ئەڤرۆنیۆز، ڤەگێر:
ھەلگورد حکمەت رێڤەبەرێ گشتیێ پەیوەندیان و ھشیارکرنا روشنبیری ل وەزارەتا پێشمەرگەی بۆ ئەڤرۆ نیۆز دیار کر کو ئەڤرۆ نوونەرەکێ تایبەتێ وەلاتێ مەغدونیا ل گەل وەزیرێ پێشمەرگەیێ حکوومەتا ھەرێما کوردستانێ روونشت و گۆت: “نوونەرێ تایبەتێ مەغدونیا دیار کر کو وان وەلاتێ وان دێ چەک و تەقەمەنیان بۆ پێشمەرگەی رەوانە کەت”.
ھەلگورد حکمەت ئەو یەک ژی دیار کر کو گەلەک وەلاتان بەرھەڤیا خو بۆ فرێکرنا چەکی بۆ پێشمەرگەی دیار کریە و ھەروەسا ھندەک وەلاتان چەک گەھاندیە دەستێ پێشمەرگەی ژی، لێ ھەتا نوکە ھاریکاریێن وەلاتێن بیانی بۆ پێشمەرگەی د ئاستێ پێدڤی دا نینن، ژ بەر کو تێرا پێشمەرگەی ناکەن و پێدڤیە چەکێ گران زێدەتر بۆ پێشمەرگەی بھێتە رەوانەکرن ھەتا پێشمەرگە بشێت بەرەڤانیێ ژ خەلکێ کوردستانێ و عیراقێ بکەت.
ئه‌ڤرۆ نیۆز، ناجی به‌ده‌ل:
جڤاتا نونه‌رین لوبنانێ ویلایه‌تا خولا خو درێژكر تا سالا 2017، چونكو تا نها شكه‌ستن ئینا ژ دیاریكرنا سه‌رۆكه‌كێ نو بو وه‌لاتی.
ل كومبونا ئه‌ڤرۆ یا جڤاتا نونه‌رین لوبنانێ دا ب ده‌نگی 95 په‌رله‌مانتارا ژ ته‌ڤایا 97 په‌رله‌مانتاران به‌رهه‌ڤبویان، بریار دا ژیێ خو بو دو سال و حه‌فت هه‌یڤان درێژبكه‌ت.
ژیێ هه‌ر خوله‌كا وێ چوار سالن لی ژبه‌ر ره‌وشا نهایا ئه‌منی و ره‌وشا وه‌لاتێ لوبنانێ كه‌فتیه تێدا و رێ خوش نینه بو ئه‌نجامدانا هه‌لبژارتنێن په‌رله‌مانی.
ل دوماهیا هه‌یڤا چوی بو جارا چواردێ چڤاتا نونه‌ران نه‌شیا ل دیاریكرنا هه‌لباژارتنا سه‌رۆكه‌كێ نو بو ئه‌وی وه‌لاتی.
ئه‌ڤرۆ نیۆز:
ل گۆڕ ده‌نگوباسێن مالپه‌رێ ئاژنسا ئیستقلال یا عیراقێ، ئه‌ڤرۆ چه‌كدارێن داعشێ 4 رۆژنامه‌ڤانێن خه‌لكێ باژێرێ مووسل ب توومه‌تا سیخوریێ بۆ هێزا شۆره‌شگێرێن مووسل كو ب ناڤێ ئه‌فسه‌رێن ئازاد دهێنه نیاسین و ڤێ داویێ كارێن كوشتن و ره‌ڤاندنێ دژى چه‌كدارێن داعشێ دكه‌ن هاتنه گونه‌هبار كرن.
ئه‌و چار رۆژنامه‌ڤان ل تاخێن سۆمه‌ر و میساق ل ناڤه‌ندا مووسل كو به‌رى نها د كه‌نالێ سه‌ما ئه‌لموسل یێ ئه‌سمانى كار دكرن، ئه‌وژى هه‌ردو برا (ئه‌حمه‌د رافع و ئیسار رافع و ئه‌ندازیا یاسر ئه‌لحه‌جاج ئه‌حمه‌د و وێنه‌گرێ رۆژنامه‌ڤانى یاسر ئه‌لقیسى و كارمه‌نده‌كێ كارگێرى یا كه‌نالێ ناڤبرى ژى هاتنه دسته‌سه‌كرن.
پشتى هینگى چه‌كدارێن داعشێ كوشتنا وان رۆژنامه‌ڤان راگه‌هاند، هه‌ژى گۆتنێ یه، به‌رى چه‌ند رۆژان رۆژنامه‌ڤانه‌كێ دى ب ناڤێ غه‌زروان ئه‌نس سێداره‌دان .
