ئه‌ڤرۆ نيوز:
وه‌لاتيێن ئه‌فريقيا ب شێوازێن سه‌ير يێن پرچێ دهێنه نياسين، ئه‌ڤێن ل خارێ چه‌ند شێوازێن ديزاينا پرچێ نه ل وه‌لاتێن ئه‌فريقى و ژ لايێ كه‌سانێن پيست ره‌ش ڤه هاتينه دروست كرن.
نووترين نووچه
- سەرۆك بارزانی: دانوستاندنێن ئالییان بۆ پێكئینانا حوكمەتێ دێ ب سەركەفتییانە هێنە ئەنجامدان
- نێچیرڤان بارزانی: كریارا تیرۆرستییا خورماتوو سەلماند كو تیرۆر هێشتا مەترسییەكا راستەقینەیە
- دوپاتیێ ل پێشڤەبرنا هەماهەنگیێ د ناڤبەرا پێشمەرگەی و لەشكرێ ئیراقێ دا بۆ چەسپاندنا ئارامیێ ل دەڤەرێن كوردستانی دكەین
- سەرۆكێ حوكمەتا هەرێمێ: پێدڤییە ب زووترین دەم، پرۆسەیا هنارتنا پەترۆلێ دەست پێ بكەت
- فازل میرانی: مام جەلالی شێوازێ (دێ گوهۆڕین و شكێنین و دەركەین) ل گەل پارتی ب كارنەدئینا
- هیڤیدارین ئەنجامێن هەلبژارتنان د خزمەتا ڤەژاندنا هەرێمێ دا بن
- پێدڤییە وەلاتی ژ ململانێیا هەرێمی دووربێخین
- كۆمبوونا مەسرور بارزانی و سۆدانی دێ ئەنجامێن باش هەبن
- سەرۆكێ هەرێما كوردستانێ و قونسلێ ئەلمانیا پێكئینانا حوكمەتا هەرێمێ گەنگەشەكر
- نێچیرڤان بارزانی پێشوازی ل قونسلێ مسرێ كر
سه‌ره‌كى نووترين نووچه
جه‌عفه‌رى: پارێ دربێن ئه‌سمانى ناده‌ين و ناخوازين هێرشێن ئه‌ردى ئه‌نجام بده‌ن
ئه‌ڤرۆ نيوز:
وه‌زيرێ ده‌رڤه يێ عيراقێ راگه‌هاند كو ئه‌و پارێ هه‌ڤپه‌يمانان هه‌مبه‌ر دربێن وان يێن ئه‌سمانى ل دژى داعش ناده‌نێ و دڤێت هه‌پڤه‌يمان هه‌موو وى پاره‌ى بده‌ن.
جه‌عفه‌رى د كۆنگره‌كێ رۆژنامه‌ڤانى دا ل جڤاتا نوونه‌رێن عيراقێ گۆت: “پارێ هێرشێن ئه‌سمانى دێ ل سه‌ر وه‌لاتێن هێزێن ئه‌سمانى بكار دئينن بيت و عيراق نه‌يا ئاماده‌يه چو پاره‌ى بده‌ت”.
هه‌ر وه‌كو تۆرا ميديا عيراقێ به‌لاڤكرى: “نابيت بێى ره‌زامه‌نديا عيراقێ هه‌پڤه‌يمان دربان ب وه‌شينن و چو لايه‌نان داخوازا هێزێن سه‌ر ئه‌ردى ژ عيراقێ نه‌خواستينه”.
ئاشكه‌را ژى كر كو نوكه وه‌لاتێ وى يێ روو ب رووى هێرشێن دژوارێن تيرۆرستى دبيت و يێ د ره‌وشه‌كا نه‌باش دا د بۆريت ل سه‌ر گه‌له‌ك ئاوايان و كارێ رژد بۆ ئاڤاكرنا هێزێن ئه‌منى دێ گرێداى وێ چه‌ندێ بيت كو ئێدێ عيراقێ پێدڤى ب هێزێن بيانى نه‌بيت و گۆت: “رێ دانا هێزێن بيانى دێ ب رێيا جڤاتا نوونه‌ران بيت و وێ ژى رێ نه‌دايه چو هێزان بهێنه ناڤا عيراقێ”.
