ئەڤرۆ، سالار دۆسکی:

وەزیرێ پەروەردێ د دیدارەکا تایبەت دا دگەل رۆژناما ئەڤرۆ دیارکر کو ژبلی دامەزراندنا شەش ھزار مامۆستا دێ داخوازێ ژحوکمەتا ھەرێما کوردستانێ کەت، ھەژمارەکا دی ژی بۆ پارێزگەھا دھۆکێ بھێنەدامەزراندن ژبەر کاودانێن تایبەتێن دەڤەرێ، دیارکر ژی کو ھەتا ھەیڤا ئێک ٢٠١٥ ژی دەوام نەھێتەکرن، خواندن ناھێتە پاش ئێخستن.

د.پشتیوان سادق وەزیرێ پەروەردێ دحوکمەتا ھەرێما کوردستانێ دا دیدارەکێ دا دگەل رۆژناما ئەڤرۆ گۆت: من ئاگەە ژێ نەبوویە کو ئاوارە چووینە دناڤ قوتابخانان دا و دگەل ھندێ بوومە جھەکی دی ھەبا، چونکە چوونا ئاواران بۆ ناڤ قوتابخانان کاریگەریا سلبی پترە و ھەر جھەکی دیبا چێتر بوو ژ قوتابخانان، پارێزگەھا دھۆکێ ژدەرڤە ئیدارە و دەست ھەلاتا مەبوو و ھندەک قوتابخانان رێ نەدابوو لێ دەرگەە ھاتینە شکاندن….دیسان دھاتەدیارکرن کو ھەکە ئاوارە نەچووبانە قوتابخانان لێ دا کارەساتەکا مرۆڤایەتی ھێتە دروستکرن، دەسپێکا  ھەیڤا ھەشت مە جڤاتێن دەولی و رێکخراو وپەرلەمان و سەرۆکاتیا ھەرێمێ و حوکمەت ئاگەھدارکرن کو  کو دڤێت١٠/٩ بھێنە ڤالاکرن…. ئەڤە نەکارێ مەیە ئاواران ڤە گوھێزین بتنێ دێ مە گڤاشتن ل سەرھەبن کو بھێنە ڤالاکرن، حوکمەتێ پێشبینی یا ئەڤێ ھەژمارا ئاواران نەدکر و چوو وەلات خوە ل بەرناگرن، دیسا کاودانێن ئابووری نەدباشن، دیسا رێکخراو و کەسێن بدروستکرنا کەمپان رابووین وەک پێدڤی نەھاتینە کەمپان دروست بکەن…

وەزیرێ پەروەردێ ھێشتا ژی گۆت: چەند دەم بھێتە کوشتن دێ زێدەکەین و ھەتا ھەیڤ و نیڤێن دی خواندن دێ ل دھۆکێ ھێـتەزێدەکرن، پولا ١٢ یا دەوام دکەت و کێشە ھاتیە چارەسەرکرن….وەزیرێ پەروەردێ ئەوچەندەژی گۆت: ل دەف مە گیانێ خەلکی گرنکترە ژ قوتابخانان، چونکی خواند دێ ھێتە(تعویزکرن)  لێ گیانی مرۆڤان نە، ھەکە ٢٠/١ ژ کو دەسپێکا کورسێ دوویێ یە بگەھینە خواندنێ دێ ھەر دەسپێکەت و دێ کەینە کورسێ ئێکێ و ھاڤین و بھارێ دێ بەدەل ڤەکەین…..دێ بزاڤا کەم گەلەک سەرەدانا سلێمانیێ و دھۆکێ کەم.

