ئهڤرۆ نيوز:
دووماهى ههڤركيێن شهرڤانێن يهكينهيێن پاراستنا گهل و چهكدارێن دهولهتا ئيسلامى داعش.
نووترين نووچه
- پشتی فشـارێن ئەمریکـا شـەڕێ ل حەلەبێ هـاتە راگـرتن
- نێچیرڤان بارزانی خواستا هەرێما كوردستانێ بۆ پێشڤەبرنا هەڤبەندییان ل گەل پۆلەندا دوپاتكر
- مەسرور بارزانی و سیسی دوپاتیێ ل پێشڤەبرنا وەبەرهێنان و بازرگانییا دو ئالییانە دكەن
- زوهێر عەبدولمەسیح ئەكتەر و دەرهێنەرەكێ نیشتمانپەروەر بوو
- چارچۆڤەیێ هەماهەنگیێ داخوازا گەرەنتییا نێڤدەولەتی بۆ هەلوەشاندنا گرۆپێن چەكدار دكەت
- د. بەشیر حەداد: پێكئینانا حوكمەتا نو یا ئیراقێ دێ گیرۆبیت
- مەتران بەشار وەردە: بۆ زڤڕینا كریستیانان، ئیراق پێدڤی ب ئارامییا سیاسییە
- مەسرور بارزانی ب هەلكەفتا جەژنا رۆژیێن ئێزی پیرۆزباهیێ ل ئێزدییان دكەت
- هاریكارییا خەلكی بۆ زیانڤێکەفتیێن چەمچەمالێ جهێ رێزێیە
- مەسرور بارزانی و ئەحمەد ئەلجەربا دوپاتی ل گرنگییا پاراستنا مافێن گەلێ كورد و پێكهاتەیێن سووریێ كر
سهرهكى نووترين نووچه
“ژ بهر كاودانێن ئهمنى نهشيايين گهنمێ جۆتياران ههموويێ وهرگرين”
ئهڤرۆ نيوز، ناجی بهدهل:
رێڤهبهرێ سایلویا فایدیێ نازم محهمهد عهلی بو ئهڤرۆ نیوز راگههاند كو ب گۆرهى ئهو خشتێ ل بهغدا هاتيه دياركرن، ههتا 5\8 وهرگرتنا گهنمى ل سايلۆيا فهيديێ يا بهردهوام بوو.
ناڤبری دازانين كو ل دهڤهرێن چیايی، بهرههمێ وان درهنگ گههشت و بۆ ئهگهرێ وهر نهگرتنا گهنمێ مايی و گۆت: “مه دهستوورى نينه، ژبلى ئهو نهخشێ بۆ مه هاتيه وهرگرن گهنمى ل سايلۆيێ وهرگرين”.
زێدهتر گۆت: “دهمێ بڕيارا راوهستاندنا گهنمى هاتيه دان، هێشتا ل گهلهك جهێن چيايى دروون نههاتبوو كرن”.
دا زانين ژى كو سايلۆيا فهيديێ جهێ 30 هزار تهنان ب تنێ ههيه و زێدهتر نهشێت ب ههلگريت و گۆت: “ژ بهر جۆتياران مه 72 هزار ته وهرگرتينه”.
نهڤهشارت ژى كو ل سالێن بۆرى ژ بهر كو بۆ خواريا عيراقێ دهاته هنارتن، گهنمێ خهلكى ههموو دهاته وهرگرتن و گۆت: “ژ بهر رهوشا ئهمنى يا عيراقێ نهشياينه گهنمى بۆ چ جهێن دى رهوانه بكهين”.
نازم محهمهد ئهو ژى دا زانين كو نها كار بۆ وێ چهندێ دهێته كرن كو گهنمێ وهرگرتى يێ زێده ل گۆرهپانان بهێته بهلاڤكرن دا كو بهێته پاراستن و زيان نهگههيتێ.