گۆتژى: “مه بزاڤ كر ئيرانێ پشكدار كه‌ين ل ناڤ هێزێن هه‌رێمى و نێڤده‌وله‌تى بۆ دژايه‌تيكرنا تيرۆرێ، به‌لێ سه‌رنه‌گرت، سه‌ره‌راى وێ چه‌ندێ كو رۆله‌كێ مه‌زنێ ل سه‌ر ئه‌ردى هه‌يى”.
وه‌زيرێ ژ ده‌رڤه ل هه‌مبه‌ر جڤاتا نوونه‌ران گۆت: “عيراق نه‌يا به‌رپرسه ژ چێكرنا چو هه‌ڤپه‌يمانيێن نێڤده‌وله‌تى بۆ روو ب رووى بوونا مه‌ترسيا داعش، سه‌ره‌راى كو حكومه‌تا عيراقێ ب هه‌موو ره‌نگه‌كى هێزێن سه‌ر ئه‌ردى بۆ ناڤا عيراقێ ره‌تدكه‌ت، ب تنێ وه‌كو رێكخۆشكه‌ره‌ك ل سه‌ر ئه‌سمانێ عيراقێ بۆ هێزێن چه‌كدار”.
جه‌عفه‌رى پێدڤيا عيراقێ ب چه‌كى بۆ روو ب رووى بوونا مه‌ترسيا داعش دا زانين و گۆت: “مه داخواز ژ چ وه‌لاتان نه‌كريه، پێدڤيێن سه‌ربازى بهنێريته سه‌ر عيراقێ و سه‌ره‌ده‌ريا ل گه‌ل وه‌لاتێن بيانى ژ لايێ سه‌ربازى ڤه دێ ب گۆره‌ى مه‌رجان بيت و ژ وان ژى ته‌نسيق ل گه‌ل هێزێن عيراقى و هاريكاريا ئه‌سمانى و نه‌دانانا دربان ب ئارمانجێن ناڤ باژێران و وه‌لاتيان نه‌كه‌نه ئارمانج و پاراستنا سه‌روه‌رى يا نشتيمانى و پشت به‌ستن ل سه‌ر هاريكاريا مرۆڤايه‌تى يا په‌نابه‌ران”.
رێژا باران بارينى د 24 ده‌مژمێرێن بۆرى دا
ئه‌ڤرۆ نيوز:
رێڤه‌به‌ريا گشتيا كه‌شناسيێ و بيڤه‌له‌رزێ ل هه‌رێما كوردستانێ راگه‌هاند كو د ماوێ 24 ده‌مژمێرێن بۆرى دا ل هه‌رێما كوردستانێ ژ ئه‌نجامێ كه‌فتنه به‌ر شه‌پۆلێن بلند و نزم يێن باران بارينێ رێژه‌كا زێده يا بارانێ ل هنده‌ك ده‌ڤه‌ران باريه.
رێژێن باران بارينێ ل هه‌رێمێ ب ڤى ره‌نگى نه:
دهۆك 9.5 ملم، رێژا گشتى 63.4 ملم.
زاخۆ 16 ملم، رێژا گشتى 54.4 ملم.
ئاكرێ 10.2 ملم، رێژا گشتى 29.8 ملم.
مانگێشك 11.2 ملم، رێژا گشتى 70.8 ملم.
بامه‌رنێ 19.6 ملم، رێژا گشتى 76.4 ملم.
هه‌ولێر 6 ملم، رێژا گشتى 26.5 ملم.
پيرمام 6.4 ملم، رێژا گشتى 79.8 ملم.
سۆران 2.6 ملم، رێژا گشتى 81.6 ملم.
خه‌بات 4.8
سلێمانيێ 11.5 پله رێژا گشتى 24.7 پله.
هه‌له‌بچه 0.2 پله.
كه‌ركووك نه‌باريه، رێژا گشتى 25 پله.