وەزیرێ پەروەردێ ئەوچەندەژی گۆت: رێژا دھۆکێ ژ دامەزراندنێ ژ (٦) ھزاران دێ لدووڤ رێژا خەلکی بیت و دھۆکێ دێ باھەرا خوە ھەبیت، دیسا دێ داخاز کەین ژحوکمەتێ بلی ڤێ ھەژمارێ، ژمارەکا تایبەت ژی ژ دامەزراندنێ بۆ دھۆکێ بھێنە دامەزراندن، بۆ چەندین فەرمانگەھێن دھۆکێ رازیبوون ھاتیە ژی، د.پشتیوان ئاشکراکر ژی کو کێماسی ل سەرانسەری ھەرێما کوردستانێ دبسپوریێن جودا جودا ل قوناغا ئامادەی و لدووڤ ئاماران ھەرێم پێدڤی ب (٩) ھزار مامۆستایێن بنەرەتی و ئامادەی یە… دێ کێشا مە ھێـتە چارەسەکرن.

لدۆر رەوشا ئاڤاھیان ژی، چێکرنا (٢) ھزار ئاڤاھیان کو وەزیرێ پێشترتێ پەروەردێ دیارکربوو، وەزیرێ پەروەردێ گۆت: چو پێنگاڤ نەھاتینە ھاڤێتن بۆ چێکرنا وان پارە نینە وی دەمی دێ ھێنە دروستکرن کو پارە ھەبن، لدۆر ڤەگۆھاستنا مامۆستایان ژی، ناڤبری گۆت: ژکێشێن ھەرە مەزنێن پەروەرەدێ ڤەگوھاستنا مامۆستانە و ژ دەسپێکاھاتنا من و وەگرتنا ڤی پۆستی مە بزاڤ کرینە گەندەلیا دڤەگوھاستنا مامۆستایان دا چارەسەربکەین و کێم بکەین  و گەلەک کێم بوویە، نوکە ١% مایە.

لدۆر رەوشا سیستەمێ دامەزراندنا مامۆستایان کو خەلکێ قەزایەکێ یە و دچیتە قەزایەکا دی دەوامێ و رۆژانە ھاتن وچوونێ دکەت، وەزیرێ پەروەردێ گۆت: د دامەزراندنا شەش ھزاران دا ئەڤ کێشە بەرچاڤ ھاتیە وەرگرتن و ھەر جھەکێ پێدڤی ب مامۆستایان ھەبیت، ئەڤ دامەزراندنە دێ ب رێیا قوتابخانان و پەروەردێ ھێنەدامەزراندن، ھەتا نوکە رەزەمەندیا دارایی و ئەنجوومەنێ وەزیران مایە….چونکە مە دەست ھەلاتا دامەزراندنێ نینە….

وەزیری گۆتژی: ب دو قوناغا دێ باوەرنامێن ھەموو مامۆستایان بلند کەین، ب رێیا کولیژا پەروەردە و بنیات بۆ ب رێیا پەیمانگەھان، کو دەرچووێن ڤێ پەیمانگەھێ  دێ ھەموو سالوختێن باوەرناما بەکالوریوسێ نە و ئەڤە دو  ھەیڤە مژوولی دابینکرنا پێدڤیێن پەیمانگەھا مامۆستایانیە لێ ھەر وەک پێدڤی ناھێنە دابینکرن و نوکە مژوولی دابینکرنا میلاکی نە، کێماسی ھەنە و دیسان دقۆناغا راگەھاندنا ناڤان داینە ئەوێن پێشکێشکرین، داخازی گەلەک ل سەر ھەیە.

لدۆر ھاتنا باران باراینێ و لەھیان ژی، وەزیری گۆت: د دەست ھەلاتا پەروەردێن قەزا دانە و دئازادن و ھەر دەمێ کاودانەکێ نە سرۆشتی پەیدابیت، دشێن وێ رۆژێ دەوام نەبیت و گیانێ قوتابیان ب سلامەت بیت….