شهر گههشته بهغدا
ژێدهرێن ئهمینی ئاشكهراكرن ل نێزیك بالهفرخانا بهغدا شهر و پهڤچونێن توند و دژوار دناڤبهرا لهشكهرێ عیراقێ و ترۆریستێن داعشی رۆدایه و رهوشا ئهولهكاریێ ل بهغدا نه جیگیره و هێزێن ئهمنی ب شێوهیهكێ بهربهلاڤ دناڤا جادهیان دا بهلاڤ بوینه.
سپێدههیا ئهڤرۆ شهر و پهڤچون دناڤبهرا لهشكهری عیراقێ و داعشی ل دهڤهرا زراعیه نێزیك بالهفرخانا بهغدا یا نێڤ دهولهتی یه .
بهریا چهند رۆژهكان بهرپرسهكێن بلندێن عیراقێ ب ئاژانسین نوچهگههانیان راگههاند بون كو 10 ههزار چهكدارێن داعشێ ل دوراتیا 13 كیلومهترا ل دهرازینكا بهغدا كومبو ب مهبهستا هێرشكرنا سهر بهغدا.
ههروهسا جهنهرال مارتن دێمسی د ههڤپهیڤینهكێ دا ل گهل كهنالی ئهی بی سی دیاركر بو :گهلهك نهما بو چهكدارین داعشی بكهڤنه ناڤ بالهفرخانا بهغدا و بتنێ 25 كیلومهتر ژێ دور بون لی ب هێرشهكا ههلیكوپتهرین ئهپاتچی هاتنه پاشڤهبرن.
بهرههڤكرن، ناجی بهدهل:
ئهڤرۆ رۆژا شینیێ یه ل ههرێما كوردستانێ
ناجی بهدهل
حكومهتا ههریما كوردستانێ ئهڤرۆ سێشهمبی كره رۆژا شینیێ وهك ههڤخهمیهك بو كهس و كارێن شههیدێن تهقینا قهرهتهپه.
رۆژا ئێك شهمبێ د تهقینهكا خوكوژیێ دا ل قهرهتهپه نێزیكی 40 پێشمهرگه و ئاسایش و وهلاتی شههید بون و زێدهتر ژ 100 كهسێن دن ژی بریندار بون.
ئهنجومهنێ وهزیرێن حكومهتا ههریما كوردستانێ زور ب توندی ئهو كریارهیا تیروری شهرمزار كر سهرخوشی ئاراستهی كهس و كارێن شههیدان یێن ئهوێ كارهساتێ كر و هیڤیا باشبونا بلهزا بیرنداران خوسات.
حكومهتا ههریما كوردستانێ د راگههاندنهكێ دا پابهندبونا هێزێن پێشمهرگهی و ئاسایشا ههریما كوردستانێ بو ریب ریب بونا توندوتیژیێ دوبات دكهت.
د ئهوێ بهیاننامهیێ دا هاتیه رێزگرتن ل گیانێ پاكێ شههیدان و حكومهتا ههرێما كوردستانێ ئهڤرۆ رۆژا سێ شهمبێ 14\10\2014 كره رۆژا شینیێ ل ههرێما كوردستانێ .
ئهڤرۆ سپێدی چهكدارین داعش 40 پولیس ل موسل رهڤاندن
ئهڤرۆ نيوز، لهزگین جۆقی:
بهرپرسی راگههاندنا لقێ 14 يێ پارتی دیموكراتی كوردستان سهعید مهموزینی بۆ ئهڤرۆ نيوز دیاركر كو ئهڤرۆ سپێدی 13/10/2014 چهكدارێن داعش ل پارێزگهها مووسل دهست ب گرتنا پولیسان كر د ئهنجام دا 40 پولیس دهستهسهركرن و بهرهڤ جههكێ نهدیار برن.
سهعید مهموزینی ئهوژی خویاكركو ئهڤ پوليسێن هاتینه دهستهسهركرن ژ لایی چهكدارێن داعش ڤه نهشیابوون خوه قورتال بكهن مابوونه ل مووسل وداعش ئهو پشت راستكربوون كو چو ل وان ناكهت، لێ ئهڤرۆ سپێدی دهست ب گرتنا پولیسان هاته كرن 40 ژ وان دهستهسهركرن.
