ئه‌ڤرۆ نیۆز، قائید میرۆ
ژێده‌ره‌كێ به‌رپرس ل میحوه‌رێ زوممار ب ئه‌ڤرۆ نیۆز راگه‌هاند، كو دوهی رۆژا چوار شه‌مبی چه‌كدارێن داعش هێرشه‌كا به‌رفره‌ه كربوو سه‌ر میحوه‌رێ زوممار و شه‌ڕه‌كێ دژوار د ناَڤبه‌را هێزێن پێشمه‌رگه‌یێ كوردستانێ و تیرۆرستێن داعش چێبوو.
ئه‌ڤی ژێده‌ری نه‌خواست ناڤێ وی بهێته‌ به‌لافكرن و گۆت” پشتی چه‌ندین ده‌مژمێرێن شه‌ڕكرنێ پێشمه‌رگه‌ شیان هێرشا داعش بشكێنن و 28 چه‌كدارێن داعش د ئه‌ڤی شه‌ڕیدا هاتنه‌ كوشتن.
عه‌مید هه‌لگۆرد حیكمه‌ت، رێڤه‌به‌رێ گشتیێ راگه‌هاندنا وه‌زاره‌تا پێشمه‌رگه‌ی بۆ ئه‌ڤرۆ نیۆز ل دۆر هێرشێن به‌ر به‌لاڤێن داعش دیاركر، ل دوو رۆژێن بۆری دا چه‌كدارێن داعش ل حه‌فت میحوه‌ران هێرشكریه‌ سه‌ر هێزێن پێشمه‌رگه‌ی و ل شه‌ش میحوه‌ران ب ته‌مامی هاتینه‌ شكاندن و گورزێن كوژه‌ك ب داعش كه‌فتینه‌.

ئه‌ڤرۆ نیۆز، به‌ره‌ڤان ده‌رگه‌لى:
ژبه‌ر نه‌بونا كاره‌بێ و خو گه‌رم كرنێ ئاواره‌یێن كه‌مپا خانكێ نه‌چارن ئاگرا بخو هال بكن، و دبنه‌ ئه‌گه‌رێن ئاگر به‌ربونێ و خیڤه‌تێن وان دسوژن، به‌رى ده‌مه‌كى ژێده‌ره‌كى ژ كه‌مپا خانكێ تایبه‌ت ب سایتێ ئه‌ڤرو نیوز راگه‌هاند، ئاگر به‌ربو خیڤه‌ته‌كێ ل كه‌مپا خانكێ د ئه‌نجامده‌ ژنه‌ك ب دژوارى هاته‌ سوتن، وى ژێده‌رى ئاشكرا كرژى خوش به‌ختانه‌ ل وى ده‌مى زاروكا وێ یا 40 روژى لده‌ف نه‌بو یان ئه‌وژى دا سوژیت، هه‌روه‌سا گوتژى تا نوكه‌ كه‌س نزانت كا ئاگرى ژ چ ده‌ست پێكره‌ و لێكولین لسه‌ر بویه‌رێ به‌رده‌وامن،وى كه‌سى گوتژى ئه‌ڤه‌ ماوێ چه‌ند روژانه‌ ئه‌ڤ ئاواره‌ ژ قوتابخانا هاتینه‌ وێ كه‌مپێ و كاره‌ب نینه‌ له‌وما نه‌چارن ئاگرى بو روناهیێ و خو گه‌رم كرنێ بكاردینن و ئه‌ڤه‌ دووه‌م حاله‌ته‌ لڤێ كه‌مپێ روى دده‌ت.

ئه‌ڤرۆ نيوز، ناجی به‌ده‌ل:

وه‌زاره‌تا ئه‌وقاف و كاروبارێن ئاینی یا هه‌رێما كوردستانێ تا نها ِدیار نه‌كریه‌ كه‌نگی سه‌رێ  سالا كوچی یه‌ راگه‌هاندیه‌ ئێڤارا رۆژا پێنج شه‌مبێ لیژنه‌یا دیتنا هه‌یڤێ كوم دبیت ل سه‌ر ئه‌وێ پرسێ.

مه‌ریوان نه‌قشه‌به‌ندی رێڤه‌به‌رێ راگه‌هاندنی ل وه‌زاره‌تا ئه‌وقاف و كاروبارێن ئاینی یا حوكمه‌تا هه‌رێما كوردستانێ د راگه‌هاندنه‌كێ دا دیاركریه‌ هه‌تا نها دیار نینه‌ كه‌نگی سه‌رێ سالا كوچی یه‌ و ئیڤاریا رۆژا پێنج شه‌مبی لیژنه‌یا دیتنا هه‌يڤێ ب هه‌ماهه‌نگی ل گه‌ل دیوانا سونه‌یا عیراقێ ل گه‌ل وه‌زاره‌تا ئه‌وقافا سعودیێ هه‌یه‌ بو دیاریكرنا سه‌رێ سالا كوچی.

ناڤبری راگه‌هاند:دهێته‌ پێش پێشبينيكرن رۆژا شه‌مبیێ دێ سه‌رێ سالا كوچبیت و پشتی كومبونا رۆژا پێنج شه‌مبێ یا لیژنه‌یا دیتنا هه‌یڤێ گه‌هشتنه‌ هه‌ر بریاره‌كێ ئه‌و دێ هێته‌ راگه‌هاندن، هه‌ر ئه‌وێ رۆژێ ژی دێ بیته‌ بێهنڤه‌دانا فه‌رمی ل هه‌رێما كوردستانێ.