د گوھۆرینێن پەروەردێ ژی دا د.پیشتیوان سادق گۆت:  پێدڤی یە سالانە گوھۆرینێن زانستی بھێنەکرن و نەلدووڤ حەز و ڤیانا ھەر وەزیرێ ھات بکەت، بەلکو دڤێت زانستی بن، مە بریار دایە سالانە کونفراس بھێتەگێران و ئەڤ سالە ھەیڤا ئێک دێ ھێتەگێران و حەفت تەوەر دێ بابەتێن سەرەکی بن و دیسا وەزیر نەشێـت چو کونگرە و کونفرانسان بریاران بدەت..

لدۆر سیستەمێ گرۆپان ژی، وەزیرێ پەروەردێ گۆت: ھەکە کاودان سرۆشتی بن و ب دیتنا من ئاستێ پەروەردێ ب ١٠ سالان ل کوردستانێ دێ ژ گەلەک وەلاتان زێدەتر لێ کەین… دیسا مە دڤێت سەرپەرشتێن پەروەردەیی ئەکتیف بکەین و رۆلێن خوە باشتر بگێرن، دیسان چو بریار نوو نینن کو  قوتابخانێن نموونەی بنەرەت بزڤرینەڤە.

لدۆر بۆچی دەرچوویێن قوتابخانێن حوکمەتێ زمانێ ئنگلیزی نوزان وبەرامبەر دەرچوویێن قوتابخانێن ئەھلی دزانن، وەزیرێ پەروەردێ گۆت: ل کوردستانێ قوتابخانێن ئنگلیزی و فەرنسی و ئەلمانی و کوردی ھەنە و دەرچوویێن ئنگلیزی فێری ئنگلیزی دبن و ھەمان سیستەمێ مەیە بتنێ پرتووک دوەرگەریاینە بۆ وی زمانی، قوتابخانێن کوردی فێری کوردی دبن و ھەرە باشترین قوتابیێ ١٢ بینە فێری ئنگلزیێ نەبوویە، دیسا ژبەر داخازیا زێدەتر ل سەر قوتابخانێن ئنگلیزی، دپلان دایە ئەڤا قوتابخانان سالانە زێدەکەین و ھەتا ٢٠ قوتابخانان سالا بھێت بھێنە زێدەکرن…..دیسا دەرچوویێن ھەر سال ل پۆلێن نەھێ و دوازدێ کو دەرچوویێن ئێکێ و ھەتا دەھێ ل سەر ئاستێ ھەرێمێ دەرچوویێ قوتابخانێێن حوکمی نە و کەسە ژ قوتابخانێن ئەھلی دەرنەچوویە…ئەم نەوەزارەتەکا زمانی نە، ئەم یا زانستی نە و گرنگیێ ب کوالتیێ ددەین…

ناڤبری گۆتژی: مەپلان ھەیە بۆ سالێن بھێت تایبەت پۆلێن ئێک و دو و سێ ھەکە پرتووکەک بۆ قوتابی یا گران بیت، وێ پرتووکێ بکەنە چەند پشکەک، ھەتا پشکەکێ دخوینن ھەمان پرتووک پشکا دوویێ وەربگریت و ئەڤە دا سەنگا جانتێ قوتابی کێم کەین و قوتابی بشێت ھەلگریت.

دیسا مەزنترین کێشا وەزاەرتا پەروەردێ ئەوە راھێنانکرنا مامۆستایانە، ئەم ب راھێنانکرنا مامۆستایان دلاوازین و نە پلان ھەیە ڤێ بکەینە بنامیەکێ سەرەکی بۆ پێشڤەبرنا وەزارەتا پەروەردێ.

د.پشتیوان سادق وەزیرێ پەروەردێ دحوکمەتا ھەرێما کوردستانێ دا، ئاشکراکر ژی کو ل سەر ھەموو ئاستێ دونیایێ گرنگی ب پەرتووکێ کێمبوویە و نوکە خەلک پتر گرنگیێ دەتە  فێسبووکێ و ئەنترنێتێ و ئەڤە کێشا ھەموو دونیایێ یە…دیسا دڤێت ئەم دەمژمێرێن وانە گۆتنێ زێدەین دا ئاستێ زانستی قوتابیان بھێتەبلندکرن.