مهموزینی ئاشكرا كركو ههر ئهڤرۆ سپێدێ 13/10 ل تاخی زيراعه ل مووسل پینچ چهكدارێن داعش هاتنه كوشتن و خهلك ل مووسل ب ههموو شیوهیان نه ئارامیا خوه ژ چهكدارین داعش دبینن چونكو داعش یا ههموو كارین هوڤانه بهرامبهر وهلاتین مووسل ئهنجام دهت و حهفت كهس ل سهربازگهها خزلانیه سیدارهدان.
ڤيديۆ: فلمێ حسێن حهسهن و هێلى لۆڤ چو د بهريكانا ئۆسكار دا
فلمێ مهردان ژ دهرهینانا بهتین قوبادی یه و چیرۆكا پێشمهرگهیهكێ كورد ڤهدگهریت كو ژ زارۆكینیێ وهره دیاردهیهكا نهخوش روو ب رووى وی دبیت و دبیته مرۆڤهكێ دوورخستی و ب تنێ، لهیلا كو هێلی لوڤ رۆلێ وێ دیتی یه و د ناڤ چیایێن كوردستانێ دا ل دووڤ زهلامهكێ بهرزه بووی دا دگهریت.
ههروهسا ئهڤ فلمه ل لیستا مالپهرێ فهرمیێ خهلاتێ ئوسكار دا هاتیه بهلاڤكرن كو ژ لایێ وهزارهتا رهوشهنبیری كو فلمێ ب تنێ یه نوونهراتیا فلمێ عیراقێ هاتیه ههلبژارتن و ئهڤ ساله دڤێ فیستهڤالی دا 83 وهلات بهریكانیێ دكهن بۆ برنا خهلاتی.
ئهڤ فلمه ژ قارهمانيا ئهكتهر و دهرهێنهرێ ب ناڤێ دهنگ حسێن حهسن و هۆنهرمهندا كورد هێلى لۆڤێ يه.
بهرههڤكرن، ناجى بهدهل:
بزاڤا گۆهاڕتنا پاریزگاری مووسل دههێته كرن
ناجی بهدهل
كوتلهیا نههزهیا مهزن ل جڤاتا پاریزگهها نهینهوا پرۆژێ قانوونهكێ يێ پێشكێشى جڤاتێ كرى ژ بوو ژ سهر كارخستنا ئهسيل نۆجێفى وهكو پارێزگارێ مووسل.
ژێدهرهكى ژ جڤاتا مووسل ب ئهڤرۆ نیوز گۆت: “پرۆژێ قانوونهكێ ژ لایێ سهرۆكێ كوتلهیا نههزهیا مهزن بۆ جڤاتا پارێزگهها نهینهوا هاتيه رهوانه كرن ب مهرهما راكرنا ئهسل نوجهیفی، بهلێ ههتا نها دهنگێن پێدڤی ل گوریی قانوونێ ب دهست ڤه نهئيناينه و نهشیاینه كۆم بكهن”.
ههروهسا ئهوی ژێدهری دیار كر ژ بهر نه تهمام بوونا رێژا قانوونى يا دهنگدانێ لایهنێ كوردی هێشتا چ بریار نهداینه دڤی بیاڤی دا، بهلێ دهما پێدڤی بكهت و ل گوری بهرژهوهندا گشتی دێ بریارا خوه ب زهلالی دهت.
ئهڤرۆ فهرماندهیێ پولیسێن ئهنبار هاته كوشتن
ناجی بهدهل
چاڤكانیین راگههاندنێ یێن پولیسێن ئهنبار راگههاندن: سپێدههیا ئهڤرۆ لیوا رۆكن ئهحمهد سهداك دلێمی فهر ماندهیێ پولیسێن ئهنبار ژلایێ تیرۆریستێن داعشێ ڤه هاته كوشتن.
هندهك تیرۆریستان بومبهكا چاندی ل تاخێ ئهبۆ ريشه ل روومادى ب كاروانێ ترۆمبێلین فهرماندهیێ پولیسێن ئهنبارڤه تهقاند و دهملدهست ناڤبری هاته كوشتن.