ئه‌ڤرۆ نیۆز، ناجی به‌ده‌ل:
پشت ڤه‌گه‌ریانا سه‌رۆك كۆمارێ عیراقێ بو هه‌رێمێ و ل سه‌ر ئالۆزبونا قه‌یرانا ناڤبه‌را هه‌رێمێ و عیراقێ و ره‌وشا سیاسی و ئه‌منی و مه‌ترسیا تیرۆرێ و چه‌وانیا ریب ری بون و به‌رهه‌نگاربونا داعشی ل گه‌ل سه‌رۆكێ هه‌رێما كوردستانێ كومبوون.
ئه‌ڤرۆ ئێڤاری سه‌رۆكێ هه‌رێمێ ل گه‌ل سه‌رۆك كۆمارێ عیراقێ شرۆڤه كرنا په‌یوه‌ندیێن هه‌ریمێ و به‌غدا و ئاریشه‌یێن د ناڤبه‌را هه‌ردو ئالیان دا كرن و ریێن چاره‌كرنێ هاتنه ده‌سنیشانكرن.
هه‌ر د وێ كومبوونێ دا به‌حس ل ره‌وشا نهایا ریب ری بونا ل گه‌ل تیرۆرێ و سه‌ركه‌فتنا هێزا پێشمه‌رگه‌ی و هێزێن عیراقێ هاته‌كرن.
سه‌رۆك كۆمار ده‌شتخوشی ل هێزێن عیراقێ و هێزا پێشمه‌رگه‌یێ كوردستانێ كر ل ڤی داویێ ل چه‌په‌رێن شه‌رێ دژی تیرۆریستێن داعشێ سه‌ركه‌فتن بده‌ستڤه ئینای و سه‌رخوشی ل كه‌س و كارین ئه‌و شه‌هیدێن ل شه‌ری تیرۆرێ گیانێ خو كریه قوربانی و پاراستنا نافخویا هه‌رێمێ پێدڤیا پاراستنا ئیكرێزیا ناڤبه‌را لایه‌نێن سیاسیه.
ئه‌ڤرۆ نیۆز:
ئه‌نداما جڤاتا نوونه‌رێن عیراقا فیدرال ( نه‌هلا ئه‌لهبابى) ئاشكراكر، 1800 كه‌س ژ هێزا ملیتانێن مللى ل گه‌ل هێزێن له‌شكرى یێن عیراقێ ب كارێ دورپێچكرنا باژێرێ مووسل ژ ئالیێ باكورێ رۆژئاڤایێ عیراقێ رادبن، وه‌كى به‌رهه‌ڤیه‌ك بوو ئازدكرنا باژێرێ مووسل ژ چه‌كدارێن داعشێ.
كه‌نالێ عیراقیه یێ فه‌رمى ل سه‌ر زارێ (نه‌هلا ئه‌لهبابى) راگه‌هاند، 1800 ملیتانێن مللى چاڤه‌رێ پشته‌ڤانیا حوكمه‌تێ یا چه‌كى و ته‌قه‌مانیا و خوارنێ بۆ پشكداریا پرۆسا له‌شكرى دژى چه‌كدارێن داعشێ نه، هه‌ڤده‌م رونكر، هێزا له‌شكرى و ملیتانێن مللى و هۆزێن عه‌ره‌بى دۆرپێچه‌كا دژوار دچى داعشێ ل مووسل ئه‌نجامدایه.
ئه‌ڤرۆ نيوز:
بڕياره رۆژا پێنجشه‌مبى و ئه‌ينى ياريێن گه‌را دويێ ژ خولا نايابا كوردستانێ بۆ ڤى وه‌رزى بهێنه كرن و د گرنگترين يارى دا بڕياره تيما دهۆك ل رۆژا پێنجشه‌مبى رێكه‌فتى 7\11 ل ياريگه‌ها خوه مێڤانداريا زێره‌ڤانى بكه‌ت.
تيما دهۆك دێ هێته د ڤێ ياريێ دا ب وره‌يه‌كا گه‌له‌ك بلند بۆ وێ چه‌ندێ دياركه‌ت ل ڤى وه‌رزى يا به‌رهه‌ڤه ب تايبه‌ت پشتى سه‌ركه‌فتنا خوه يا گرنگ ل ژده‌رڤه‌ى ياريگه‌ها خوه ل كه‌لار ل سه‌ر تيما شێروانه و ب ڤێ چه‌ندێ ژى دێ شێت بيته ئێك ژ تيمێن هه‌ڤرك ل سه‌ر سه‌ركێشا خولا ناياب هه‌ر ل ده‌سپێكا قاره‌مانيێ.