فرۆكێن جه‌نگى يێن هه‌ڤپه‌يمانا رێ نه‌دا داعش ل زۆمار پێشڤه‌بێت
ئه‌ڤرۆ نيوز، نيوار محه‌مه‌د سه‌ليم:
ژێده‌ره‌كى ژ ناڤا هێزێن پێشمه‌رگێ كوردستانێ راگه‌هاند كو پشتى چه‌كدارێن داعش بزاڤ كرين كو پێشره‌ويێ ل سنورێ ناحيا زۆمار بكه‌ت، فرۆكێن جه‌نگى يێن هێزێن هه‌ڤپه‌يمانا ب دژوارى ئه‌و ده‌ڤه‌ر تۆپبارانكرن و هێزێن داعش تێكشاندن.
ئه‌ڤى ژێده‌رێ پێشمه‌رگه‌ى يێ ئه‌ڤرۆ نيوز پاراستن ل سه‌ر به‌لاڤكرنا ناڤێ وى كرى دياركر كو ل شڤێدى هه‌تا ئه‌ڤرۆ سپێدێ فرۆكێن هێزێن هه‌ڤپه‌يمانان ب دژوارى ناڤا ناحيا زۆمار تۆپبارنكر، پشتى كو بزاڤ كرين پێشڤه بهێن.
ئاشكه‌را ژى كر كو نوكه هه‌موو پێدڤياتيێن سه‌ربازى ل به‌ر ده‌ستێ وان هه‌نه، به‌لێ ئه‌و ل هيڤيا ده‌مژمێرا هێرشكرنێ نه.
ئه‌ڤه ژ به‌رى جه‌ژنا قوربان وه‌ره و هه‌تا نوكه ئه‌و به‌ره‌يێ شه‌رى ل ژێر سه‌رپه‌رشتيا سه‌رۆكێ هه‌رێما كوردستانێ، مه‌سعود بارزانى، دهێته سه‌رپه‌رشتيكرن.
ڤێ حه‌فتيێ په‌رله‌مانێ ئسپانيا تايبه‌ت دێ ل سه‌ر هه‌ڤكاريكرنا هه‌ڤپه‌يمانان كۆم بيت
ئه‌ڤرۆ نيوز، نيوار محه‌مه‌د سه‌ليم:
فه‌رمانگه‌ها ده‌رڤه يا په‌يوه‌نديێن هه‌رێما كوردستانێ راگه‌هاند كو د سه‌ره‌دانا خوه يا ئێكێ دا بۆ كوردستانێ پشتى ده‌ست بكاربوونێ، بالوێزێ نوو يێ ئسپانيا سه‌ره‌دانا فه‌رمانگه‌ها په‌يوه‌نديێن ده‌رڤه يێن هه‌رێما كوردستانێ كر و راگه‌هاند كو د ڤێ حه‌فتيێ دا، په‌رله‌مانێ ئسپانيا دێ روونشتنه‌كا تايبه‌ت ل دۆر چاوانيا هه‌ڤكاريكرنا هه‌ڤپه‌يمانان كۆم بيت.
عه‌بدولخالق محه‌مه‌د ژ فه‌رمانگه‌ها په‌يوه‌نديێن ده‌رڤه يا حوكمه‌تا هه‌رێما كوردستانێ بۆ ئه‌ڤرۆ نيوز گۆت: ” د سه‌ره‌دانا خوه يا ئێكێ دا بۆ كوردستانێ پشتى ده‌ست بكاربوونێ، بالوێزێ نوو يێ ئسپانيا ل عيراقێ، خوسێ مارييا فێررێ، سه‌ره‌دانا باره‌گايێ په‌يوه‌نديێ ژ ده‌رڤه يێن هه‌رێمێ ل هه‌ولێر كر و ژ لايێ فه‌لاح مسته‌فا ڤه هاته پێشوازيكرن”.
ئاشكه‌را كر كو پشتى پيرۆزباهيێ، فه‌لاح مسته‌فا، ته‌كست ل سه‌ر وێ چه‌ندێ كر كو هه‌رێم گرنگيێ دده‌ته په‌يوه‌نديێن خوه ل گه‌ل وه‌لاتێ ئسپانيا د وارێ سياسى و ئابوورى و كه‌لتۆرى و وه‌رزشى دا و هيڤى خواست كو ئسپانيا پرۆژێن خوه ل هه‌رێمێ زێده‌تر لێ بكه‌ت.
