ئه‌ڤرۆ نيوز:
وه‌زيرێ به‌ره‌ڤانيا عيراقێ پشتى ده‌ستبكاربوونا وى، داخوازێ ژ هه‌رێمێ دكه‌ت ئه‌و كه‌سێن ژ عيراقێ ره‌ڤينه هه‌ولێرێ، راده‌سته عيراقێ بكه‌ت و شێرێ مالكى ژى دبێژيت: “ڤێ جارێ دێ شه‌رى ل گه‌ل هه‌ولێر كه‌ين”.
پشتى ده‌ست بكار بوونا وى وه‌كو وه‌زيرێ به‌ره‌ڤانيا عيراقێ، خالد عوبه‌يدى، ب تۆرا ده‌نگوباسێن عيراقێ راگه‌هاند: “پێدڤيه هه‌موو ئه‌و كه‌سێن ژ لايێ دادگه‌هێ ڤه هاتينه داخواكرن، بهێنه ده‌سته‌سه‌ركرن ب تايبه‌ت ئه‌وێن ب تۆمه‌تا ماددێ تيرۆرێ هاتينه ده‌سته‌سه‌ركرن”.
د داخۆيانيا خوه دا، كو خه‌ندان ژێ به‌لاڤكريه داخوزا ژ هه‌رێمێ كريه، كو هه‌موو ئه‌و تۆمه‌تبارێن دادگه‌هێ داخواز كرى، راده‌ستى به‌غدا بكه‌ت”، ئه‌ڤه دبيته داخۆيانيا ئێكێ يا وه‌زيرێ به‌ره‌ڤانيێ پشتى ده‌ست بكار بوونێ.
دبێژيتژى: “دڤێت هه‌رێم بۆ ژناڤبرنا تيرۆرێ گه‌له‌ك هاريكاريا به‌غدا بكه‌ت”.
ژ لايه‌كێ دى ڤه خه‌ندان ژ زارێ راديۆ نه‌وا به‌لاڤكريه كو ل ده‌مێ بنگه‌هێن ناڤ نڤيسنێ بۆ گه‌ل سۆپايێ عيراقێ ل دياله، عه‌بدولئه‌مير زه‌يدى فه‌رماندێ ئۆپه‌رسيۆنێن ديجله ب وان گه‌نجان گۆتي: “ڤێ جارێ سۆپايێ نوو يێ عيراقێ دێ روو ب رووى كوردان بيت”.
هه‌ر ب گۆره‌ى وان پێزانينێن وان به‌لاڤكرين، گه‌له‌ك ژ وان گه‌نجان ڤه‌گه‌رياينه ڤه و ناڤێن خوه تۆمار نه‌كرينه، چونكو يێن ده‌ڤه‌رێن كوردان بووينه و كورد بوون.
نيشاندان