ئه‌ڤرۆ نيوز، چه‌كدار ئه‌ترووشى:

ژێده‌ره‌كى ژ هێزا پێشمه‌رگێ كوردستانێ بۆ ئه‌ڤرۆ نيوز ديار كر كو به‌رى ده‌مه‌كێ كێم هێزێن هه‌ڤپه‌يمانان ل تلكێف 30 هه‌مه‌رێن داعش ب دربێن ئه‌سمانى ژناڤبرن.

ئه‌ڤى ژێده‌رێ مه‌ پاراستن ل سه‌ر ناڤێ وى كرى، گۆت: “ل فلفێلى ل گۆره‌پانا ته‌بادل كو دكه‌ڤيته‌ سه‌ر ب تلكێف كاروانه‌كێ هه‌مه‌رێن داعش كو نێزێكى 30 هه‌مه‌ران بوون، ژ لايێ فرۆكێن هێزێن هه‌ڤپه‌يمان هاتنه‌ ژناڤبرن”.

زێده‌تر گۆت: “ئه‌ڤ دربێن ئه‌سمانى يێن هێزێن هه‌ڤپه‌يمانان د ده‌مه‌كى دابوون كو ئه‌ڤرۆكه‌ ده‌مژمێر 11:00 شه‌ڤ چه‌كدارێن داعش بزاڤ كر هێرشه‌كێ ببه‌ته‌ سه‌ر هێزێن پێشمه‌رگه‌ى ل وێ ده‌ڤه‌رێ”.

ئه‌ڤرۆ نیۆز:
هنده‌ك ژێده‌رێن حوكمه‌تا هه‌رێما كوردستانێ ئاشكراكر، ویلایه‌تێن ئێكگرتیا ئه‌مریكى لبه‌ر فرۆكخانا (حه‌ریرێ) كو دكه‌فیته‌ د ناڤبه‌را هه‌ولێرێ و ناحیا حه‌ریرێ دا، بكه‌ته‌ بنگه‌هه‌كێ له‌شكرى یێ ئه‌سمانى بۆ ئه‌مریكا.
ژێده‌ره‌كێ به‌رپرس كو نه‌ڤیایه‌ ناڤێ خوه‌ ئاشكرا بكه‌ت گۆت: حوكمه‌تا هه‌رێما كوردستانێ ده‌ست ب ڤالاكرنا فرۆكخانا ناڤبرى كریه‌، پشتى ئه‌مریكا ئه‌و بۆ ڤێ مه‌ره‌مێ ئاگه‌هدار كرینه‌، ئاماژه‌دا هندێ ژى، كۆمپانیه‌كا بیانى دێ بكارێ ڤه‌گۆهاستن كه‌له‌و په‌لێن فرۆكخانا ناڤبرى بۆ جهه‌كێ نه‌دیار رابیت.
هه‌روه‌سا به‌رپرسه‌كێ دى دیاركر، شانده‌كێ هه‌ڤپشك كو سه‌ركردێن وه‌زاره‌تا پێشمه‌رگه‌ى و فه‌رماندێن هێزێن ئه‌مریكى سه‌ر فرۆكخانا حه‌ریرێ دایه‌ ل ئه‌یلونا بۆرى و پشتى هینگێ چار جارێن دى ئه‌و سه‌ره‌دان كرینه‌ ڤه‌، ودیاركر ده‌ڤه‌را حه‌ریرێ گرنگیه‌كا مه‌زن یا ستراتیجى هه‌یه‌ چونكى نێزیكى هه‌ر ژار وه‌لاتێن ئیران و توركیا و سوریا و عیراقێ یه‌، ئه‌ڤه‌ دبیت ئه‌مریكا وێ بنگه‌هى بكه‌ته‌ بنگه‌هه‌كێ له‌شكرى یێ ته‌مام.

ئه‌ڤرۆ نیۆز:
سه‌رۆكێ هه‌رێما كوردستانێ مه‌سعود بارزانى رێككه‌فتنا دهوكێ یا دناڤبه‌را ئالیێن كورادێن رۆژئاڤایا كوردستانێ دا، ب كاره‌كێ دیروكى و گرنگ سالۆخه‌ت دا، هه‌ڤده‌م ده‌ستخوشى ل شه‌ره‌ڤانێن كوردێن كوبانێ یێن به‌روكێن شه‌رێ دژى داعشێ كرن و سه‌ركه‌فتنێن كوردان ل هه‌موو به‌رۆكێن شه‌رى دژى هێرشێن داعشا تیرۆرست سه‌ركه‌فتنا هه‌موو ملله‌تێ كورده‌ و هه‌ر چار پارچێن كورستانێ یه‌.
هه‌روه‌سا سه‌رۆكێ هه‌رێما كوردستانێ مه‌سعود بارزانى پێرۆزباهیا ئیمزاكرنا رێككه‌فتنا د ناڤبه‌را هه‌ردو ئالیێن جڤاتا نیشتیمانیا كوردى و ته‌ڤگه‌را جڤاكێ دیموكراتى كر، سه‌رۆك بارزانى ئاماده‌ى ئیمزاكرنا وێ رێككه‌فتنێ بوو و گۆت: رێككه‌فتنا كورادن ل دهوكێ ته‌مامكه‌را رێككه‌فتنا هه‌ولێرێ 1 و هه‌ولێرێ 2 یه‌.
ل دوماهى سه‌رۆك بارزانى بۆ هه‌ردو ئالیان دوپاتكر، هه‌رێما كوردستانێ هه‌ر چو بزاڤ و شیانێن هه‌بن دێ هاریكارى و پشته‌ڤانیا رۆژئاڤایا كوردستانێ كه‌ت، زێده‌بارى وێ ژى دیاركر، ئه‌ڤ رێككه‌فتنه‌ په‌یامه‌كه‌ بۆ دوژمنێن ملله‌تێ كورد و كه‌سێن گره‌وێ ل سه‌ر به‌رخودانا كوردان دكه‌ن.