خويا ژى كر به‌رپرسێ فه‌رمانگه‌ها په‌يوه‌نديێن ژ ده‌رڤه يا حوكمه‌تا هه‌رێما كوردستانێ جه‌خت ل سه‌ر وێ چه‌ندێ كر كو نوكه هه‌رێما كوردستانێ يا ب درێژاهيا 1000 كيلۆمه‌تران شه‌رى ل گه‌ل داعش دكه‌ت و ئه‌ركێ هه‌رێمێ گه‌له‌ك يێ گرانه.
عه‌بلدواخالق گۆتژى: “دبه‌رامبه‌ر دا بالوێزێ ئسپانيا نه‌ره‌حه‌تيا خوه ل سه‌ر ئه‌و كاودانێ، نوكه يێن عيراقێ دياركر و ستايشا رۆلێ سياسه‌تا حوكمه‌تا هه‌رێما كوردستانى د راگرتنا ئارامى و سه‌قامگێريا ده‌ڤه‌رێ دا كر”.
زێده‌تر گۆت: “بالوێزێ ئسپانيا ته‌كست ل سه‌ر په‌يوه‌نديێن بازرگانى و سياسى ل گه‌ل هه‌رێما كوردستانێ كرن و گۆت كو ئه‌و سه‌رمايه‌دارێن ئسپانيا پالدده‌ن كو ل هه‌رێما كوردستانێ كار بكه‌ن”.
ئاماژه ب وێ چه‌ندێ ژى كر كو بالوێزێ ئسپانيا ئاشكه‌را كر كو د ڤێ حه‌فتيێ په‌رله‌مانێ ئسپانيا دێ تايبه‌ت ل سه‌ر پرسيا هه‌ڤكاريكرنا هێزێن هه‌پڤه‌يمانا كۆم بيت و دووماهى هه‌لويسێ خوه ل سه‌ر هه‌ڤكاريا وان ده‌ت و گۆت كو ئه‌و به‌رده‌وام هه‌ڤكاريا هه‌رێمێ ل شه‌رێ دژى تيرۆرێ كه‌ين.
ل دووماهيێ ژى گۆت: “د ته‌وه‌ره‌كێ دژى دا به‌حس ل پشكداريكرنا هه‌رێمێ د حوكمه‌تا نوو يا به‌غدا دا كر و فه‌رمانگه‌ها په‌يوه‌نديێن ژ ده‌رڤه ژى به‌حس ل داخوازيێن گه‌لێ كورد كر پابه‌ندنه‌بوونا حوكمه‌تا فيدرال ب دستوورى و نه‌هنارتنا بودجا هه‌رێمێ”.
وێنه: كۆمپانيێن جيهانى ژ به‌ر داعش ناڤێ خوه د گوهۆڕن
ئه‌ڤرۆ نيوز:
ژ به‌ر كورتكرنا ناڤێ وان ب ISIS كۆمپانيێن ئه‌مريكى ده‌ست ب گۆهاڕتنا ناڤێ خوه كرن ژ به‌ر كو ب ئنگليزى دبيته كورتكريێ ناڤێ ده‌وله‌تا ئيسلامى ل عيراق و شامێ ، داعش.
هه‌ر وه‌كو پارێزه‌ره‌كى ب ناڤێ دين عه‌بدولا بۆچوونه‌ك ل CNN به‌لاڤكرى؛ يان دڤێت ئه‌ڤ كۆمپانيه پشته‌ڤانيا داعش بكه‌ن يان ژى ناڤێ خوه ب گوهۆڕن يان ژى بميننه وه‌سان ب هيڤيا وێ چه‌ندێ ژ به‌ر ناڤێ وان خه‌لك خوه ژ تشتێ وان نه‌ده‌ته پاش.
نڤيسينگه‌ها ئه‌مريكى يا شێواز و نيشانێن بازرگانى دياركر كو زێده‌ترى 270 كۆمپانيان كورتكريا ISIS يا بۆ خوه ب كار ئينايى ژ كۆمپانيێن ساخله‌ميێ هه‌تا يێن دگه‌هيته پرچا ده‌ستكرد.
