار ل هه‌رێما كوردستانێ، سه‌ره‌دانا ميحوه‌رێ گه‌رمه‌سێرى كر و ل گه‌ل هێزێن پێشمه‌رگه‌ى يێن وێ ده‌ڤه‌رێ كۆمبوو.

د ڤێ سه‌ره‌دانێ دا يا كو مسته‌فا سه‌يد قادر ژى وه‌زيرێ پێشمه‌رگه‌ى ژى ب هه‌ڤرا چووى، سه‌رۆك بارزانى ته‌كست ل سه‌ر وێ چه‌ندێ كر كو پێدڤيه‌ جه‌له‌ولا و سه‌عيده‌ بهێنه‌ كونترۆلكرن.

ب گۆره‌ى تله‌ڤزيۆنا رووداو، سه‌رۆك بارزانى گۆتيه‌ ژى كو ئه‌و ميحوه‌رێ پێدڤى ب چه‌كێ گران بيت، دڤێت ب زووترين ده‌م بۆ بهێته‌ دابينكرن.

حه‌فتيا بۆرى ژى سه‌رۆك بارزانى سه‌ره‌دانا ميحوه‌رێ مه‌خمۆر كربوو و ئاماژه‌ ب وێ چه‌ندێ كربوو كو داعش رووى ل شكه‌ستنێ يه‌.