ھەمبەر ھەلگرێن باوەرنامێن بلند کو ماستەر و دکتورا سەر ب وەزارەتا پەروەردێ و حەز ھەنە بچنە سەر میلاکێ زانکۆیێ، وەزیرێ پەروەردێ گۆت: مامۆستایێن ھەلگرێن باوەرنامێن بلند خودان شیان و شارەزایی ھەیە و مە حەز ھەیە ل سەر پەروەردێ بن و مفا ژ شیانێن وا بھێتە وەرگرتن و خزمەتا زارۆیێن کوردستانێ بکەن…سالانە لدووڤ ھندەک رێنما مامۆستا دچن و بەردەوامیێ دەنە خواندنا خوە یا بلند و ب چوونا وان کارتێکرن دبیت.

وەزیرێ پەروەردێ گۆت: ھندەک قوتابخانێن ئەھلی ئەم(استغلال)کرینە و ب دەلیڤەزانی یە کو ب چەندین ناڤان پارا وەرگرن، ب مەبەستا دابینکرنا خوارن و جلکێن قوتابخانێ، نوکە موولەت بۆ ڤەکرنا قوتابخانێن ئەھلی ھاتیە راگرتن و دێ پێداچوون تێدا ھێتەکرن و قانوونەک ھەیە دھێتە رێکخستن تێدا.. مە بەری جەژنێ داخاز ژ پشکا قانوونی کریە کو چەند جھێن پەروەردێ ھەنە و نە د دەستێ مە دانە و دیسا رۆژێن بھێت ژی ب نڤێسار دێ داخواز کەین کو ئاڤاھیێن پەروەردێ بھێنە چولکرن و دێ نڤێسار بۆ دادگەە و دەڤەرداریێن ئەوان جھان و دیسان وەزارەتا نافخوە ھنێرین، کو سالا بھێت بھێنە بجھئینان.

وەزیرێ پەروەردێ ئەوچەندەژی نەڤەشارت و گۆت: ژیێ پەرتووکێ دڤێت ژ٣ سالان کێمتر نەبیت و ل چەندین وەلاتان پەرتووک دھێنەچاپکرن، ژوانا کوردستانێ، تورکیا، ئیرانێ، لوبنانێ و ئیمارات، چاپخانێن کوردستانێ نەشێن ٥% کارێ وەزاەرتا پەروەردێ بکەن …

د.پشتیوان سادق ئەوچەندەژی گۆت: ملیۆنەک  و ٧٠٠ ھزار قوتابی  ھەنە ل کوردستانێ،  ١٨٠ ھزار فەرمانبەر ل وەزارەتا پەروەردێ ھەنە و گەلەک سرۆشتی یە رۆژانە کێشە ھەبن…

وەزیرێ پەروەردێ زێدەتر ژی گۆت: مە پرۆژە ھەنە و دێ داخاز کەین تەلەڤزیۆنێن کوردستانێ کو رۆژانە دەمژمێرەکێ بدەنە پەروەردێ وانە بھێنە گۆتن و بابەتێن پەروەردێ بھێنە شرۆڤەکرن.

ل دۆر مەلزمان ژی، وەزیرێ پەروەردێ گۆت: قەدەغەکرنا مەلەزمان گەلەکا بزحمەتە و دێ کار ل سەر کەین لێ بۆ نەھێلانێ گەلەکا بزحمەتە و ئاگەھدارم مەلزمە ل ئەمریکا ژی ھەنە، مە داخاز کریە وەزارەتا پەروەردێ ل ھەر نەمیت و پشت بەستن نەکەڤیتە سەر.

ھەمبەر مووچێن مامۆستایان ژی، وەزیرێ پەروەردێ گۆت: مە چو پەیوەندی ب دانا مووچێن مامۆستایان ڤە نینە و لێ مە پەیوەندی ھەنە کو زوو بھێنەدانان.