كۆمپانى دێ پتر بزاڤێ كه‌ن ناڤێ خوه ب گوهۆڕن هه‌ر وه‌كو عه‌بدولا دبێژيت: “هه‌ر وه‌كو زنجيرا تله‌ڤزيونى يا “Archer” كو زنجيره‌كا كارتونى يا كۆمێدى يه و ل دۆر جاسوسه‌كێ ئه‌مريكى يه كو گرێداى رێكخراوان “ISIS” يا نهێنى يه، راگه‌هاند كو ئه‌و ئێدى په‌يڤا “ISIS” ب كار نائينن و كه‌نالێ “FX” ژى ئه‌وێ وێ زنجيرێ به‌لاڤ دكه‌ت بڕيار دا ئێدى كۆلاڤ و چانتێن ماركا “ISIS” نه‌فرۆشن”.
ديسا خزمه‌تا “Isis Wallet” يا به‌لاڤكرنا مۆبايلێن ژير كو پرۆژه‌كێ هه‌ڤپشكه د ناڤبه‌را كۆمپانيێن په‌يوه‌نديان دا ل ئه‌مريكا ژ وان ژى “AT&T” و “T-Mobile” و “Verizon” كو ناڤێ خوه بۆ “Softcard” گوهۆڕى.
ديسا “ISIS Hookah Café” ژى دخوازيت ناڤێ خوه ب گوهۆڕيت، به‌لێ ژ به‌ر باجا گوهۆڕينا لافيتا جهى شيانێن دارايى رێ ناده‌نێ وى كار بكه‌ت.
عه‌بدولا دبێژيت: “ده‌ما خه‌لك دبينيت دێ بێژيته يێ ل گه‌ل خوه ته‌ماشه كه، ئه‌ڤ رێكخستيا تيرۆرى ئه‌وا ل رۆژهه‌لاتا ناڤين يا شيايى ل ئه‌مريكا كافيه‌كێ ڤه‌كه‌ت”.
گيان ژ ده‌ست دانا حه‌جيێن دهۆكێ ل سعوديێ يا به‌رده‌وامه
ئه‌ڤرۆ نیوز، سالار دۆسكى:
شڤێدى ل مه‌ككه‌ها پیرۆز حه‌جیێ شه‌شێ یێ كوردستانێ وه‌غه‌ركر و دبیته حه‌جیێ پێنجێ یێ پارێزگه‌ها دهۆكێ و ژڤانه د رێ و ره‌سه‌كێ ئاینى دا يێ ژ هه‌ژى دا ل مه‌ككه‌هێ بهێته‌ڤه‌شارتن.
حه‌جى ئوسمان مۆسا بۆتى خه‌لكێ باژێرێ دهۆكێ یه شه‌ڤا 17 ل سه‌ر 18\10 ده‌مژمێر (1.30) شه‌ڤ وه‌غه‌را دووماهیێ كر و ژڤانه ل گۆرستانا مه‌ككه‌ها پیرۆز بهێته ڤه‌شارتن.
ئه‌ڤه دبیته حه‌جیێ شه‌شێ یێ كوردستانێ و پێنجێ یێ پارێزگه‌ها دهۆكێ ل مه‌ككه‌ها پیرۆز ئه‌ڤ ساله دچیته به‌ردلوڤانیا خودێ.
به‌غدا ب شه‌ڤ دبیته ده‌ریایا خوینێ 5 په‌قین و 221 قوربانى
ئه‌ڤرۆ نیۆز:
به‌رى ده‌مه‌كى ترۆمبێله‌كا مینرێژكرى نێزیكى بالیۆزخانا ئه‌لمانى ل ده‌ڤه‌را (ئه‌لمه‌سبه‌ح) ل كه‌راد ل نیڤا به‌غدا كو ئارمانج ژێ بنگه‌هێ ئێمناهیى و هه‌والگیرى یا سه‌رب وه‌زاره‌تا ناڤخوه‌یا عیراقێ یه و ب ده‌هان كوشتى و بریندار ژ پۆلیسان كه‌تن.
