دھۆک، لەزگین جۆقی:

ئەنداما لژنا دارایی و ئابووری ل جڤاتا نوونەرێن عیراقێ بۆ ئەڤرۆ دیار کر کو چاپەکا نوو یا پارێ عیراقی دێ ھێتە چاپکرن و ھێمایێ ژنەکا کورد دێ ل سەر ٢٥ ھزار دیناری ھێتە دانان و ٥٠ ھزار دیناری ژی دێ ھێتە چاپکرن و ب زمانێن کوردی، عەرەبی و ئینگلیزی دێ ل سەر ھێتە نڤێسین.

نەجیبا نەجیب، ئەنداما لژنا دارایی و ئابووری ل جڤاتا نوونەرێن عیراقێ ئاشکرا کر کو پارێ ١٠ ھزار دیناری ژی یێ ھاتیە چاپکرن، لێ ب زمانێ کوردی ل سەر نەھاتیە نڤێسین و گۆت: “پشتی ئەم پێ ھاتینە ھایدارکرن مە وەکو ئەندامێن کورد ل پەرلەمانێ عیراقێ مایتێکرن تێدا کر و ئەم بزاڤێ دکەین ل دووڤ دەستوورێ عیراقێ کو زمانێ کوردی ل سەر بیت و پارێ ١٠٠ دیناری ژی دێ ھێتە چاپکرن ئەو ژی دێ زمانی کوردی ل سەر بیت”.

نەجیبا خانێ گۆت ژی: “چاپکرنا پارێ نوو دێ گیرۆبیت و ل دووڤ داخویانیێن بەنکا ناڤەندی یا عیراقێ نوکە کار یێ تێدا دھێتەکرن و ئەم د رژدین کو زمانێ کوردی ل سەر پارێ نوو ھەبیت وەکو زمانێ عەرەبی، چونکو ئەڤ چەندە د دەستوورێ عیراقێ دا یا ھاتیە ئێکلاکرن”.

ئه‌ڤرۆ نيوز:

رێڤه‌به‌ريا چاڤدێريا بازرگانى راگه‌هاند كو ئه‌ڤرۆ رێكه‌فتى 23.10.2014 بهايێ دراڤى ل بازارێن پارێزگه‌ها دهۆكێ ب ڤى ره‌نگێ ل خوارێ يه‌:

ئەڤرۆ:

وەزارەتا بازرگانی و پیشەسازی ل حوکمەتا ھەرێما کوردستانێ گەھشتنا چەکێ پارێ گەنمێ جۆتیارێن ھەرێمێ ژ لایێ حوکمەتا عیراقێ ڤە بۆ ھەرێما کوردستانێ راگەھاند.

وەزارەتا بازرگانی و پیشەسازی ل سەر مالپەریَ خوە یێ فەرمی بەلاڤ کریە کو دوھی ٢٢/١٠/٢٠١٤ وەجبەکا دیتر یا چەکێن پارێ گەنمێ جۆتیاران گەھشتە بەنکێن ھەرێمێ.

پەیڤدارێ وەزارەتا بازرگانی و پیشەسازیا ھەرێما کوردستانێ ئەحمەد حسێن بۆ باسنیوز دیارکر کو ل حەفتیا بھێت دێ دەست ب دابەشکرنا پارێ گەنمی ل سەر جۆتیاران ھێتە کرن، ئاشکرا ژی کر کو ژ ڤی پارەی ٢٣ ملیار و ٦٨٥ ملیۆن دینار یێن جۆتیارێن پارێزگەھا ھەولێرێ نە، ٢٠ ملیار و ٧٥٥ ملیۆن دینار یێن جۆتیارێن پارێزگەھا دھۆکێ نە و یێن پارێزگەھا سلێمانیێ ژی ١٤ ملیار و ٥٠٤ ملیۆن دینارن.

ل دووڤ باسنیوز بەرھەمێ گەنمێ جۆتیارێن ھەرێما کوردستانێ ل سالا ٢٠١٤ پتر بوو ژ ٧٠٠ ھزار تەنان، کو ژ لایێ وەزارەتا بازرگانی و پیشەسازیا عیراقێ ڤە ھاتبوو کرین، بەلێ ھەتا نوکە ھەمی پارە نەھاتیە ھنارتن و ھەر جار پشکەک دھێتە فرێکرن.

ئەڤرۆ نيوز:

حوکمەتا ھەرێما کوردستانێ لژنەکا بلند بۆ سزادانا وان کەسان پێک ئینا ئەوێن دەست ل گەل بازرگانی کرنا نەفتێ ل گەل داعش ھەبیت، سەرۆکێ لژنا ژێدەرێن سروشتی ل پەلەمانێ کوردستانێ دبێژیت دێ ب قانوونا تیرۆرێ سەرەدەری ل گەل وان کەسان ھێتە کرن.

ئەمیندارێ گشتی یێ ھێزێن پێشمەرگێ کوردستانێ جەبار یاوەر بۆ باسنیوز دیارکر کو لژنەکا بلند بۆ دووڤچوون و دەستەسەر کرنا وان کەسێن دەست ل گەل بازرگانیا نەفتێ ل گەل داعش ھەی ھاتیە پێک ئینان، ئاشکرا ژی کر کو لژنە ژ ھەر ئێک ژ وەزیرێ ناڤخۆ کەریم شنگالی، وەزیرێ پیشمەرگەی مستەفا سەید قادر و بەرپرسێن بلندێن ئاسایشا ھەرێمێ پێک دھێت.

سەرۆکێ لژنا ژێدەرێن سروشتی ل پەرلەمانێ کوردستانێ شێرکۆ جەودەت دیارکر کو ‌ئەو کەسێن پەیوەندیەکا بازرگانی ل گەل رێکخراوەکا تیرۆستی دکەت دێ ل دووڤ قانوونا تیرۆرێ سەرەدەری ل گەل ھێتە کرن.

لژنا قانوونی ژی ل پەرلەمانێ کوردستانێ دیار دکەت کو ھەکە بازرگانیا کەسەکی ل گەل داعش ب بەلگە بھێتە ئێک لاکرن حوکمێ ئەو کەسێن ڤی کاری دکەن سێدارەدانە و دێ وەکو چەکدارێن داعش ھێنە ھژمارتن، چونکو دێ ب ھەڤپشکێن تاوانێ ل دووڤ قانوونێ ھێنە ھژمارتن.

جێگرا سەرۆکا لژنا قانوونی ل پەرلەمانێ کوردستانێ بھار مەحموود دیارکر کو مادێ ١٠ ژ قانوونا تیرۆرێ ل ھەرێما کوردستانێ دبێژیت ھەر کەسەک ھاریکاریا گرۆپەکێ تیرۆرستی بکەت وەکو بکەر یان ھاندەر یان بشکدار دێ ب ھەمان سزایێ تاوانباری ھێتە سزا دان.