ههتا نوكه ژى چو لايهنان بهرپرساتيا خوه ژ ڤێ كريارێ رانهگههاندى يه.
ساخلهمى چاڤدێريا ئاوارێن كۆبانێ يێن هاتينه دهۆكێ دكهت
ئهڤرۆ نيوز، ناجی بهدهل:
ل گهل بریارا ڤهكرنا دهرگههێن توخیبی ژ لایێ سهرۆكاتیا ههرێما كوردستانێ و هاتنا وان بۆ ههریما كوردستانێ ، رێڤهبهریا ساخلهمیا پارێزگهها دهۆكێ تیمێن تایبهت بۆ چارهسهریێ و ساخی و سلامهیتا خهلكێ كوبانێ ل سهر خالا توخیبیا ئیبراهیم خهلیل هاتين ئامادهكرن.
رێڤهبهرێ راگههاندنا ساخلهمیا گشتی یا پاریزگهها دهۆكێ، حهمزه رهزیكی، بۆ ئهڤرۆ نیوز گۆت: “مه تیمێن چارهسهریێ د ناڤ ئاواران دا پێك ئیناینه دا و بهردهوام د ناڤ دا دگهريێن، پیدڤی یێن دهرمانی و چارهسهركریا ب لهز بۆ دهێتهكرن”.
رێڤهبهرێ راگههاندنا ساخلهمیا دهۆكێ خۆيا ژى كر كو پشتی ئهو كوچبهر دهێنه ڤه گوهاستن بۆ كهمپا گهویلان ئهوان بنگههێن سالخهمیێ ل وێرێ ژی ههنه و ههموو زارۆیێن وان یێن د ناڤبهرا ئێك رۆژی ههتا پێنج سالی و نههـ ههیڤی ههتا پێنج سالی ب دژی نهخوشیێن سوركا و فالنجا زارۆكان دێ هێنه فاكسیندان.
پارێزگارێ دهۆكێ: پێدڤيه بۆ ڤالاكرنا قوتابخانا لهز د چێكرنا كهمپان دا بهێته كرن
ئهڤرۆ نيوز، ئهكرهم ئيبراهيم:
پارێزگارێ دهۆكێ ئهڤرۆ 10\11 ل گهل تهڤایا رێڤهبهریێن گشتی یێن دهزگههێن خزمهتگوزاری ییێن توخیبێ پارێزگهها دهۆكێ كوم بوو و ل سهر چاوانیا گوهورینێن بهردهوامێن دهڤهرێ و سهرۆبهرێ ئاواران و قوناغێن كارێ چێكرنا كهمپان بو ئاوارهیان و رهوشا خاندنێ و گیرۆبونا وێ ل پارێزگههێ گهنگهشه ل سهر هاتهكرن و تهكست ل سهر بلهزكرنا كارین درۆستكرنا كهمپان د پێخهمهت ڤالاكرنا خواندنگههان و دهست پێكرنا پرۆسیسا خاندنێ .
ههروهسا د پارێزگارێ دهۆكێ بهحس ل سهر كارۆ چالاكیێن رهوشهنبیری و هونهری و جڤاكی بو خزمهتكرنا هشیاریا نهتهوهیی و جڤاكی كرن دڤێت ئهو ههمو خزمهته بو ئاراستهكرنا تاكه كهسی ل بن كریارا بهر ههم ئینانێ و ئاڤاكرنێ و پیكڤه ژیانێ بهێنه پالدان.
فهرهاد ئهترۆشیی پارێزگارێ دهۆكێ د وێ كوموبنا خو دا ل گهل رێڤهبهرێن گشتیی یێن خزمهتگوزاری ل سهر هاتنا وهرزێ زڤستانێ و پرۆژێن خزمهتگوزاری ل دور رێك و پران و هاتنوچونێ چهوانیا رێكخستنا هاتنوچونێ و بهلاڤكرنا كارهبێ و و سوتهمهنیێ و رهوشا ساخلهمیێ شرۆڤه ل سهر هاته كرن رێ و ئاوایێن پێدڤی بو داهتنه دانان.
نيشاندان
WP Facebook Auto Publish Powered By : XYZScripts.com