ژ لايێ خوه تيما يا زێره‌ڤانى قه‌ره‌مانا هه‌ردو وه‌رزێن بۆرى دێ بزاڤێ كه‌ت قه‌ره‌بوويا ياريا چوويى بكه‌ت پشتى دو خالێن گرنگ ل ياريگه‌هان خوه ژ ده‌ست داين ب تايبه‌ت هه‌كه بڤێت وه‌كو هه‌ردو سالێن بۆرى هه‌ڤركيێ بكه‌ت. د ده‌مه‌كى دا زێره‌ڤانى تيما ئێكانه‌يه ل ڤى وه‌زرى ژ خولا نايابا كوردستانێ شيايى كه‌مپێ راهێنانێ بۆ ياريكه‌رێن خوه ژ ده‌رڤه‌ى وه‌لاتى رێكبێخيت و ب تنێ پێشمه‌رگا هه‌ولێر ل ڤى وه‌رزى ژ وێ زێده‌تر گرێبه‌ست ل گه‌ل ياريكه‌رێن نوو گرێداينه.
ئه‌ڤرۆ نيوز:
بڕياره ئه‌ڤ شه‌ڤه هژماره‌كا ياريێن دى ژ كۆمێن پێنج هه‌تا هه‌شت يێن قارمانيا شامپيۆن ليگ ژ گه‌را چارێ يا قووناغا كۆمان بهێنه كرن و ب ڤى ره‌نگێ ل خوارێ:
مانشێسته‌ر ستى – سيسكا موسكۆ
سپۆرتينگ له‌شبۆنه – شالكه
بايرن ميۆنخ – رۆما
پاريس سان جيرمان – ئه‌پۆيل
ئه‌جاكسى – به‌رشه‌لۆنا
ماريبۆر – چێلسى
ئه‌تله‌تيكۆ مه‌دريد – پۆرتۆ
شاختار دونستيك – بات
هه‌موو يارى دێ ل ده‌مژێر 10:45 ده‌قه ل دووڤ ده‌مێ دهۆكێ هێنه ئه‌نجام دان.
ئه‌ڤرۆ نیۆز:
شرۆڤه‌كارێ كاروبارێن ئێمناهیا CAI و رێزه‌به‌رێ به‌رێ یێ بنگه‌هێ به‌رهنگاربوونا تیرۆرێ ل ئاژنسا هه‌الگیریا CAI (فلیپ موود ) راگه‌هاند، ستراتیجیا ئه‌مریكى دژى داعشێ یا سه‌ركه‌فتیه، كو بوویه سه‌ده‌ما دووركرنا داعشێ ژ ده‌ڤه‌رێن شیعه و كوردان ل عیراقێ، هه‌روه‌سا دوپاتكر، هه‌رێما كوردستانێ د شه‌رێ دژى داعشێ دا سه‌ركه‌فتن و داعشى نه‌چار كرینه پاشه‌كشیێ بكه‌ن.
فلیپ موود بۆ رۆیته‌رز گۆت: سه‌باره‌ت ستراتیجا ئه‌مریكى هه‌تا نها یا كاریگه‌ره و دڤێت ئه‌م هه‌موو هه‌دارێ به‌رانبه‌ر ب كێشین، به‌رى دو هه‌یڤان مه به‌حسێ پێشڤه‌چوونا ب له‌زا چه‌كدارێن داعشێ و پێشبینیا هێرشا ل سه‌ر به‌غدا دكر، به‌لێ نها هنده‌ك سه‌ركه‌فتن دژى چه‌كدارێن داعشێ ل كوبانێ هه‌نه و پلانێن روهن بۆ پێشڤه‌چوونا هه‌نه، زێده‌بارى وێ دیاركر، وێدى چه‌كدارێن داعشێ هێزا كونترۆلكرنا گه‌له‌ك ده‌ڤه‌ران نه‌مایه، به‌لێ یا پێدڤى ئه‌م به‌حس ژێ بكه‌ین ئه‌وه چه‌وانیا نه‌چاره‌كرنا داعشێ ده‌ڤه‌رێن ل ژێر كونترۆلا خوه چوول بكه‌ن.
فلیپ موود خوه‌یاكر، حه‌فتیێن بورَى سه‌ركه‌فتنا هه‌رێما كوردستانێ دژى داعشێ و نه‌چاره‌كرنا وان بۆ پاشه‌كشیێ بكه‌ن مه دیت، هه‌روه‌سا سه‌ركه‌فتنا كورادن و خوه‌راگریا كوردان ل كوبانێ، ب باوه‌ریا من چه‌كدارێن داعشێ شاشیه‌كامه‌زن كر ده‌مێ شه‌رێ كوردان كرین، له‌ورا چه‌كدارێن داعشێ نها به‌ر ب ده‌ڤه‌رێن سونیان ڤه دچن و هه‌موو بزاڤ و چالاكیان ل پارێزگه‌ها ئه‌نبار ئه‌نجام دده‌ن.
نيشاندان