هه‌ڤده‌م بڕیارا كرتن و داخستنا جادا ره‌بیع ل تاخێ زه‌یونه بۆ ده‌مێ چار رۆژان هات راگه‌هاندن ب سه‌رده‌ما ترسا په‌یدابوونا په‌قینان، ده‌نگۆباسێن ناڤخوه‌یا عیراقێ راگه‌هاندن هژماره‌كا ترۆمبیلێن مینرێژكرى ل ده‌ڤه‌را سلێخ كو ئارمانجا وێ كازینویا نێزیكى یانا سلێخ یا وه‌رزشى و بنگه‌هێ باژێرڤانیێ و ده‌ڤه‌را حه‌مزه و حه‌بیبیه ل به‌غدا په‌قین ئه‌نجامێن وان په‌قینان هژماره‌كا زورا كوشتى و بیندار هه‌بوون.
BBC: گرۆپه‌كێ نهێنى یێ هوله‌ندى ل گه‌ل پێشمه‌رگه‌ى شه‌رێ داعشێ دكه‌ن
ئه‌ڤرۆ نیۆز:
گرۆپێ نهێنى یێ هوله‌ندى ب ناڤێ (نه بۆ موسلمانكرنێ) گه‌هشتنه هێزێن پێشمه‌رگه‌ى و دژى چه‌كدارێن ده‌وله‌تا ئیسلامى یا داعشێ شه‌رى دكه‌ن، سه‌رۆكێ گرۆپێ ناڤبرى كلاس ئوتتو گۆت: گرۆپێ مه به‌رى نوكه دناڤ رێزێن له‌شكرى دا بوون هنده‌ك هێزا ده‌ریاینه و هنده‌ك سه‌بازن، زێده‌بارى وێ خوه‌یاكر، پشتى مه كریارێن هۆڤانه یێن سه‌ر بڕینى دیتین مه بڕیار دا هه‌موو شیانێن خوه بۆ مه‌شق و راهێنانێن پێشمه‌رگه‌ى ته‌رخان بكه‌ین.
ئوسامه نوجێفى: گرۆپێن فیدائى ل موسل دژى داعشێ هه‌نه و ئه‌م پشته‌ڤانیێ لێ دكه‌ین
ئه‌ڤرۆ نیۆز:
دهه‌ڤدیتنه‌كا تایبه‌ت دا بۆ كه‌نالێ (BBC ) جێگرێ سه‌رۆك كومارێ عیراقێ راگه‌هاند، ل باژێرێ مووسل مه گرۆپێن فیدائى یێن دژى داعشێ هه‌نه و ئه‌م پشته‌ڤانیا وان دكه‌ین، ئه‌فسه‌رێن به‌رێ یێن له‌شكرێ عیراقێ ب كارێن مه‌شق و راهێنانێن گرۆپێن فیدائى دكه‌ن، هه‌روه‌سا ئوسامه نوجێفى خوه‌یاكر، باژێرێ مووسل دێ هێته ئازادكرن ژ ده‌ستێن چه‌مدارێن داعشێ به‌لێ دڤێت ره‌وشه‌كا سیاسى یا گونجاى و پشته‌ڤانیا ته‌ماما نێڤده‌ولى بۆ هه‌بیت.
سه‌باره‌ت پرسا مه‌شق و راهێنانێن پارێزگه‌هێ مووسل ل سنۆرێ پارێزگه‌ها دهوكێ ب هنده‌ك چه‌كدارێن سونى دكه‌ت، جێگرێ سه‌رۆك كومارێ عیراقێ ئاماژه‌دا هندێ ئه‌و مه‌شق و راهێنان راسته ل وێ پارێزگه‌هێ هه‌یه به‌لێ بتنێ بۆ كارمه‌ندێن پۆلیسان دهێنه كرن.
ئوسامه نوجێفى هه‌روه‌سا گۆت: په‌رله‌مانێ عیراقێ دێ سوبه‌هێ رێككه‌فتنێ ل سه‌ر دامه‌زراندنا هه‌ردو به‌ربژارێن پۆستێ وه‌زاره‌تا ناڤخوه و وه‌زاره‌تا به‌ره‌ڤانیا عیراقێ كه‌ت.
نيشاندان
WP Facebook Auto Publish Powered By : XYZScripts.com